رواية ذيب الغربية الفصل السادس عشر 16 - بقلم طيبة وليد

-أي بس مو أهلي لخاطر هيام أساساً لوما هي أصلاً محد ياخذ حقي. بلع ريجه وأوضاعه تخربطت وحجه: -أنا أهلي دحكي انتي حرمة خوي وانتي أختي أي شي تحتاجين عٰـ عينـاج. ابتسمت وحسيت فعلاً يدافع لي من شفت حميته علي وضرب صديقه وابن عمه علمودي وحجيت: -زين. ليش تدافع لي؟ ابتسم وفتح باب السيارة وأشر لي أركب وركب هو شغل السيارة وشفت عمار گاعد على الرصيف رأسه بين إيديه. التفتت على شاهين من جاوب: -بيج ريحة منها. صفنت لحضات

استوعبت وجاوبت بصدمة: -يععنييي صدككك تحبهـااا تحببب هـٰـييياااممم ؟؟ ابتسم وعيونه لمعت أووي لعد هـذه شكد يحبها وهي عرمة وما تحبه فوگاها. فززني من جاوبني: -ما أحبها! بهتت وهو رجع حجه: -عاشگهـا وخــدر العلويـة وحك سبع الگنطرة وحك وحك الگطعو جفـوڤـو غدر وحـك زينـب ومعزتها بكلب إخوانهـا. وحك حزام الحمزة وحك يوسف وجمالو. عاشگهـاااا.. صابتني قشعريرة من حلفانه وشلون صاح "عاشگها" بصوت نابع من گل گلبه. ياريت تقبل تتزوجه.

تجي يمي اللههههه دنجبي وين تجي يمج على أساس انتي عايشة بالعسل. تجي تكابل البقرة والمطية هدى وحوراء. أشو أني هم كنت أمسلت شلون تجي يمـي؟ عمار وشاهين مو أخوان؟ يعني موو يمييي. هسه أفرح لو أضوج؟ ديلا عادي لعد شسوي هسه خل تقبل بعد شويه إذا أفكر بحياتهم حتى أسماء لجهالهم أخلي. سكتتت وشاهين هم ساكت. شوية ووصلنا للشقة مأجرين شقتين.

واحدة النا ووحدة لشاهين وشاهين يطلع من الصبح يرجع بليل بـ ١ تقريباً. أدري لأن بأيام الامتحانات جنت أسهر الصبح فمرات يجي ما ماكل يدك الباب يكول تسويلي أكل لأن يدري أضل سهرانة. استغربتو مو؟ يعني هو يطلع الصبح يرجع بنص الليل وين جان ليش ما ماكل؟ مع كامل الأسف أجوبة هل أسئلة مو يمي لان محد يجاوب. وماريد أسأل شاهين. خلي واگف وياي الله هادي لا يگلب عليه. صعدنا المصعد وصلنـا لشقتنا واحدة مقابلة الثانية.

سلمت عليه ودخلت لشقة فارغة وباردة. بردهـا يدك بالعظم. نزعت الكوت الشتوي وشمرته بالصالة. دخلت الغرفة بدلت ملابسي وگفت گدام المراية أمشط شعري برخاوة. مشطته وخلصت باوعت على الساعة بـ ١١. غلسـت ورحت حطيت راسي على المخده وغفيت بسرعة من التعب. حسيت على بوسات متفرقة بوجهي. فتحت عيوني بخفة وشفت عمار گاعد يمي محاوط راسي بإيده. زفرت نفس صار على وجهه. غمض عيونه وفتحهن بذبـول حجه: -شگيتيني شـك بطول لسانج.

أول ما شفتج گلت فقيـرة وحبابة. -صحيح جنت هــيج بس انتِ گلتها لبنية الفقيرة والحبابة. ضغط على زندي بإيده وحجه: -ما گلتها الصوج بيج انتي لوما شفت اللمعة الي بعيونج من تباوعيلي وشلون متخلين أحد يحجي عليـه وشلون تتلهفين للكلاام وياي. أول واحدة قبلت بيهن من گتلجن تعالن اشتغلن ما رفضتي. جان عندي إحساس تجين بس تجين جنت راح أتأكد تحبيني.

بس تأخرتي ساعة وغابت آمالي. رحت شربت وگعدت بالمكتب وما أتذكررررررر شيييييييييي ثااااااااااااااااااااااني. على صرخته نزيت ورگضت نزلت من الجرباية. وأني دانزل عثرت وكعت. حضنت رجليه وضميت راسي بينهن أبجي بهستيريا. ماگدر حتى أوگف بجي. أطرافي ترعش رعش مو طبيعي. ما حسيت غير على جرة إيدي الي حسيتها نخلعت. شفته گدامي جرني عليه وحاوط خصري.

