رواية ذيب الغربية الفصل السابع والعشرون 27 - بقلم طيبة وليد

رچفت زهراء ولزمت بطنها وجهها انخطف لونه واصفرت. انـدار عمار يباوع لزهراء ويضحك مستهزئ. عمار: شبيج زهوره چنچ ورس؟ نزلت دموع زهراء واني صافنه على الوضع كله غريب ومريب. زهراء تبجي ومصفرة وأزل ما مهتمة حتى تباوع بطرف عينها وعمار يضحك مستهزئ. بس! هذه كان توقعي، ما توقعت عمار إنسان شيطان لهل درجة! واكف عمار يضحك صاير بين أزل وبين زهراء. سرعان ما اختفت ضحكته ومد ايده سحب شعر أزل بأيده. صرخت أزل وأم عمار كامت بسرعة تحاول

تفك أزل منه وهو يصيح: عمار: لچ بتتتتت الكلبببببب انعععععل ابوووووج لابووووو الماعرف يررررربيج يااااا **** انعل حتى ***. شهكت بقوة حتى كفر كفر! وسب ويشتم بأبوها وبأزل. دفع زهراء كل حيله وكعت زهراء بالأرض تبجي. هدى من شافت عمار تخبل يضرب بأزل خافت. كانت بالبداية مشمتة وتضحك بس هسه خافت. رجليه بادن، لا بيه أروح أساعد أزل ولا بيه أكوم لزهراء. راحت هدى تركض جرت إيد عمار. عمار وسع عيونه كلها ورفع ايده ضرب هدى راشدي!

عيوني راح تطلع من مكانها كد ما فاتحتها. هدى وكعت تبجي بالأرض وتصيح بأسم أبوها. عمار يضرب بأزل بكل قوته. فقدت أزل بالأرض وهي غرگانه بدمها وهو ما وكف ضرب بيها أبد! وأم عمار تبجي وتجر بأيده وصاحت: أم عمار: ولـككك كاااافي تسوووي هيج بيه يبـن بطـني. عمار: اي خبصتينـييي يبن بطنٌي ويبن***. أم عمار كعدت تبجي وتنحب: ولك يمه هيج تسوي بيه ولك ليششش مو اني امممك؟

عمار: دنجـبي انعل ابو الساعة الصرتي بيها امي لأبو الساعة الصرت بيها ابنج. وخررري من كدام وجههي اريد اربي بناتج محد مربيهـن. وأم عمار تبجي وتنتفض: ولك روح ربي روحك يالماعندك تربيه. خل تسمععع الناسسس انـاا ما مخلففـه ولد انـاا مخلفه عاررر. مجرد ما كملت كلمتها رفع ايده عمار وضرب أمه راشدي كل قوته!!!! عيوني نجحظت واني أباوع ابن يضرب أمه!!! هذه منووو؟ هذه عماررر زوج لماررر!!! هذه عمارررر نفسسسه!!!

ولهنا تحملت تجاوزه على أمه وضربه الها. اكثر الماعون الكدامي شلته ورگعته براسه واني أصيح: ولك انته صدددك عاررر طممم روحكككك جيب لماررررر وينهااااا لككككك وينهااااا. انتفض ولا كانما ركعت ماعون براسه. نفض راسه ورفع راسه يباوعلي مجحظ عيونه عليه. عمار: لچ انتِ شتسووين هنااا؟ يمامه: انجب وخررررر. عمار: لچ دولـي منا انوب عليه بنات الشوارع. بلعت الغصة وهو يباوعلي منقرف. هذه نفسه عمار؟ هذه منو؟ هذه المأمنين يمه لمار؟

كلامه ونظراته شكله أيديه المليانة بـ دم أزل. أم عمار الكاعدة بالأرض تبجي وتنحب وهدى الوجهـا دم. رفعت ايدي وضربته راشدي كل قوتـي. وجهه نضره ألي مصدوم ومخنزر وضحك يحجي: عمار: لا هاهـيه انوب عليه بنات الشوارع الذابات روحهـن على الرايح والجاي بس يردن يخلصن من مجاعة المياتـم وتلفيهـن البيوت هاي تاليتي يمامه بت الشوارع الما مافيها بيت تضربني راشدي! وللللچ ايددددج اكسرووهـااا.

عاط اخير كلام وهو يتقرب واني رجعت ليوره خايفة. فجأه اندفـر الباب دخلو ثنين ولد، علي والثاني!!! الثاني الراوتيـاا ازل!!!! الي تحبببه!! دخلو يركضون انصدمو بالمنظر ومالحگو ينصدمون اگثر وعمار رفع ايده يريد يضربنـي. رگض علي وجر عمار من ياخته ضربه راشدي. والولد صافن على حال أزل. لمح عمار الولد الواگف وصاح: عمار: لكككككك مؤمن العاررررررر اطلعععععععععععع. علي: دحك لحك صارررر شريف الـ **** هـير هين تانعل ابو الخلفك.

