تحميل رواية «ترى يا قلب احببت من» PDF

وعدي شهر علي خطوبة سامح وندي وكمان نغم بقت كويسة. وفي يوم بالليل نغم كانت بتاخد شاور ولما خرجت.

مهاب: قرب منها. ايه ده بس هو كل اللي يدخل وياخد حمام بيحلو كدة

نغم: هههههههه. اه عندك مانع

مهاب:لا طبعا احلوي زي ما بعجبك بس براحة عليا انا مش قدك

نغم: اتعلقت في رقبته. انت بجد هتجنني بكلامك ده وانا مش زيك عبيطة مبعرفش اقول كلام حلو

مهاب: حضنها. ومين قالك اني عايزك تتكلمي. انا عايز فعل علي طول

نغم: هههههههه. انت كارثة مفيش فايدة فيك. اوعي بقي خليني البس هدومي

مهاب: ليه بس ما كدة حلو

نغم:هههههههه. اوعي يا بايخ

مهاب: ماشي علشان خاطرك بس. نغم عايزك تاخدي من الدواء ده كل يوم بالليل. وادلها علبة دواء

نغم : 😳اخدتها منه. ايه ده يا مهاب

مهاب: اظن عيب دكتورة وتسأل السؤال ده

نغم: انا مش بسأل علي اسمه ولا بتاع ايه. انا عايزة اعرف انت ليه عايزني اخد دواء لمنع الحمل

مهاب: اتنهد وقربها منه. مش احنا اتفقنا مفيش ولاد لحد ما نشبع من بعض

نغم: بعدت عنه. مهاب البيبي عمره ما هيمنعنا عن بعض

مهاب: اه بس هتتعبي وتنشغلي ده غير دراستك والمستشفي ايه انا فين بقي وقتها من كل ده

نغم: مهاب انت فيه حاجة مخبيها عليا. مش هو ده السبب كلمني بصراحة.

مهاب:اتنهد بضيق ومسح وشه بإيده وقعد علي السرير.اه يا نغم في

نغم: قعدت قدامه علي ركبتها. طيب قولي في ايه

مهاب: انا مش عايز ولاد خالص لا دلوقتي ولا بعدين.

نغم: 😥😥😥انت بتقول ايه ليه يا مهاب

مهاب: مسك وشها بإيده. ارجوكي افهميني. انا خايف يا نغم خايف عليه يجي ويتأذي بسببي.و انتي بنفسك شوفتي انك اتأذيتي أكتر من مرة بسببي. وانا كنت هتجنن عليكي. نغم انا كل يوم في قلق طول ما انتي بعيد عني ببقي خايف عليكي انتي مش بتاخدي بالك انا بكلمك كل قد ايه تقريبا كل 10 دقايق نفسي احطك في قلبي والله علشان اخبيكي. حتي لما بوصلك البيت ببقي خايف وانتي لوحدك. عايزاني اتحمل الالم والقلق ده عليكي انتي وابني. بجد حرام يا نغم حرام

نغم: بتعيط وحضنته. حبيبي ليه بتحمل نفسك فوق طاقتك. خليها علي ربنا سيبنا نعيش حياتنا واللي ربنا عايزه هو اللي هيكون. وبعدين هما كل الظباط بيعملوا زيك كدة

مهاب: لا يا نغم مش كلهم. بس كمان مش كلهم. مراتتهم كانوا يتخطفوا. ويغتصبوهم وتتلفقلهم قضية اداب. ولا كلهم بيحفروا وراهم وعايزين يبوظوا حياتهم. ولا كلهم عندهم طار مع شوية مجرمين انا قتلت ابوهم في عمليه. ولا اخوهم ولا لا. نغم انا لما بمسك قضية مببقاش واخد الموضوع شغل وبس لازم اعمله وخلاص. لا انا بحس انه طار شخصي بيني وبين الكلاب دول والحمد لله مفيش قضية مسكتها الا وخلصت يا بالقبض عليهم او تصفيتهم. علشان كدة انا في 100 واحد نفسهم يا خدوا روحي وانتي روحي ولو سيبتك تخلفي هتبقي بجد بتحطي رقبتي تحت إيديهم. نغم الطفل ده ممكن يتخطف يوم ولاته. وممكن انتي نفسك تتخطفي وانتي حامل فيه. ارجوكي ريحيني كفاية عليا قلقي وخوفي عليكي انتي.بجد مش هتحمل والله كتير عليا يا نغم كتيير

نعم: طبطبت عليه بأسي ووجع. خلاص يا حبيبي انا هريحك ومش هخلف. بس عايزاك تفتكر اني كل شئ بتاع ربنا وربنا هو اللي بيحمينا برحمته.

مهاب: شالها من علي الارض وحضنها. انا بحبك والله بحبك. ونفسي اكون اب منك بس ارجوكي افهميني صح ممكن

نغم: حضنته اوييي. حاضر يا حبيبي هفهمك صح.

مهاب: باسها من رقبته بحنيه. يعني مش زعلانة مني

نغم: ابتسمت. تؤتؤ مش زعلانة انت عندي بالدنيا

مهاب: ابتسم. طيب تعالي بقي علشان عايزك في كلمتين وكويس. انك نسيتي تلبسي….

نغم : ههههههههه……

وبعد شهور عدي تكليف نغم وخلصته ورجعت اشتغلت مع أدم في المستشفي وكان بيساعدها كتير علشان تكون دكتورة شاطرة ومهاب كان بيوصلها كل يوم ويرجع ياخدها وكالعادة طول الوقت قلقان وخايف عليها.

أما سامح وندي فدول بقي الشقاوة كلها وكانوا بيجهزوا الشقة بتاعتهم وسامح كانت امه واخدالها الشقة اللي جنبها في نفس العمارة وفي نفس الدور. وفي يوم كان سامح وندي مع بعض في العربية في مكان هادي وندي قاعدة في حضن سامح

سامح: حبيبي انتي لو مش عايزة الشقة اللي جنب ماما انا ممكن اخدلك غيرها بعيد عادي اوعي تخافي بس قولي

ندي: ابتسمت. يا حبيبي انت سألتني السؤال ده كتير من ساعة ما اتخطبنا وانا بجد مبسوطة اني هعيش جنب فوفة دي حبيبتي وزي ماما

سامح: طيب ليه كل لما أقولك تعالي شوفي الديكورات اللي خلصت مش بترضي.وبتروحي لوحدك مع مامتك

ندي: قامت من حضنه.اقولك بصراحة

سامح: اه يا روحي طبعا بصراحة

ندي: اصل يعني احنا اخدنا علي بعض بسرعة وخايفة لو روحت معاك انت و مامتك تقولوا عليا يعني اني ..

سامح: حط ايده علي شفايفها. شششش اوعي تكملي. انا عارفك كويس ولو كان عندي شك واحد في 100 انك مش تمام مكنتش خطبتك وعايز الايام تجري بسرعة علشان اتجوزك. وباس ايديها وبعدين انتي اخاتي عليا علشان انا اللي اختك عليا علشان مش عايزك تخافي مني علشان بحبك وعايزك معايا وجنبي مش علشان انتي سهلة ولا وحشة ندي انتي هتبقي مراتي سامعة وعمري ما هسيبك.

