رواية طلبني قلبي وعطيته وطلبته قلبه وتردد الفصل السابع والأربعون 47 - بقلم Misoo

يقول؛

أضحكهآ أبكيهآ
أزعلهآ بدون أسبآب
بدون أسبآب أزعلهآ
علشآن أرجع وأرآضيهآ
أسهرهآ أنومهآ
أصحيهآ برضآ و عتآب أطمنهآ بغلآ و أرجع
أجننهآ و أبكيهآ
أدلعهآ أولعهآ
أقآبلهآ ببرود أعصآب
وإذآ ضآقت أجي طآير
عليهآ لجل أسليها
أعللهآ أخوفهآ أقول آلجنْ عند آلبآب
وإذآ خآفت أنومهآ على
صدري وآغطيها😴

" جالس بينهم ولا كانه معاهم عقله وتفكيره بحبيبته الي بتموت بسببه ...يا رب احميها لي ولا تخلي مكروه يصيبها يا رب ..."
فيصل حط يده ع كتفه : رااشد
راشد منزل راسه : اذا صار لها شي انا انتهي
فيصل : اذكر الله ما بصير شي
فارس : شباب حنا لازم نسوي شي ما يصير نظل قاعدين كذا ...
راكان : والله مدري وش اقول
راشد وقف : انا السبب ...انا -وراح يمشي -
سامي : راشد وقف راشد
راشد وقف : لا حد يوقفني ...خلوني ابي اجلس لحالي
سامي : راشد
راشد بصراخ : قلتلكم بجلس لحاالي خلاص - وطلع -
فيصل : راشد بسوي شي هدوئه ذا ما يطمن
بندر بحيرة : شباب في نقطه ما انتبهنا لها
فارس : وش هي
بندر : حامد يبي يذبح حرمة راشد بس كذا ما بكون تخلص منه هو كل الي يبي راشد ..هو يبي يعذبه ويستدرجه له بشويش
فارس : وكذا بكون سحبنا حنا ونطيح بين ايديه
راكان : لازم يكون في حراس عند فللة جدي النذل ما له امان
فيصل : بخلي السواق ياخذ امي ويحطها عندكم -وبهالحظة دق جوال فيصل - هلا يمما ...سلام شفيك ...طيب لا تصيحين علميني وش صاير ...-وبصراخ - شلووون ...زين زين روحو مع السواق لفلله جدي عبدالرحمن ...اي اي بسرعه ...انتبهي على امي زين ...
فارس بخوف : شصاير
فيصل بعصبية : في احد يطق باب البيت ويروح ويوم فتحت الخدامه انضربت والبيت معفوس ...اشواا امي وسلام ما كانو بالبيت
راكان : حنا لازم نبلغ الشرطه
بندر : وانا اقول كذا
سامي وقف وراح
فارس نادا : وين يا سامي
سامي : بطلع اتنفس شوي
فارس هز راسه
طلع سامي وشاف راشد قاعد عالكرسي وراح له
راشد طالع في : اليوم صرخت عليك بدون قصد
سامي ابتسم : لا عادي يا رجال
راشد بحزن : وش اسوي ...
سامي : خلك قوي يا راشد
راشد : انكسر ظهري ...ما حسيت اني مكسور كذا حتى يوم بعدت عن اهلي ...
سامي : تحبها
راشد : الا اعشق ترابها ...هي الشي الوحيد الي عايش عشانه ...
سامي : والله اني مستحي منك يا راشد والله
راشد : لا تحمل نفسك الذنب ترا انت...-وقاطع عليه الجوال - الووو ...-وقف بسرعه - سلمى ...لا تصيحين وقولي لي وينك ...الووو ...-وبعصبية - حاااامد ...والله ان لمستها لاذبحك فاااهم ...حااامد وخخخر عنها ...زين شتبي ...
سامي واقف يسمع كلامه " لازم اسوي الي براسي الحين " : يبااا يبببا ساعدني ....يببا بذبحوني
راشد يطالع بسامي
سامي يأشر له يكمل
راشد فهم عليه : انت تحب ولدك صح ...عطني سلمى بعطيك ولدك ...ولا تبيني اقوله عن كل شي ...زين عطني مكانك بسرعه ...وخخر عنها قلتلك ...زين زين ...اي عرفته بجيك ...لا تخاف ماني نذل مثلك اذبح ولدك ...-وسكر الخط -
سامي : شصار
راشد : عطاني المكان
سامي بسرعه : امش يلا
راشد وقف : والشباب
سامي : ابووي يعرف كيف يضبطها لو حس بشي يمكن يذبحها وما يسأل عني