يريد يحضني واني أبجي بهستيريا وأدفع بي بس كالعادة قوته تضاعف قوتي. حضني بگل قوته يمسح على راسي بإيد والإيد الثانية محاوط خصري يحجي: -آسف آسف إني آسف. گافي لتبجين گافي. أريد نبدأ بداية جديدة ننسى گلشي يصير گلشي نبدي من جديد؟؟ هزيت راسي وسگتت بلگوه فلتت روحي من بين إيديه. وأخذت ملابس ودخلت للحمام. نزعت ملابسي وگعدت جوه الدوش أبجي بقوة وآملخ بأظافيري بجسمي. لحد ما نزل دم من رگبتي وگمت باوعت على روحي.

چيني عبارة عن قطعة حمرة من التخرمش. أخـخـخ يا روحي شوكت ترتاحين؟ بجيت بضعف وقلة حيلة. شسوي يعني أهـل ماعندي؟ يمامة وهيام ابتـلن بيه يعني؟ منو يقبل بعد يتزوج واحدة مثلي؟ گعدت بالكاع وضربت روحي بقوة على وجهي. سووودة بوجهيييي من قبلتتت اتزوووج. يررريدددد يبددددي منننن جديدددددد. والايااااامممم والصياااااج والاللللللمممممم. ربـي والله تعبت. ربـي دخيلك. ربـي بس انته تعرف إني بشنو مريت! محد يحس بيـه! مالـي غيرك ربـي!

تنهدت وسگتت گلبي موجر نار. گمت من مگاني ولبست ملابسي. طلعت من الحمام وصار بوجهـي مدد على الجرباية. يباوع على باب الحمام أول ما طلعت ابتسم وأشر لي أجي بحضنه. بلعت الغصة التوسطت بلعومي ورحت يمـه. فتحلـي أيديه وجرنـي عليه. حط راسي على صدره وأيديه محاوطتني. دخل إيده بشعري من شافه مبلل عقد حاجبه بإزعاج وأردف: -الغرفة باردة والجو بارد ليش ما مشسورة شعرج؟ هسه تتمرضين؟ -مٰـا أتمـرضٓ نــار گلبــي مدفـيـتـنـي.

دفع راسي بحركة سريعة جرني گعدنـي على الكرسي مال المراية. جر مشط مشط شعري بگل هدوء ورجع جاب الشسور شغله. شسور شعري خصلة خصلة يشسور ويمشط يشسور ويمشط. خلص جرنـي للجرباية گعدني. طفى الضوء وتمدد. فتح ايديه وجرنـي حطنـي بين ايديه ورأسه بشعري يشم بي. يأخذ نفس قوي ويزفره. شگد حسيت بالاهانة هنا! شگد حسيت بنعمة الأهل هنا! يحرگني مثل اللعبة بإيده! ماگدر أحجي ماگدر أرفض! أخاف أخاف يضربني! وإذا ضربني منو يوگف وياي من الأساس!

مجبورة أسوي گلشي يطلبه مني مجبورة على گلشي!! ليش؟ إني أگللكم ليش!؟ سهل الجواب. لأن ماعندي أهل لأن إني غبية دمرت روحي بروحي. شوفي هيام ويمامة ليش ما أصير مثلهن شخصية قوية؟ لأن أمي هيج علمتني؟ البنت ما يصير تعارض. البنت لازم ما تحب. البنت لازم ما تلعب. البنت لازم ما تشتغل. البنت لازم ما تدرس. البنت لازم تتقبل قسمتها ونصيبها. البنت لازم تخدم الرجال. البنت ما الها غير بيت رجلها.

تعودت على هل گلمات من جنت بالابتدائية. بابا جان يكول لأمي بس خل تتعلم تقره وتكتب وأبطلهـا ما عندي بنية تكمل دراسة وما عندي مصرفهـا للمدرسة. بس شاء القدر إن يموتون وأكمل دراستـي. من اجت هيام للميتم. جانت أغرب بنية بالميتم تسوي أشياء مو طبيعية وكوارث. گل الي بالميتم يخافون يتقربون منها واني من ضمنهم. ما عدا يمامة!! الوحيدة من جانت تتعرق هيام وتحلم تروح يمها تسويلها كمادات. وتبوسها. حبتهـا من أول ما شافتها.