ندي: ابتسمت. سامح انا بحبك وبجد انت اول راجل في حياتي علشان كدة انا بثق فيك. ومش بقلق ولا بخاف منك علشان كدة ارجوك خليك فاهمني صح انا عمري ما عرفت حد غيرك. وعيطت

سامح: شدها وحضنهابس ياروحي متعيطيش والله فاهمك انتي حبيبتي

وعارف اني اول واحد في حياتك انا مش محتاج تقوليلي كدة انا عارفك كويس.ماشي كفاية عايط. وابتسم. ندي انتي بنوتي الصغيرة اللي فتحت علي ايدي وخلاص حفظتك وفهمتك وانا بحكم شغلي اعرف افرق كويس. فاهمة

ندي: هزت راسها.فاهمة

سامح: مسح دموعها.طب ينفع كدة بقي اديكي عيطي واحلويتي. اعمل انا ايه بقي دلوقتي. وانتي عايزة تتاكلي كدة

ندي: ابتسمت. هانت لما نتجوز ابقي كلني راحتك

سامح: يا بنت الناس قلتلك تعالي نكتب عرفي الكام شهر اللي جاين انا هموت والله

ندي: ههههههههه خلاص بقي هانت يا حبيبي

سامح: هي فيها حبيبي. لا والله خلاص كدة بقي ودور العربية

ندي: ايه رايح فين

سامح: غمزها.رايح اوريكي الديكورات الجديدة

وبعد تقريبا سنة عدت علي الجميع في حالة استقرار مهاب بينجح في شغله كل يوم عن اللي قبله هو وسامح طبعا. وكمان نغم بقت اكفأ كتير في شغلها مع أدم في المستشفي. وابتدت تساعد أدم في العمليات بنفسها و في يوم في بالليل في بيت مهاب ونغم

نغم واقفة قدام المرايا بتسرح شعرها ومهاب قرب من وراهاوحضنها وباسها

مهاب: حبيبتي وحشتيني

نغم: انت وحشتني اكتر. بس انت اللي كنت مشغول عني الفترة اللي فاتت

مهاب: لفها ليه وحضنها. انا انشغل عن الدنيا كلها الا انتي . بس معلش انتي عارفة شغلي صعب ازاي

نغم: عارفة يا حبيبي. وسعيدة وفخورة بيك. انت يا حبيبي احسن ظابط في الدنيا

مهاب: هههههههه. بجد يعني انا ظابط شاطر

نغم: ههههههههه. اوي يا حبيبي

مهاب: اه يا ناس راح زمن الطماطم فاكرة

نغم: هههههههه انت لسة فاكر خلاص بقي. بس بجد يا هوبا. علي قد ما انا مبسوطة بنجاحك في شغلك علي قد ما بخاف عليك. الكام عملية اللي طلعتهم الفترة اللي فاتت كنت كل مرة بحط ايدي علي قلبي وببقي خايفة

مهاب: باسها من خدها. لا يا روحي متخفيش ربنا معايا. بس انا عايزك لو جرالي حاجة في اي وقت. اوعي تنسيني يا نغم خليكي فاكرة اني عمري ماحبيت غيرك. وانتي كنتي روحي فاهمة

نغم: ليه بتقول كدة. ليه بتوجع قلبي

مهاب: لا مش بوجع قلبك. بس ده شئ وارد وانا عايزك تبقي مستعدة لكدة وما تتفجأيش وقتها

نغم: بضيق. ممكن تبطل كلام في الموضوع ده لو سمحت.

مهاب: ابتسم. حاضر هتكلم في حاجة تانية. قوليلي حاضرتي نفسك لحفلة اللواء سراج.

نغم: طبعا بس الفستان مستني موافقة سيادة المقدم.

مهاب: هههههه. ماشي وريني جبتي ايه

نغم: ثواني وراحت فتحت الدولاب وطلعت الفستان وكان فستان لوني. احمر قاتم وفي تتريز بالاسود وشكله تحفة.

مهاب: صفر صفارة طويلة بإعجاب. ايه ده جميل اوي. بس هو انتي متخيلة اني ممكن انزلك بيه من البيت

نغم: بغضب. ليه بقي ما انت لسة قايل انه جميل

مهاب: ما هو علشان جميل وعارف انك لما تلبسية هتبقي صاروخ. بقولك كدة

نغم: ههههههههه غيار انت اوي يا حبيبي.

مهاب: اه بقي بمناسبة الغيرة وهو الواد سامح لما كان معاكي انتي وندي شافك وانتي بتقسيه

نغم: لا طبعا احنا كنا في أوضة اللبس وهو برة. هو بس دخل لندي لما قاست فستانها علشان يشوفه

مهاب: باحسب كنت قتلك انتي وهو.

نغم: اعملك ايه مش انت اللي مشغول مع ان سامح فضي نفسه وجه معانا

مهاب: يا حبيبتي والله كان عندي اجتماع مع اللواء سراج. في موضوع مهم بنخلصه

نغم: موضوع ايه.

مهاب: مسح شعره بإيده بقلق. اممم مش عارف اقولك ولا لا

نغم: لا بقولك انت هتوقع قلبي ليه. قول يا مهاب ربنا يخليك في ايه

مهاب: هههههه. متتخضيش اوي كدة. انا هقولك. بصي يا ستي اصل اللواء سراج مرشحني للنقل

نغم: ؟؟ نقل لفين يعني مش فاهمة

مهاب: اتنهد. هتنقل للعمليات الخاصة

نغم: ايه ينهار. مش كفاية اللي احنا فيه. كمان عمليات خاصة لا كدة كتير

مهاب: يا حبيبتي انتي عارفة يعني ايه انهم يطلبوني بالاسم. اني ظابط شاطر

نغم: عارفة والله بس قلبي مش مطمن. طيب قولي انت وفقت

مهاب: هو انا لسة ماجنيش حاجة رسمي. بس اللواء سراج طلب مني اختار الفريق بتاعي.وهو طبعا مبيعملش كدة مع حد. بس انا ليه معزة عنده وعارف اني مبعرفش اشتغل مع اي حد

نغم: وانت اخترت. مين

مهاب:هههههه اول واحد سامح طبعا. بس فيه كام حد قريب مني لسة بشوف

نغم: حضنته. خلي بالك من نفسك علشاني فاهم

مهاب: ضمها اكتر فاهم يا روحي. بس سيبلك من كل ده. هو احنا مش هنجرب الفستان الجديد

نغم: بخبث. تؤتؤتؤ. انا جبت حاجة احلي من الفستان حنجربها سوا

مهاب: ههههههه ايوة بقي انتي فين من الصبح فرجيني يا قلبي………

وبعد يومين في حفلة اللواء سراج . راح مهاب ونغم وسامح وندي مع بعض وهما في الحفلة

سامح واقف هو وندي بيتوشوشه

مهاب: يا ابني ارحم نفسك كلت ودن البت

سامح: ههههههه وانت مالك ما انت بتاكل كل يوم حد بيقولك حاجة. وبعدين هي مبسوطة صح ياروحي

ندي: هههههههه صح يا حبيبي

نغم: هههههه لا يا سامح انت بوظت اخلاقها ندي كانت مؤدبة

مهاب: ههههههه ده يبوظ بلد بحالها. مش عايزاه يبوظ ندي

سامح: ههههههه كل ده عليا ماشي احنا بقي سايبنكم خالص حنروح نتمشي بعيد شوية

مهاب: اتهد ربنا يهدك خلاص كلها 3 شهور وتتنيل تتجوزها بلاش فضايح وسط الناس

سامح: هههههههه الله يرحم ده انت كنت فاضحنا في كل حتة حتي وانت. مضروب بالنار مكنتش عاتق نفسك

مهاب: يخربيت قرك. امشي يا لا انت روح شوف كنت رايح فين امشي

سامح: ههههههه. تعالي يا حبيبتي. عايزك في كلمة. سر

نغم: ههههههه مش ممكن الاتنين دول مجانين بجد

مهاب: حاوطها من خصرها وقربها منه. ووشوشها. بس مش اجن مننا مش كدة ولا ايه

نغم: ابتسمت. طبعا يا حبيبي. انا مجنونة بيك

وهما واقفين جه شخص هو ومراته وقربه من مهاب ونغم والشخص ده. خبط علي كتف مهاب. والشخص ده كان.