راشد : بتصل بالشرطه انا ونروح
سامي : ويوم نوصل نتصل بالشباب
راشد : مشينا
سامي بسرعه : دقيقه دقيقه
راشد : وش فيك
سامي فك شماغه وعطاه راشد : اربطني
راشد مستغرب : شلوون
سامي : اقوولك اربطني
راشد ربط سامي من يدينه وفك شماغه وسكر فمه وعيونه : ياخي احس اني خاطفك صدق
سامي : مو شايف شي
راشد يمشي : تعال معاي انا امشيك
راشد اخذ سامي وركبو السيارة وراحو للمكان الي اتفقو عليه
راشد : ياخي هذه منطقه مقطوعه
سامي : اتصل بشباب قبل لتروح الشبكه
راشد اخذ جواله واتصل بفيصل : فييصل ...اسمعني ولا تقاطعني ...اتصلو بالشرطه وتعالو على العنوان الي بودي لك الحين ...فيصل انتبهو زين ولا تخلون احد يشك ان الي معكم شرطه ...زين - راشد سكر الجوال وبعث العنوان لفيصل -
سامي : راشد اشم ريحة شي يحترق
راشد : وانت بعد
سامي : ما وصلنا
راشد : الا بس مدري مو قادر اشوف شي
سامي : انزل ونزلني وانتبه زين
راشد نزل ونزل سامي معاه : حاااامد ...وينك ...انت هنا وجبت لك ولدك ...
وفجأة كان في حراس حواليهم ومعهم مسدسات
راشد ضحك : هههه طول عمرك خاين
حامد جا : هلا هلا براشد
راشد بعصبية : وييين سلمى
حامد : شوي شوي اعصابك ...سامي صاحي
راشد خطرة له فكره : لا غايب عن الوعي مابي يسمع ابوه ويشوف قذارته
حامد مسح ع وجه : انت يا راشد اجبرتني وحديتني اسوي كذا انتتت ..!!
راشد بصراخ : واننتت ذبحت ابوووي
حامد بصراخ : من متتتى هو ابوووك
راشد : من يوووم كنت صغغغير
حامد : اسمعني يا راشد انت سبب كل هالمشاكل كلها ...
راشد بعصبية : وعمتتي جيينا ليي ذبحتها
حامد : هالشي ما يعنيك
راشد : عرفت حقارتك فذبحتها صح
حامد ببرود : اي ...عرفت عني كل شي فذبحتها
راشد بقرف : انت انسان مريض مريييض
حامد : سويت غلطة عمرك يوم جيت هنا
راشد : كنت عارف انك نذل وما يتأمن لك -وطلع مسدسه وصوبه على سامي - ويين سلمى
حامد : بالحفظ والصوون
راشد : اذا تبي ولدك عايش جبها الحين
حامد ضحك : هههههههههه بتذبح رفيقك واخوك
راشد بعصبية : عشانها اذبح ابووي فااهم
حامد توتر : راااشد ذبحته ولا ما ذبحته عالحالتين ما بتطلع حي من هنا
راشد : ما تفرق معايا ... جبها الحين -وبصراخ - بسرررررعه
حامد اشر لواحد من الحراس وراح
راشد : شبتسوي
حامد : راشد عطني سامي
راشد : عطنني سلمى
سلمى بصراخ : وخخخر عني يا كلللب وخخر
راشد فك سامي بسرعه وراح لها : سلمممى
سلمى تصيح : رااااشد تكفى ساعدددني
راشد يطالع فيها حجابها طايح وشعرها منثور وواضح انهم ضاربينها لان في دم طالع من فمها وراسها
راشد شل مسدسه وصوبه ع حامد : ضرربتها
حامد ابتسم : لا ادبتها شوي ما في بنت محترمه تغلط على عمها
راشد جا بيطلق النار بس وقفه صوت سامي : لا يا رااااشد تكفى
راشد بعصبية : سااامي وخخر من قدامي
سامي بترجي : تكفففى يا راااشد وخخر خله لي
حامد : وش بتسوي يعني بتذبحني ...مو شايف وين انت ...مو شايف الي حولك
سامي ضحك : هههههههههه يببا كانك نسيت شي ...ترا حراسك ذولي انت ما تعرفهن قدي
حامد طالع بالحراس وبعدها ب سامي : شقصدك
سامي ابتسم : شباب سويتو واجبكم وزيادة كثر الله خيركم
الحراس راحو كلهم

