رواية تقي الزين الفصل السابع والعشرون 27 - بقلم فاطمة حسن

تاني يوم زين صحي وخد دش. زين طلع من الحمام بينشف شعره، قرب من تقي اللي نايمة على السرير. زين باسها على خدها وصحاها بهدوء. زين: تقي. تقي اصحي يلا قومي. تقي: بنوم. سيبني انام شويه بالله. زين: لا ويلا قومي علشان نلحق الدكتور. هنزل اخلي امي تعملك فطار، القيكي نازله وراي. تقي هزت راسها بنوم. زين نزل. زين دخل المطبخ عند أمه. زين بحب: صباح الخير يا ست الكل. فاطمة: صباح النور يا ضنايا.

زين: ممكن بس تجهزي علشان عندنا مشوار لحد الدكتور. فاطمة بخضة: انت كويس يا حبيبي؟ زين: انا كويس، دي تقي. فاطمة بلهفة: ماله؟ انا هطلع اشوفها. فاطمة طلعت ع فوق. عند ياسمين. كانت نايمة هي وضّي. تلفون ياسمين رن وكان أيهم. ياسمين بنوم: الوا. أيهم فضل ساكت شوية وبعدين رد. أيهم: اجهزي أنا في الطريق. ياسمين قفلت وقامت من غير ما تصحي ضي. عند زين. تقي نايمة على السرير والدكتورة بتكشف عليها.

تقي كانت متوترة، الدكتورة تعرف إنها كانت بتاخد حبوب لمنع الحمل رغم إنها بطلته من فترة. الدكتورة طلعت لزين اللي مستني على المكتب وهي مبتسمة. الدكتورة: الف مبروك يا دكتور زين، المدام حامل. فاطمة فجأة زغرطت بفرحة وطلعت فلوس للدكتورة. فاطمة: بجد يا دكتورة؟ الدكتورة ضحكت: آه جد الجد كمان. فاطمة بصت لزين بفرحة. فاطمة: مبروك يا حبيبي. زين بص على تقي اللي قاعدة وتوتر باين عليها. زين بهدوء: يلا يا تقي.

مشيت مع زين وهي في عالم تاني. طول الطريق وفاطمة عمالة تتكلم بفرحة. بعد شوية كان زين وصل وتقي طلعت ع فوق على طول. زين لسه هيطلع وراها، فاطمة مسكته من إيده. فاطمة: هي بس مصدومة. زين هز راسه وطلع. لقي تقي قاعدة على السرير وسرحانه. زين قعد جنبها ولف وشها ليه. زين: مش عايزة تخلفي؟ تقي: ا.. انا بس اتفاجئت و و يعنى مش مستعدة وخفت. زين: هي أول مرة بتبقى كدا، بس متخافيش، أمي معاكي وهي هتعلمك كل حاجة. تقي هزت راسها.

وزين قام دخل الحمام. زين: اهدي كدا ومتخفيش. عند معتصم. واقف وهو ضي في المطبخ. ضي بتضايق: بس بق يا معتصم. معتصم كل شوية يغلس عليها، مرة يتلافى حاجة من فوقيها ومرة بيشرب. معتصم: هو أنا كلمت؟ ضي نفخت بضيق. معتصم قرب وحط إيده على ضهرها وهو بيجيب حاجة. ضي مرة واحدة ضربته بالمعلقة اللي في إيدها. ضي رجعت لورا بخوف. ضي: أنا والله مش قصدي. ضي جريت أول ما معتصم اتحرك علشان يمسكها. ضي بخوف: والله مش قصدي، انت اللي بتغلس عليا.

ضي صرخت بقوة لما معتصم مسكها من رجلها، وقعت على الكنب. معتصم كرز في عينها وهو بيرجع شعرها لورا. معتصم: ليه يا ضي بطلتي تبقي زي الأول؟ ضي: ع.. علشان انت مبقتش زي الأول. معتصم: لا والله زي ما أنا. ضي سكتت وفضلت تبصله. معتصم ميل يبوسها. عند أيهم. أول ما وصل قلع هدومه وترمى على السرير. ياسمين بصتله بهدوء وقامت تلم الهدوم. ياسمين حطتهم في الغسالة ورجعت، لقيت أيهم بيحرك إيده على رقبته بوجع. ياسمين قربت وعملتله مساج.

