رواية طلبني قلبي وعطيته وطلبته قلبه وتردد الفصل السادس والأربعون 46 - بقلم Misoo

جوري تصارخ : حور تعالي
حور : مابي
جوري بعصبية : ترا بقوم لك
حور : بلوح عند بابا < بروح عند بابا >
بندر دخل : السلام عليكم
جوري : وعليكم السلام
بندر يطالع جوري : وجهك يقول انك معصبة
جوري بعصبية : ترا بخلي لك البيت بكبره واطلع
بندر يحضن بنته : ليي عسا ما شر شفيك
جوري : ياخي عيالك جننوني وش ذا حشا مو عيال اربعه وعشرين ساعه ينقزون
بندر ضحك : هههه اجل وانتي ام على وشو
جوري بعصبية : اقوول لا يكثر مسوي لي فيها الاب الحنون ...ما شفت عمرك امس بليل تصارخ كانك مجنون طالعيها طالعيها
بندر : اي ازعجتني هي بعد
جوري : الله يقلعك يا ابليس
دخل عبدالرحمن : السلام عليكم
جوري وبندر : وعليكم السلام
عبدالرحمن : حوور تعالي هنا
حور راحت لعمها
عبدالرحمن : الا بيان وين
بندر : ياخي تعبتني امس احاول انومها ما تنام طالعه على ابوها تنام بعد ما تشيب الراس
عبدالرحمن ضحك : هههههه الا على عمها طالعه عنيدة
جوري : بندر اليوم بنجتمع عند جدي ...تعرف بجون يشوفون سامي
بندر : اي صح على طاري غلا ...كلمني فارس
عبدالرحمن : طيب وش صار
بندر : عاد بقت موافقة غلا
غلا نزلت : موافقتي على وشو
بندر : تعالي بكلمك بموضوع
غلا جلست : وش الي صاير
بندر : بصراحه ...سيف طلب يتزوجك
غلا وقفت بسرعه : شلووون
عبدالرحمن : غلا انتي بعدك صغيرة ...ما دخلتي الثلاثه وعشرين حرام يروح عمرك كذا
غلا : انا ابي عمري يروح زيين ...بس غير سامي ما يلمسني رجال فاهمين
جوري : غلا حبيبتي سامي خ....
غلا قاطعتها : جووري خلاص مابي اسمع اي شي ...واذا وجودي بالبيت يضايقكم اخذ ولدي ونروح بيتنا
بندر : غلا شفييك انتي حنا نتكلم عشان مصلحتك
غلا : تبون مصلحتي لا تكلموني بهالموضوع مرتن ثانيه ومابي اسمع اي شي عنه وخلاص لهنا وقلتلكم اذا وجودي زاعجكم اخذ ولدي ونطلع من هنا
عبدالرحمن : غلا وش هالكلام هذا بيت ابوك بعد مثل مو بيتنا وانتي تعرفين اننا كلنا نملك بيوت بس ساكنين عند ابوي وما بنخليه ولك الحق تبقين هنا مثلك مثل اي واحد فينا
غلا : خلاص اذا لا تغصبوني ع شي انا مابي - وطلعت -
جوري طالعت فيهم : بصراحه مالكم حق تتكلمون بهالقصه
عبدالرحمن : حنا نتكلم لمصلحتها
جوري : طيب لي ما تتزوج انت لمصلحتك
عبدالرحمن سكت
بندر : حوور بابا تبين تروحين بيت جدك
حور : اي
بندر : ليي تبين تروحين
حور : عشان العب مع سالي وسامي
عبدالرحمن : وبيان لي ما تلعبين معاها
حور : لان بيان ما تمشي كويس زينا عشان كذا بنخليها تكبر ونلعب
جوري وقفت : بطلع اتجهز
بندر : انتبهي لعمرك
جوري : خايف علي ولا على ولدك
بندر : اكيييد على ولدي ولا وش ابي فيك انتي
جوري بعصبية : اجل كذا القصه - وراحت -
عبدالرحمن كاتم ضحكته : احسك جبت العيد ياخوي
بندر : حتى انا احس كذا
عبدالرحمن : رح رح شف حرمتك الله يهديك بس
بندر : حور خلك هنا مع عمو
حور : زين
________________________________
★ قبل ذلك ⤴⤴ ★

ابو عبدالرحمن : يببا كلمني بندر يقول يبينا بالمجلس كل العايله
الجد : وش يبي بعد وش صاير
ابو عبدالرحمن : مدري يببا
ابو جوري دخل : السلام عليكم
الكل : وعليكم السلام
الجد : بشر يا سعد
ابو جوري : كل خير يبوي الصفقة تمت والشركة الي بلندن ناجحه بس نبي احد يديرها
ابو سعود : سعود هنا يروح
الجد : لا سعود هنا ...راكان بروح
ابو عبدالرحمن : وبندر
الجد : بندر بيستلم الشركة مع سعود واحمد هنا بعد يساعده
ابو جوري : الا يبوي سمعتكم تتكلمون قبل لادخل وش صاير
ابو سعود : بندر اتصل يقول يبينا نجتمع كلنا
ابو جوري : عسا ما شر شصاير
دخل راكان وسعود : السلام عليكم
الكل : وعليكم السلام
الجد : شفيكم كذا
راكان : جدي الي صار انت نفسك ما بتستوعبه
الجد : شقصدك
بهالحظه دخل بندر وجوري وفيصل وسامي وفارس وراشد
ابو سعود : شفيكم يا عيال ...