مراد سلام ومراته سجي😍😍😍😍

مراد سلام: ازيك يا مهاب باشا

مهاب: لف يشوف مين. مش معقول مراد سلام ازيك

مراد: الحمد لله انت عامل ايه والله ليك واحشة يا باشا

مهاب: وانت كمان. مع اني زمان كنت. اخر واحد ممكن يوحشني

مراد: هههههههه. خلاص بقي يا باشا انت لسة فاكر

مهاب: لا خلاص. بس انا لحد النهاردة مش مصدق ان مراد سلام يتغير كدة. حاجة كدة ولا الاحلام.

مراد:حاوط سجي بإيده وابتسم. لا صدق الحب يعمل المعجزات. البركة في حبيبتي سجي هي اللي خلقت مراد سلام جديد

مهاب:حضن نغم بإيده.وبصلها وابتسم. انت هتقولي ما انا مجرب

مراد: اه صحيح مبروك علي الجواز والترقية معلش هما متأخرين بقي

مهاب: لا عادي ولا يهمك. دي المدام مش كدة

مراد: ايوة دي سجي مراتي.

مهاب: اهلا يا مدام فرصة سعيدة ان احنا شوفنا المعجزة اللي غيرت مراد سلام

سجي: هههههه انا اسعد والله علي فكرة مراد بيتكلم عن حضرتك واللواء سراج كتير

مهاب: يارب يكون بالخير

سجي: اكيد طبعا. دي المدام بتاعة حضرتك

مهاب: ايوة الدكتورة نغم

سجي: بأبتسامة. اهلا دكتورة نغم انا مبسوطة اني شوفتك

نغم: ابتسمت انا كمان والله شكلك كدة يدخل القلب

سجي: متشكرة اوي بس انا بقي بستاذنك نبقي نتكلم ونتقال

نغم : اه طبعا معنديش مانع

مراد: طيب استأذنك يا مهاب باشا علشان ماشين

مهاب: ليه بدري كدة

مراد: اصل سجي عندها محكمة الصبح. اصل انا مراتي اشطر محامية في مصر. ده غير ان الولاد لوحدهم مع الدادا وبنبقي قلقانين عليهم

مهاب: انت عنك ولاد

مراد: هههه ايوة مالك 5 سنين وملك سنة بس ايه مجنني

مهاب: ربنا يخليهوملك. يا مراد

مراد: ربنا يخليك. وانتوا ايه الاخبار مفيش حاجة في السكة

نغم : بصت لمهاب بحزن وسكت

مهاب: احممم. لا لسة احنا لسة مشبعناش من بعض. ونغم كمان مشغولة بالرسالة بتاعتها

سجي: ان شاء الله. تخلصي الرسالة وتجبلنا بيبي جميل زيك كدة.

نغم:ابتسمت بحزن. ان شاء الله ومتنسيش بقي تكلميني عايزة اشوف الولاد العسل دول

سجي: اكيد طبعا. وادتلها الفون. اتفضلي سيفي رقمك

نغم: اخت منها الفون. وسيفت رقها. ورنت لنفسها. خلاص كدة تمام

سجي: خلاص هكلمك قريب . عن اذنكم

وبعد ما مشيوا.

مهاب: حاسس ان نغم متضايقة لم جات سيرة الولاد والخلفة

مهاب: احمم. بس تعرفي مراته شكلها بنت ناس ومحترمة

نغم: اه فعلا. بس مين ده شكلكم تعرفوا بعض كويس

مهاب: ده يا سيتي كان وحش من وحوش السلاح والمخدرات. في الوطن العربي

نغم: تنحت. مش ممكن شكله ميقولش كدة ومراته دي محامية. وانت ازاي سيبتني اديها رقمي

مهاب: هههههه يا حبيبتي بقولك كان.كان بيتاجر في السلاح والمخدرات. بس كان حويط محدش كان عارف يمسك عليه حاجة. بس فجأة كدة. من 5 سنين حصلتله حادثة تصفية كان بيحاول يبعد عن المافيا وهما حاولوا يخلصوا منه. وبعد لما خف عمل صلح مع الدخلية وادلنا معلومات كتير عن المافيا ورجالتهم في الوطن العربي. وكمان هنا في مصر وفعلا قبضنا علي كتير منهم. ومن ساعتها وهو بقي واحد تاني خالص واوقات بنحتجلوا في شغلنا بناخد منه معلومات عن ناس كتير . وكمان هو قريب من اللواء سراج. اصل مراد مشارك. احمد ابن اللواء سراج في بيزنس بينهم.

نغم: سبحان الله. بقي من تاجر مخدرات وسلاح لواحد كدة

مهاب: ههههههه. ده كله كوم بقي والستات كوم كان عانتيل

نغم: ههههه لا والله اللي يسمعك يقول انك كنت مستقيم. ما انت كنت زيه

مهاب: ههههه لا والله ده كنت بالنسبة ليه ملاك. ده كان خربها. بس من ساعة ما اتجوز. وهو ربنا تاب عليه

نغم: بس مراته حلوة وشيك

مهاب: مش احلي منك يا حياتي. بقولك ايه ما تيجي نروح

نغم: اممم طيب وسامح وندي

مهاب: لا دول مع نفسم بقي هو يبقي يروحها. ومسك ايديها تعالي ده النهاردة في موضوع مهم اوي لازم نتكلم فيه بعد الفستان المنيل اللي لبستيه ده

نغم: هههههههه يالا ربنا يستر.

وبعد مرور 4 شهور كان سامح وندي حددوا معاد الفرح وجه يوم فرحهم. وعملو الفرح في قاعة كبيرة جدا . وسامح كان طاير من السعادة. وبعد ما خلص الفرح وروحوا شقتهم ودخلوا

سامح: قفل الباب. وقرب من ندي. روح قلبي اخيرا ده انا خلاص كنت قربت انتحر

ندي: ههههه ليه يعني. مش اوي كدة

سامح: لا ده اوي واوي جدا كمان. تعالي بقي ده انتي وحشاني.

ندي: جريت وبتستخبي ورا الكرسي. لا لا اهدي ياسمسم

سامح: لا بقولك ايه انتي هتجريني وراكي. وتفرهديني علي الفاضي تعالي وخليكي عاقلة

ندي : هههههه لا مش جاية. وبعدين انا مش عاقلة انا مجنونة.

سامح: طاوعيني هتندمي

ندي: تؤتؤتؤ

سامح: كدة ماشي انا هوريكي الجنان شكله ايه. وقلع البدلة بسرعة

ندي: طلعت تجري علي الاوضة بسرعة

سامح: ههههه والله لجيبك. وجري وراها ودخل الاوضة وقفل الباب

وبعد شوية. سامح خرج بسرعة وراح شقة مامته اللي جنبه في نفس الدور. ودخل صاحي مامته

سامح: ماما.. فريال. قومي بسرعة

فريال: اتخضت. انت يا واد ايه اللي جابك هنا وسايب عروستك ليه

سامح: تعالي بسرعة شوفي ندي اغمي عليها ومش عارف افوقها

فريال: يخربيتك عملت فيها ايه

سامح: انتي لسة هتستجوبيني قومي بسرعة البت قاطعة النفس جوه

فريال قامت بسرعة وراحت معاه ودخلت لقت ندي لاقتها مغمي عليها. وحاولت تفوقها.

