رواية تمارا الفصل السابع 7 - بقلم مريم احمد

بابا.... بابا فضلت تدور عليه في كل مكان في شقتهم البسيطة الهام بقلق: إيه يا ملك مالك؟ خرجت الجنينة وسابتها، وما زال كلام زين بيتردد في بالها: "إيييييه مستغربة أوي حقيقة أبوكي؟ ولا خايفة على نفسك إنتي وأمك وأختك؟" "قريب أوي هاخد حق مراتي وابني" مبقتش مستحملة صوته في عقلها ولا تفكيرها، فصرخت، لعل كلماته تختفي من عقلها. بابا! جري عليها خليل بخوف وقلق من هيئتها. خليل: نعم يا ملك، معلش كنت بصلي. قولي يا حبيبتي إيه اللي حصل؟ فضلت تبصله وهي مش مستوعبة، هل أبوها ممكن يكون سبب في موت حد بجد؟ ملك: الكلام اللي سمعته ده بجد؟ سكت خليل بقلق. الهام: سمعتي إيه؟ بصت ملك لأبوها بتوجس وهي بتتمنى إنه ينفي كل حاجة. ملك: بابا.... أنت ليك يد في موت مامت سامر وأخوه؟ شهقت الهام بصدمة. قلقت وفضلت ملك مستنية رده. خليل: يا ملك أنا... قطع كلامه صوت صريخ تمارا المفاجئ. جريت ملك على أوضتها برعب، بس وقفت مصدومة وهي دموعها مغرقة وشها. الهام بصدمة: تمارااا!