ابو جوري : جوري لي واقفه معاهم تعالي هنا
جوري جت بتروح بس فارس مسك يدها
ابو جوري وقف بسرعه : ما تستحي انت
الجد : وش قاعد يصير يا ولد
سعود ينادي شوق : شوووق شووووق ....شوووق تعااالي
شوق جت : شفيك
سعود : اجمعي لي كل العايله بسرعه
شوق : لي
سعود بصوت عالي : قلت بسررعه
شوق راحت بدون ما ترد
وبعد شوي دخلو الكل
ام سعود وام راشد وابرار ومها ورانيا وشوق وغلا
سعود : يا جماعة الي بقوله صعب عليكم ...يعني كلنا
الجد : شفيك يا سعود
عبدالرحمن رن جواله : هلااا بياان ...شلووون ...زين زين جايكم ...اي اي جايكم ...سلام - وقام -
سعود : وين بتروح
عبدالرحمن : بيان بتولد لازم اكون معاها
سعود هز راسه
الجد : تكلم يا سعود شصاير
سعود يكلم عمه سعد : عمي ...الموضوع ذا يخصك انت بالذات ...
ابو جوري : وشهو يا سعود
فارس تكلم : فارس يبو فارس
ابو جوري وقف : فارس ...شفيه
جوري ابتسمت : الفارس والجوري يبا
ابو جوري بصدمة : شلوون
فارس راح لابوه : فارس يبو فارس
ابو جوري يمسك يد ولده : فاارس ...ولدي ...
فارس خانته دمعته : فارس ...ييبا
ابو جوري حضن ولده : ولدددي ...ولدددي
الجد وقف بعصبية : انتو اي واحد يجي يقول لكم هذا ولدكم تقولون اي وش هالمبزرة الاول حرمته خذت ولده والثاني الولد ضاع وش هذه الحاله الي انتو فيها ...
سعود ابتسم : وانا اقول فارس طالع لمنو قويه وشخصيه طالع لجدي
فارس : سمعوني يا جماعه ...انا عارفكم شخص شخص اكبركم لاصغركم ...ابرار شوق غلا حلا نوف مها ورانيا جوري بندر راكان احمد سعد دحوم وسعود وراشد عارفكم واحد واحد ...بس للحين ما حسيت اني تابع لكم يمكن تحسون اني غريب عليكم وهالشي حقكم بس بنفس الوقت اقرب لكم ...جوري وسامي تزوجو خلاص والا كنت باخذهم معاي ونسافر مع بعض
ابو جوري : وش دخل سامي
فارس بثقة : لان سامي اخوي بعد ...لا لا اخونا
الجد انصدم : شلوووون
غلا بصدمة : اخووكم
الكل انصدم
ابو جوري : شلوون كذا
فارس : هذه قصة طويلة لا كنت رايق اقولها لكم ...الحين الي بقوله لكم انا باخذ بنتي وبسكن بفلتي وبعد ما حققت رغبت اختي وسعود يكفيني لهنا
ابو جوري بحزن : بتروح وبتخلينا
فارس بحقد : اي بروح وبخليك يا ...يببا زي ما سويت ف امي يوم اخذت فلوسها ورميتها ولا نسيت يبو فارس
سعود قاطعه : فارس ...
