رواية ذيب الغربية الفصل السابع والثلاثون 37 - بقلم طيبة وليد

ازل -شبعت من سوالفك الحلوه مؤمن -اويلي ما كدرت اكُمل اكثر وطلعت من المحادثه منهاره بچي. منهارة، ما تخطيت موتهم ولا راح يجي يوم واتخطاه. بحياتي كلها جنت اقرب واحده الها، نحجي كل شي واعرف كل شي عن علاقتها بـَ مؤمن. ما توقعت هيج النهاية ابد! توقعت نهاية حبهم الصادق زواج! زواج وتجمعهـم غرفة واحدة راح يملوها حب وطاقة! ليش جمعتهم المگـبرة؟ هــيام

انبلع وجهنا بخوف من سمعنا صوت شاهين ورانا. خفنا ومتنا من الخوف، اني وزمرد. نطگ سن بسن من الخوف. هـُجم شاهين علـى حرُ ينام فوگاها ويضربه بكل قوته. الدم يبسس بجسمي وزمرد تبچي. رحنا نركض نفرغ حرُ منه وهو ثأر يضرب بيَ بكل قوته. انقهرت وخفت من شفت حاله. يشبه وحشية أبويه من يعصب ويضرب شخص. لا إرادياً تذكرت أبوي وهو يعاقبني ويضربني ويگطع الحزام عليَ. گُعدت بمكاني وغطيت وجهي بأيديه أبجي بهستيرية وروحي ترجف. رچيف السعفو وأبچي بصوت عالي.

اختنگُت واني أبچـي. أول ما حس عليَ أبجي ومختنگُه ترك حرُ واجه يركض عليه. رگض وجهه ونظرات الحقد تحولت لخوف. كام من فوك حرُ المدمـي واچأني يركض خايف مرعوب. رگُض يجيب عبوة الأوكسجين واني أشحرچ النفس تشحرچ. جاب الأوكسجين استنشقت هواء وأخيراً گدرت أجر نفس بارتياح. حضني يمسد على أكتافي ويبعد شعري عن وجهي. يهـمس آيات قرآنية عليَ. رچفة إيده فاضحته. حب شاهين مو حب طبيعي مثل بقية الأحباب. حبه غريب.

بـَس ما أنكر إن اني أحب حبه إلي واحس براحة من أشوف شخص يحن عليّ ويحبني. يرچف على دمعتي ويخاف عليّ من الگُل. يوكف گدام الگُل لخاطري. يحارب الدنيا وبيهه الخاطري. أي بنيه ما تتمنى هل شي؟

أچتني زمرد تدخلنـي لـَ الغرفة وهي تبچي. وجهه صاير أحمر من البچي وحرُ مغمى عليه لسـه. ترگُني شاهين وباس راسي وأيده لسه ترچف رجف مخيفُ. شال حرُ وطلعه بره ودخلنا اني وزمرد لـَ البيت. ورحت بوجهي لغرفتي وزمرد وياي لان غرفتها نايمة بيها ناس. واني وياها ولمار بغرفتي ننام. زمرد -حيلي انهـد. ارگـض منا وارگض منا. شوكت اخلص؟ هـيام -كُله من وره أهلگم دمروگم. هزت راسهـا ودموعها تنزل بهدوء. دخلنا الغرفة وعلگُنا الضوء.

لزمت ايدي زمرد تحچي. زمرد -طفي الضوه لمار نايمة. لمار -لا كاعدة. طلعت من جوه اللحاف تحچي. من شافت حالنا بهت لونهه. لمار -شكوو؟؟ شبيچنن شصاايرة؟ هـيام -ماكو شي ماكو شي. لمار -احچي. هـيام -حُر وشاهين تعارگو. لمار -وانتن ليش تبچنن لعد؟ هـيام -غير تعارگوا. لمار -وانتن ليش تبچن؟ هـيام -ووولج تعاركووو تعارركووو. لمار -وانتن ليششش تبچننن! هـيام -عرفت شنو السبب. لمار -يا سبب! هـيام

-لمار الاعرفها قبل جانت لو كنالها عركة تكعد تبچي وأحنه نضحك عليه. هسه هاي آثار العيشه ويا عمار العار عفوا عمار الجلب. لمار -وهسه انتِ تبچين واني اضحك عليج. حلوه الدنيا من تدور. هـيام -ليش تجذبين وين ضحكتي! لمار -هاي النذالة بس يمچ ويم يمامه. هـيام -يا مگرودة يا يمامه تحجين عليها وراها؟ يا حييييه يا تسسسس. لمار -اني حيه؟ زمرد -مهبولاات ههههههه.

