رواية طليق اختي الفصل التاسع 9 - بقلم اية زين

رقية بدموع: لا يا يوسف، داليا مش هتاخد ابني مني. مش كان معاها؟ ليه قالتلي اعتبره ابني وعايزة تحرمني منه دلوقتي؟ مش هتخليها تاخده من حضني صح؟ مقدرش أعيش من غيره والله. يوسف بحب: مش هتاخده، مينفعش تاخده يا رقية والله. دي ماضية تنازل عن الحضانة، القانون معانا يا حبيبتي اهدي.

رقية بهستيرية: لا، هيا مينفعش تاخده عشان هو ابني. آه، هو ابني أنا مش هيا يا يوسف. أنا اللي بهتم بيه، أنا اللي كنت بسهر جنبه في تعبه، أنا اللي سندته في أول خطوة، أنا اللي قالي ماما. أنا يا يوسف أنا. يوسف بيضمها ليه: اهدي يا رقية، اهدي. مش هتقدر تاخده صدقيني. محمد ابننا إحنا ومحدش يقدر ياخده مننا. احمد: هنعمل إيه دلوقتي؟ تعالى نتبنى أي عيل تاني وخلاص.

داليا: لا، ده ابني أنا. وهاخده غصب عنهم. سيبهم فرحانين كده شوية عشان لما أخده منهم يكونوا شبعوا منه. محمد: روكا، يوسف مش راضي يصحى. رقية بزعل: قولت مية مرة اسمه بابا مش يوسف. وبعدين من امتى بتقولي روكا؟ محمد بطفولة: يوسف صاحبي مش بابا. وبعدين هو بيقولك يا ماما وإنتي بتقولي روكا، يبقى أنا كمان هقولك زيه. ولا إنتي بتحبي يوسف أكتر من محمد؟ رقية بتحضنه بسرعة: لا يا ميدو، ده إنت عيوني والله. ربنا يعلم بحبك إزاي.

محمد: وأنا كمان بحبك يا روكا. يوسف بغيرة: الله الله، وإيه كمان يا ست رقية! فرحوني فرحوني. محمد بيغيظ يوسف: دي ماما أنا وبتحب محمد. يوسف بغيظ: أوعى كده والله أضرب الواد ده، ده بيغيظني. رقية بتضم محمد بضحك: إيه يا يوسف يا حبيبي هتعمل عقلك بعقل محمد؟ بس بقى. يوسف بزعل: ما إنتي بتحبيه أكتر مني. رقية بصدمة: يوسف! ده ابني وطبيعي أحبه، بس برضه بحبك يا حبيبي والله.

يوسف بسرعة: ما أنا كمان ابنك، حبيني زي ابنك وحبيني عشان أنا جوزك. رقية بتشيل محمد وتضم نفسها ليوسف: إنتوا أغلى حاجة في حياتي، ربنا يديمكم ليا وميحرمنيش منكم أبداً. محمد بيحضن رقية: بحبك يا روكا. يوسف: ابعد عنها يالا. رقية: يوووه، لما تخلصوا اللي إنتوا فيه ده ابقوا اعملوا الفطار. كنت هريحكم عشان تعبتوا في توضيب الشقة امبارح، بس تستاهلوا. محمد: إنت وحش. اعمل الفطار ومحمد هيصالح روكا. يوسف: ملكش دعوة إنت، ومتقربش منها.

محمد بيغيظه: دي مامتي وأنا حر. يوسف بتنهيدة: والله لولا إنك ابننا ما كنت خليتك تقربلها. بس ربنا يحفظك لينا ويبعد عنك شر داليا. يوسف: خلاص بقى يا روكا متزعليش مني أنا آسف. رقية: يا حبيبي أنا فرحانة بحبك ليا، بس خايفة ده يأثر على الولد. لازم أهتم بيه وأبينله حبي. مش ابني يا ابني. يوسف بضحك: أديقي قولتي إن ابني أنا كمان أهو. يا ستي محمد مش هيزعل، متزعليش مني إنتي بس وأنا وهو بنعرف نتعامل سوا.