فارس : ما جيت اتكلم عن العلاقات والمشاكل الي بيننا جيت عشان اختي وسعود وبس - وشدد على كلمة بس -
الجد مسك فارس : فارس
فارس : سم يا جدي
الجد : خلك هنا
فارس حب راس جده : اعرف مالك دخل باللي سوا ولدك بس ...ما بقدر اسامحه يا جدي لان بسببه امي الحين ...امي خلتنا وراحت بس يا جدي انت غلاتك بقلبي كبيرة ...كبيرة
الجد ابتسم : قالها سعود ...تشبهني بكل شي
فارس ابتسم : عمممر ..عممممر
دخل عممر : سم طال عمرك
فارس : نزل جينا من السيارة وجبها
ابو فارس : اممك جت
فارس ما تكلم
جينا دخلت ومعصبه : لي خليتني بالسيارة لحالي
فارس : جينا احترام شوي
جينا ترفع اصبعها : استاذ فارس انت قلتلي بتوريني جدك وينه
فارس ابتسم : هذا جدي - ويأشر على جده -
الجد ابتسم : ما شاء الله تبارك الرحمن وش هالزين وش هالبنيه الحلوة
جينا راحت له : انت مو كبير مررة
الجد ضحك : هههه لي قالو لك كبير
جينا : اي قالو لي كبير ويخوف
الجد يسوي فيها مصدوم : من قالك
جينا تأشر على سعود : هذاا
سعود : جابت العيد
الجد : اجل انا اخوف يا سعود
سعود : لا لا مو كذا يا جدي هي قصدها انك كبير وعندك حكمة وكذا يعني
الكل ضحك عليه
فارس : جينا يلا بنروح ...راشد بتجي معاي
ابو راشد : انت هيي شتبي بولدي
راشد : يببا تكفى خلاص
الجد : العيال كبرو ويعرفون مصلحتهم يا سلطان
ابو راشد : يبوي احس وراه شي هالولد
فارس ابتسم ببرود وطالع في
ابو سعود : هالولد ما يستحي ابد
سعود : يببا فارس ما سوا شي شفيكم عليه
ابو فارس : خلاص يا جماعه شفيكم
فارس مسك يد بنته : راشد بتجي معاي
راشد : اي بجي
سامي راح لغلا : سامحيني اذا اخطيت بحقك ...ما كان لازم نتزوج يا غلا ...بس تعرفين ...انتي احلا شي صار لي بهذه الحياه ...-وباس راسها - انتبهي لنفسك زين ..
غلا مسكت يده : عندي لك مفآجأة
سامي ابتسم : اعرفها ...قريت التحاليل
غلا طاحت دمعتها : ما بتتأخر علي
سامي مسح دموعها وباسها : ما بتأخر يا قلبي ...انتبهي لنفسك زين ...وابيك تبقين هنا وانتبهي تطلعين فاهمه
غلا هزت راسها : لا ترووح
سامي : لازم اروح ...
غلا : اعرفك تكذب علي ...قاعد تكذب
سامي حضنها : احبببگ يا غلاتي ...وربي شاهد ع كلامي احبببگ مووووت
غلا دموعها تطيح : ليي تتكلم كذا ...كانك ما بترجع
سامي بنبرة كسور : معاااك حق يمكن ما ارجع
غلا تصيح
سامي مسك يدينها : واعديني انك ما تبكين ابدا ...لو وش ما صار ...
غلا تمسح دموعها : مقدر
سامي : غلاااا اوعديني الحين ولا بزعل
غلا بحزن : اوعدك ...
سامي : انك ما تصيحين مهما صار
غلا : اني ما اصيح مهما صار
سامي باس راسها وحضنها - وطلع -

سعود : لنا فترة ما جلسنا وتكلمنا ... شوق
شوق : لبيييه
سعود حضنها
شوق بخوف : شفيك
سعود ابتسم : اشتقت احضنك
شوق : انت خايف من شي
سعود ابتسم : كيف عرفتي
شوق حطت يدها ع قلبه : يدق بسرعه
سعود : شوق انا ...انا اسف
شوق حضنته : اصصص خلاص ...