ضحگُت من گُل كلبها علينه. كعدت على السرير تضحك ولمار تضحك وياها. تغير مزاجها وارتاحت اكثر من سولفنا شويه. ترگُتهن ورحت لـ الحمام، حطيت مرطب لوجهي وأيديه وماسكات وحطيت دهن مال شعر وسبحت ونشفت شعري وبدلت ملابسي. ياله حسيت نفسي استرخيت. لمار -لوو عروس ما أطول هلگُددد. هـيام -حبيبي غير انـي حامل لازم أداري حرگتي. زمرد -ايباااه منهي هاي! هـيام -انتِ انجبـي. زمرد -غير طمستي بنص العرگه. هـيام -يايابـه فلا يغزر بعيوووونج.

لمار -كافي شكد تحچنن. هـيام -وللللييييج. لمار -وجعع حتى وجعع. هـيام -طالع لسانج. لمار -وين طالع مو هذه بـَ حلكي! انهـارينا بـَ الضحك اني وزمرد. احنه ناس تافهيين نموت على التفااهه. اي نعم بكيفنا بعد نحب التفاهه ونحب نحجي بتفاههه. هيهاااهي. هـيام -اشتاقيت لشاهين. حجيتهـا وطفرت على السرير اشبك زمرد وهي تدفع بيَ وتصيح. زمرد -انااا مو شاهين. هـيام -ادري ووجع. زمرد -اختنكت وخري عجل. هـيام -من ريحته. لمار

-ايبااااخ. والله زمن صدك لو كال ابو المثل. هـيام -شكال؟ لمار -شعليج. هـيام -شكد حقيرة! انتِ صااايرة حشاشة وكذا على صديقتتتج! لمار -لا والله لا بس اغيرلچ جو. هـيام -تغيريلي جو وتقهريني وتقهرين ابني..! احجي بـَكل قهر وهي انقهرت وعيونها أنملو دموع وشويه وتبچي. وطگيتهه ضحكه. ضربت كتفي وصاحت. لمار -حقيرررره! تجذبييين عليه؟ هـيام -تدرين شاهين شيكول؟ لمار -شيكول؟ هـيام -شعليج! زمرد -حلوه الدنيا من تدورهههههههه. لمار

-انتِ مگيفه على الوضع! هـيام -مگُيف مال شعر ههههههههه. لمار -مضحك. هـيام -ما حجيتهه حتى اضحگج. زمرد -عجل عَش حجيتيه؟ هـيام -حتى اضحكچ. زمرد -ما ضحكت. مددت راسي على المخده امسح على بطني واحجي بقهر. هـيام -شفت حبيبي عمتك متحبك مع الأسف عليها. شفت مو شفت؟ تقهر أمك. عمتك تسسسس وحية هم وخالتك هم ثنينهـم طبگن على أمك. امك فقيرة يبعد روحي ياگلوها الناس. زمرد -فقيرة فقيرة. لمار -واني اشهدلها. زمرد -أنا هم اشهد. لمار

-لااا اني اشهد. اشهد ان هـيام كل ما تروح للمدرسة تسحلها بنية وتزوعها حليب أمها ها وتطلع روحهه. مضلومة گدام الادارة وتخلي البنية تعتذر منهه طبعاً طبعاً. ومن ترجع لازم تكتلني وتشلع كلب رسوله. زمرد -عزا، تگتلچ؟ لمار -اهوووو من جنه صغار ما أنام اليل إذا ما مگتوله من هيام تزوعني حليب أمي وتگول بطلي فهاوة وفقر الناس ياگلوچ هيج. هـيام -شعندج ويا الزواع مو راح أزوع! لمار

-ما چنت اسمع كلامها عبالي مو حقيقة. تالي صدك انوگلت ونهـشو بلحمي. غطت عيونه تبچي. حضنته زمرد واني حسيت بألم ببطني. اليوم هـواي تحرگت ما أكدر أتحرك بعد. الحمل ببدايه الأشهر لازم أداري روحي اكثر. أشرتلها تچي وحضنتها. نمت بـَ النص والجرباية عريضة كلش. گُفتا وزايد هم. زمرد على يساري ولمار على يميني. نسولف بهـدوء. ساعه نسگُت. لمار مكسورة تصفن هواي وزمرد تتحسر وتصفن. هـيام

-هسه انييي شعندي كااعدة يم واحدة بسسس تتحسر والثانية بس تصفننن! لمار -ووجع. هـيام -وجع شنو وجع! تكولين على ابني وجع! لمار -عليج مو على ابنج. هـيام -زمرررد الحگيلييي هاي صدك ابن عمج الچلب جلبها علينااا. زمرد -أنا تعبانه. حجتهه بصوت فعلاً تعبان تعبان كلشَ وهلكُان. تربعَت بمگاني وهـنه كُعدن نفس گعدتي. هـيام -احجيلنا زمزمَ. زمرد -حجيت! شأحجي هساع؟ هـيام -لا احجيلنا عن مشاعرچ، من تشوفي شيصير بيج؟