رقية بحب: خلاص يا سيدي أنا هطلع أنا من بينكم، أهم حاجة تكونوا فرحانين. يوسف بيمسك إيدها: إنت بالذات اللي مينفعش تتطلع من بينا، إنت اللي بتجمعنا يا عيوني. داليا بخبث: النهاردة هجيب محمد ونسافر الصعيد. مش هيجي في بالهم إحنا فين أصلاً. واهو نربي ولد من دمي أحسن، ولا إيه؟ احمد بكدب: أنا بعمل كده عشان عايزك مبسوطة بس. أهم حاجة متزعليش. يوسف: مفيش عملاء جايين النهاردة فنقضي اليوم في البيت. إيه رأيك؟

رقية بفرحة: موافقة جداً. ادخل خد محمد واطلعوا على الترابيزة اللي في الجنينة. وأنا هعمل عصير وأكل محمد وأجيلكم. يوسف: هوااا يا روكا. يوسف لمحمد: خليك هنا يا ميدو على ما أدخل أجيب الحاجة من ماما. متخرجش برة يا حبيبي اتفقنا. محمد: اتفقنا يا چو. رقية ليوسف: اخص عليك مش قولتلك خليك مع محمد! يوسف: يا بنتي ما هو في الجنينة والباب مقفول. ميبقاش قلبك ضعيف كده أومال. رقية: ماشي يا يو... محمد بعياط: ماماااااا.

رقية بخضة: ابني يا يوسف. يجروا يلاقوا واحد شايل محمد مغمي عليه ويركب عربية ويمشي. رقية بصراخ: ابني، ابني يا يوسف. إنت وعدتني إن ابني مش هيبعد عني. أنا عايزة ابنااااااي. يوسف وهو بيتصل على البوليس: هيرجع، صدقيني هيرجع. داليا داخلة شقة حماتها بفرحة وهي شايلة محمد: احم. احمد بزهق: يا ماما عامليها كويس، أنا مش عايز مشاكل. ام احمد: ليه يا أخويا؟ مش كفاية مستحملينها على عيبها! واحد غيرك كان اتج...

احمد: اتجوز عشان يتعرف إني مبخلفش صح! دلوقتي اللي باين إن العيب منها هي، وأنا تمام صح كد... داليا بغل: صح يا احمد، بس خلاص. أنا هموتك النهاردة وأخلص منك. داليا بتحط محمد على الكنبة وتدخل المطبخ تجيب سكينة. داليا بجنون: مش أنا اللي يتضحك عليا يا احمد. أنا هخلص منك وأبدأ حياتي مع ابني من جديد. ام احمد: سيبي السكينة من إيدك يا مجنونة. أوعي تقربي من ابني.

داليا بتروح لاحمد: أنا هقتلك ابنك ده عشان آخد بتار إنه حرمني من إني أخلف تاني. احمد بيمسك إيدها: لا، ما أنا مش يوسف هستحمل منك كل حاجة. ام احمد بتزق إيد داليا: قولتلك ابعدي عن ابن... داليا: ااااااه. ام احمد: اهو ده جزاء اللي يفكر يقرب من ابني. احمد بغل: هو ده جزاءك إنك تموتي هنا لوحدك. بس اطمني أنا هاخد ابنك ونروح الصعيد فعلاً، بس هكتبه باسمي أنا. سلام يا... يا قطة. داليا بوجع: اب.. ابني.

بيخرج احمد وأمه وياخدوا محمد معاهم. داليا بتحاول تقوم وتجيب موبايلها: ر.. رقية. رقية بخضة: خدتي ابني في... داليا بوجع: مح.. مد اح.. مد خده.. الحقو.. ابن.. رقية بدموع: مالك يا داليا، داليااااا.