تقوب علي وضربه بوگس بنص خلگته وأم عمار تبجي وهدى تبجي. حوراء الدم جامد بوجهها صارت صفره من الخوف وأزل فاقدة بالأرض. تقرب مؤمن يباوع على أزل ايده ترچف وعيونه ما تشوف غيرهـا. يمشي بخطوات هزيلة حط راس أزل بحضنه وعلي صاح: علي: مؤمن حبيبي تاتطلـع من هـين تـا ما تسوي شي تتندم عل. ديگمل ومؤمن عاط: مؤمن: ديررر وجهـهـك لك متشوفهـااا بدوووون حجااااب. علي: استغفرالله. تقرب علي يباوعلي ويحجي بهمس: يولـي انتِ بخير؟

ما جاوبته استهضمت كلام عمار الگاعد بالأرض يون. انداريت ورحت للمطبخ چبت مي ورحت لازل. كعدت يمها وبديت أحط المي على وجها واغسل الدم من وجهـا ومؤمن واگف من الجهة الثانية كل شويه يستغفر. عاط بي علي: علي: اطلع بابا دوختنـا. إندار عليه مؤمن يحجي: تستري بابا ما يصير تبقين بدون حجاب. يمامه: أنا ما محجبه. مؤمن: ليش؟ يمامه: شعليك؟ رجع يستغفر وصاير سد كدامنـا علمود علي ما يشوف وعلي طلع يسحل بعمار بره البيت. باوعلي مؤمن يحجي:

مؤمن: انتِ مين؟ واني أغسل بوجهه أزل بخفة أجاوبه: يمامه: أصير صديقه هيام زوجه شاهين. مؤمن: صديقه؟ يمامه: نعتبر خوات لان رابين سوه. مؤمن: اهـا انتِ من تركيا. يحجي ويلوب ما يريد يباوع لازل ومايعرف شنو يحجي أصلا لان ما يفكر بسرعه يجاوب. مؤمن: ما صحت؟ يمامه: لا. باوعلنـا واني أحط بطرف إصبعي على وجهه أزل وهي لسه ما صحت. استغفر وكعد بالارض جر راس أزل حطه بحضنه وهو يحجي: مؤمن: شو وخري بويه وخري شنهو هل فهاوه.

حجاهـا واخذ الدولگه كلهـا حطهـا بوجهه أزل اختنگت البنية بالمـي وكعدت تگح وتبزق دم وهو بسرعة ابتعد عنها يباوعلها بخوف ويستغفر واني صافنه بالوضع كله. اتقربت أطبطب على ضهرها وهي رفعت راسهـا وصاحت: أزل: مؤمن!!! ولا كانو نضربت هذاك الضرب تنفض بـَ ملابسها وهي كاعدة وتمسح وجهـا ورجعت عادتهـا بصدمة. أزل: مؤمـن!!! مؤمن: گلبـي المـايسكنـه غيـرچ. نزلت وجها تبجي بسكوت وتحجي: أزل: ضربنـي. مؤمن: ليش ضربج؟ أزل: ما سويت شي اني.

حوراء: لا كلشي ما سوت العرمه عش تكوليلو عار؟ مؤمن: عاررر!!! رفعت نضرهـا أزل تباوع بحقد لحوراء. أزل: هـاي الحقيقه! انتـو ما يعيش وياكم اليحجي الحقيقه هو خبل مو صاحي!! اكو واحد يضرب اخته هيج! أصلا انطيتگم شرح مع مثال. هدى: عجل والله انو خبل هـين يعمار هين. أم عمار: اطلع متل مؤمن ما تشوف كلنا بدون حجاب! مؤمن: لأول مره بحياتي راح اكولهـا يا عمتي!

وصلي رسالتي لأبو عمار وكوليله مؤمن يكول إذا ازل. انضربت بعد الدم يوصل للرگب. أم عمار: وانتتتته شعلييييك تنضرب تموت تنصگع انته شكوو!! عاط مؤمن بحرگه اعصاب:

مؤمن: تغشششمييين نفسسسسج العشيرررره كلهااااا تدرررري ميييت بيهااااا ورايدهـاااا يوووووميه اروح لسجاد لـ *** يسحب النهـووووه واخذهااااااا وقسسسسسم بـرب العالمين ياااااا عمه احترااااااااام يمممممي بعد ما الگممممممم إذا اضفرهـااااا تأذاااااااا احرررررك البييييت على راس العاررررررر.