تتمنين نفسج بمگُان مرته، تحبي؟ سگُتت شويه وعيونَها لمعت بدموع. انقهـرت عليهه. رچفت شفتهه وهي تحجي وتحاول تبين هيَ طبيعية بس عيونهه فضحتها. زمرد

-عايشـة على امـل حبـه وزواجنه تا يشوفني بمچان يچي يرگض يحجي ويايَ وين أدير عيوني الگُا يدحك عليا. گُل يوم أمو وامي يزرعون حبـو بگُلبي اكثر تا ما اكدر اچذبهـم. چنت ادحك نضراتو وكلامو لمعه عيونو. بين يوم وليله گُسروني. تحدد موعد الخطوبه ودرت مرتـو حيتزوچني انتحـرت وهي تدحك على حرُ وامو. گالتلو طول عمرك ما تتمهـل بزمرد نفسهه البنوه بيَك. سمع من امو وخطبهه. گُسرتي هـيام كسرتو ما تتجبر. أحبو بس گسرني. دحگـتهه وهي يزفوهـا لـَ البيت الي چنت أنا المفروض ادخلو عروس. دخلت بمچاني. گُل ما تچي تسممني بسمها. تعبوني ومرضوني.

تحجي وتبچي تغص بـَ الحجايه من كثر ما هضموها وكسرو خاطرها الحقيرين. كلبـي وجعني عليها ولمار أصلاً تبجي وياها من اول حرف. زمرد -بسبعتـو هو ومرتو سوو حفله وعزمو الناس وانا هـينا مريضه وتا ما اكدر أتنفس وهساع اجا يخطب؟ ارفضي زمرد اقبلي زمرد زمرد عندها مشاعر! هـيام -والله حقج خيولون لا تبچين. هو لو بيَ خير ما مشه وره كلام أمه. زمرد -لا لا هو امو تحبني بس ابو جبرو. هـيام

-دحجيهن كلهن يازمزم إلا تخليني احجي على الرجال واشيل غيبه! لمار -وخري عن البنيه انتِ لسانج فالت. هـيام -ضبي. لمار -شنوه؟ هـيام -لساني. صفنت هي وزمرد يستوعبـن ثواني وطكتهـا ضحكهَ. لمار ضريتها اصم بحلگُها فضحتنا. هـيام -وووولج عوووبه صووتج فاتتتحه هاي فاتتتتحححه! زمرد -اهچدن.

چرتنا زمرد تگُعدنا. لمار خلصت ضحكته باوعتلها مبتسمه. أحب أشوفها اضحك. لمار بريئة حيل بريئة. احب ضحگتهه وفهاوتها سوالفهه الحلوه. ام دميعتنـاا هاي العزيزه. رجعت انضاري على زمرد السرحانه ودموع تلمع بعيونهه وكلبي وجعني عليها. نمت بصفها وحضنت زمزم ولمور ومرت ايامً الفاتحه هيج وخلصت الفاتحه. بقو يمنا بس العشيرة اقصد الكرايب. گُعدنا الصبح من الغبشة. اول مرة بحياتي أكعد ساعة بـَ 5 الصبح. هيَ هاي التزوچ تتحمل.

گُعدنا نگُرب ونشتغل. ما گعدنا دقيقة! طبعاً جذب. لان بس أشيل ماعون ام شاهين تصيح عليَ واني مگُيفه. بس أساعد زمزم ولمار. وگُفت بمكاني تعرف بعض الأشياء من رسل. وزمزم هم تعلمها. ابتسمت واني گُاعدة أشرب عصير برتقال. طبعاً محد أصلاً يشرب عصير كله چـاي هنا واني أموت من الجاي.

والعصير كله باقي الي يجيبون ويدحسون بحلگُي. ااغلب النسوان گُاعدات بـَ الصالة او الاستقبال ومتوزعات بـَ الغرف. كم بنيه بس موجودة هنا ومن ضمنهم رنينَ مدري مفراس. تركت العصير بعد ما خلصته ورحت متوجهه لغرفة الاطفال. اول ما دخلت اجيت عيني على ام شاهين حاطه الولد بحضنهه ترضعه ممية اصطناعية والبنيه بـَ الكاروك تناغي. هـيام. -ها من أولها تفرقه. ام شاهين -شنهوو. تخصرت واني احجي -ليش حاطه الولد بحضنج مو البنيه! ام شاهين

-ياااع يلهـتره يلصگعة الوليد جويعان والبنوه مو چثير جويعه. كلت اوگل الولد. هـيام -اءء ها اي عبالي. صح البنيه اني وگُلتها مبارحة. ام شاهين -ياااع وگلتيهاااا! هـيام -لاا يا اقصد رضعتهه ممية. ابتسمت برضا تهز راسهه. ام شاهين تحبني حب مختلف. تتحمل كل حجي وسوالفي وتتونس عليه. اساساً متشوفوهه شكد متونسه وهي تحجي وياي!

