رواية تلك الرقيقة يا سيدي هي كل جيشي الفصل التاسع 9 - بقلم نورا محمد

اللواء عبد الله: المهم دي صعبه، وأنا اخترتكم على مسؤوليتي لأنكم ممكن تاخدوها على أساس الانتقام. مراد بغضب: كيف يا فندم؟ إحنا خسرنا أعز الناس بسبب المهمة دي. اللواء عبد الله: لولا إني بعتبرك ابني كنت اتصرفت معاك تصرف تاني يا حضرة الرائد. أسر ببرود: مراد ما يقصدش، هو متسرع شوية. مراد: أنا آسف يا فندم. اللواء عبد الله: أنتم ولادي، كمان أنتم ظباط أكفاء، لكن بخاف من تسرع مراد. أسر: ما تخافش يا فندم، إحنا كده ثقتك.

اللواء عبد الله: أخبارنا بتقول إن ماكس في إسكندرية، عايزينه متلبس. أسر: أكيد يا فندم. اللواء عبد الله: انصراف. أسر ومراد برسمية: تمام يا فندم. *** في مكان تاني (الحوار مترجم) ماكس: هل كل شيء على ما يرام عزيزتي؟ دنيا: لا تقلق مستر ماكس. ماكس: متى أستلم الورق والفلاشة؟ دنيا: الورق هتستلمه في ميعادنا، لكن الفلاشة مع البوص. ماكس: تمام. دنيا بهمس: معقول. ماكس: ماذا بكِ؟ دنيا: ها، ولا شيء، بعد إذنك.

دنيا مشيت وخبطت على كتف شاب وفجأة حضنته. دنيا: وحشتني قوي، أنت هنا بتعمل إيه؟ أسر همس في أذنها: أنا هنا علشانك، ونازل في الفندق غرفة ٥٠٦. دنيا بفرح: بجد! غرفتي ٥٠٥، يعني جنبك، طيب أنا هطلع أغير وأنزل، أي دا مراد، آسفة ما أخدتش بالي. مراد بقرف: ولا أنا خدت بالي. دنيا مشيت. مراد: ممكن أفهم اللي حصل؟ أسر: إيه اللي حصل؟ بنت مزة وهتموت عليا، عادي نتسلى شوية.

مراد: بس أنا مش بطيقها، وبعدين دي كانت مع ماكس، ممكن يكون ليها يد في الموضوع. أسر بجمود: أخيرًا فهمت، إحنا لازم نراقبها. مراد: تمام، أنا ماشي. *** عند نورا كانت بتلعب روفينا. نورا: شوفتي بابا وحش إزاي؟ ما رنش يطمن علينا. روفينا كانت بتضحك بس. نورا: وحشك بابا؟ تيجي نتفرج على صور بابا؟ روفينا: دا دا دا. كانت بتتفرج على ألبوم صور أسر لحد ما شافت صورة وظلت تبكي بحرقة. *** في مكان تاني مراد كان ماشي سمع شاب بيعاكس بنت.

شاب: ما براحة الأرض مش بتاعتنا. البنت: _شاب: ما تيجي تشربي شاي علشان قلبي يرتاح. البنت: ما أنا لو جيت هتبقي في صفحة الوفيات يا وسخ. شاب غضب: أنا هوريكي الوسخ دا هيعمل إيه. ولسه هيمسك دراعها، مراد مسك إيده ولكمه حتى سقط في الأرض. مراد: كيف تسمح لنفسك إنك تلمس بنت؟ أنت عارف عقوبة دي إيه؟ ٣ شهور يا خفيف شكلك وحشك السجن. الشاب بخوف: مـ مراد باشا أنا آسف، آخر مرة والنبي.

مراد: لأ هعملك محضر، دا أنت عندك أخت، خاف عليها يترد اللي بتعمله فيها. الشاب برجاء للبنت: أنا آسف يا آنسة ومش هكرر دا تاني، والنبي تسامحيني، أنا لسه طالع من سجن وعندي أخت وأم بصرف عليهم. البنت: خلاص أنا سامحتك. مراد: آخر مرة، يلا غورررر. البنت: شـ شكرًا، هو أنت؟ مراد بضحكة مستفزة: آه أنا. البنت: أنا آسفة على اللي حصل في الهايبر، أنا خفت على بنت. مراد: أنت اسمك إيه؟ البنت: وأنت مالك؟ أنت ضربت شاب علشان تتعرف عليا؟

مراد بغضب: لسانك دا هاقصهولك، أتعرف إيه وهباب إيه؟ أنا بسأل عادي. البنت: أنا آسفة، اسمي ياسمين. مراد: ياسمين، اسم مش بطال، مع إن مش لايق على شكلك. ياسمين: ماله شكلي؟ دا أنا قمر، بيضة وعيني خضرا وكل حاجة فيا حلوة. مراد بوقاحة: فعلًا، ما تيجي وأديكي اللي أنتِ عايزاه. ياسمين ضربته بالقلم وذهبت، مراد كان مصدوم، فاق على صوت رسالة محتواها (أنا ودينا في الكافيه) ، مشي وهو يتوعد لياسمين. *** عند أسر ودينا

دينا: بجد مش مصدقة إنك معايا. أسر: ليه يا قلبي؟ دنيا: علشان أنت على طول مشغول. أسر مسك إيديها وقبلها: حقك على قلبي يا قلبي. دنيا: أنا بحبك. أسر: وأنا مش بحبك. دينا بصدمة: إيه؟ *** مراد راح غرفة دينا وبقى يدور في كل حاجة علشان يلاقي حاجة تساعده في المهمة، فتش السرير والكومودينو والدولاب ولم يعثر على شيء، ولكن تذكر أنه شاف في الدولاب برواز، فتح الدولاب واتصدم لما شاف خزانة وراء البرواز، حاول يفتحها، لقى حد بيفتح الباب.