حجاهـا وطلع من البيت. حوراء وهدى وجوهـن مصفره وام عمار كامت تبجي ودخلت لغرفتهـا. زهـراء وجهـا انخطف لونه ولزمت بطنهـا وراحت للحمام. أخذت أزل اسحل بينها للغرفه وهي ولا يكلك مكتوبة تمشي وتحجي وياي متعجبه. أزل: سمعتي موَ؟ يمامه: شنو! أزل: سمعتـي مؤمن شكال؟ يمامه: شكال؟ أزل: اهوووو. يمامه: يا هاي شبيهـاا. أزل: لج گال ميت بيهـاا!! كال الدم يوصل للرگب لخاطري!! كال العشيره كلها تدري رايدهـا!!

إذا أتأذى اضفري يحرك البيت على روسهـم!!! يممماااا!! تحجي ميتةة فرح. دخلنا للغرفه واني اجاوبهـا: يمامه: منو سجاد؟ ترگـتني وراحت لـ توگف كدام المرايـا وتمسح الدم بـ الگلنـس. أزل: الله لا يوفقك يا عمار العاررر الله لا يوفقك يا چلبُ يا نذل يا خنيث يا زمال يا مطي يا حيوان يا زباله يا جبان يا قندررره. شوف شسوه بـَ بشرتـي وانـا هـستوني حافةة! يمامه: يااا. أزل: وعلا لچ ونبي هستوني حافه اوووف الله لا ينطيك يالخنيـث.

قاطعتهـا وانـي احجي بخوف من الصدمة حتى نسيت!! يمامه: ازل!!! لمار وين لععد!! مو على أساس مسافرين سوا!! لچ هـذه عمار شووو يضرب!! ارتبگت أزل ما تعرف شنو تسوي وشنو تحجي دمعت وما تعرف تجمع الحروف!! استغربت الوضع شكو شبيها! ليش تريد تبجي!! ام دميعه مالتها وين!! عطت بيها. يمامه: احجي شصاايييير!!! يضربههههااا؟؟؟ أزل: لاا لا أكيد لا هو يحبها كلش ميضربهـا! وهي هم تحبه طالعين هسه هم يجوز اجة يطمن علينا ويرجع مو اكثر!

يمامه: يطمن ويرجع ما يكدر يدز احد مثلا! أزل: بعد أجأ ويا حظيي. حجتهـا وهي تمسح بدموعهـا وتباوع لوجهـي. أزل: باعـي حالـيي! وجهـهي نصه كدمات زرك صايرة! وشعري متكطع بأيده! ونصه واگع بالارض! ابتسمت اهديهـا. يمامه: رغم كل هـذه جان ميييت بيج. فزت تباوعلي وابتهـج وجها تضحك. رادت تحجي وسگتت من سمعت رنه مبايل خفيفه جايه من تحت السرير.

راحت تركض طلعت التلفون وفتحت حاگيه نصت الصوت علمود اسمع وياهـا وهي تضحگ وتجر بيه. سگتت من سمعت صوته يحجي وياها بـَ نبره تعبانه. مؤمن: تعبتينـي يابــا شوگت تعقليـن؟ أزل: اوووي وهسه اني شسووويت؟ مؤمن: طلع لسانچ الضاهـر طبتـي. أزل: لا ما طبت وجهـي صار يخرع كله گدمات. مؤمن: لا تخافـين بگل الأحوال عاشگـج. عضت شفتهـا أزل تباوعلي بمعنى " شوفي الحب شوفي ". أزل: صاييير تحجي رومانسيااات ســيد. ضحك مؤمن يحجي:

مؤمن: إذا ابقى وياج بعد اطلع حتى من دين الإسلام. بهـت وجهه أزل وحجت بخوف: أزل: يعني شنوو!! مؤمن: شكو شبيج بويــة. أزل: شقصدك!! مؤمن: غيررر افتهـم شكووو!! أزل: إذا ابقى وياج شنووو!!! يعني شنو راح تعوفنـيي!! هاهـيي تنتهـيي لهـنااا!!! ومنو جان يگلي ما يطلع جدي رسول الله اذا ما صرتي حرمتي!! منو جان يكلي بس تصيرين حرمتي تحرررم عليييه النسوااان!! تخليييت عني!!! مؤمن: استغفرالله يارب. أزل: لك شنو كدامك شيييطااان وتستغفر!!

مؤمن: لك!!! شنو!!! لج انتِ شو صايره فد مره! أزل: لچ شنووو چااا!!! ما تحمل مؤمن وضحك يحجي: مؤمن: روحي بويه نامـي. وأزل تحجي مفرفحه وروحها طالعه والدموع تجري. شهـكت تحجي: أزل: شوف مو كتلك تممل منـي!! مؤمن: منو يمـل منج يابـا شبيچ، غيـر انتِ حبيبه روحـي وشمامـه كلبي. أزل: منو كال إذا ابقى وياج بعد؟؟؟؟ مؤمن: اي تعبااان من حالتنـا ومهـدود حيلـي. اريدچ بالحلال.