سعود : المكان الي بنروح له خطير ...واحتمال ما نرجع ....
شوق قاطعته بعصبية : اسكت ...لا تقول كذا
سعود مسك يدينها : شوواقتي سمعيني زين ...ابيك تنتبهين على الكل هنا الكل ...وابي منك تكونين قوية مهما جرى وتكونين مصدر قوه للكل هنا ...توعديني
شوق دموعها طاحن : لاول مرة فحياتي احس اني خايفه ...او اني بخسر احد قريب مني ...احس ان في شي بصير بس ...مدري
سعود حضنها : انتبهي ع نفسك زين - وخلاها بدون لا تتكلم وطلع -
شوق طلعت للغرفه فوق كانت غلا ومها وابرار ورانيا
رانيا بخوف : في شي
شوق مسحت دموعها : لا ما في
مها : شوق انتي ما تصيحين الا في شي خطير
شوق بعصبية : مافي شي خلاص
ابرار : بنات خلاص
غلا قامت
ابرار : غلا وين
غلا : بتوضا واصلي احسن شي
شوق : وانا بروح غرفتي اتوضا واصلي
مها : وانا بروح اشوف سالي
ابرار : وانا برتب غرفتي وانزل اشوف جوري
كل وحده راحت غرفتها ...كل وحدة فيهن خايفه تخسر شي قريب منها ...

★ غلا خايفه تخسر سامي ..الي حياته منتهيه من زمان ...وبسبب ابوه
شوق القوية خايفه تخسر زوجها وحبيبها وكل شي بحياتها ... خايفه تخسره للأبد ...
مها عايشه حياتها مرتاحه ...بس كيف بتكون مبسوطه واخواتها تعبانات ...
ابرار تحس ان الحب بدا يزهر بقلبها ...ولمن ...لراكان الجلاد ...الوقح النذل والحقير ...هذه الكلمات الي كانت تقولها ابرار للشخص الي تحبه الحين ...★

________________________________
★ لندن ★
قاعد يشوف الاوراق ...عقله مشوش ...ما يدري وش يسوي
دخل فهد : شفيك يا ولد
سعد : ما فيني شي
فهد : الا فييك
سعد : انا ...يعني ...مدري كيف يشرحلك ...بصراحه ...ابي اعتذر لحلا
فهد : ولي ان شاء الله
سعد طالع في : فهد يرحم امك اطلع ماني ناقصك
فهد : اصلا بطلع بس جيت بقولك ان حلا طلبت انها تشوف مستشفى ثاني تقول ما تبي تبقى هنا
سعد وقف بسرعه : شلوون يعني
فهد : مدري ...كذا تقول
سعد : وين هي
فهد : عند الاستقبال برا
سعد طلع بسرعه وراح للاستقبال : حلا
حلا طالعت في : دكتور سعد
سعد : سمعت بتغيرين المستشفى ليي
حلا : خطيبي ما يبيني اشتغل هنا
سعد بصدمة : خطيبك
حلا : اي ...مشعل
سعد بصدمة : شلووون ...يعني انتي ما تحبي
حلا بكسرة : احيانا الحب مو كل شي
سعد : حلا شفيك
حلا : ما فيني شي ...تكفى خلاص وخخر عني لاني ....
سعد : لانك وش
حلا صدت عنه
سعد : حلا تكلمي قولي الي بخاطرك
حلا لفت عليه : شتبيني اقوولك ااه اقوولك اني ما اقدر اطالع فيك لاني كل ما اشوفك قلبي يطلع من مكانه ...اقولك اني يوم اغمض عيوني اشوفك ...ابي ابعد عنك ...ابي انساك لاني تعبت تعبت خلاص ...تكفى ابي امشي هالاسبوع وخلاص لاني مو قادرة اتحمل والله تحملت فوق طاقتي خلاص ما باقي عندي قوة اتحمل ...-وراحت -
سعد واقف مكانه منصدم من كلامها " تحبني ...انا ...يا ربي وش هالورطة ...ومقدر اخليها تدمر حياتها مع واحد حق مخدرات ...يا رب ساعدني والله مشوش وش اسوي .."