رواية تخلت عن كبريائها من اجله الفصل الثالث 3 - بقلم رونا

صحيت شذي وكالعادة بتفطر. شيري: أنا هتأخر شوية النهاردة عشان هستلم بضاعة. شذي: تمام. وبتيجي الخادمة. الخادمة: الظرف ده ليكي يا شذي هانم. شذي: تمام. شيري: افتحي شوفي فيه إيه. شذي: مش لازم، لما أروح الشركة. يلا باااي. شيري: باااي. بتوصل شذي الشركة وبتقول للسكرتيرة. شذي: سلمى، متدخليش حد عليا غير لما تبلغيني. مفهوم؟ سلمى: مفهوم يا فندم. بتدخل شذي المكتب وبتفتح الظرف وبتلاقي صورة

لشيري وورقة مكتوب فيها: "متقربيش من اللي يخصنا وأديهولنا بدل ما نقرب من اللي يخصك". شذي بتتوتر وبيجيلها مكالمة تلفون من رقم برايفت. شذي: لو قربت لأختي هشرب من دمك. المتصل: متقدريش تعملي حاجة لأنك متعرفنيش أصلاً. قدامك 48 ساعة تجيبي اللي يخصنا وإلا تقري الفاتحة على أختك. (بيقفل) *** من شهرين وبعد مرور سنة على وفاة والدها ووالدتها.

في يوم شذي اكتشفت خزنة سرية في المكتب ولقيت أوراق صفقات مشبوهة، تجارة مخدرات وسلاح وتجارة أعضاء باسم باباها. واتصدمت ومعرفتش تتصرف. وتاني يوم جالها مكالمة من رقم برايفت. المتصل: شذي الجارحي معايا؟ شذي: أيوه، أنت مين؟ المتصل: مش مهم تعرف أنا مين. المهم إن أنتِ عندك أوراق مهمة تخصني في الخزنة السرية بتاع أبوكي. شذي بخوف: أنت مين وعرفت منين الكلام ده؟ المتصل: أنا مين ميخصكيش. عرفت منين؟

أنا حطك تحت عيني وعارف كل تحركاتك وعارف عنك كل حاجة. وعارف إن عندك أخت اسمها شيري. من يوم ما أبوكي مات، أكيد مش هسيب لك الأوراق قدامك. فرصة أسبوعين وتردي عليا حياة أختك قصاد الورق. وطبعاً البوليس لو شم خبر أنا هعرف وهقتل أختك. (بيقفل) شذي اتصدمت ومش عارفة تعمل إيه. دخلت نيرة عليها. نيرة: مالك يا شذي؟ في إيه؟ شذي: في حد بيهددني بيقول عايز أوراق تخصه وإلا هياخد حياة شيري. وأنا معرفش الأوراق دي بتاعت إيه ولا فين أصلًا.

نيرة: طب عرفتي مين ده؟ شذي: لا، مرضيش يقول ومكلمني من رقم برايفت. نيرة: طب ما تكلمي البوليس. شذي: مينفعش عشان حياة شيري.

شذي مرضيتش تقول لنيرة الأوراق بتاعت إيه عشان شكل باباها قدامها وعشان خافت عليها من المجهول اللي بيراقبها. وبعد تفكير قررت شذي تديله الأوراق وقالت إن باباها خلاص مات والأوراق ملهاش لازمة، بالعكس لو حد عرف بالموضوع هتبقى فضيحة ليها ولأختها وبنت عمها والشركة. فقالت تديهاله وتقفل الموضوع ده. واستنت اتصاله وبلغت بالموافقة. وقالها على الميعاد. مكان صحراء بليل. وصلت شذى حسب الميعاد.

الشخص لابس قناع على وشه: أهلاً آنسة شذي، جبتي المطلوب؟ شذي: أيوه. اتفضل. ولسه هتمشي قالها استنى. فوقفت. الشخص: أنتِ فاكرة الموضوع خلص؟ شذي: يعني إيه؟ الشخص: يعني أبوكي مكنش تاجر مخدرات وأعضاء وسلاح عادي. كان تاجر وعضو مافيا. وقوانين المافيا بتقول الشخص اللي يموت ابنه أو بنته اللي ماسك الشركة يمسك شغلنا. أظن كده فهمتي. شذي اتصدمت.

الشخص: مفيش حاجة اسمها مش عايزة. لازم تبقي معانا عشان نضمن إن أسرار شغلنا متروحش للبوليس. شذي: بس أنا معرفش حاجة عن شغلكم. أنا معرفش إن بابا كان شغال مع مافيا أصلاً. أنا اكتشفت الأوراق دي بالصدفة وعرفت إنه مجرم وتاجر، ومكنتش هسلمها للبوليس لأنه مات ومش هفضح نفسي. ولما انت كلمتني افتكرتك شريكه، لكن معرفش إنك تبع مافيا. وحتى بعد ما عرفت أكيد مش هبلغ عشان مفضحش نفسي ولا عيلتي ولا شركتي.

الشخص: كل ده كلام، لكن مفيش ضمان. الضمان الوحيد إنك تبقي معانا وإلا هنفضحك ونقتل أختك. شذي مكنش قدامها حل إنها توافق ووافقت. وساعدتهم كتير. *** ومن يومين شذي اكتشفت خزنة سرية في البيت ولقيت فيها قطعة آثار. والمافيا عرفت عشان كده بعتولها الظرف النهاردة على الفيلا عشان يعرفوها إنهم يقدروا يوصلولها ويوصلوا لأختها ويقتلوها. ياترى آخرتها إيه. وبتكَمل شغلها. *** عند شيري. بتوصل الأتيليه.

شيري: جميلة، كلمتي الناس بتوع البضاعة؟ جميلة: أيوه وقالولي إنهم في الطريق. شيري: تمام. في اللحظة دي بتدخل دينا. دينا: هاي شيري. شيري: هاي. تشربي؟ دينا: أنا مش جايه أشرب، أنا جايه أشتري. شيري: تشتري؟ فستان طبعاً. دينا: أنتِ غبية يا بنتي؟ فستان طبعاً. شيري بتتفاجأ بجد. أخيراً، ويا ترى إيه سبب التغيير ده؟ دينا مبتحبش تلبس فساتين حتى لو في مناسبة، عشان كده شيري اتفاجأت.

دينا: عادي يعني. رايحة فرح تبع أهلي. خطيبي ولازم أبقى مزة. شيري: بس أنتِ مش بتهتمي بالحاجات دي. دينا: ما أصل آخر فرح حضرته معاه كل البنات كانوا مزز أوي وكنت حاسة إنهم هياكلوه بعينهم. ده غير الكلام السخيف اللي سمعته. فقلت أفاجئه بيا وأخرس أي حد يتكلم. عايزاكي بقا تظبطيني. شيري: اممم، فهمت. هظبطك أحلى تظبيطة. *** في الشركه.

حمزة بيدخل مكتبه. وفي نفس الوقت نيرة بتدخل مكتبها وبتتكلم في التليفون. ودخلت مكتبها وحمزة فضل واقف يسمع. وفي نفس الوقت بتخرج نيرة بسرعة، وطبعاً ماخدتش بالها إن حمزة واقف. وبينزل وراها. لقاها بتركب العربية وطارت بيها. رجع تاني الشركة لأنه مش هيلحقها. ياترى شذي هتتصرف إزاي مع المافيا؟ ياترى إيه المكالمة اللي جت لنيرة وإيه اللي خلاها تنزل بسرعة؟ ياترى ليه حمزة ركز مع نيرة وراقبها؟