أتذكر مرة جانت هيام دتسولف بالحلم ومتعرفه إيديهـا ترجف. باوعتلي يمامة وكالت: -خل نروح نگعدهـا لو نروح نسويلها كمادات؟ -أخاف موبيدي شگلهـا يخوف. واحدة من البنات تكول بيها جن!! فتحت عيونهـا وغمتنـي وحجت: -صدك تحجين والله عيب عليج ترا هـيه طفلة وأمها وأبوها ماتوا!! شلون ما تتمرض على فراگهم!! متستحيين تحجين هيج!! وعافتنـي وراحت يم هيام تسويلها كمادات. نزلت راسي مستحية من طفولتي. إني أم دمعة على گولت هيام.

حساسة وما أتحمل أقل حچاية. هههه جنت أقصد. هسه ألعب بيه لعب. تذكرت موقف من انجرحت بالدم وهن جرحن نفسهـن. شگد أحببب هلل موقففف.. إنرسمت ثغرة ابتسامة على وجهي مجرد طاريهن يخليني ابتسم. وجودهن يخليني أحلق بالسماء. "ما نعرف قيمة الأشياء إلى نفقدها". من فقدت حنيتهم ونومتنا وأكلتنا وطلعتنا ومدرستنا كله سوا ياله حسيت شگدد جانن ماليات عليه حياتي! يجوز تشوفون حبنا مبالغ بي أو ماكو صديقة تحب صديقاتها هيج!! بس احنا نختلف.

احنا طفولتنا وشبابنا وكل شي سوا. شگد ما تجي وأوصف ماگدر. أحجي ذرة عن حبي لهن بگـلبي دائما ذكراهن موجودة. غفيت واني بنص أفكاري. گعدت على نفس برگبتي. غمضت عيوني بقوة بنفاذ صبر حجيت: -وخر عمار شبيك؟ فتحت عيوني أشوف عيونه الذبلانة: -انهوست بعطرج. -روحي اشتري لعد؟ ابتسم وحط إيده واحدة جوه راسي وأيد الثانية على خدي يمسح عليه وحجه: -فگرتي بالموضوع؟ صابتني قشعريرة من أنفاسه ضربت وجهـي وحجيت: -يا موضوع؟

ابتسم وهو يمسح على خدي: -نبدي بداية چديده؟ بلعت ريگ هـذا شديحجي. جاوبت: -بعدني أفگر أنطيني وقت؟ -گل الوقت مفتوح الـج! أشرت على إيديه وحجيت: -تگدر هم تنطيني مساحتي الشخصية؟ -چــؤ ماگدر احنـا متزوجين مابينـا مساحة شخصية!! حجيت بارتباك: -زين بس خل أروح للحمام؟ هز رأسه ووخر. گوه گمت داروح للحمام وجرني من إيدي. هو كاعد على الحرباية واني واگفة وحجه: -بعدج عنـي مثل بعد المدمن عن المخدرات هيج أتلوى بفراگج!

باوعتله بارتباك أرجف. هزيت راسي ورحت للحمام. أول ما سديت باب الحمام انهـاريت. گعدت وره باب الحمام أبجي بصمت حاطة إيدي على حلگي. هـذا شديحجي؟ واني ماريده! أريد أروح لشاهين يلگالي حل!! ايي اي اگيد أروح؟ قررت خلاص أروح لشاهين. غسلت وجهـي وطلعت صار بوجهـي. مبدل لقاط رصاصي بي خطوط بيض. باوع عليه وابتسم. جرني من إيدي عليه وحط إيديه على الرباط مالته وحجه: -سويليـا. سويته اله وهو حجه:

-راح اطلع أستلم شغل شاهين وهو يبقى بالشقة مالته بالضرورة تروحين اله بس... هزيت راسي مصغر عيونه بشگگ وحجه يأكد كلامه: -بالـضـروِره! -أي والله بالضرورة بسس. هز رأسه باس راسي وطلع. تانيت تمر شويه وأروح. مرت تقريبا نص ساعة فتحت الباب صارت گبالـي شقة شاهين. سمـيٰت بأسم الله ودگيت الباب. بالدگة الرابعة طلع مبين جان نايم. من شافني توسعت عيونه وحجه بصوت يرچف: -شگـوو شصااار هييااام بيهـااا شيي ؟؟؟

-لاا لاا والله ماگـو شي بس أحجي وياگ؟ هدأت أنفاسه وهز رأسه ودخلنـي للشقة. گعدت على القنفة الموجودة بالصالة متوترة گلبي يرچف. حجيت بسرعة ودموعي تنزل: -شاهين جايتك أنخيك نخوة. انت مو گلت إني أخوج. عليك الله خلصني من عمار تعبت والله ماگو هيج عيشة. گلشي بالاجبارر گلشييي حتى رأي ما عندي؟ يضربني على أتفه الأشياء. يغلط وگلشي بگيفه. حررررام. إني يتيممممخ اتقـوووو الله بيـه. غصيت بالكلام وشهگت وإني أحجي:

