رواية تولين الرعد الفصل العاشر 10 - بقلم حبيبه نصر

مصطفى بصدمة وعصبية: إيه ده يا أحمد مالك ماسك تولين كده ليه؟ ده إيه قلة الأدب دي؟ وبص لأيه ورعد، وانتوا عادي يعني ولا إيه نظامكم؟ الكل بيضحك على رد فعله. أحمد كان حاطط إيده على كتف تولين. مصطفى بعصبية: هو إيه اللي يضحك في كده؟ رعد: الله يخربيتك فضحتنا. تعالى طوّل وافهم يا غبي. مش أنت لما بتخرج مع إيه بتمشي كده؟ مصطفى: ما طبيعي عشان أختي. أحمد بضحك: وتولين أختي. مصطفى: هااا؟ الكل مات ضحك حرفيًا. الواد اتصدم.

رعد مسكه من قفاه ودخلوا جوه. بعد ما دخلوا، مصطفى بصوت عالي ومرح: فهموني بقى عشان مش فاهم حاجة خالص. يعني القمر دي بنت خالتشي؟ الجده: في إيه يا حيوان أنت؟ معلي صوتك ليه؟ مصطفى: الله يخليكي يا حاجة، بس لو تعرفي اللي عرفته هتتصدمي. تخيلي كده البت المزة دي بنت بنتك؟ الجده: لا، ده أنتوا تقعدوا كده وتفهموني. تعالي يا ظبوطة فهمني كده. رعد ابتسم وقال: تمام. وقالهم كل حاجة. مصطفى: إيه المسلسل الهندي اللي وقعت فيه ده؟

بس أحلى حاجة إن المز دي بنت خالتشي. كلهم ضحكوا، بس فيه هناك من يشتعل غضبًا. الجده بدموع: يا حبيبتي يا بنتي، كل ده وإحنا ما نعرفش. الله يرحمك يا بنتي. لو موجودة كانت هتطير من الفرح. وربنا ينتقم منك يا محمدي. رعد: إيه ده يا تيتا؟ أنتِ عرفتي اسمه منين؟ الجده بتوتر: ما أنت لسه قايل دلوقتي. رعد: بس أنا مقلتش اسمه. الجده: سلامتك يا حبيبي. وراحت حضنت تولين وسلمت عليها. وبعد ما اتغدوا، وطبعاً بعد إصرار من الجدة.

رعد: طيب اسمعوا الخطة اللي هنعملها. وقال كل حاجة. مصطفى: هو قال هياخد إجازة بكرة عشان يقعد مع بنته. رعد: وطبعاً ده عشان يسلم الشحنة الجديدة. بس اشطا، اتفقنا. أحمد: بس أنا كده هبقى قلقان على أختي عنده. رعد: متقلقش يا أحمد، هنيجي في الوقت المناسب. أحمد لتولين بقلق: خلي بالك من نفسك، ماشي؟ مش مستعد أخسرك تاني. وحضنها. تولين: متقلقش، إن شاء الله خير. ومشت تولين ومنار من البيت.