*** عند نورا كانت بتتفرج على ألبوم صور أسر لحد ما شافت صورة وظلت تبكي بحرقة، كانت صور لأسر مع بنت تشبه روفينا كثيرًا، صورة وهي في حضنه، صورة وهو بيبوسها، صور كتير وهم مع بعض وهي لوحدها كمان. نورا كانت بتعيط والغيرة كانت بتاكل في قلبها. مسكت الفون رنت على أسر. *** عند أسر دينا بصدمة: إيه؟ أسر: أنا مش بحبك بس أنا بعشقك. دينا حضنت أسر: خوفتني. أسر لسه هيرد الفون رن. أسر: هارد على المكالمة وأجيلك.

أسر فتح: ألو، في حاجة حصلت؟ نورا بتردد: لأ. أسر: أومال رنيتِ ليه؟ نورا بدموع: كنت عايزة أطمن عليك. أسر: ليه وحشتك؟ نورا بتسرع: آه، أقصد يعني وحشت روفينا. أسر: روفينا برضه؟ نورا: أنت مش قولت هتكلمني كل يوم؟ أسر: أنا مشغول قوي. نورا: مش فاضي دقيقتين تطمن علينا؟ وعلى كده في بنات عندك؟ أسر ابتسم: أنتِ بتغيري؟ نورا: آآآآ لا طبعًا. أسر: على العموم أنا مش بشوف غيرك يا ست البنات.

وبالليل هكلمك يا ست البنات فيديو كول، أقصد أكلم روفينا. نورا: خلي بالك من نفسك. أسر: ما تخافيش عليا يا ست البنات، سلام. نورا: سلام. أسر رجع لدينا. دنيا بغيرة: كنت بتكلم مين؟ أسر: بتغيري؟ دينا: آه، مش حبيبي؟ أسر: وأنتِ قلبي يا قلبي. (شوف الواد الكداب) دينا: يلا بقى نروح. أسر دفع الحساب ومشي وكل واحد راح أوضته. *** أسر دخل الغرفة. أسر: مراد لقيت حاجة؟

مراد وهو بينهج: في خزانة في الدولاب، لسه هافتح الخزانة، لقيت دينا فتحت الباب. استخبيت في البلكونة ونطيت وجيتلك. أسر: تفتكر الخزانة فيها حاجة مهمة؟ مراد: أكيد، بس هنفتحها إزاي؟ أسر: خليها عليا، يلا عايز أرتاح. مراد بخفة: ترتاح ولا تكلم المزة؟ أسر بغضب قام. مراد وهو بيجري: أنا ماشي سلام. أسر رن على نورا فيديو كول. *** عند نورا روفينا كانت بتلعب بالفون وفتحت على أسر. أسر: روفينا حبيبة بابا عاملة إيه؟

روفينا بتضحك: دا دا دا دا. أسر: وحشتيني يا عمري. نورا: حبيبة ماما اللي بتسمع الكلام، وريني بقى بتعملي إيه في الفون. نورا بفرحة: أسر عامل إيه؟ أسر: _نورا: مالك يا أسر في حاجة؟ أسر: _نورا: أنت تعبان؟ أسر بهيمان: حرام عليكِ. نورا بدموع: ليه؟ أنا عملت إيه؟ أسر: حرماني من الجمال دا، إيه الحلاوة دي؟ بطل يلا. (نورا كانت لسه طالعة من الحمام ولابسة شانيل روز وشعرها مبلل وكانت مثيرة جدًا) نورا بصت على نفسها وفجأة سابت الفون.

فضلت تلف في الأوضة: يا لهوي يقول عليا إيه دلوقتي؟ أكلمه إزاي؟ أسر فضل يرن. نورا كانت مترددة تفتح بس في النهاية فتحت. أسر: رجعنا للإسدال تاني؟ أنا زي جوزك على فكرة. نورا: أحم، عامل إيه؟ أسر: سيبك مني يا ست البنات، بس الروز عليكي طلقة، وغمزلها 😉. نورا قفلت الفون على طول وكانت فرحانة جدًا، لكن سرعان ما تلاشت عندما تذكرت موضوع الصور وظلت تكلم نفسها. معقول نحب بعض؟ طيب والاتفاق اللي بينا؟

وحتى لو حصل هل هينسى أم روفينا وهي فين أصلًا؟ وهل دينا هي أم روفينا ولا لأ؟ والبنت اللي في الصور مين؟ أنا تعبت بجد، يعني في حياته أنا ودينا وكمان أم روفينا، يا رب. ونامت هي وروفينا.