فريال: ربنا يهدك عملت فيها ايه يا واد

سامح: هو انا لحقت اعمل حاجة انا يا دوب بقول يا هادي ودي طبت كدة انا خايف عليها اروح اجبلها دكتور

فريال: لا دكتور ايه عايز الناس تقول ايه وانت جايبلها دكتور ليلة دخلتها

سامح: ما يتفلقوا الناس المهم مراتي

فريال: طيب بقولك ايه هاتلي فريفوم من بتوعك

سامح: اشمعن

فريال: اخلص يا غبي

سامح:… اهو اتفضلي

فريال شممت ندي منها وفوقتها. وندي ابتدت تفوق واول ما فتحت عنيها وشافت فريال مسكت فيها

سامح: قرب منها حبيبتي وقعتي قلبي مالك ايه اللي حصل

ندي: انا عايزة اروح عند ماما

سامح: نعم ياختي سمعيني كدة تروحي فين

فريال: ههههههههه. بقولك ايه اخرج وسيبني مع ندي شوية

سامح: دي بتقولك اروح لماما

فريال: اخرج بقولك بدل ما اقوملك

سامح:وهو خارج. ايه يا ربي الليلة دي بس. والله حرام كدة. وبعد ماخرج

فريال: مالك يا حبيبتي انا زي ماما قوليلي سامح عملك حاجة زعلتك

ندي: لا بس انا خايفة اوي

فريال: لا يا حبيبتي متخفيش سامح بيحبك ومش ممكن يأذيكي. تعالي انا هقولك كلمتين في ودنك…….

وبعد شوية خرجت فريال لسامح اللي كان رايح جاي قلقان

فريال: سامح. تعالي اسمع بقي خليك هادي البنت صغيرة خدها واحدة واحدة. هي مش هتطير منك

سامح: وانا كنت عملت ايه بس

فريال: معلش قدر خوفها وقلقها. وخليك حنين انا بردوا اللي هقولك

سامح : حاضر روحي نامي انتي بقي معلش يا فوفة قلقتك

فريال: ابتسمت. لا يا حبيبي ولا قلق ولا حاجة ربنا يهنيك يالا تصبح علي خير.

سامح دخل لندي وقعد جنبها علي السرير

سامح: كدة يا دودو تخافي مني انا ده انا سمسم حبيبك

ندي: مكسوفة. لا والله مش خايفة منك هو بس الموقف اللي صعب

سامح: قرب منها وحضنها. خلاص متخفيش مفيش حاجة هتحصل تعالي ننام وبكرة تكوني هديتي. اوك

ندي: تؤتؤ

سامح: ابتسم يعني ايه

ندي: يعني خلاص انا مش خايفة

سامح: بخبث. متأكدة

ندي: هزت راسها. متأكدة

سامح: ايوة بقي فرحي قلبي تعالي يا موزتي دي الليلة ضرب نار……..

😉😉😉😉😉😉

يتبع…

وبعد مرور 4 شهور سامح وندي منتظرين في معمل تحاليل.

سامح: حبيبتي انتي كويسة ولا لسة دايخة؟

ندي: لا دايخة شوية. ربنا يستر ونشوف النتيجة.

سامح: ان شاء الله خير يا حبيبتي. ولو طلع في حمل. مش عايزك تقلقي. فوفة مش هتتعبك ابدا وتخلي بالها منك.

ندي: انا عارفة يا حبيبي. وانا والله نفسي ابقي حامل بس خايفة اتعب. انت عارف لسة فاضلي سنة هعمل ايه مع الحمل والدراسة.

سامح: متشليش هم. انا معاكي ومش هسيبك. وطول ما انا في البيت معاكي هخلي بالي من البيبي وانتي ابقي ذاكري.

ندي: حبيبي يا سمسم. ربنا يخليك ليا. انت مفيش منك. بس يارب لو طلعت حامل يطلع ولد عسل زيك كدة.

سامح: هههههه. حبيبتي يا عسسسل انتي. بس انا عايز بنوتة حلوة وزي القمر زيك كدة.

الدكتور: خرج. مبروك يا سيادة المقدم. مدام ندي حامل.

سامح: ابتسم. الله يبارك فيك يا دكتور. متشكر اوي. وحضن ندي. مبروك يا قلبي والله وهتبقي ام.

ندي: ههههه. الله يبارك فيك يا حبيبي. انا فرحانة اوي يا سمسم. انا هبقي ام.

سامح: تعالي بقي لما نروح نفرح فوفة دي. ممكن تقعد تزغرد لحد الصبح. امي وانا عارفها.

ندي: تعالي يا حبيبي. وكمان نعدي علي ماما في الطريق دي هتفرح اوي.

سامح: تعالي يا قلبي. من عنيا.

وتاني يوم في مكتب مهاب.

مهاب: ايه حامل!!

سامح: هههههه اه. ايه مالك اتفاجأت ليه.

مهاب: وانت عادي كدة. سيبتها تحمل مش خايف عليها.

سامح: واخاف عليها من ايه. مش فاهم.

مهاب: بعصبية. انت هتنقطنى. يعني مش عارف اللي بينخربوا ورانا ممكن يعملوا ايه.

سامح: لا عارف. بس هعمل ايه. والله كل شئ بتاع ربنا. انا هشغل نفسي ليه. انا المهم اتجوز وانبسط واخلف عيل حلو كدة يملي عليا حياتي. ولو بقي جرالي حاجة ولا مت. يبقي علي الاقل سيبت لندي عيل مني يفكرها بيا وكمان يخلي باله منها.

مهاب: قصدك تسيب عيل لواحد غيرك يربيه. ويا عالم يطلع كويس ولا لا. وهيعمل ايه في ابنك من بعدك.

سامح: يا ابني كفياك تشاؤم بقي. انت ليه مسودها كدة. انت كمان لازم تغيرك دماغك وتخلي نغم تخلف.

مهاب: اتنهد. انا مش مسودها. انا بس بفكرك لو ناسي. لاني انا مش عارف انسي اني ممكن في يوم اموت واسيب نغم لراجل تاني. مش قادر اتخيل ان ممكن راجل غيري يلمسها. كمان عايزني اسيب ابني لا مستحيل.

سامح: بس والله حرام عليك. نغم ذنبها ايه في دماغك دي. وكمان. لسة لما تعرف ان ندي حامل اكيد هتزعل علي نفسها.

مهاب: اه يا سامح. كفاية انا اللي فيا مكفيني. اسكت. وعوموما الف مبروك.

سامح: لا والله انت لسة فاكر تبارك. بعد ما نكدت علي اللي خلفوني وعكننت عليا. ربنا يهدك.

مهاب: معلش يا سامح. حقك عليا.

سامح: طب ايه. مش يالا بينا نروح.

مهاب: اه خلاص. انا خلصت شغلي. يالا بينا.

شقة نغم ومهاب.

نغم: حبيبتي يا ماما نورتيني والله. واحشاني جدا.

سهام: انتي كمان يا حبيبتي وحشاني. بس انا زعلانة منك مش بتيجي ليه تشوفيني يا نغم.

نغم: والله غصب عني. انتي عارفة مهاب مش بيسبني اخرج لوحدي أبدا. لازم يوصلني بنفسه. واليومين دول هو مشغول جدا في المكان الجديد اللي اتنقل فيه. معلش متزعليش.

سهام: لا ياحبيبتي خلاص مش زعلانة. المهم تريحي جوزك. ليكي عندي بقي خبر هيفرحك اوين.

نغم: خير يا ماما. قولى.

سهام: ندي حامل.

نغم: حست بإحساس غريب. هي فرحانة لأختها بس كمان حزنت علي نفسها وانها مش هتقدر تكون ام علشان متزعلش مهاب.

سهام: مالك يا نغم. في ايه.

نغم: ايه لا ابدا مفيش. بس ليه ندي مقلتليش. انا لسة مكلماها النهاردة.

سهام: هي عدت عليا امبارح. هي وسامح. وقالتلي. وانا اللي قولتلها متقولكيش. وتسيبني انا اللي اقولك.

نغم: ابتسمت. الف مبروك يا ماما. انا بكرة ان شاء الله هكلمها واباركلها.

سهام: ماشي يا حبيبتي. ربنا يخليكوا لبعض. نغم انا عايزة اكلمك في موضوع الخلفة ده. انتي من يوم ما اتجوزتي مهاب بقالكم كدة سنتين ومحصلش حمل. انتي مخبيه عليا حاجة.