رحت لگاروك البنيه شلتهه بين ايديه وهي تناغي وتضحك. ياروحي بوستهه وانطيت خبر لام شاهين راح اروح اسوي ممية بـَ المطبخ واشربها واجي. وافقت وطلعت شايلة الطفلة بأيديه لابسة ثوب اسود مختلف عن مال البارحة وشال اسود شامرته على راسي باهـمال. دخلت لـَ المطبخ وشفت أبشعع منظر ممكن أشوفه!

شفت شاهـين واگُف بنص المطبخ منزل راسه وأيديه مگتفهـنُ ورنين گُدامه راح تاگله آكل بعيونهه وراها بنات عمها ثنين مبينات من صنفهن وعلى الطبخاخ واگفات. لمار وزمزم ثنينهن صافنات ولمار رافعه تك حاجب ما عاجبها طريقة كلام رنين ويا شاهين. رنين -شلونك. شاهين -الحمدالله. رنين -تعبان مبين. شاهين -عجل فاتحة هي. رنين -تا اسويلك اگُل. هـيام -ها حبيبي اجيت.

رفع عيونه يباوعلي وعيونه ثبتت على الطفلة الشايلتها. هيمانُه بيَ شلون لايگُي واني شايلة طفلة. بنص اللحظة رفعت عيونهه رنين باوعتلي بنظرة حقد لدرجة وبنات عمهه واحدة ضحكت بخفه والثانية بوزت. تقربت منهم واني احجي. هـيام -حبي رنين إذا تعبان زوچته تبعد تعبه عنه وإذا جوعان زوجته تصبله فـ حتى إذا جوعان مو انتِ الي تسويلهه اگُل حبيبي خليهه ببالچ مو صح حبيبي؟ شاهين -صح. ابتسم ونزل إيديه قرب نفسه گُلش مني بحجة يأخذ الطفلة. همس

-تعبـان تعاي تا أريد أرتاح بحضنج يولي ميت عليچ. ابتسمت وجاوبته بنبرة عالية عكس نبرته -واني هم أموت عليچ. عض على شفته أخذ الطفلة. بوسها وكال راح ياخذها لغرفته. طلع واجت عيوني على رنين الراح تنفجر من القهر. باوعتلها بنظرة استهـزاء ورحت سويت ممية ورجعت صبيت غده لشاهين على أساس اني ام بيت معتبره وكذااا.

شلت الصينية وصعدت بيها ليفوگ. وصلت يم الباب دگيتهه برجلي. فتح الباب مصلخ بدون تيشرت. خزرني وخزرته. اخذ الصينية من ايدي ودخلت لداخل الغرفة. شاهين -عشَ تشيليهااا؟ عشَ ما صحتيني؟ ناويه تچلطيني. هـيام -ليش تفتح الباب وانتَ مصلخ؟ لو داگه الباب رنين؟ هم تفتحلهه مصلخ؟ شاهين -اواشك تا لا تموتين من الغيرة يولي. هـيام -امداااااني إذا أغار من مفرااااس.

ضحك وگُعد ياگل. أخذت الممية من الصينيه ورحت لـَ الطفلة. فإلهه من الگماط ومنومهه وسط الجرباية. هـيام -عم سيئ من هسه يعلم الطفلةه على المناظر الفاسسسقة. ضحك بهـدوء ياگُل ويتصرف كل شي بهدوء ورزانه. حب واهتمام. رفعت الطفلة وحطيته بحضني وهي تحرك رجلينهه وايديه بحرية وتضحك. ابتسمت على ضحكته وشربتهه الممية. رفعت راسي على صوت شاهين. شاهين -احلى ام تشوفه عيني. هـيام -اكيد من بعد امك. ابوسها لامك على هيج خلففه.