سگتت أزل ولمعت عيونها بـَ لمعه غريبه وحلوه لمعه حب. ومن شفت أزل آمنت بـَ مقوله " العـيون تفضح الحب ". ابتسمت أزل مبتهـجه وهو رجع حجه بـَ همس: مؤمن: محــبوبـــتي. أزل: عيونهـا. سكت مؤمن شويه وحجه: مؤمن: چم مره كايلـج لا تغلطين على الأكبر منج! أزل: ديلا بلا! مؤمن: ازل بويــه تغلطين علي؟ يا حسافـه التعلوم بيج. أزل: ترا يستاهـل من وره منو احنه دنعيـش كله هـذه مو بسببه!! مؤمن: استغفرالله ما يصير نلوم احد على اغلاطنـا.

أزل: قصدك غلطي من حبيتنـي؟ مؤمن: ليش دائما تفهـميني غلط؟ ، قصدت جان غلطي لازم من زمان اخطبج قبل ما سجاد... سكت شويه ورجع حجه بخفوت وبـَ نبره بيهـا حزن قبل ما سجاد ينهـي عليج. أزل: اهووووَ ، شوكت يفك هذه العار النهـوه! مؤمن: لچ انتِ شنووو؟؟ عضت شفتها أزل خايفه بلكوه گتمت ضحكتهـا. محادثتهـم هـواي أشياء مشفره بيها وما كدرت افهـمهـا بس هنا بلكوه كتمت ضحكتـي وما فلتتهـا. راد يحجي وهي بسرعة حجت: أزل: احــبــك.

مؤمن: مييييت بيـــج. ضحكت أزل بـَ فرح وهو هم ضحك. مؤمن: سوي حليب دافـي واشربي ، وابلعـي علاج ، وراح اجيبلـج معقمات ودهـونات اعوفهـم الج بـ َ الباب واخذيهـم ، ونامي ارتاحي بويــه. أزل: احم. مؤمن: يا الله غردي محبوبتـي. أزل: ما تعوفنـي ابد؟ مؤمن: عاشگـــج من المهــــد وللحـــد ويـــاج. أزل: احبك محبوبـي. مؤمن: ميت بيج ، داري رويحتـج يبعد رويحتـي طالع انـا اجيب علاج الج واجـي.

تسالمو وسدو صار بيه چفاف عاطفي. اني المحد أثر عليييه هذوله يسوون بيه جفاف عاطفي. كمزت تدغدغ بيها واحجي بضحك. يمامه: اريييد مثللله. أزل: ادللي هسه اجيبلـج المنيو واختاري. ضحكت واخذت ملابس دخلت للحمام تسبح. ما حبيت أثر عليها بس بالي كله ويا لمار. معقوله ضاربهـا؟ لمار هـشَه ما تتحمل؟ هـيام وين مو طولت؟ اشتاقيتلهـن يربي سهل غيابهـن عليه وعود كلبي. نزلت جوه بسرعة اريد أشوف زهـراء. وين اسمع صوتها بالحمام تتقيئ!

عگدت حواجبي مزعوجـه. شصاير بيهـا؟ واني أفكر بيها سمعت صوت تحمحم وراي. درت وجهـي اشوف منو؟ علي: شعتسـوين هـين. يمامه: زهـراء بالحمام مو زينه دتتقيئ. عگمش وجهه بألم: عجـل وأزل وينهـا. يمامه: دتسبـح. حك طرف حاجبه ونزل عيونه. علي: تا ناخذ زهـراء للمستشفى؟ يمامه: ماعرف حالها ما يبشر بخير افضل تتصل على إبراهيم. عقد حواجبه: عش؟ يمامه: غير زوجهـا؟ علي: وأحنه هين شنهـو موش ولد عمومتهـا؟ يمامه: ومنو أولى بيها ولد عمومتهـاا ؟؟

لو زوجهـااا ؟؟ يريد يرد عليه وفتحت زهـراء الباب وحجت بضحك. زهـراء: كافي عمي مابيه شي صدك جذب. تقربت منها احجي: احجي ويا ابن عمج مدري شبي. زهـراء بابتسامه: شبي؟ علي: يولـي فوگ حگو دگـو ازل وينهـا تاريد اخذها. زهـراء: وين؟ علي: تـا اريد اوديهـا... راد يكمل سكت واستغفر ماشالله هنا الديانه عاليه. علي: تاريد اوديهـا للمستشفى. زهـراء: لا ما يحتاج مشكور خويه. ابتسمت بامتنان ورمقنـي نضره وطلع. باوعتً على زهـراء باستغراب

