رواية طلقني الفصل الثاني 2 - بقلم صالح الديب

الحج احمد: حقيقة إيه اللي انتي عاوزة تقولي عليها؟ الحجه ام رقيه: كنت هقول إنها بتعاملنا معاملة زي الزفت وبتشتم وتزعق فينا وتصرفاتها كلها غلط، وإننا صابرين وساكتين عشان حسام. وبتنزل من فوق الضهر تقعد تزعق: فين الفطار؟ وتبهدلنا على أساس إيه شغالين عندها إحنا؟ وفي الآخر قلبت ابننا علينا. الحج احمد: اهدي بس كده ووحدي الله. الحجه رقيه: لا إله إلا الله.

الحج احمد: دي مهما كان مرات ابننا ولسه صغيرة، بكرة تعقل وتفهم وتندم على كل اللي عملته معانا. رقيه: إزاي بس يا حج؟ دي خلت ابننا يحقق معانا وابتدى يشك فينا، معقولة قدرت تغيره كده من ناحيتنا؟ احمد: ياستي ولا اتغير ولا حاجة، هو معذور ودي برضه مراته ومش عارف يصدق مين ولا يكذب مين، بيحاول يوصل للحقيقة. رقيه: خليك انت كده لحد ما تلاقيها في مرة مخلية آه يطردنا بره البيت. احمد: طيب خلاص اقفلي ع الموضوع ده ويلا حضري العشا.

رقيه: كمان أنا اللي هحضر العشا. احمد: قابلي أهي نازلة تدلع ع السلم وهتدخل المطبخ، وعشان تبين لحسام إنها قايمة بكل حاجة. رقيه: يوه بقى أنت هت حرق دمي ليه؟ نغم: معاش اللي يحرق دمك يا حماتي، مالك بس يا ست الكل. رقيه: ست الكل؟! نغم: آه يا حماتي يا عسل انتي. رقيه: لا مفيش، أصل في ناس بتبلّي عليا وبتشتكي مني وهتكره ابني فيا. نغم: إيه ده إيه ده مين دول اللي يشتكوا من رقيه القمر دي؟ هو حد يشتكي منك انتي يا ست الكل؟

رقيه: بت انتي شغل التعابين دا خلاص، أنا حفظته ومبقاش بياكل معايا. انتي قدام ابننا بتبقي زي الملاك، ولما بيمشي بتتعق ربي علينا. رقيه: طب ورب الكعبة اللي أنا زرت بيته مرتين، أنا ممكن أفعصك برجلي بس أنا ساكتة وصابرة عشان ابني، وكلمة تانية هجيبك من شعرك. حسام: تجيبي مين من شعرها يا ماما؟ رقيه: حسام؟ نغم: شفتي يا حسام. بتعملي فيا إيه؟ أهي أهي 🥲🥲 أهو وانت موجود عايزة تجيبني من شعري، وكل دا ليه؟

عشان بس بسألها تحب تاكل إيه على العشا؟ غلطت أنا كده؟ رقيه: شفت البت دي، أنا صدقتك. روحي يا شيخة منك لله. نغم: شايف يا حسام بتدعي عليا وانت واقف. أنا قولتلك مستحيل أعيش معاهم هنا لوحدي. حسام: ليه كده يا ماما؟ مكنتش أتوقع ده يحصل منك أبداً. هي عملت لك إيه؟ نغم: يا حبيبتي خلاص متزعليش، حقك عليا أنا. من بكرة هشوف شقة كبيرة لينا وننقل فيها. رقيه: حسام انت صدقتها؟ وبتعاتبني. 🥲🥲

احمد: خلاص يا أم حسام. أنا من الأول قولتك اسكتي وبلاش تجاريها. أم حسام: متقولش بس أم حسام، ده لا ابني ولا أعرفه. حسام: يوه بقى أنا زهقت، أنا سايب لكم البيت وماشي. رقيه: عاجبك كده يا وش المصايب؟ نغم: ههههههه عاجبني قوي كمان ولسه. يلا شوفي هتعملوا إيه تاكلوه، أصلي أنا مش فاضية وطلبت أكل من بره ليا. تصبحوا على خير 😂😛😛