ابتسم ورجع ياگُل. اجا ببالي سؤال. هـيام -ليش لسه ما سميتو الاطفال؟ شاهين -وانا شعليه عندهم اب وجد تا يروحو يسموهـم. هـيام -انتَ مو عمهم؟ شاهين -صدك؟ تا ما ادري. هـيام -شاهين انتَ مستتتتتفز! شاهين -جؤ عجل ابو حرمه تكول لزلمتها مستفز! هـيام -الضاهر انتَ ناسي أنا حامل وهذه القهر كله راح يطلع ببنتـك! رفع راسه من الاگُل والخاشوگَه جمدت بأيديه. بلع ريك ورافع راسه يهـمس -بنوتي؟ هـيام -اءءء اقصد طفلنا. شاهين

-عَجل عش كلتي بنتك؟ هـيام -مو لان حاطه طفله بحضني أجاني هيج شعور. بعدين انا ادري انتَ تريد بنت وانا هم اريد بنت. شاهين -طالب من ابو الحسـن علي وسبع الگنطرة لو چتني بنـوه منج ذابح سبع خرفان ونوزعهم على الأيتام. هـيام -احسنت العمل يابني. شاهين -ابني؟ ضحك بصوت عالي واني هم حجيتهه واني اخشن صوتي وأعدل ضهري وگُعدتي. ضحگُت وياه من استوعبت جدية الموقف وكلامه. برطمت وهمست. -احبك هواي هواي شاهيني. -يروحلچ سبع فدوات يولي.

ابتسم ولبس تيشيرت وشال الصينيه يريد ينزل وعطت -ووين رااايح. -انزل الزاد جوه. -لا لا اوگُف اني اوديهااا. شاهين -اهچدي يلهترره. هزيت راسي وشلت الطفلة بأيديه ونزلت وياه. ضحك ومشاهه المهم ما ينزل وحده وويستفردن بيَ أمثال رنين العوبة. نزلنا حط الصينيه على الگُاونتر واني واگفه بصفه اهز بطفله بخفه. رنين -عَش ما صحتني أنا اجيب الصينيه؟

بلعت ريك بصعوبة اتحكم بأعصابي وما أشيلها والطشها بالكاع. هل ادبسسسز كلبي ورم منهه. رعنة ملطلطة سافله. شاهين -عَش اصيحلچ؟ عجل ما عندي إيد؟ رنين -لا ع.. هـيام -شكرا مفراس اءء العفو رنين على اهتمامج الي ما اله معنى! رنين -نعم؟؟ هـيام -اهتمامچ ما اله معنى بنتي! يصيحلچ تشيلين الصينيه؟ علمود أشنقچ بس تدخلين لغرفتنا. عيونج شيليه من حبيبي لا اقلعهههن الچ!!!

حَس شاهين السالفة حَمت. مع العلم جان مستانس على الوضع بس من شافني صرت أرجف من كثر ما غرت. تعبت واحس اختنقت. رنين -شع.. شاهين -اشششَششش لصمي حلگچ وروحي من هَين. حجاهـا واخذ الطفلة من ايدي وجرني بأيده الثانية يأخذني لغرفتيه. اول ما دخلنا حط الطفلة على الحرباية. كعدت حيلي مهدود ورحت بسرعه على قنينة الاوكسجين. اخذت هواء واسترجعت طاقتي وگُعدت. شاهين -عَش تعصبين هـَج؟ هـيام

-من زمان اني هيج أغار. من كل شي أغار على الي احبهم وأريدهم بس إلي. أنتَ مو هيج شاهين تعبتني. ليش ما تردهن؟ شاهين -مسحتي الگاع بيها وتصيح أردهن. هـيام -اففف. شاهين -وداعَت خضار عيونج المدوهـَني. وسبع الگنطرة وابو الغيـرة. وابـو الحَـسن والحسـين. وعلي قالع باب خيبر. وداعت عيون زمرد ووداعت امي. وخَدر العلويه. عيوني تعمى يم غيرچ وكلبي يدگ بس يمچ.

تنهـَدت براحه وهو شالني من مگُاني وگعدني على الجرباية وحضني من جهه والجهة الثانية حط الطفلة بحضنه. نزع التيشيرت. لازم لازم ينزع. ضربته على كتفه بخفه. هـيام -لازم لازم ينزززع. ما يتحمل. شاهين -اي والله ما أتحمل چمالج. بعد كومي ودي الطفلة. هـيام -شاااهين. شاهين -تشعل ابو وتصيح شاااهين. هـيام -وهسه شنو راح تضل الطفلة تصيحلهه طفلة! شاهين -أنا وين وهـَي وين. هـيام

-صدددك انييي وين وانتَ وين. اني راح أموت من التعب وانتَ كاعد تتبختر على كلبي. شاهين -تموتين من التعب عشَ شسويتي؟ هـيام -صبيت جاي مرتين. شاهين -عفيه بحرمتي السبعه. هـيام -اي وبعد صبيتلك غده. شاهين -عفيه عفيه بويه. هـيام -اءءء اي وبعد سويت ممية لـَ العنونه. شاهين -عفيه بحرمتي السبعه عفيه بالرافعه رااسي عفيه بهيامي عفيه بـَ طير الصاف. هـيام -اءءء اي وبع... شاهين -كافي عفيه بنوات ما تشبع مدح. هـيام -شاااااهيييييين!!!!!

