رواية طلقني الفصل الثامن 8 - بقلم صالح الديب

حسام: دي نغم هتنبسط قوي لما تشوفك وعارفه مين كمان فوق. رقية: مين؟ حسام: نغم. رقية: نغم بجد؟ وحشاني والله، هي من زمان هنا؟ حسام: لا لسه جايه النهارده. رقية: ياتري دي صدفة ولا مقصودة؟ حسام: أكيد صدفة يا ماما… يلا وصلنا الشقة أهو. نغم: حمد الله على السلامة… ازيك يا حماتي، وحشاني موت. 💋💋 رقية: وأنتي أكتر يا حبيبتي، تسلميلي. أم نغم: أم حسام عاملة إيه يا حبيبتي، ليكي وحشة، محدش بيشوفك ليه؟

رقية: وأنتي كمان يا أم نغم، معلش، أنتي عارفة مش بعرف أسيب أبو حسام لوحده والدنيا تلاهي. أم نغم: يا حبيبتي ربنا يخليكم لبعض يا رب. حسام: طب إيه بقى مش هنتغدى؟ أنا واقع من الجوع. نغم: أحلى غدا طبعاً يا حبيبي، اتفضلوا، الأكل جاهز. على السفرة: أم نغم: بس إيه الحلاوة دي يا أم حسام، اللي يشوفك يقول إنك بنت عشرين سنة. رقية: يا أختي بقى ما خلاص راحت علينا، هناخد زمنا وزمن غيرنا.

نغم: طب وربنا أنتي زي القمر يا حماتي، اللي يشوفك يقول أخت حسام مش مامته. رقية: يا بت يا بقاشة. ☺️☺️ حسام: الحمد لله، أسيبكم أنا بقى، معايا مشوار ضروري هخلصه وهرجع. نغم: علطول كده؟ دا أنت حتى لسه ما استريحتش. حسام: معلش بقى مشوار مهم، مش هتأخر… يلا، محتاجين حاجة؟ محتاجة أي حاجة يا ست الكل؟ رقية: تسلم وتعيش يا حبيبي، ترجع بالسلامة. حسام: يلا سلام عليكم. رقية: مع السلامة يا حبيبي، خلي بالك من نفسك. رقية: الحمد لله.

نغم: أكلتي يا حماتي؟ رقية: الحمد لله، تسلم إيديكي. نغم: 😏😏 طب يلا قومي يا حبيبتي زي الشاطرة كده، لمي الأطباق دي وع المطبخ وروقيه. رقية: إيه دا في إيه؟ نغم: أنتي صدقتي نفسك يا ولية يا قراشونة أنتي؟ قومي يلا انجري، دا أنتي ولية بوم بوم صحيح. رقية: لا حول ولا قوة إلا بالله، أنا برضوا مكنتش مطمنة وعارفة إن دا هيحصل. عاجبك كده يا أم نغم؟ يرضيكي اللي بنتك بتعمله دا؟

أم نغم: لا بصراحة ميرضينيش أبداً، عيب عليكي يا نغم، إيه إيه اللي بتعمليه دا؟ أنتي لسه هتتحايلي عليها؟ دي تلبسيها الطبق في وشها كده. نغم: ههههههه الله عليكي يا ماما، أيوه كده. أم نغم: إيه رأيك يا رقية، حلو طبق الملوخية على وشك كده؟ 😂😂😂 رقية: حسبي الله ونعم الوكيل، أنا يستحيل أقعد هنا دقيقة، بيتي أولى بيا. نغم: يلا في دا إيه بس، قبل ما تمشي هتقومي تروقي البيت دا، عايزة أشوف وشك فيه. رقية: 🥲🥲 يا بنتي ليه بتعملي فيا كده؟