نغم: ايه لا وهخبي ايه. مفيش حاجة.

سهام: لا في يا بنتي. لو عنك مشكلة نشوفلها حل. ولا يكون مهاب عنده مشكلة.

نغم: لا يا ماما مهاب كويس. وانا كمان كويسة. وعلي فكرة. انا اصلا حملت قبل كدة والبيبي نزلت.

سهام: !! ايه. امتي وازاي مقولتليش كدة يا نغم. تخبي عليا حاجة زي دي.

نغم: اهدي بس يا ماما. انا هقولك. فاكرة لما وقعت من علي السلم. انا وقتها كنت حامل واجهضت. بسبب الوقعة. وانا ومهاب محبناش نقول لحد. وكمان طلبت من الدكتور ادم انه ميقولكوش حاجة وقتها.

سهام: طيب ليه بس. وكمان لما انتي كويسة ليه محملتيش تاني.

نغم: اتنهدت. انا ححكيلك…….

سهام: لا حول ولا قوة الا بالله. بس بصراحة مهاب مزودها. يا بنتي كل شئ بتاع ربنا. ده ربنا مبيسألناش عن عبادة. بكرة نقوم احنا نسأله عن رزق بكرة واللي هيحصل فيه.

نغم: والله يا ماما قولتله كتير واتكلمت معاه. بس هو دماغه ناشفة.

سهام: بس ده حقك. وهو كدة بيجي عليكي وبيحرمك من انك تبقي ام. طيب تحبي اكلمه انا.

نغم: لا يا ماما اوعي. انا قولتلك بس علشان تبقي عارفة. لكن مش عايزة مهاب يعرف اني حكتلك حاجة. مش عايزاه يحس اني بشتكي. حتي لو ليكي.

سهام: بس انتي كدة مش بتظلمي نفسكن.

نغم: لا يا ماما. انا مش بظلم نفسي. انا بحب مهاب ومقدرش ازعله او اخسره. علشان اي حاجة. حتي لو كان الثمن اني مخلفش باقي عمري. المهم مهاب يفضل مرتاح ومشيلوش الهم.

سهام: خلاص يا حبيبتي. المهم انك مرتاحة. وفي الاول والاخر دي حياتكم. وانتم حرين تعيشوها زي ما يعجبكم. طيب اقوم انا بقي.

نغم: ليه بس. خليكي معايا شوية.

سهام: معلش يا حبيبتي. اصلي لسة هعدي علي ندي وسامح علشان اودلهم هما كمان الاكل بتاعهمن.

نغم: والله انا مش عارفة انتي تعبتي نفسك ليه بس. وعملتي كل ده.

سهام: ولا تعب ولا حاجة. وبعدين سامح هو يا حبيبي اللي طلب مني طاجن ورق العنب والحمام امبارح. قلت لازم زي ما هعمله اعمل لمهاب حبيبين.

نغم: هههههه تسلم ايدك يا ماما. بس سامح هيفضل تاعبك كدة. ده من ايام خطوبتهم وهو هاريقي طلبات. وبالذات ورق العنب ده. وبعدين هو مش متجوز وكمان مامته جنبه. لازم يتعبك.

سهام: ولا تعب ولا حاجة. وهو انا عندي مين غيركم اعمله يعني. وكمان بيني وبينك بيقولي انه بيحبه ايدي. اوي. وان لا ندي ولا فريال بيعرفوا يعملوه زيي. وانتي عارفة لو فريال سمعته هتضربنا كلنا.

نغم: ههههههههه. انتي هتقوليلي. بس بصراحة ست طيبة وبتحب ندي.

سهام: اه والله الحمد لله. هي حماقية شوية بس قلبها ابيض. وحاطة ندي في عنيها. وبتحبها اكنها بنتها.

نغم: ربنا يهنيها هي وسامح. يستاهلوا كل خير.

سهام: طيب يا حبيبتي. يالا تصبحي علي خير.

في الوقت ده مهاب رجع وفتح الباب.

مهاب: اهلا. لا انا كدة بقي حماتي بتحبني فعلا.

سهام: ههههههه بحبك. بس ده بموت فيك يا هوبا.

مهاب: حبيبتي يا سوسو. ايه رايحة فين كدة.

سهام: مروحة بقي. انا هنا من بدري.

مهاب: لا طبعا مفيش الكلام ده. انتي هتتعشي معانا وتباتي كمان. نغم حبيبتي عاملة اكل ولا اطلب من برة.

نغم: لا يا حبيبي عاملة والله. وماما كمان جايبة أكل معاها وهي جايبة.

سهام: لا يا حبيبي معلش مش هينفع والله.

مهاب: يعني تبقي جايبة الاكل وكمان مش عايزة تتعشي معانا.

سهام: هههههه معلش. اصلي لسة هعدي علي سامح وندي.

مهاب: قولي بقي كدة. عايزة تتعشي مع سامح وانا لا. كدة سامح نساكي. هوبا ده. حتي انا الحب الاول.

سهام: هههههههه طبعا انتي حبيبي. بس اصل هو طالب مني ورق عنب وحمام. زعايز يتعشي منهم النهاردة. وانا قلت لازم اجيب لحبيبي الاول. قبل ما اوديله. ومش عايزة بقي اتأخر عليه.

مهاب: هههههه طفس من يومه. بس ماشي خلاص. انا هسيبك تروحي علشان حرام اخاف علي ندي الغلبانة ده. ممكن لو جاع ياكلها.

نغم: هههههههه والله معاك حق. ده سامح ده مصيبة.

سهام: هههههه ماشي يالا سلام. تصبحوا علي خير.

مهاب: لا استني. انا جاي اوصلك.

سهام: لا يا حبيبي انت جاي تعبان. ارتاح انت.

مهاب: لا طبعا ميصحش. وبعدين انا اخاف عليكي تمشي لوحدك بالليل كدة. ولا انا بقي كلامي مبيمشيش.

سهام: حبيبي ربنا يخليك ليا. انت وسامح وامجد. رجالتي ربنا يحميكم. بس متخفش عليا. أمجد جاي ياخدني.

مهاب: طيب. هوصلك لحد تحت.

سهام: قلت لا بقي. متوجعش قلبي. روح بس انت الحق كل الحمام.

مهاب: هههههه ماشي. تسلم ايدك يا ست الكل.

سهام: تسلملي يا حبيبي. يالا تصبحوا علي خير.

ومشي.

مهاب: عارف ان نغم أكيد زعلانة من خبر حمل ندي. مالك يا حبيبتي. انتي تعبانة.

نغم: لا ابدا. انا كويسة. يالا يا حبيبي انت روح خد حمامك. وانا هجهزلك الاكل بسرعة.

مهاب: اتنهد. ماشي. روحي.

ودخل مهاب واخد حمام. وخرج لنغم لقاها في المطبخ ووقفة بتعيط. صعبت عليه وراح وراها وحضنها.

مهاب: حقك عليا. انا السبب.

نغم: مسحت دموعها بسرعة. احمم. السبب في ايه.

مهاب: في دموعك دي.

نغم: ااانا مش بعيط. وهعيط ليه.

مهاب: لفها ليه. ومسك وشها بإيديه. بصي في عيني وقوليلي انك مكنتيش بتعيطي.

نغم: بتحاول تمسك دموعها. لا مكنتش بعيط.

مهاب: انتي عرفتي ان ندي حامل صح.

نغم: مقدرتش تستحمل. وعيطت ورمت نفسها في حضنه. انا اسفة بس غصب عني.

مهاب: غمض عنيه وجز علي سنانه. وهو زعلان من نفسه انه هو اللي وجعها كدة. حقك عليا. معلش متزعليش. بس انا فهمتك كل حاجة. قبل كدة يا نغم.