شاهين -دخيلك ياعلي. هـيام -بنوووات منووو بنوااااات انيييي بنيه واحدددده بحيااااتك واشلعععع راسهه التدخل حياااااتك. شاهين -النبض قصدي على بنـوه صگُر. هـيام -اها. شاهين -اي. هـيام -احبك. شاهين -ميت بيچ وعليچ. هـيام -أمم ، اشو احس غرت هاي ليش نايمة بحضنك؟ شاهين -أوخرها تجين بمكانها؟ هـيام -سررسرري. شاهين -ههههههههه. ضحك بصوت عالي والطفلة ضحگُت وياه تباوعله ورافعت ايديهه تمسَد على لحَيته. هـيام

-خررررب حظي حتى الجهال حطت عينها على رجلي. ضحك ونزل نفسه يبوس بطفلة والطفلة تضحك بصوت عالي وهو يزيد بّـ البوس بيها ويشمشم برگُبتهه ويبوس راسها وركبتها وخدودها وعيونهه وحنگُه يغيضني بيها. هـيام -شاهين شنو هااي لا تبوس بيهه هيج! شاهين -اعوفهه وابوس بيچ؟ هـيام -ااااااف. ترگُته ورحت لغرفة زمرد فتحته وشفت لمار متمدده متگُسره طول الفاتحه هي تشتغل. ياروحي يالمور وزمزم كذالك. تمددت بنص بينهن واني اهمس. -ياروحي التعبانات.

لمار -انجبـي. زمرد -احسنتي لمار. هـيام -ولچننن. لمار -ووجع. زمرد -احسنتي لمار. هـيام -هاي تطبگن عليه يا حقيرررااات واني حااامل! لمار -حامل على روحج مو علينا. كلبي ورمتي. زمرد -احسنتي لمار. هـيام -راح اروح لغرفتي وبعد مارجع الچن! لمار -روحه بلا رجعه. زمرد -احسنتي لمار. هـيام -شلوووون راح أكووملها احسن ضلوعهاااا اليوم. العوبة الحية العگربة مو حامل بابن اخوج. لمار

-شگيتينااا شك بحملچ احنننه شعليناااا شعليناااا مو الفاتحححه خلصتيهااا براسنه حقيررره نذله. هـيام -اني معليه ام شاهين ماتخليني. زمرد -أوف من امي. هـيام -وجعع حتى وجعع شچاچنن! هيَ كلاصين جاي! لمار -كلاصيييين جاااي اخخخ كلبي سمعتتتي زمرد سمعتيييي؟ زمرد -تاسمع تاسمع بس ساگته. چسمي يون عليا. ترگتهن اضحك على حالهن. فعلاً متگُسرات تگُسسر من الطبخ والتنصيف. دخلت لغرفتي شفت شاهين واگف وبأيده الطفلة نايمه. تقربت يمه واني اهمس.

-نومته؟ -اي. هزيت راسي ونزلنا ثنينا. شگلهااا نگرگززز عليَ. نايمه على گُتف شاهين وخدها صاير طابقين واحمر. تموت. نزلنا لـَ الغرفة. صگُر كاعد وأمه گاعده. ام صگُر -عَش اخذتي الطفلة؟ شاهين -عندج مانع! ام صگر -لا لا يذيب شعندي هـساع همَ ولدك ابنك وبنتك. شاهين -صگُر. صكر -ها. شاهين -تريد تسميهم؟ صگر -لا. شاهين -عَش! صگر -انتَ سميهم أنا مالي خلك. ترگـنا ودخل لغرفته. هزيت ايدي. سبحان من خلق صگُر الفاهي اخو شاهين الذيب!

شجاب الثوم على الحلقوم! الحمدالله من اخذت الحلقوم. شاهين -هـيام. هـيام -ها. شاهين -شعتسميهـم؟ ام صكر -شل.... شاهين. -اشَشششش انجعمي. سكتت بسرعه تبلعم وتباوعلي بحَقد وغَل. إندار عليه شاهين يأشرلي شنو راح اسميهم؟ هـيام -شعتسميهم! هـيام -زينب وزيد. عگُد حاجبه يفگُر وعجبنه الأسماء. شاهين -شمعنى؟ هـيام -علمود يصيرون مطابق لـَ زمرد. زمرد زينب زيد.