وهي تضحك بتعب حجت: زهـراء: لگينالج رجل. وسعت عيوني: اياً چلبه نجبـي نجبـي. زهـراء: اهـمداج لكينالهـا رجل كالت اعور. يمامه: لا يا نذله دولي اني ويني وين الزواج. زهـراء: ليش كلبي عمرج 7 سنين ومادري هـيام بگدج وتزوجت ولمار هم. يمامه: اممم. تركتها تمسلت وما اهـتميت بـَ كلامهـا مقدار ذره واحدة. صعدت فوگ لـَ غرفه أزل اصول واجـول اليكلـك بيت الخلفونـي. دخلت لـَ غرفه أزل. لكيتهـا تشسور بـَ شعرهـا. يمامه: يا هلا بالهـنور.

أزل: طلع البدر علينااا. ضحكنـا واصلا ماكو ربط بگلامنا. باوعتلي مبتسمه. أزل: احس الله دزچ ألي تدرين؟ يمامه: شلون؟ أزل: جنت كلش محتاجه أفضفض لشخُص واحجي كلشي صح مؤمن موجود بس ماگدر احجيله شكد احبه لان يستحرم. حجيت باستغراب: يستحرم!! أزل: اي يستحرم من هل سوالف لان هو سيد. يمامه: يعني شنو سيد؟ أزل: يعني من نسل الرسول (ص) يمامه: حبيييت ، يعني يستحرم يحجي ويا علاقات وبنات؟ أزل: اييي كلش يستحرم حتى يباوع بوجهه بنيه.

يمامه: وانتِ لعد شنو قابل ولد؟ أزل: طاحظ الثووول. يمامه: ترا كلتي تحجيلي وكلشي محجيتـيي. أزل: اي هسه شويه واحجيلج خل تنام زهـراء. يمامه: شنو زهـراء متدري؟ أزل: طبعا تدري بس تضل تنگ فوگ راسي واني مابيه حيل اسمع حجي احد. واحنه دنحجي قاطعنا رنه تلفون. رگضت فتحته وغيرت نبره صوتهـا للتنعـوض وضحكت سدتـه وحجت: جابلـي العلاچ خل ارگض بلگت المح وجهه. حجتهـا وجرت حجاب ونزلت تركض. كعدت على الجربايه مستغربه. معقوله اكو هيج حب!

هو هم هيج يحبها يا ترى؟ لر يضحك عليها؟ لا يمامه تخبلتي! ما شفتي شلون مهـتم اكيد يحبها! بس شلون يعرفون بعض؟ ومنين؟ شلون دخل البيت؟ منين بدأت علاقتهـم! بقت اسئله تترادد براسي. من كثر ما فگرت نسيت حتى هيام ولمار. وحرت بأزل وزهراء. زهراء راحت تنام بـَ غرفه ثانيه. رحت لغرفتهـا اسمع صوتهـا بالتلفون تحجي وفاتحـه حاگيه اگدر اسمع صوت ابراهـيم. زهراء: حبيبي شبيك بس هل ليله وباجر ارجع؟ ابراهيم: ارجعي احس البيت فارغ بدونچ.

زهراء: اشتاقيتلـي. ابراهيم: ميت بدونج. زهراء: اسم الله حبببي. ابراهيم: روحه لحبيبج وعمره. زهراء: اوي هذه الفراگ هيج يسوي. لو ادري من زمان رايحه هههه. ابراهيم: نجبي بعد اگسر رجلچ اذا طلعتي باب الييت. زهراء: حتى انا بعد ماريد اجي احس كلشي موحش بدونك تعودت عليك ، وعلى بيتنا ، وعلى بابا جاسر. ابراهيم: حتى للفصعونـه البـَ بطنچ اشتاقيت. زهراء: وامهـاا؟؟ ابراهيم: شعدنـا غير امهـا نحبل نچيب. زهراء: ابراهـيييم.

ابراهيم: ههههه صايره عصبيه دتعاي ارجعـي. زهراء: ابراهـيم البغدادي البغدادي. ابراهيم: زهراء الانباريـة الأنباريـة. زهـراء: ليش تقلدنـي؟ ابراهيم: مرتـي وبگيفي. زهراء: اشتاقيتلك. ابراهيم: چايـچ. ضحگت زهـراء بصوت عالي تحجي: زهراء: اشاقـةة وياااك باجر اجييي والله. ابراهيم: لا عوزچ تبقين باجر هم؟ لچ تعاي ميت عليچ.