نغم: عارفة وفاهمة والله. بس معلش غصب عني. متزعلش مني.

مهاب: مين اللي يزعل من التاني. انا اللي زعلتك ووجعتك. حقك عليا. بس اوعدك اعيد حساباتي في الموضوع ده.

نغم: رفعت راسها من حضنه بفرحة. صحيح يا هوبا بتتكلم جد.

مهاب: هز راسه وابتسم. اه يا عيون هوبا بتكلم جد. بس سيبيني كدة اظبت نفسي واقرر هعمل ايه. بس المهم اني مشوفش دموعك دي تاني. اتفقنا يا روح.

نغم: ابتسمت. اتفقنا. تعالي بقي علشان تاكل ورق العنب والحمام اللي ماما عاملاه.

مهاب: هههههه ماشي. بس انتي اللي هتتحملي النتيجة. الحمام بالليل بيكتم علي القلب.

نغم: ههههههه. سلامة قلبك يا حبيبي.

مهاب: انا بقول بلاها حمام وتعالي اقولك حاجة جوة.

نغم: هههه لا. انا جعانة ومكلتش من الصبح ومستنياكم.

مهاب: خلاص تعالي ناكل وبعدين نتكلم..

وبعد شهر.

في ڤيلا الفيومي.

عدنان: وبعدين يا عزمي. احنا سبناه بما فيه الكفاية. هنفضل ساكتين عليه لحد امتى.

عزمي: احنا مكناش ساكتين عليه. كنا سايبنه يستوي شوية. اوعي تفتكر انه كان متهني ومبسوط. ده كان خايف ومرعوب مننا. لانه عارف ان احنا صعايدة ومنسبش طارنا ابدا. وكمان متنساش. اننا اتفقنا اننا مش هنلعب معاه الا لما يعدلنا البضاعة الجديدة. واحنا كنا لسة بنقنع الجماعة اللي برا. اديك شوفت كانوا خايفين بعد موت ابوك وظبط البضاعة اللي فاتت. وكمان كانوا عايزين فلوسهم مرة واحدة. وانا كان لازم اجهزلهم فلوسهم. بس خلاص كل حاجة خلصت. هما خدوا فلوسهم والبضاعة قربت توصل. المهم الرجالة بتراقب الزفت مهاب ومراته.

عدنان: كل يوم بيجيلي تقرير بخط سيرهم. البيه مبيسبهاش. ابدا. كل يوم لازم يوصلها لشغلها ويرجع يرجعها تاني. بخاف عليها زي عنيه.

عزمي: هههههههه مش قلتلك مرعوب. تمام خليه. اكيد هنعرف نظبطها. قولي انت شوفت مراته.

عدنان: لا الرجالة معرفوش يصوروها. خايفين للزفت ده ياخد باله منهم. بس بيقوليلي موزة جامدة.

عزمي: حلو. يعني هننبسط يا برنس.

عدنان: انا هموت علي اليوم اللي اقتله فيه واخد طار ابويا منه.

عزمي: انا بقي عايز أكسر في عينه. واجيب راسه في الارض. الاول وكمان اخليه بنفسة يعدي البضاعة اللي جاية. وبعدين اقتله.

عدنان: طيب هنفذ امتي امتى.

عزمي: ابتسم بخبث. قريب اوي.

وبعد اسبوع في المستشفى.

سهي: اه يا نغم. مش ممكن. انا حاسة اني هتجنن. هو ليه أدم مش حاسس بيا.

نغم: يا سهي يا حبيبتي. لازم تعرفي ان أدم شخصية غامضة بجد. ومش سهل ابدا انه يدخل في علاقة علي اي واحدة.

سهي: بس ده نشف ريقي وجنني معاه. المهم انه مش هيروح من ايدي. والله ماهيحصل.

نغم: تمام. اوعي بقي. عايزة الحق اروح قبل ما مهاب يرجع ياخدني. علشان الحق اعمله المفاجأة.

سهي: ماشي خليكي كدة. مقضياها انتي حب وغرام ومفأجأت.

نغم: يارب ارحمني من البنت الغلسة دي.

سهي: انا ماشي. بس ابقي خلي بالك من نفسك وانتي ماشية.

نغم: هههههه حاضر. سلام.

سهي: سلام.

ومشت نغم. وبعد شوية جه مهاب. ولما سأل عليها ملقاهاش اتجنن.

في مكتب أدم.

مهاب: ازاي تخرج لوحدها. ليه سيبتها يا أدم تخرج لوحدها. بس.

أدم: وانا هعمل ايه. كنت همنعها بصفتي ايه.

مهاب: يعني ايه بصفتك ايه. انت عارف اني سايبها امانة في ايدك هنا. لحد لما ارجع واخدها. كان لازم تكلمني.

أدم: انا مش عارف انت ليه مكبر الموضوع كدة. عادي. اكيد وراها مشوار ولا حاجة.

مهاب: اتعصب. مشوار ايه وزفت ايه. انا لما اشوفها. ليها معايا حساب كبير. عن اذنك يا أدم.

وخرج مهاب.

سهي: دخلت لادم. هو المقدم مهاب كان بيزعق ليه يا دكتور أدم.

أدم: سهي انتي تعرفي نغم خرجت ليه من غير ما تستني مهاب.

سهي: ايوة اعرف.

أدم: طيب مشيت ليه.

سهي: اصل النهاردة عيد ميلاد مهاب. وكانت عايزة تعمله مفاجأة وجو رومانسي قبل لما يرجع البيت. علشان كدة روحت قبله.

أدم: بحزن. اه جو رومانسي. تمام.

ومشي مهاب ورجع البيت زي المجنون. عايز يطمن علي نغم بسرعة. وكل لما يكلمها تليفونها مقفول. ودخل الشقة ودور عليها ملقهاش اتجنن.

مهاب: راحت فين دي بس. انا كدة قلقت أكتر. طيب هكلم طنط سهام اسألها.

واتصل مهاب بسهام.

سهام: الو.

مهاب: ازيك يا طنط. بقولك ايه. هي نغم عندكم.

سهام: لا يا حبيبي مجتش عندي. ليه في حاجة.

مهاب: لا ابدا. خلاص تلاقيها بتجيب حاجة وراجعة. تصبحي علي خير.

مهاب قفل معاها واتجنن اكتر. واتصل علي سامح وندي تليفونتهم مقفولة. نزل وراح لسامح.

في شقة سامح.

سامح مع ندي في أوضتهم. والباب خبط.

ندي: مين اللي جاي دلوقت.

سامح: انا عارف. بقولك ايه سيبك من الباب وركزي معايا. كنتي بتقوليلي اني واحشك صح.

ندي: هههههه اه كنت بقول كدة.

الباب خبط تاني.

ندي: سمسم روح شوف مين.

سامح: هيكون مين. تلاقيها فوفة بتطمن اتعشيت ولا لا. سيبها دلوقتي تزهق وتمشي.

ندي: هههههه انت فظيع.

سامح: هههههه يعني بذمتك حد يسيب القمر ده ويقوم. ازاي بس.

الباب خبط بجنون جامد.

ندي: خافت. لا يا سامح. انا قلقت. شوف مين اللي بيخبط كدة.

سامح: عندك حق. استني.

وقام سامح ولبس هدومه وراح فتح ولقي مهاب.

سامح: مهاب فيه ايه. ايه اللي جابك دلوقت.

مهاب: بعصبية. انت بارد ليه. كل ده بتفتح. كتك فتح دماغك.

سامح: مالك داخل بزعابيبك ليه كدة. ايه اللي حصل.

مهاب: قولي نغم عندكم.

سامح: نغم لا. وهي ايه اللي هيجيبها دلوقت.

مهاب: يا نهار اسود. اكيد جرالها حاجة. انا هتجنن.