هو أنا عملت ليكي إيه؟ نغم: مبحبكيش ولا أنتي ولا ابنك، ولا طايقاكم. هو أنتي مفكرة إني متجوزة ابنك دا حب فيه؟ هههه دا عبط، أنا اتجوزته عشان أضحك عليه وأخد كل حاجة منه، وحصل. يلا قومي اتحركي، أنتي لسه هتنوحي. أم نغم: سيبيها تروق ويلا بينا ننفذ اللي اتفقنا عليه. يلا يا ماما نص ساعة بالظبط وأجي ألاقي البيت بيلمع، أنتي سامعة يا حماتي؟ رقية: منكم لله، حسبي الله ونعم الوكيل. بعد نص ساعة:

نغم: شطورة يا حماتي، يلا ادخلي بقى ريحي جوه، حسام زمانه جاي. مش عايزاه يشوفك كده. رقية: يا سلام. وفين شنطتي؟ أنا مستحيل أقعد هنا، يجي ابني وأمشي على طول. نغم: هتمشي وماله. شنطتك جوه. اتفضلي خديها. رقية: أما أشوف آخرتها. أم نغم: الباب بيفتح، الظاهر حسام جه. يلا استعدي. أهي أهي. 🥲🥲🥲🥲 حسام: إيه دا في إيه؟ مالك يا نغم بتعيطي ليه؟ نغم: الحقني يا حسام. حسام: في إيه؟

نغم: مامتك يا حسام، أنت مشيت من هنا وهي قالت هدخل أريح جوه شوية. حسام: تمام، إيه المشكلة؟ بتعيطي ليه؟ هي كويسة؟ نغم: كويسة وزي الفل، أنا اللي مش كويسة. حسام: ليه؟ إيه اللي حصل؟ نغم: بص يا سيدي، بعد ما دخلت بعشر دقايق ولقيتها خارجة وماسكة شنطتها في إيدها. أبقولها إيه دا يا حماتي رايحة فين؟

قالتلي أنا ماشية، راجعة بيتي. أبقولها مالك في أي حد زعلِك، وهي الكلمة ولقيتها نزلت فيا ضرب. وشِكِتِني، حتى ماما مسلمتش منها، شوف عملت في وشها إيه. لأ بجد أنا تعبت ومش عارفة أعمل معاها إيه. رقية: حسام أنت جيت، يلا روحني. نغم: شوفت أهو. حسام: إيه اللي حصل بس يا ماما؟ مالك؟ رقية: مفيش، ويلا من فصلك روحني ولا أمشي لوحدي. حسام: طب إيه اللي حصل وليه بتشتمني وبتضربيها هي وأمها؟

رقية: أنا يا ابني ربنا يسامحك. أنا ست مفتقرة، يلا روحني، رجعني بيتي. حسام: حاضر. مش عارف بتعملي كده ليه. من فضلك يا نغم، جيبيلي الفلوس اللي اديتهالك عشان جه وقتها. نغم: حاضر. حسام: يالهوي يالهوي، الحقني يا حسام، الفلوس مش موجودة. نغم: مش موجودة إزاي يعني؟ دوري كويس. حسام: دورت، أنا لسه شيفاها الصبح، هتكون راحت فين؟ نغم: يعني إيه هتكون راحت فين؟ مين دخل غريب وخدها؟

حسام: نغم… شوف أنت راحت فين ومين دخل البيت وفجأة عايز يمشي. نغم: قصدك إيه؟ قصدك أنا أمي هي اللي خدت الفلوس؟ أنتي مجنونة؟ إيه اللي بتقوليه دا؟ ولية متكونش أمك؟ ما هو الاتنين جم النهاردة. نغم: مستحيل طبعاً. أم نغم: بس يا نغم، اسكتي. حسام عنده حق، ادي شنطتي أهي، فتشها. نغم: إيه دا يا ماما، لا طبعاً. يفتش هو؟ مامته؟ حسام: من غير زعل، هنشوف الاتنين. أنا آسف يا ماما. رقية: وأنا آسف ليه؟ اتفضل شنطتي أهي.