عضيت شفتي خجلانه أتسمع عليهـم بس سوالفهـم حلوه. ضحكت ورجعت لغرفه أزل لگيتها فارشه أنواع الاگل والعصائر الچباسـه. أزل: كبر وينج سالي ساعه أدور عليج. يمامه: هيج رحت لزهراء. أزل: اممممم ، تحبين زهـراء؟ يمامه: اي. أزل: زين تحبينـي اني اكثر لو زهـراء؟ يمامه: زهـراء. شهـكت ولطمـت على صدرهـا تلطم بالچذب. أزل: اخخخخخخ يابـةةةةة كلبـييييييييي انچچممممم. يمامه: شهـل دراما بنتـي؟ ترا مسالي يوم من عرفتج.

أزل: الله بالينـي بواحد يصيحلـي بويه وانوب انتِ تصيحلي بنتـي! ليش تجذبين ترا من عرس لمار اعرفچ! وحبيتچ كلت إلا أجيبها. يمامه: تچيبيني شنو شو انتِ مدري شلونج؟ أزل: بالج وصخ حبيبتي ، اقصد انَ اصادقـج واصير صاحبتـج. يمامه: راح أغلس على التچفص. عوچت حلكها وضحگت طلعـت دهـن تحط لوجهـا. غمزت الهـا احجي: يمامه: شفتـييي لاااا؟؟؟ أزل: مالحگـت طايررر طيوررر السـيد اليگلك راح اغ.. اغتالـه. يمامه: عمت عينج. أزل: لچ شتعمـى!

ترا اليوم مگتوله. يمامه: ولا چنچ مگتوله. أزل: متعـوده. يمامه: ما فهـمت يعني هو دائما يضربج؟ أزل: هم كلهم هيج يضربون ويسبون وما يگتفون بواحد عسمـا تخلفلهـم عشر أطفال وتعلگلهـم العشره شمع يتزوجون عليهـا ماعدنا واحد ما متزوج بالعشيره حرمه واحده غير شاهين! حجيت باستغراب: لعد وعمار!! أزل: هـ.. هـاا اييي اييي عمار هم.

عگدت حاجبـي مستغربه گامت تمتمـت وجهـا صار احمر. غلست عـلى الموضوع وبقينـا نحجي بـَ مواضيع مختلفة لحد ما تأكدت الگل نام. قفلت البـاب واچت تربعت وكعدت تحجيلي بـهمس. أزل: من چنت صغيره مشيطنـه كلشششَ من صغري واطلع العب بالشارع جان مؤمن يستحرم حتى من جنت صغيرة والعب ويا الولد يكتلني ويرجعني لـ البيت. يمااا شلون گتلاتتتت كل راشدي يچيب اخرتي. المهم ، صرت رابع ابتدائي وتحچبت وصرت ما اطلع بره وأموت نفسي من البچي. تخيلي!!

إنسان مخلص يومه كله بالدياحـه وفچأه يسجنـوه من الطيـر الحر اليگتلو. اگطع نفسي بالبچي وبسوم طلعت للحديقه. يمامه: ولگيتي مؤمن وحبيتي؟؟؟ أزل: يااا لج لا ليش تحرگين! يمامه: يعني صدك.

أزل: خل اسولف نجبـي ، طلعت للحديقه الوب وأموت وابچي طلع مؤمن يسولفلي ويحجيلي شلون حرام وميصير وميرضي رب العالمين. اقتنعت بكلامه. گمت اطلع للحديقه واشوفه واروح وارجع علمود أشوفه. حبيته كلش وتعلقـت بي مثل الغرگان من يتعلق بسفينـه نجاه. حبيت أسلوبه وكلامه تعليمه ألي كلشي بي حبيته حيييل. وراهـا صرت متوسطه وهو يستحرم من البنات. عمار اخخخ عمار!!

سوه مشگله ونهى عليه سجاد ابن عمي. بطلت من الدراسه وگعدت بالبيت لان ماعدنا بنات يكملون دراسه إعداديه. تركت كل كلامهـا وعطت. يمامه: هااا؟؟ ماعدگم بنات يكملون دراسه؟ أزل: اي؟ يمامه: وهياااممم شلون تكمل دراستهـاا!! أزل: يبووووو على حظي انـا وين اسولف وهي وييين ، لچ هيام مرت الذيب! تخافين على هيااام خافي على ازل المگروده. يمامه: عمت عينج لتحسديهـاا ، بعدين شبيج انتِ مو يحبج مؤمن ، دگملييي.

أزل: اي ، حبيته وگمت اموت علي بگل مناسبه تصير ارگض ركض لبيتهـم. هو يصير ابـن عمتـي وعمتـي متزوجه غريب لذالك راجع لغير اصل. وهذا السبب الثاني! انهـم ميردو. واحجي ويا اتقربـه المهم حطيته برأسي وفعلا حبنـييي. رفعت حاچبها بـَ تكبر وكالت: مو بس حبني مات بيه. ورجعت حجت بـَ قهر: بعد بس سجاد الططـوه واگف بـَ طريقنا. يمامه: ما فهمت كلشي ترا هـواي أشياء غلستـي عليهم!! أزل: عليج بـَ قصه حبنا لا تركزيـن بـَ غير شيي.