ضحك وهو يهز براسه " اي" ويهمس. شكد تحبين زمرد يولي. ضحكت فعلاً أحب زمرد هواي وحبيت يكونون الأسماء قريبة منهه. رحنه لغرفتنا توسطت احضانه وروحه من بعد بعَـد ثلاث ايامً اشتياق وحب انجمع بگلبنا. گعدنـا الصبح ومرت أربع ايامً بـَ سلام وروتين عادي.

بـَ اليوم السابع لـَ سلوه الله يرحمها انعزم الگُل ببيت العم الكبيـر. الي زوجته هيدعاء ما قبلت لا اروح لا اني ولا زمرد ولا لمار. وام شاهين عارضت وكالت ما يصير. شگُلهم وما قبلت. حجينهه ويا شاهين وكال لا تخافين العزيمة للگُل حتى اني اروح. اطمئنيت من عرفت شاهين يروح. هـيام -امداچ زمرد سويتي بيَ خرعة من هل مرة! زمرد -أنا شعليا؟ هيَ تخوف. هـيام -هم صح. يلا روحي بدلي.

راحت تبدل ملابسها واني كذالك رحت ولبست ثوب اسود. اكثر شي عندي اسود الثوب واحب الفساتين السود. ولفيت ربطة سوده يم زمرد ورجعت لغرفتنا. اول ما دخلت صار بوجهي شاهين. فتح عيونه ممصدك وضحك. هـيام -لتفرح ترا لان فاتحة! شاهين -العافيه درجات. تقرب مني بلهـفة يبوس راسي ويهمس بگُلمات تقشعر البدن من قوتهه. ابتسمت ورحت اللبس حذاء وگُف كدامي وهو يحجي. شاهين

-عصبيه ممنوع، تتحَرگين ممنوع، تشيلين شي ممنوع، تطلعَين برا البيت ممنوع، تحجين ويا زلمه ممنوع، تغارين ممنوع. هـيام -ممنوع أغار؟ من هسه محظر روحك؟ شاهين -لاه يالنبض عيوني تااامتشووف غيررررج. عاطهه وسحب ايدي باسهه وباس راسي وهـمس. شاهين -عادي طلب؟ هـيام -عيوني الـك شاهيني. شاهين -اه اه شويه على كلبي. هـيام -راح أغير رأيي. شاهين -لا تا تلبسين عبايه؟ هـيام -اللبس. بإوعلي متفاجئ اني البس عبايه!!

بس مو وقته أتناقش. طلب مني بـگُل رقي ليش اكسر خاطره وما البس؟ واكيد عنده غايه من لبسني عبايه وهو اعرف بـَ المكان الي نروحله. هـيام -شاهين لا تفرح لا لبست عبايه ولا حجاب. هاي لان فاتحححه! شاهين -اي حبيبي العافيه درجات.

اخذ ايدي وطلع من الغرفة. تلاگينا كلنا حتى لمار لابسه عبايه ولايگتلهه. طالعه تموووت. مشينها بصف بعض وصعدنا سياره شاهين كلنا وتوكلنا على طريق بيت عمهم الگُبير. اخير بيت بـَ الفرع كله لذالك رحنه بـَ السياره وشاهين مايقبل نروح مشي لان حامل. بيتَ كبير عملاق مثل بيتنا بـضبط بصفه قطعتين وماكو جيران. حتى البيت غريب اليگُلك كاعده بفلم رعب! بلعت ريك وشددت على لزمتي لايد زمرد والأيد الثانية لازمه لمار هـمست يم زمرد -لا تعوفيني.

زمرد -نبقى سوة. دخلنا ليجوه. شاهين دخل لـَ الاستقبال وتلگانا رجال. رجل كُبير في العمـَر. لحيتَه وشيباتـَه كل شي يدل على كُبر سنه. وقور إلى درجه. سلامه كان من نوع آخر. وكلمه بنياتُي ما وگُعت من حلگه. شگله يختلففف عن مرته اختلاااف جذري. شكُله مريح للنظر ومحُب للعين. وقور، ومهيُب. دخلنـا لـَ البيت تسالمنا ومثل ما توقعت الأمه كلهن هناك. رنين وهيدعاء وجماعتهـن. سلمت سلام چـاف ورجعت اگُعد. حجت وهي تباوعلي. هيدعاء -شلونو؟

هـيام -منو؟ هيدعاء -ذيب. هـيام -بنص الخير واني مرته. هزت راسهه عده هَزات تجاهـلت الموضوع وحطيت ايدي على بطني امسد عليهه. هيدعاء -شلونو الطفل. هـيام -بنص الخير واني أمه. گُرصتني زمرد من شافت هيدعاء صفنت عليه صفنة مخُيفه. بلعت ريك. دخل هنا. ويا بنيه. توجهت الانضار عليهم. سلمت سلام عادي وتقربت علينا. ثبتت عيونها على لمار. وهي تكول. -انتِ مرته لعمار؟