-والقرآن حوبة اليتيم تگسر الضهر. يستقوي عليـه لان يتيمه!! رفعت راسي عليه شفت ملامحه العصبية وعيونه التباوع بعطف. باوعلي وحجه بحزم: -هـيري تانروح لغيرو لهل مكان! فزيت وگمت وإني أحجي: -لحظة لحظة يعني أشرد؟ -تـاموتـج إنـا هيري تانروح واسمعي گلامي. وفعلا رگضت غسلت وبدلت ملابسي وطلعت ويا. صعدنا السيارة وحركها وحجيت: -وين نروح؟ -لبيت. -بيت منوو؟

مارد وفعلا شويه وصلنـا بيت حلو كلش خشبي وحلو. نزلنا بي. أنطاني مفاتيح البيت ووصاني على روحي وما فتح الباب لـ أحد أبد. لأن إذا هو أجه عنده مفتاح ثاني. وأگو أكل وهيج. وفعلا راح وانـي رحت نمت بوجهـي. گعدت فتريت بالبيت بدون ما اطلع لبره وشفته شگد حلوو. گعدت أفگر هـسه شصار يجوز ما أهتم؟ وهيام ويمامة؟ والنتائج؟ هـو شاهين يجيبهن! دنامي لتفكرين بعددد. وفعلا رحت اتمدد ونمت.

فزيت من النوم على دگه باب. وهـاي ثاني مرة ما أسمع الكلام وثاني مرة أدمر نفسي بإيدي!! رگضت على الباب بدون تفكير فتحته. گل عقلي شاهين!! انصعقت من شفته عمار!؟ عيونه حمر مبين ما نايم؟ وجهه من العصبية ناطه عروگ وجهه؟ رجعت ليوره عدة خطوات من شفته يتقرب إلي. وحجيت بصوت يرجف: -عـم خـ خـل أفهمـك. وبحركة سريعة انضربت راشدي حرك خدي حرك من قوته وصاح بحركة گلب:

-حيييييوووووووواااااااننننه گتلللللججججج فررررررراگللللج مثلللل فررررررررراااااااااااك المددددددددددددمممممن للـ مخدددددددرررررااااات. تررررروووووحين تعووووووفينـيييي تشرررررديـننننن مووووووووووو لججججج انتـييييي بأيدددددددد عماررررررر ماگووووووو مفرررررر ماگووووووووو طلعععععه انسسسسسي طلااااااااك ماطلكككككك وماعووووووفج لللللججججج انيييي تعوفينييييييي وتشرررررديييين ليييشششششش موووووو مالج نبدددددي بددددايه جدددديدددده حيووووواننننه انتـي مو مااااال احترررررام بس انـي انـي اعرف شلون اخليييييج تبقـيييين يممممميييي غصـببببن مااااااا على راسسسسج وهـو انتٍي اصلااااا بالحالتين باااقيييه بس انتـي تستااااهـليييين الراح يصييييرررر بيـج.

دموعـي تنزل بهستريا وماگدر حتى أحجي وأدافع عن روحي. حتى النفس الأخذه أشـهگ بي. مجرد ما گمل كلامه سحلني للغرفة. يشكك بملابسي. عطت بصوت فزز الموتى من قوته:

-لااااااااااااا عممماااااااارررررررررررر اسفففففففهههه والله ماعيدددددهـاااااااااااا. واللله ابقققى يممممممك لااااااااا تسويهـااااااااااا لا تكسرررررررررررني للمررررررررررع الثانيه ماااااااااااااا اسااااامححححححححك هـذذذذذذذذذيج المررررره سكررررررااااان هـااااايييي المرررررررره ما اساااااااااامحككككككككككك وخررررررر عليككككك اللله. ماهتم بولا گلمة من توسلاتي. وخر عني نزع قميصه ورجع شك قميصي. رجععت أحجي بتوسل:

-علييييك الله عليييك العبااااسسس التحلفوووون بـيييي وخررررر عنييييي علييييك السيدة زينـب بسترررر أمك بسترررر أختك وخررررررر عمااااارررررر وخررررررر ما اسااااااامححححححك والله وخرررر عليك النبي يوووسف وخرررر بدااااععتت العباااسسس وغيرته على اختـهه وخرررررر. ما أهتم لأي گلمة ورجع گمل فعلته الشنيعة بگل حقارة ودناءة ونذالة. وتم اغتصابي للمرة الثانية من نفس الشخص بس اكو فرق. "وحدة غير شرعية" وواحدة شرعاً "