رواية تمارا الفصل السادس 6 - بقلم مريم احمد

سامر بخفوت وصوت واطي: ملك!!!! فضلت ملك باصة لزين بصدمة وهي مش مستوعبة اللي قاله. زين بزعيق: إيه؟ مستغربة أوي حقيقة أبوكي؟ ولا خايفة على نفسك إنتي وأمك وأختك؟ ملك وهي في نفس صدمتها: إنت أكيد بتكذب. الكلام ده مش حقيقي، أكيد بتكذب. زين بغضب قبل ما يمشي: لااا، بقول الحقيقة. وقريب أوي أوي هاخد حق مراتي وابني منكم. وكمل وهو بيجز على كلامه: واحدة ورا التانية. ومشي وهو بيتوعد ليهم. قطع صمتهم وأفكارهم صوت جميلة. جميلة: في إيه؟ إيه اللي حصل؟ ملك بخوف وهستيريا: محصلش حاجة. أكيد الكلام ده كله مش حقيقة. سامر بقلق: اهدي يا ملك. جميلة بخوف: هو في إيه؟ إيه اللي بيحصل ده؟ وجابت مايه ومسحت بيها على وش ملك لحد ما استوعبت الموقف. ونزلت تجري على باباها وهي بتنادي عليه. جميلة: إيه يا سامر؟ إيه اللي خلاها كدا؟ سامر بيأس وهو خارج: نفس الحكاية. اتنهدت جميلة بغلب.