سامح: اهدي بس وفهمني ايه اللي حصل.

مهاب: معرفش. انا روحت اخدها من المستشفي زي كل يوم ملقتهاش. قالولي انها مشيت. روحت البيت بردوا ملقتهاش. اتصلت بطنط سهام مرحتلهاش. ومجتش عندكم. يبقي ايه بقي. اكيد حصلها حاجة.

سامح: اهدي بس. ان شاء الله خير.

مهاب: سامح انده لندي خليني اسألها. يمكن تعرف هي كانت رايحة فين لما خرجت.

سامح: حاضر. ثواني هندهلها.

وادخل سامح لندي.

ندي: في ايه يا سامح. مين اللي بيزعق برة كدة.

سامح: قومي يا ندي. البسي بسرعة وتعالي برة. مهاب عايز يسألك علي حاجة.

ندي: حاجة ايه.

سامح: لما تخرجي هتعرفي. قومي البسي بسرعة.

ندي: حاضر. اهو هقوم.

ولبست ندي وخرجت.

مهاب: ندي. نغم فين.

ندي: نغم معرفش. هي مش في البيت.

مهاب: لا. مشيت من المستشفي لوحدها ومرجعتش البيت. طيب مقلتلكيش رايحة فين.

ندي: ايوة. هي كانت عايزة تروح قبلك علشان تحضرلك حفلة علي قدك انت وهي. علشان عيد ميلادك. كانت عملالك مفاجأة.

مهاب: عيد ميلاد ايه وزفت ايه بس. اديها مرجعتش البيت. راحت فين بس. انا هتجنن.

ندي: عيطت. اختي حصلها ايه. انا خايفة عليها اوي.

سامح: حضنها. اهدي يا حبيبتي. ان شاء الله خير. ونطمن عليها. متقلقيش.

مهاب: تليفونه رن.

الـمُتصل:………..

مهاب: 😡😡😡

مهاب: عزمي الفيومي. انت عايز ايه؟

عزمي: ههههههه حلو أوي يا باشا إنك عرفت صوتي. كنت خايف لتكون نسيتني.

مهاب: بشك. انت عايز إيه؟ اتكلم.

عزمي: ابدأ. أصل معايا حاجة تخصك. فقلت أطمنك إنها عندي ومعايا.

مهاب: جز على سنانه. وغمض عينيه وخايف اللي بيفكر فيه يكون صح. حاجة إيه يا عزمي؟

عزمي: هههههه. الحاجة اللي انت بتدور عليها دلوقتي. مراتك الطلقة الجامدة. معايا يا باشا.

مهاب: خبط بإيده الحيطة. آآآه يا بن الكلب. ورحمة أبويا لأدفعك تمن اللي عملته عمرك. وأخليك تحصل أبوك في جهنم.

عزمي: تؤتؤتؤ. كده أنا أزعل منك. وأنا زعلي وحش. وبعدين أنت في موقف ميسمحلكش بالتهديد يا سيادة المقدم.

مهاب: أنت عايز إيه؟ خطفتها ليه؟ أنت طمعان فيا أنا. تعالي وخُدها. بتتحامى في ست يا بن الكلب. ده أنا هقطعك بأسناني يا عزمي الكلب.

عزمي: تاني بتغلط. ماشي. أحب أقولك إني قريب أوي هاخد روحك يا مهاب. بس مش قبل ما أربيك. اسمع من غير كلام كتير. عايز مراتك تنفذ اللي أنا عايزه. غير كده هترجعلك جثة. وكمان قبل ما أقتلها هتمتع بيها لحد ما أزهق. ماشي الكلام؟

مهاب: وهو وصل لأقصى درجات الغضب. لو فكرت تلمس شعرة منها أقسم بالله هكون قتلتك. أنت وعيلتك كلها يا عزمي. سامعني؟ أنت وعيلتك كلها.

عزمي: لما نشوف مين هيقتل مين. اهدي ولم أعصابك اللي اتبهدلت دي. وجهز نفسك لحد ما أكلمك وأقولك أنا عايز منك إيه. سلام يا باشا.

مهاب: رزع التليفون في الأرض بغيظ. وقعد يخبط بإيده في الحيطة. غبية. غبية. ليه. ليه.

سامح: اهدي يا مهاب. والله لنجيبها. بس اهدى.

مهاب: بصوت عالي وكله ألم. أهدى إزاي؟ ومراتي مخطوفة. ومع مين؟ مع عزمي وعدنان اللي أنا قاتل أبوهم ومخسرهم صفقة عمرهم. أهدى إزاي وأنا عارف ممكن يعمله فيها إيه؟ قولي أهدى إزاي؟

سامح: بيجز على سنانه. والله. والله لنجيبها ونربي ولاد الكلب دول. بس لازم نهدي علشان نفكر ونعرف هنعمل إيه.

مهاب: آه يا سامح. اليوم اللي عشت سنين خايف ييجي وعامله ألف حساب. جه ونغم اتخدت من حضني. عرفوا إزاي يوجعوني ويلو دراعي يا سامح.

سامح: ولا يعرفوا. بقولك هنجيبها. جمد قلبك. أنا معاك.

في ده ندي مكنتش قادرة تستحمل العياط والخوف على أختها ووقعت.

على الأرض وأغمي عليها.

مهاب وسامح جريوا عليها.

مهاب: مالها؟ إيه اللي حصل؟

سامح: رفع راسها على رجله. مش عارف. ندي. ندي فوقي يا حبيبتي. مهاب روح انده لفريال بسرعة. وأنا هشيلها وأدخلها جوه. وشالها سامح ودخلها الأوضة.

ومهاب راح نده لفريال. وجات علشان تفوق ندي. ودخلت فوقتها. وأول ما فاقت.

عيطت وصرخت.

ندي: بعياط هستيري. أختي فين يا سامح؟ نغم جرالها إيه؟ رد عليا فين أختي؟

سامح: قعد جنبها وحضنها. اهدي يا حبيبتي علشان خاطري. والله هنرجعها. بس اهدي إنتي. إنتي ناسيه إنك حامل وممكن اللي بتعمليه ده يأذيكي أو يأذي البيبي. ارتاحي دلوقتي علشان خاطري.

ندي: بتعيط. نغم اتخطفت يا سامح. نغم اتخطفت. أنا خايفة عليها. خايفة يموتوها. علشان خاطري وحياتي رجعها يا سامح. رجعلي أختي.

سامح: حاضر. والله هنرجعها. بس اهدي. أنا هسيبك ترتاحي وحاولي تنامي. وهخرج أشوف مهاب. هو كمان محتاجني جنبه. ماشي يا روحي؟ بس وحياة سامح بطلي عياط.

ندي: بتحاول تاخد نفسها. حاضر. هدي. بس اعمل أي حاجة ورجع نغم.

سامح: حاضر إن شاء الله. بس نامي إنتي. ووجه كلامه لفريال. ماما خلي بالك منها ومتسيبيهاش.

فريال: لا يا حبيبي. مش هسيبها. هفضل جنبها لحد لما تنام. روح إنت شوف مهاب ده يا حبيبي. حالتوا صعبة.

سامح: هز راسه بضيق وباس راس ندي وخرج لمهاب.

مهاب كان قاعد وماسك راسه بإيده وباصص في الأرض.

سامح: قعد جنبه. ارفع راسك. مش مهاب اللي يوطي. وحياتك لنجيبها ونعلهم الأدب. بس متشيلش الهم لوحدك.

مهاب: رفع راسه وبصله. نغم يا سامح. نغم.

سامح: حضنه. امسك نفسك يا صاحبي. أنا معاك وفي ضهرك. مش هسيبك.

مهاب: قام وقف. أنا ماشي.

سامح: ماشي فين؟ لا خليك معانا. متروحش لوحدك.

