رواية طلقني الفصل الأول 1 - بقلم صالح الديب

يوووه.. أنا تعبت بقي ومش قادرة ع العيشة دي. حسام: في إيه بس مالك يا أحببتي؟ نغم: زهقت من عمايل أهلك معايا. حسام: أهلي؟ .. مالهم أهلي؟ هو في غير بابا وماما وإخواتي كلهم في بيتي. نغم: في إيه يا حسام؟ منا بتكلم عن مامتك وبابا.. هو في غيرهم معانا؟ وبعدين ليه محسسني إنهم ملائكة؟ لما قولتلك وأنت عارف واشتكيت منهم قبل كده وأنت مش بتعمل حاجة. حسام: عايزني أعمل إيه؟

وأنا بشوفهم شايلينك من على الأرض شيل… ومحدش بيعاملك وحش خالص. نغم: يا حبيبي دا بس قدامك، إنما لما بتكون بره بيظهروا على حقيقتهم، أنت بس طيب. حسام: لاحظي إنك بتتكلمي عن أهلي، فا اختاري ألفاظك، عيب. نغم: عيب؟ هو دا اللي قدرك عليه ربنا؟ بدل ما تجيبلي حقي. حسام: حقي؟ نغم: أه. حسام: حقي مين؟ وأي حقك دا؟

اللي المفروض أجيبه.. وأنتي عارفة أنا بحبك قد إيه، ولو ليكي أنا هجيبهولك… طب بص إيه رأيك ناخد شقة تانية لوحدنا… وهما يعيشوا هنا… نغم: أه قولي كده بقي، أنتِ بتعملي كل دا علشان نسيب هنا وناخد شقة تانية؟ نغم: لا مش كده، علشان حقيقي تعبت. حسام: تعبتي إيه بس؟

إحنا يا دوب بقالنا كام شهر متجوزين، ومفيش حد في البيت… غير أبويا وأمي وأكلهم وشربهم زينا… ومش بياكلوا أصلاً، أكلهم ضعيف، والبيت بسم الله ما شاء الله كبير، وأنتي ليكي شقتك فيه لوحدك من بابها، في إيه بقى؟ نغم: وهما سايبني في حالي؟ لو غبت عنهم نص ساعة الدنيا بتتقلب، وكل دا وأنت مش هنا. حسام: بيبقوا عايزين إيه يعني؟

نغم: ولا حاجة، بيتحججوا على أي حاجة، يعني مثلاً ممكن ينادوا عليا علشان أجيب لهم ميه أو أعمل شاي، مع إن مامتك صحتها كويسة وتقدر تعمل دا، وهي أقرب. حسام: يا سلام. يعني هما بيعملوا معاكي كده وأنتِ مش موجودة؟ نغم: يوه، وحاجات ياما، بس أنا كنت صابرة وساكتة، بس خلاص مش قادرة. حسام: طيب أنا هنزل تحت وجاي أشوف أي الموضوع. نغم: انزل، مع إن عارفة إنهم هيكذبوني وأنت هتصدقهم. حسام: هنشوف. الحاجة: رقيه في إيه يا ابني؟

صوتكم عالي كده ليه؟ خير، أو مش تكون زعلت مراتك؟ حسام؟ الحاجة: مالك يا ابني مبلم كده ليه؟ الحج أحمد: سبيه يا حاجة، متضغطيش عليه… حاجة بينه وبين مراته ومش عايز يقول. حسام: لا خالص يا حج، هو فيه بينا الكلام دا؟ بس أنا مش عارف في إيه. الحاجة رقيه: في إيه طيب مالك؟ حسام: هي نغم عاملة معاكم إيه؟ .. بتنزل تساعد وبتعمل لكم طلباتكم؟ الحاجة رقيه: كويسة يابني ومحترمة، وهي اللي بتعمل كل حاجة لوحدها.

حسام: يعني مفيش مشاكل بينكم ولا أي خلافات. الحج أحمد: لا خالص، في إيه؟ هي مراتك بتشتكي مننا ولا إيه؟ الحاجة أم رقيه: وأنت صدقت إننا نعمل كده وجاي تعاتبنا؟ حسام: لا يا ماما، مقصدش طبعاً، بس أنا مش عارف هي بتعمل كده ليه؟ وأنا بنفسي شايف معاملتكم ليها. الحج أحمد: خلاص يابني، متخربش على نفسك وخد شقة تانية وخليها على راحتها، واحنا مش عجزنا، بنعمل كل حاجة الحمد لله. حسام: ليه بتقول كده بس يا بابا؟

أنا مش هسيب هنا ولا هسيبكم لوحدكم. الحج أحمد: اسمع مني بس علشان تعرف تعيش حياتك وتبقى كويس أنت ومراتك، خد شقة تانية ومتقلقش علينا، لأن بالشكل دا… هنبقى كل يوم في مشاكل ووجع قلب، دلوقتي هي اتهمتنا واتبلت علينا… الله أعلم بكرة يحصل إيه. حسام: إن شاء الله خير.. هبقى أشوف الموضوع دا، أستأذن بقي، هطلع أرتاح شوية، راجع من الشغل تعبان. الحج أحمد: إذنك معاك يا حبيبي.

الحاجة رقيه: شوفت يا حج، اللي بيحصل.. هو أنت ليه خليتني اسكت ومقولش الحقيقة واللي يحصل يحصل.. عاجبك كده يعني؟ الحج أحمد: حقيقة إيه اللي عايزة تقوليها بس يا حاجة؟ الحاجة رقيه: كنت هقول…