رواية تولين الرعد الفصل الرابع عشر 14 - بقلم حبيبه نصر

اتصدم رعد، تولين مغمي عليها، هدومها متقطعة وشعرها، ومحمدي واقع سايح في دمه. منار بتعيط وبتحاول تفوق تولين. رعد جري عليهم وخلع جاكت البدلة ولبسه لتولين. دخل عساكر مسكوا محمدي. عربيه الإسعاف خدت تولين وكمان منار اللي اغمي عليها من الصدمة. رعد ركب عربية الإسعاف معاهم. أحمد طلع على المركز عشان يسلم المجرمين. وصلوا المستشفى في وقت قياسي جداً. دخلوا منار وتولين الطوارئ، ومحمدي دخل العمليات.

رعد واقف هيموت من القلق على البنات، وبذات تولين. سمع صوت تليفونه بيرن، وكانت آية. رد بسرعة أحسن يكون حصل حاجة لجدته. رعد بلهفة: إيه يا آية، تيتة كويسة؟ آية: متقلقش، هي كويسة واتنقلت أوضة عادية، أنا رنيت أطمن. رعد بحزن: أنا في المستشفى يا آية، منار وتولين في الطوارئ، ومحمدي في العمليات. آية: إيه! طيب هنزلك، أنت في أوضة كام؟ رعد: أوضة ... آية: تمام، أنا قريبة. رعد: تمام.

عدت دقيقتين وجه أحمد، في نفس وقت آية اللي نزلت عليهم. آية: ها يا رعد، في جديد؟ رعد بتعب: لسه. أحمد: طيب خير يا صاحبي، إن شاء الله. طلع الدكتور من أوضة العمليات. الدكتور: للأسف المريض مات، تعيشوا أنتم. رعد بجمود: تمام يا دكتور. ومشي الدكتور. بص رعد لأحمد. رعد: كلم اللواء وقل له للأسف مات قبل ما ننتقم. أحمد: تمام. وفعلاً كلموا وجهزوا كل حاجة. رجع أحمد ليهم. الدكتورة اللي كانت في الطوارئ خرجت، ووشها باين عليه الإحباط.

الدكتورة: للأسف، الآنسة منار جالها صدمة شديدة، مع الوقت هتتحسن. والآنسة تولين دخلت في غيبوبة مؤقتة لأنها اتعرضت لحالة تعدي، بس إن شاء الله هيبقوا بخير. لو فيه حد قريب من الآنسة تولين، يا ريت يدخل يكلمها، لأنها هتبقى سامعاكم. رعد بلهفة: ممكن أدخل أنا؟ الدكتورة: تمام. عن إذنكم. دخل رعد الأوضة اللي فيها تولين. وأول ما شافها كدا.