نمنـا وأحنه ونسولف ونحجـي. گعدت الصبح على صوت زهـراء اكعد بيه. كنت غسلت وجهي وبدلت ملابسي وأزل لسه ما گاعده. وزهراء تعيط عليها. زهـراء: ازلللل كوممممي. زهـراء لابسه الشال والعبايـه وابراهـيم منتضرنـا بره. چـاي من الصبح الأخ يريد ياخذنـا. وأزل تنبل ما نوم متقبل تكوم. هـزتهـا زهـراء وعاطت بيها. فزت أزل بسرعة وگفت وهي شعرهـا مگفش جنها وحدة منتـولة. والبچامه وحدة صاعدة ووحدة نازلة. حجت وهي تحجي ببچـي. أزل: سوتها موو؟؟؟

زهـراء: شنو شكو؟ أزل ببچـي جذبي: سوتتتهااا زمرده وتزوچت قبلي موو! والله عرفتهـا من حفت شواربهـا عرفتها راح تزوج قبليييزهـراء. زهـراء وكعت بالكاع تضحك. زهـراء: عوفي سوالفج يله نريد نودعـج نريد نروح. أزل: وين ترحين؟ زهـراء: لـبيتي. أزل: ويمامه تروح؟؟ زهـراء: لا جايبتهـاا هديييه الج والله يا الله. كمزت عليه حضنتهـا حيل تحجي: أزل: لا عيني لااا ما انطيهـا ولي وحدج. زهـراء: هاا هيج صارت. أزل: اي هيج. زهـراء بـَ

غمزه: لتخافين يجوز كم يوم وتجي يمج. أزل: شلووووون شلووووون. يمامه: اختج كامت تمسلـت من كثر ما شتاقـت لزهراء. لطمت زهـراء على خدها. زهـراء: يمما رچلييي نسيتـتتنه بره مصلووووب اهـمداج ازل. نزلت تركض وأزل هـزت ايدهـا. أزل: حتى نست روحها حامل حتى انتِ نستج. ضحگت وهي شبگتنـي. أزل: اويييي كلش حبيتج ابقي تعاي يمنا هـواي من تجي لمار زياره هذه هم بيتج.

هزيت راسي ودعتهـا وطلعت لـ سياره صعدت بيهـا. حرگ ابراهـيم السياره بعد ما تسالمنا وهو لازم إيد زهراء. بعدنـي نعسانـه نمت بدون كلام. "هيام" رمـش عده رمشات يستوعب الكلام وراهـا بسرعة چؤ وجهـي يطبع قبلات لطيفه خفيفه مگزگز. شالني بين ايديـه ودخلنـي لـ آلبيت. اصوات ضحكنـا ينسمع بأطراف البيت واحنه منگعين. دخلنـي حطنـي على ميز الطعام وهو واگف كدامـي. شاهين: شنو كدامك اكل ليش حطيتنـي على ميز الطعام؟ باوعلـي بـَ

نضره مگر: ناگلج عـش. لا؟ هيام: شاهيييين. ضحك بقوه وحاوط خصري واني دفعته وصحت: هيام: بااارده. شاهين: تـا من يحجـي شاهـين المگرود تلومينـو. هيام: جذب مو بأرده. حجه بأبتسامه: لا يولـي بأرده. حجاهـا وتقرب يحاوطنـي كلي حسيت فعلا بالدفئ وما حجيت. ضميت راسي بـَ صدره مبتسمه وهو محاوطنـي. شاهين بـَ ضحك: ماعـت. ضحك بقوه وانـي دفعته اضحك برطمـت وحجيت: راح اتمرض. حاوط خصري طبع قبله بـَ خدي: بين ضلوعـي اضمـج يالنـبض.

ضحگت وهو جاب منشفـه ينشف بـَ شعري بـَ لطف وياخذ گدلتـي يرفعهـا لشفايفـه يبوسهـا. حسيت بـَ حنيته عبرت القارات. ابتسمت وحضنت راسـه لگلبي مبتسمـه وهو يضحك. هـيام: يله كافي حـ تتمرض انتِ. شاهين: جؤ. هـيام: حبيبي انـي انشفه انتَ روح نشف شعرك. صفن بوجهـي لحظات وهمس: شاهين: الضاهـر ناويتو تشلعينـو لشاهـين يالنبـض.