تخربط وضععع لمار تخربططط من شافت عمااار. هذه شمسوي بيههه وهيج صارت صفره وگُامت تكرص باضافرها من وراه عيونهه لمعت دموع وراح تبچي. گُمشت ايدها واني اهمس بينه. هـيام -لمور انتِ لمور القوية لا تخلي يستهـزى بيج! دوسي راسه واعبري. رفعت راسهه وواجهـت عمار بنضراته. عمار الواگُف وسط الصالة وعيونه تأكل اگُل بلمار. گُل الي سووهـ بيَ والگتل الاگُله ما فاد؟ اني اجاوبگُم ولا فااد. عيونهه تاگُل بيهه وما مهتم لاحد!

گررت البنيه السؤال الموجهه لـَ لمار. -انتِ زوجه عمار؟ لمار -زوجته السابقه! -اي حبيت اگلچ اني ضرتچ السابقه هههه. بهت لوني ولون لمار بنفَس الوقت. تزوج؟ تزوج وأخته هذاك اليوم طلع الأربعين مالته! ولو شتتوقعين من گُلب وعاار مثل عمار! اجا يضحك ويسولف بصف هل سافله مرته وگُل وعقله راح يحترك كلب لمار؟ نجح احترك كلب لمار! عيونهه تصبغت حَمر تجمعت الدموع بعيونهه وهي تباوع للبنيه. هزت راسهه وهي تحجي. لمار

-مبروك عليج زواچچ الجديد. -جديد هههه اني قبلج حبيبي. صدمممه فوك صدمممه الگُلب. خدعنااا كلنااا. صارت كُعده زلم وما گُالو عمار متزوووج! لمار -شلون أنا مرته الاولى! عمار -لا انتِ الثانيه. -اي حبيبي انتِ الثانيه اجيتي فوگُي بسببب غلط صار وهو سگُران والحمدالله من خلص من هل غلط وتغلط من هيج نماذج زبااله! عمار -صحيح لمار مرتي الثانيه وطليقتي الأولى بس انتِ مختلفه. -شلون حبيبي هههه. عمار -انتِ مرتي الأولى وطليقتي الثانيه.

-شلووون؟!! عمار -انتِ طالگ. وسعت عيونهه ودگُت على صدررهاا كل قوتها صاحت -عمااار شبييييك تخبللللتتتتتتتت. عمار -انتِ طالگ. -يبووووو. يبووووو وووولج عممممه حااااجي عممممه عمووووو ويييين اروووح اتبههذذذل عماااار لا تسويهااااا لا تسويهااااا ابوووس إيدك. عمار -هاج بوسي. مدلها ايده بگُل قذاره وهي لزمت ايده تبوس بيهه ليگلك حيوانه! لا كرامه لا خلق لا أخلاق! لعبتتت نفسي لدرجه اجيت اتقيئ بمگُاني. عمار -انتِ طالگ.

حجاهـا وهي تبوس بأيده. ضحك ودفعهه عنه وكعت بالگاع تدك وتلطم وتصيح يبووووو وين اروح بشااااارع عمووو الحگلييييي. راحت تركُض تدك على باب الصاله وتصيح. طلع ابو عمار يحاچيها يگللهت ابني ارعن. عمار -ارعععن شنوووو اررررعن تستاااهل هل*** علمود مررره ثانيه ما تكول على تاج راسها زباله! هل ليله انتِ روحي كضيههه بزباااله يا زباااله. -هاي كلها لان كلت الها زباااله؟

اسفه اعتذرررر منههه والله تبوس ايدهـا ورجلهااا هممم رجعننني الله يخليك عماااار. ماگدرت أتحمل هـلمهزة وصابني غثيان قوي. ما اندل شي ولا اعرف مگُان الحمام وين. رگُضت لطابق الثاني اول باب فتحته تقيئت بيهه بدون لا اعرف شنو ومنو وشگُو. تقيئت ورفعت راسي من گُفختني ريحه! بسسس شنو من ريحـة! ريحة لعبااان نفس چثه وميتتته هنا!

رفعت راسي اباوع لمحت المكان اضلم وصايره دويرة بلنص مفروش گنبار وداخل الگنبار ادوات تخوووف. صوور ناس أشخاص ملابس دم!! بلعت ريك وگُف عقلي وگُل اعضائي من سمعت صوت طگطگه من جوه الجرباية. يتبع.