أيهم اتنهد وغمض عينيه. شويه وأيهم اتكلم. أيهم: ياسمين. ياسمين: ... أيهم: اللي حصل أول يوم جوازنا أنا مكنتش عايزه، كنت داخل أتكلم معاكي بس منظرك وإنتي ماسكة السكينة خلاني عايز أثبتلك لو عايز حاجة هعملها. ياسمين وقفت ودموع في عينها. كانت لسه هتقوم بس أيهم لف ومسك إيدها. أيهم بندم: والله ما كنت عايز دا يحصل. ياسمين نفضت إيدها وقامت تجري. عند زين. طلع من الحمام بينشف شعره. زين لقي أمه قاعدة مع تقي وجايباله طبق فاكهة.

زين اتجه للمراية يسرح شعره. فاطمة: أول حاجة تاكلي طبق الفاكهة دا كله وبلاش حركة، مش عايزة حركة خالص، ماشي. تقي هزت راسها. فاطمة مسكت إيدها بحنية. فاطمة: متخافيش يا حبيبتي. تقي عينيها اتملت دموع ومرة واحدة حضنت فاطمة. فاطمة طبطبت عليها. كل دا وزين متابع بهدوء. فاطمة: ربنا يرحمها يا حبيبتي. تقي بعياط: كان نفسي تبقي معايا أوي. فاطمة: قولي الحمدلله يا حبيبتي. فاطمة: همشي أنا دلوقتي يا حبيبتي. فاطمة مشيت.

زين قرب من تقي ومرة واحدة خد تقي في حضنه. تقي من غير ما تحس: مسبنيش يا زين. زين: هششش. بليل عند معتصم. قرب من ضي علشان يصحيه. معتصم بهمس: ضي. ضي فتحت عينيها بنوم. ضي: الساعة كام؟ معتصم: 10. يلا قومي خدي دش وتعالي علشان ناكل، أنا حضرت العشاء. ضي قامت وهي بتشد التيشرت بتاع معتصم عليه. معتصم ضحك: والله على أساس إني مشفتش حاجة. ضي بخجل: سافل.

بعد شوية معتصم وضي كانوا خلصو الأكل وضي لمّت الصحون ومعتصم عمل فشار وجابوا فيلم. معتصم خد ضي في حضنه وهم بيسمعوا الفيلم. معتصم بهمس: بحبك يا ضي عيوني. أيهم قاعد في المكتب ومركز في الورق اللي قدامه. أيهم همس وهو بيرجع راسه لورا: أيهم. مش هقدر ولا إيه؟ ياسمين خبطت ودخلت بالقهوة. ياسمين حطت القهوة ولسه هتطلع، لمحت ورقة. ياسمين مسكتها وركزت فيها شوية. ياسمين: على فكرة أنا أقدر أساعدك في الحسابات دي. أيهم: بجد؟

ياريت والله. ياسمين سحبت الكرسي اللي قدامه وقعت وفضلت تضبط الحسابات. تاني يوم. تقي صحيت على صوت تليفونها. تقي بصت جنبها ملقيتش زين. تقي ردت على التليفون. تقي بنوم: الو. زين بحب: صباح الخير. تقي: صباح النور. زين: متتأخريش من مكانك وأمي هتجبلك الفطار لحد عندك. تقي: انت فين؟ زين: سافرت القاهرة عندي شغل مهم. تقي: هتجي إمتى؟ زين: مش هطول، آخر اليوم. تقي: هستناك. زين: خدي بالك من نفسك. زين قفل وتقي قامت تدخل الحمام.

عند أيهم. كان نايم على المكتب والورق قدامه. صحى على صوت ياسمين. ياسمين: أيهم الساعة 10. أيهم مسح على وشه. أيهم: معلش ممكن تعمليلي فنجان قهوة؟ ياسمين: ... ياسمين هزت راسها ومشيت.