ضحكت وطفرت من الميز أخذت المنشفه ودخلت الحمام اسبح بـ مي حار علمود اخفف من البرودة الصارت تدگ بعضامـي. بدلـت ملابسي وطلعت لشاهـين. باوعتله ينشف بـَ شعره بالشسوار ومبدل ملابسـه. صارت عينه بالمرايا عليه ابتسم ولف نفسه جرنـي صرت كدامه. شالنـي من خصري وحطنـي على الميز لاف الشيسوار وصار ينشـف بـَ شعري خصله خصله. ابتسمت وما كدرت احجي اي شي. حسيت الشسوار حار كلش وصار على رگبتـي. هـيام: الشسوار هـوا حار احتركـت.

بعده عنـي وبأس مگان النبـض وهمس: اسـف. ابتسمت وهو يمشط بـَ شعري واني رافعه راسي أبـاوع بعينه وهو مركز بـَ شعري يمشط. نزل نضره ألي التقـت عينه بـَ عيني. ابتسم ولمعت عينه لمعه حب قبل ما جنت اعرف معناهـا بس هسه عرفت لان صارت بـَ عيوني نفس اللمعة. رفعت إيديه وحاوطـت رگبته منزله رأسي الي وطبعت بوسه: احبـك انـا هواااي. شاهين: اكحـزي وريتينـي ور يالنبـض انـا عاشگـج.

ابتسمت وحررتـه من بين ايديه. ضحك هو ورجع ايديه على رگبته وانـا اباوع بعيونه وهو يمشط شعري خصله خصله بـ كل لطافه وحب. عمري ما تخيلت الكـه هيج شخص!! ولا حتى تخيلت احب!! بس دائما رب العالمين موجود ويانا وره كل خساره عوض. وعوضـي شاهــين ويا اجمـل عوض. اتمعـن بـيَ وانـي مبتسمه احس داخلي فراشات من معاملته ألي وكانـي وردة وخايف تذبل. گان اعظم انجازاتـه. خلص شعري وشالنـي. هيام: ليش تشيلنـي خليني امشي؟

شاهين: عجل وأيديه عش انخلقـو إذا ما يشيلو طولج. ابتسمت وطبعت بوسه بـَ خده مبتسمه. نزلنـي بـ المطبخ وراح يطلع اگل واني اكعد امسلت فوگ راسه. هـيام: يعني شعجب اكو. اكل وملابس هنا؟ شاهين: بيتـي هذا بولـي. هيام: ليش ما اجينـا بي لعد؟ شاهين: عجل احنا هـساع وين؟ هيام: انته تحبنـي؟ شاهـين: عاشـگج من الچدم لـ الرأس وحـك ابـو راس الحار. ابتسمت ونزلت راسي. هو اني الواحد كوه كوه يجيب الخجل لروحه. هـيام: أساعدك؟ شاهين: لا اهـچدي.

ابتسمت وكعدت عاقله. هيام: امممم شاهين شوكت حبيتنـي؟ شاهين: من اول ما لمحـت عيوني خضـارو لعيونج. وهم رجعت استحيت وغطيت بين اهـدومي وهو ضحك بصوت عالي. اجـا وجاب الأكل كعدنـا ناگل وهو يسوي لفات صغار. ردت اخذهـن وهو ما قبل إلا هو يوگلني. انقهرت عليً وسويته لفه ومديتهـا لـ شفايفـه بـَ برائه. ابتسملـي يحجي مگزگز: دحكـي اگرط ايدچ بمچان اللفه.

ضحكت وهو مد ايده يأخذ اللفه واني ما قبلت. رجع ايده يهز راسـه يأس ويضحك وگلته وهو يوگلنـي. نضحك ونسولف سوالفا تضحكني واسوالفـي تچلطه واني اضحك تختفي عصبيته. كل شويه يأخذ ايدي يبوسهـا. خلصنا اكل لملمت الأكل ودرت وجهي شفته كاعد يباوعلي. هـيام: يلا نروح. لزمت ايده وطلعنـا من المطبخ. ابتسمت بـَ خباثـه احجي. هـيام: تتذكـر من كتلي ما اطبخ وهـيج هستوووك طبختلييييييي هيهيهااايهيييييييي.

ضحكت ضحكه شريره مع حركات مال مشعوذات. ترك ايدي من الصدمة مالته ونضراته خلتنـي افطس ضحك. شاهين: هـچستچ مهـبوله. واني أزيد بالضحك دخلت للغرفه وهو هم ضحك يبوس بوجهـي. فتحلـي ايديه حتى أغوص بنص ضخامته ويحوطنـي هو بـَ كل اتجاهاتـي مثل السور الغالق على بيت. ابتسمت ودفنت وجهـي بصدره نايمه بنص الامـان. بس مستحيل يدوملـي هذه الأمان. فتحت عيوني بقوه وجحضتهـن ما مستوعبه المكان الانـا بي.

ريحه الدخان تختگني خنك والمگان والنار لاهـبه البيت والجدران والباب. يتبع.