رواية طلقني الفصل السابع 7 - بقلم صالح الديب

حلو قوي كده انت بتسهل عليا الدنيا جامد. ربنا يكملك بعبطك. الفلوس دي جات في وقتها. حسام: أي ياقلبي بتعملي إيه؟ نغم: ولا حاجة، عنت الفلوس وقاعدة أهو مستنياك. حسام: وأنا جيت أهو ياقلبي. وحشتيني. نغم: يا راجل دلوقتي وحشتك. شوف إزاي. حسام: والله انتي عارفة أنا بحبك قد إيه، ولا انتي عندك شك في ده. نغم: عارفة يا حبيبي بهزر معاك. بس أنا زعلانة منك. حسام: زعلانة مني ليه؟ نغم: معرفش، انت لو مهتم كنت عرفت لوحدك.

حسام: في إيه طيب قوليلي. نغم: شوف انت أنا طلبت منك إيه وانت مطنش. حسام: واللهي أبداً، انتي طلبتي الشقة والعربية وفلوس ف البنك باسمك. وأنا نفذت. نغم: آه، طب والشركة؟ حسام: ياحبيبة قلبي أنا وانتي واحد والشركة باسمي وزي ما قولتلك. هظبط بس شوية أوراق كده وهكتبها باسمك برضوا. نغم: طبعاً، أنا وانت واحد وربنا يخليك ليا ياقلبي وميحرمنيش منك وتعيش وتكتبلي. يلا ننام بقي علشان تقوم فايق. حسام: يلا ياقلبي. وبعد كام ساعة.

بيت الحج أحمد. رقية: قوم يا حج بقي كل ده نوم. يلا علشان تجهز حاجتك وتشوف هتعمل إيه. الحج أحمد: صباح الورد يا ست الكل، هقوم أهو. رقية: يلا قوم الحمام جاهز ودقايق ويكون الفطار كمان جاهز. أحمد: تسلميلي يارب ويخليكي ليا وميحرمنيش منك أبداً. شقة حسام. حسام: هنزل أنا بقي ياقلبي، عايزة حاجة؟ نغم: آه يا حبيبي ابقي هات معاك شوية فاكهة وعصاير وكده. واعمل حساب ماما علشان هي كمان جاية تقعد معانا كام يوم.

حسام: إيه دا بجد مقولتليش يعني. نغم: حبيت أعملهالك مفاجأة وبعدين أنا لسه عارفه امبارح بس. حسام: ماشي ياقلبي، عايزة حاجة تانية؟ نغم: لا شكراً، متتأخرش عليا. هتوحشني. حسام: وانتي كمان ياقلبي، يلا باي. نغم: باي ياقلبي. وبعد ساعتين. نغم: إيه ياماما انتي فين أتأخرتي ليه؟ أم نغم: أنا أهو قصاد البيت، دقايق وأكون عندك. جوزك جه؟

نغم: لا لسه مش هيجي دلوقتي، هيروح يوصل أبوه المطار وبعد كده هيجيب العقربة أم ه وهيجي. يلا اقفلي انتي مش جاية نتكلم فالشقة أفضل. أم نغم: ياساتر ع بخلك، افتحي الباب يلا. نغم: إيه دا ياماما، يعني انتي قدام باب شقتي وبتكلميني فالتليفون. أم نغم: ههه معلش. إيه يابت هتفضلي متنحة كده كتير، تعالي في حضني يا كلبه. نغم: وحشاني والله، وحشني تهزيقك ليا. أم نغم: تعالي تعالي. ها عملتي إيه؟ كتبلك الشركة ولا لسه؟

نغم: لسه مش عارفة بيتهرب ليه، كتبلي الشقة والعربية وفلوس ف البنك بس الشركة رافض. أم نغم: يا خايبة. نغم: بس متقلقيش، أمه جايه النهارده وبعد اللي هعمله معاها كل حاجة هتبقى لينا. أم نغم: هتعملي إيه؟ نغم: تعالي بس نعمل حاجة نشربها وهناك هقولك. بيت الحج أحمد. رقية: خلاص كده كل حاجة جاهزة وأوراقك كلها معاك. أحمد: آه تمام، مقولتليش بقي أجيبلك إيه من هناك.

رقية: مش عايزة أي حاجة غير إنك ترجعلي بالسلامة بس. كان نفسي أجي معاك ونعمل عمرة مع بعض. أحمد: إن شاء الله هتبقى حج السنة دي، ارجع بس ونظبط دنيتنا ونروح. رقية: إن شاء الله ترجع بالسلامة. هو الولا حسام أتأخر ليه كده؟ هيتأخر ع الطيارة. رقية: زمانه جاي، كلمة وأنا هدخل أجهز نفسي علشان أمشي معاكم بدل ما يرجع ع هنا تاني. شقة حسام. أم نغم: يابنت الـ...

عجبتيني ابت تربيتي. إمتي بقي نخلص من الجوازة دي وناخد الفلوس وأجوزك ابن اختي ونعدي بقي. نغم: خلاص هاانت، بس أنا صعبان عليا حسام، طيب قوي. أم نغم: في إيه يابت، هو لو مش طيب كنا عرفنا ناخد حاجة. انتي هتحني ولا إيه؟ نغم: ياستي ولا أحن ولا أرن. دول كلمتين وخلاص. أم نغم: آه بحسب. حسام ف العربية. رقية: واد ياحسام أبوك هيوحشني يا وله، أول مرة يبعد عني كده. حسام: أيوه بقي، إيه يا ست ماما الرومانسية دي.

رقية: بس يا وله. المهم مراتك عارفة إني جايه أقعد عندكم وساكتة، متكلمتش. حسام: يلا حمدالله ع السلامة، وصلنا. رقية: يااه، شوف بقالك قد إيه واخد الشقة دي، عمري ما جيتها ولا أعرف طريقها حتى. حسام: أهو هتنوريها وتنوري المنطقة كلها يا ست الكل. ثواني بس أنزل الحاجة دي ونطلع. رقية: إيه دا كله يابني، تعبان نفسك ليه؟ هو أنا هتضاف. حسام: ماما ياحبيبتي، هو انتي بتيجي كل يوم؟

وبعدين دي حاجة بسيطة. يلا اتفضل. دي نغم هتنبط قوي لما تشوفك. وعارفة مين كمان فوق؟ رقية: مين؟