( سامي : شلونك فادي
فادي : سم طال عمرك في شي
سامي : فادي ابيك بمهمة ...تسويها لي
فادي : اذا قدرت ما اقصر
سامي : ابيك تعلمني بكل الحراس الي بكونون مع ابوي
فادي سكت
سامي كمل : فادي انا جيتك انت لاني اعرفك شخص طيب ومالك بهالكلام ابوي خطف بنت مسكينة وبيذبحها وابي منك تخلي الحراس يتبعون كلامي وبس
فادي : مقدر يا سامي
سامي ابتسم : فادي انت مو كذا لي تخلي ابوي يلعب براسك
فادي : سامي انت تطلب شي خطير لو ابوك عرف بيذبحنا كلنا
سامي : لا تخاف كل شي بقوله لكم تسوونه بس يوم اتدخل انا تسمعون كلامي بس
فادي تنهد : بنتخلص من هالمشاكل
سامي بكل ثقة : اوعدكم بخليكم تتخلصون من كل هالمشاكل
فادي : زين بسوي الي طلبته ...
سامي : اشكرك يا فادي
فادي : افااا يا سامي
سامي : فمان الله
فادي : مع السلامه )

سامي ابتسم : هذه كل الحكاية
حامد يستعطف سامي : شفييك يا سامي انا ابووك ...
سامي ضحك : ههههه ابوي ...انت حرام تاخذ هذه الصفه ...هذه تنقال للانسان الي عنده احترام ومشاعر الاب هذه تنقال للشخص الي يحترم حرمته وعياله وانت للاسف ما عندك شي منهم ...انت صفر عالشمال يا ...ابوي
فارس وراكان وفيصل وبندر جو
فيصل بعصبية : حااامد
حامد طالع فيهم : فييصل
فيصل مسكه من ثوبه : ذبححت ابووي وخطفت اختتي
حامد خاف : ش..شفيك يا فيصل راشد هو هو الي ذبح ابوك نسيت
فيصل بصراخ وعصبية : بعدك تكذب ... ما تخاااف ربك انت
حامد بعصبية : ابووك كان طيب وبرئ وكان يمشي على القانون ...قلتله يعطيني حصتي قال ما يقدر لانه يعرف اني اشتغل بالمخدرات وطبعا بالوصية مكتوب بعد موته انا اخذ حصتي فذبحته
فيصل مصدوم من عممه ...عممه يذبح ابو عشان فلووس : ذبححت ابووي وحرمتنا منه عشان الفلوس
سامي بحزن : وذبحت امي عشان عرفتك على حقيقتك ...امي شذنبها تسوي فييها كذا
فارس راح له وضربه : اممي يا نذل ذبحتها ...اعتديت عليها واخذتها ...وحرمتني منهااا
حامد يطالع فارس بصدمة : امممك
فارس بعصبية : ليين وامي ذبحتهم بكل برودة دم ...ليييي ذبحتتتها ليييييي

( ليين : حبيبي الحين البنت بتكون بتشبهك ولا بتشبهني
فارس بفرحه : تشبهك ولا تشبهني ما تفرق اهم شي تجي بخير وانتي تقومين بالسلامه
لين حضنت فارس : مو مصدقه اننا مع بعض ..يعني بعد كل هالمشاكل انحل كل شي
فارس : يا قلبي انتي ...
ليين : خايفه
فارس : ليي
ليين : الدكتورة قالت ان يمكن تكون الولادة صعبه شوي ...وفوق ذا ما بكون طبيعي
فارس باس جبينها : ليين حبيبتي انتي قويه ولازم تتحملين كل شي عشاني وعشان بنوتتنا الحلوة
الدكتورة دخلت : ليين ...هل انتي جاهزة ؟
ليين : نعم ...
فارس حضن ليين : انتظرك
ليين طاحت دمعتها : لن صار شي انتبه لبنتنا ولا تخلي شي ينقص عليها واحميها زين يا فارس وصدقني انا بكون معاكم...
فارس قاطعها : اصصص مابي اسمع شي ..انتي بتقومين وبتربينها
الدكتورة : هيا يا ليين
قاعد عند باب غرفة العمليات يستنا اي خبر ...ساعتين بغرفة العمليات ...يا رب سهل عليها ولادتها يا الله ...
طلعت الدكتورة : فارس ...
فارس راح للدكتورة بسرعه : ماذا جرى
الدكتورة : لقد انجبت فتاة
فارس سجد عالارض : الحمد الله يا رب الحمد الله يا رب ...ولين كيف صحتها
الدكتورة : انها مخدرة حاليا
فارس : واين الصغيرة
الدكتورة : سنضعها بالحضانه ...يمكنك رؤيتها من هناك
فارس : حسنا سأذهب ...ارجوكي اعتني بها جيدا
الدكتورة : لا تخاف
فارس نزل عند الحضانه يطالع بنته : الحمد الله ...ما شاء الله تبارك الرحمن ..تجنن ...الله يحفظك ويحماك يا قلب ابوك ...امك بتفرح فيك بس وش بنسميك ...اسميك ع اسم امي ...جينا ...خلاص بنسميك جينا جنونا ...بس مر ثلاث ساعات على امك وهي نايمه ...بروح اشوفها واجيك ...
راح فارس وطلع لغرفة ليين " دخلت الغرفه وما لقيتها طلعت ورحت غرفة الدكتورة " : دكتورة اين ليين انها ليست بغرفتها
الدكتورة نزلت راسها : انا اسفه يا فارس
فارس طالع فيها مو فاهم شي : ماذا ..؟؟
الدكتورة وقفت : لقد توفيت ...
فارس انصدم : ماذا
الدكتورة : كانت العملية صعبه جدا ...مما ادى الى موتها
فارس بصدمة : لكنك قلتي انها بخير
الدكتورة : هذا ما توقعته لكن لا اعرف ماذا حصل
فارس : اين هي
الدكتورة : في غرفة العمليات
فارس راح يركض لغرفة العمليات ودخل عليها : ليين ...-وراح للسرير وشال الغطا عن وجهها - ليين ...حبيبتي قومي ...ليين قوومي شفيك ...قومي شوفي بنتك ...بنوته تجنن -يتكلم ودموعه تطيح - ليين قوومي وش ذا الاستهبال قوومي ...تدلعين ...لييين قوومي تكفيين قوومي لا تسوين فيني كذا ...لييين قوومي )

