رواية طوق الحب الفصل الثالث 3 - بقلم هدير عبد العليم

سيف بحزن: ماما أنتِ عارفه إنهم عايزيني أتجوز داليا؟ ماما بدهشة: داليا مين؟ سيف بابتسامة حزينة: داليا بنت عمي. ماما: داليا أكبر منك بعشر سنين... ومين اللي عايزك تتجوزها بقا إن شاء الله؟ سيف: سليم ابني. ماما: لا دا مستحيل، دا كده يبقى مجنون. سيف: أنتِ عارفه ابنك أهم حاجة عنده الشغل والفلوس. ماما بعصبية: لا طبعاً، أنا مش موافقة على جوازك من داليا... وكمان مش موافقة على جوازك من رغد. سيف: عارفه يا ماما مين هيتجوز داليا؟

ماما: مين؟ سيف: البشمهندس سليم ابنك. ماما بعصبية: دول أخوات بالدم. سيف: أخوات؟ ماما: والله أخوات في الرضاعة. سيف: ده بجد؟ ماما: والله أخوات في الرضاعة يعني مينفعوش لبعض. سيف بعصبية: ولا أنا كمان أنفع لداليا. ماما: بنت عمكم كويسة وكل حاجة بس أكبر منكم، وبصراحة أنا مش موافقة على أي حاجة من اللي قولتها دي... كلم سليم دلوقتي قوله ييجي. سيف: أنا مش هينفع أكلمه لأنه... ماما: يبقى أنا اللي هقوم أكلم عمي. سيف: ليه؟

(كانت ماما اتصلت بعمي وقالت له الحقيقة. أنا مش عارف رد فعلهم إيه وقتها، بس كل اللي أعرفه إن داليا حقها تعيش بطريقة أحسن من كده، تستاهل حد يحبها، متكنش السلعة اللي عمي بيعرضها على كل واحد شوية. لكن كان جوايا خوف من إنهم يصمموا على جوازي من داليا، لكن وقتها كنت مطمن أوي من كلام ماما وإن داليا أختنا وبس.) ماما: اطمن يا سيف مش هتتجوز داليا. سيف: بس هتجوز رغد. ماما بعصبية: ولا هتتجوز رغد.

سيف بابتسامة: أول مرة ترفضي حاجة أنا عايزها وبشدة. ماما: لأنها مش شبهنا. سيف: عارفه لو كنتِ قولتي إنها وحشة أو مش محترمة كنت ممكن أتنازل، لكن هي المشكلة بالنسبة لكم هي إنهم مش زينا مادياً. ماما: سيف، أنا طالعة أنام... لأني بجد مش قادرة أقعد أقنع فيك، لأني عارفك عنيد. سيف بابتسامة: أنتِ بتهربي من الحقيقة... الأ أنا وأنتِ وكلنا عارفينها. ماما: لا يا سيف مش بهرب من الحقيقة.

سيف: ماما بلاش تكوني زيهم، ماما أنا بحبه وكمان هي محترمة، مش عيبها إنها في بيت فقير، على فكرة أنتِ كمان كنتِ من بيت فقير وبابا صمم يتجوزك، ليه مش قادرة تحسي بيا؟ ماما: أنت مش هتفهم حاجة وهتفضل زي ما أنت كده. سيف بابتسامة: طب أنا من حقي أفهم. أنا سامع حضرتك أهو اتكلمي. ماما بعصبية وصوت عالي: أنا طالعة... واللي في دماغك ده مش هيحصل فاهم. سيف: يبقى أنا مش هتجوز خالص.

(ماما طلعت فوق، لكن فيه جوايا ألف سؤال بدون إجابة. هو أنا فعلاً مش هتجوز رغد؟ ولا أي حاجة ممكنة زي ما ماما قالت في الأول؟ ولا المفروض أحارب كل الناس طالما ده قرار أنا مؤمن بيه؟ جسمي كله بدأ يسخن من الزعل لكن فضلت أقاوم ودخلت عملت شاي بالنعناع يمكن أنسى. وبعد الشاي دخلت أوضتي وأنا بكلم كل جزء في أوضتي وكأني بكلم إنسان، لحد ما غلب عليا النوم.) ^مين بيتصل بدري كده؟ سيف: أزيك يا داليا. داليا: الله يسلمك يا سيف عامل إيه؟

سيف: أنتِ كويسة؟ داليا بسعادة: آه جداً. سيف: إيه السعادة اللي على الصبح دي؟ داليا: بجد مبسوطة أوي. سيف: بجد؟ طب ليه عايز أفرح معاكِ؟ داليا: أنت عرفت إن سليم أخويا؟ سيف: آه وفرحت أوي. داليا: عرفت كمان إني هنزل شغل؟ سيف: بجد؟ وعمي وافق؟ داليا: بعد إقناع طويل أوي... أخيراً وافق. سيف: هتنزلي شغل فين؟ داليا: مع بابا في الشركة. سيف: اللي فين؟ داليا بضحك: ي غبائك يا أخي، يعني هسافر بره مصر مثلاً؟

اللي هنا في القاهرة أكيد يا سيف. سيف: بجد فرحتيني أوي. داليا: بجد كنت خايفة أوي يضغطوا عليك عشان تتجوزني، عارف كنت هفضل طول حياتي بندم على إني ظلمتك معايا. سيف: ... داليا: عارف كمان المفروض تعمل إيه؟ سيف: لا... مش عارف أي حاجة. داليا: كأن المفروض تقولهم إنك عايز تتجوز واحدة تانية. سيف: بالله تسكتي يا داليا. داليا: أنت لازم تقف مع نفسك وتقرر إذا كانت تستحق حبك ليها ولا لا. سيف: مش فاهم كلامك.

داليا: عايزة أقولك إن الجواز دلوقتي مش الأهم فيه الحب. الأهم فيه إنك تحس إن الشخص ده شبهك وزيك... تكون مطمن معاه. سيف بعصبية: لا ما هو مش كله يحكم إنها مش شبهي لمجرد إنها مادياً مش زيي. داليا: ومين قال إني حكمت عليها إنها مش زيك؟ بل ممكن تكون شبهك أوي ولو حسيت إنك مرتاح ليها يبقى لازم تتجوزها. أما لو حسيت إنه مجرد حب يبقى راجع قرارك. سيف: أنا مش قادر أفهم ولا أحدد حاجة. أنا حتى مش عارف هي بتحبني ولا لا؟

داليا: أنت مش بتكلمها؟ سيف بابتسامة حزينة: يا بنتي دي بنت محترمة وبنت ناس عندهم أصل. داليا: آآآه فهمت وهتعمل إيه؟ سيف: اللي فيه الخير يقدمه ربنا... يلا سلام عشان هتأخر على الشغل. داليا بضحك: وأنا كمان عندي شغل، بس قولت أكلمك عشان اللي حصل امبارح. سيف: آه. داليا: سلام. (قفلت مع داليا وأنا بفكر هل هي بتحبني ولا لا... هل تستحق أتحدى العالم والأهل عشانها ولا أشوف حد نفس المستوى المادي؟

سرحت في كلام داليا، فوقت على صوت زعيق في الصالة، طلعت بسرعة أشوف فيه إيه.) سيف: إيه فيه إيه مالكم صوتكم عالي كده ليه؟ سليم: يعني حضرتك مش عارف صوتي عالي كده ليه؟