حسام: أنا آسف. حقك عليا. 🙄🙄🙄 إيه دا يا ماما؟ الفلوس دي بتعمل إيه هنا؟ رقية: فلوس؟ فلوس إيه؟ واللهي يابني ولا شوفتها ولا أعرف عنها حاجة. 🥲🥲🥲 نغم: عشان كده عايزة تمشي ومدورة فينا الضرب من بدري، كل دا عشان الفلوس؟ يا خسارة. رقية: بس بقى، أنتي إيه شيطانة. حسام: ماما… من فضلك. ممكن أعرف الفلوس دي بتعمل إيه عندك؟ رقية: معرفش، معرفش. حسام: يا خسارة يا ماما، مكنتش متوقع دا خالص. أنتي ممكن تعملي كده تسرقي ابنك؟

رقية: ربنا يسامحك يا ابني. حسام: للأسف مش عارف أقول إيه ولا أعمل إيه. كل اللي هقدر أقوله إني مضطر أوصلك لبيتك. ومش عايز حد منكم يكلمني ولا ييجيلي بيتي تاني. أنا هبقى أجيلكم. يلا اتفضلي بعد إذنك. رقية: 🥲🥲🥲🥲🥲 حسبي الله ونعم الوكيل. استني استني، نسيت تليفوني. استنيني هنا، هطلع أجيبه وجاي حالاً. رقية: حاضر. 🥲 نغم: 😂 شوفتي ياماما عملنا فيهم إيه؟ ولا شوفتي شكلها وهي بتمسح المطبخ والحمام؟

أم نغم: 😂😂😂 ولا طبق الملوخية اللي لبس في وشها. وكله كوم، وإننا نطلعها حرامية قدام ابنها كوم تاني. أنتي دماغك دي سم. حسام: الله الله، إيه الحلاوة دي؟ نغم: حسام! حسام: يا ست هانم، اللي بهدلتيه هو وأهله واستغليتي حبه ليكي؟ ذنبها إيه أمي الغلبانة تعملوا فيها كده؟ أنتو إيه؟ شياطين. نغم: أه، ومبحبكيش ولا عمري حبيتك، وأنا اللي حطيت الفلوس لأمك في الشنطة، وأنا اللي كنت بضايقهم هنا وهناك ومعلماهم الأدب، وكل دا عشان فلوسك.

حسام: كل دا عشان الفلوس؟ طيب وأنا أريحك خالص. أنتي طالق. ويلا اطلعي بره أنتي وأمك، وبالهدوم اللي عليكم، زي ما جبتكم من الشارع واتحديت أهلي عشانكم، هترجعوا للشارع تاني. نغم: هههههه هو أنا مقلتلكش. حسام: لا مقولتيش. نغم: ولا أنتي يا ماما قولتي له. أم نغم: يقطعني، نسيت. 😂 نغم: معلش، نقوله. هو أنت متعرفش إن الشقة والعربية وكل حاجة مكتوبة باسمي؟ حسام: إيه دا بجد؟

أه يا بنت الطب. خدي بقى الجديد، كل حاجة باسمك أه، بس طول ما أنتي على ذمتي، بمجرد الطلاق كل حاجة بترجعلي تاني. نغم: ههههههه. حسام: بجد؟ أنا آسفة، أنت حبيبي، أنا كنت بهزر معاك. حسام: عارف، عارف. تعالي كده. نغم: أه شعري، سيب شعري. حسام: بره يا زبالة أنتي وأمك بره. رقية: هو اتأخر كده ليه؟ أنا همشي بقى ومش عايزة التليفون. حسام: أمي يا أمي!

أنا آسف، سامحيني، أنا عرفت كل حاجة وعرفت قد إيه أنتو تعبتوا معايا واستحملتوا علشاني. سامحيني بالله عليكي، أبوس رجلك سامحيني. رقية: بس يا وله، قوم، إحنا في الشارع. حسام: مسامحاني؟ رقية: طيب. حسام: هسامحك بس بشرط. رقية: وأنا واللهي هكون تحت رجليكم وهعمل كل اللي تقولوا عليه. والحمد لله اللي خلاني عرفت كل حاجة قبل فوات الأوان، وقبل ما أخسر كل حاجة. رقية: الحمد لله، أنت طيب وابن حلال، وربنا نور بصيرتك وخلاك تشوف الحقيقة.

حسام: الحمد لله. تمت بفضل الله.