________________________________
غلا تصيح : وييينه
بندر ساكت وفارس حاط يدينه ع وجه
غلا تصارخ : لييي ما تردووون وش ذا الدم
بندر مسكها : غلا تكفين اهدي ...
غلا تصارخ : وش اهدااا وش سااامي لي ما جا معكم ...وش ذا الدم تكلمو
فارس بحزن : عظم الله اجرك
غلا انصدمت : وشو
فارس : توفى ...
غلا ضحكت : هههه شلوون ههه مات ..سامي مات هههه لالا تمزح صح -غلا دمعته طاحت - شلووون مااات ...شلوووووون -وبصراخ - انتو تكذبوووون ...كذاااااب سامي ما يخليني ...ما يتركني ....كذااااااااب
بندر مسكها : غلا هدي ...خلاص سكتي
غلا تصارخ : وخخروو عننني وخخخرو
الكل دخل المجلس
جوري بخوف : شصاير
غلا طاحت علارض تبكي : لييي ..هو ما يخليني ما يتركني ...سامي عايش هو عايش ...تكفوون قوولو انكم تمزحوون ...انتو تمزحون صح
جوري بصدمة : سامي شفيه ..
بندر : لا حووول انا بوقف مع من ولا من
فارس راح لجوري : اذكري الله يا جوري
جوري ما بكت : شصاار
فارس : ابو ذبحه
جوري انصدمت : شلون

( حامد : ذبحتها بكييفي كذا ...
فارس بعصبية : كيييفك ...
سلمى تصيح : تكفوون خذوني من هنا ..خذوني من هنا
راشد مسكها : انا باخذها من هنا
فيصل : زين خذها
حامد جا بيشرد بس سامي وقف قدامه
سامي : وين يبووي
حامد مسك سامي من يدينه : بيذبحوني يا سامي بيذبحو ابووك
سامي دفه : تصدق ودي اذبحك انا ...بس في ناس احق مني
حامد دف سامي وجا بيشرد بس الشرطه جت قدامه
الضابط : لين هنا وبس يا حامد انت رهن الاعتقال
حامد يطالع فيهم : صدقووني بتندمووون ...انا بذبحكم كلكم -حامد اخذ المسدس من جيبه وجا بيطلق النار على فارس بس جت بسامي -
حامد بصرخه : ساااااامي
سامي طاح عالارض
فارس بصراخ : ساااااامي
الشباب كلهم راحوو لسامي
فيصل بصراخ : ساامي ...سامي قوووم سامي
بندر : سامي قووم سامي
فارس ما تحمل وشل مسدسه واطلق النار على حاامد ليين خلص المسدس
فيصل : سااامي قوووم ساااااامي
الضابط : اتصلو ع الاسعاف بسرعه
راكان قعد عالارض وبندر وفيصل يحاولون يصحون سامي وفارس طايح ع ركبه )