مهاب: لا. أنا عايز أكون لوحدي. عايز أفكر هعمل إيه مع ولاد الكلب دول. قولي ندي عاملة إيه؟

سامح: أهي. مموته نفسها من العياط. استنى أنا هلبس وأجي معاك.

مهاب: لا يا سامح. خليك مع ندي. أنا كويس. وقولتلك عايز أقعد لوحدي.

سامح: ماشي. اللي يريحك. وأنا الصبح إن شاء الله هاجيلك ونشوف هنعمل إيه. بس حاول تنام وترتاح علشان تعرف تفكر إزاي ترجعها.

مهاب: بسخرية. أنام وأرتاح ومراتي مخطوفة مع شوية كلاب مجرمين. ويا عالم هي بيحصلها إيه دلوقتي. أنا مخنوق. مخنوق. ونفسي أروح أقتله بإيدي. بس والله. والله يوم ما همسكه مش هرحمه. سلام.

(في ڤيلا الفيومي)

عزمي قاعد في مكتبه. ودخل عليه عدنان.

عزمي: ههههههه. أقول مبروك يا عريس.

عدنان: شكله حزين ومهموم. لا. ملمستهاش.

عزمي: عقد حاجبيه. ليه؟ مالك؟ مش قلت إنها جامدة؟ ولا تكونش. جبت جاز وتعبت.

عدنان: ساكت.

عزمي: مالك يا عدنان؟ في إيه؟

عدنان: أنت لازم تشوفها وانت تعرف مالك.

عزمي: ههههههه. بس خلي بالك لو شوفتها وعجبتني. هبتدي أنا الأول. أنا بقولك أهو.

عدنان: تعالي شوفها. وبعدين نتكلم.

عزمي: ماشي. تعالي.

في أوضة فخمة جدا في ڤيلا الفيومي. نغم قاعدة على السرير ورجلها مربوطة. وإيديها وبقها كمان. وهي عمالة تعيط بس صوتها مش طالع.

ودخل عزمي الأوضة. وكان كل تفكيره إزاي هيفضي الليلة مع نغم. بس أول ما دخل وشافها جالوا ذهول. وتنح.

عدنان: فهمت أنا ليه ملمستهاش.

عزمي: مش ممكن. إزاي؟ هو فيه شبه كده؟ أنا مش مصدق.

عدنان: كنت زيك. مش مصدق أول لما شوفتها.

عزمي قرب من نغم وقعد قصادها على السرير. وبيقق في ملامحها.

نغم: بتضم نفسها برعب وخوف منه. وبتهز راسها بخوف. بلا.

عزمي: إنتي إزاي شبهها كده؟ إزاي؟ مستحيل. أنا مش مصدق.

قام بسرعة وخرج على مكتبه. ووراه عدنان.

عدنان: أول ما شوفتها افتكرتها. افتكرت فاطمة أختك الله يرحمها. حتة منها. حسيت إني مكتف. مش قادر أقربلها. حسيت إني هعمل كده في فاطمة مش فيها.

عزمي: أنا مش مصدق. إزاي فيه شبه كده؟ إزاي بس. الله يرحمك يا حبيبتي. اتعذبت كتير في مرضها.

عدنان: الله يرحمها. بس ارتاحت من آلامها. الكانسر كان منتشر في جسمها كله. بس هي ارتاحت. وإحنا تعبنا.

عزمي: خبط بإيده على المكتب بغيظ. ليه؟ ليه يا مهاب؟ كل لما أجي آخد حقي منك الحظ يخدمك. ليه؟ ليه الدنيا جاية معاك؟

عدنان: عزمي. محدش هيقربلها. لا أنا ولا أنت. فاهم.

عزمي: من غير ما تقول. هقربلها إزاي؟ وهي حتة منها؟ إزاي؟ اسمع. مش عايز حد يطلع عندها غيري أنا وأنت والحراس اللي على الباب. افهمهم ميدخلوش عندها مهما كان إلا بإذن مني.

عدنان: حاضر. بس دي معهاش هدوم. وشكلها كمان تعبان.

عزمي: اسمع. تشتريلها هدوم وكل حاجة ممكن تحتاجها. وكمان تطلعلها الأكل بنفسك. فاهم.

عدنان: من غير ما تقول. أنا كنت هعمل كده. بس قولي هتعمل إيه مع الزفت ده اللي اسمه مهاب؟

عزمي: أنا هسيبه يومين كده أعصابه تبوظ. وعقله يطير. وهو بيفكر إحنا بنعمل فيها إيه. وكمان أنا المكالمة الجاية هقله العيار شوية. وخلي قلبه يوجعه شوية. لحد ما نحدد معاد نقل البضاعة من المخازن. بس المهم عايز الحراسة على المخازن أشد من الأول. عايز عينيكم مفتحة على الآخر. مفهوم.

عدنان: متقلقش. أنا بنفسي بروح كل يوم وأتابع كل حاجة.

عزمي: آه. آه يا مهاب الكلب. ورحمة أبويا لأقتلك شر قتلة. بس اصبر عليا.

وبعد يومين من خطف نغم. مهاب كان بيحاول يعرف هما خطفوها فين. وكان القلق بياكل فيه كل يوم. وفي يوم.

(في مكتب اللواء سراج)

اللواء سراج: أنا مقدر خوفك وقلقك يا مهاب. وعارف اللي أنت حاسس بيه.

مهاب: بغضب. أعذرني سيادتك. محدش ممكن يقدر ولا يحس باللي أنا فيه. أنا بموت ومراتي بعيد عني. وفي إيد مين؟ في إيد كلاب مجرمين همهم الوحيد إنهم ينتقموا مني.

سراج: معلش. إن شاء الله أنا هحاول أجهزلك إذن النيابة في أسرع وقت. بس المهم المعلومات. لازم نجيب معلومات كفاية عن وجود نغم عندهم. وكمان وجود البضاعة ومكان تخزينها.

مهاب: هو سيادتك عايزني أستنى لحد ما أجمع معلومات وأجيب إذن نيابة؟ لا ده كده ممكن أموت. والله لأ مستحيل أستنى. أنا هروحله بنفسي واللي يحصل يحصل.

اللواء سراج: لا يا مهاب. حاول تمسك نفسك. أنت لو روحتله لوحدك. كده بتسلمهم نفسك. وهتبقى أنت ونغم تحت إيديهم. أنت لازم تكون بعيد علشان تعرف تساعدها.

مهاب: تحت أمرك سيادتك. عن إذنك.

(في ڤيلا الفيومي)

نغم قاعدة بتعيط في الأوضة. وبتدعي ربنا إنها تخرج على خير. بس كانت مستغربة من معاملة عدنان ليها. وكل يوم يدخلها الأكل. ويقعد يبصلها كتير. وميتكلمش معاها. وهي قاعدة دخل عزمي عليها الأوضة. وقرب وقعد جنبها على السرير. وقعد يبصلها بحنية ولهفة. وبيفحص كل حتة فيها. نغم خافت منه ومن نظراته اللي مش فاهماها. وخافت يكون بيفكر يعمل فيها حاجة. ضمت نفسها بخوف. ورعب.

نغم: بتعيط. لو سمحت. ممكن أعرف أنتم خطفني ليه؟ وعايزين مني إيه؟ أرجوك. أنا عايزة أروح البيت. من فضلك.

عزمي: مد إيده يطبطب عليها.

نغم: خافت وبعدت. أنت هتعمل إيه؟ أرجوك أوعي تأذيني. بص لو عايز فلوس. اطلب اللي انت عايزه. مهاب جوزي هيديك اللي تطلبه. بس من فضلك بلاش تأذيني.

عزمي: كان بيسمعها وحاسس إنه بيسمع فاطمة أخته. متخفيش. محدش هيقرب منك ولا يأذيكي. بس أنا عايز أشوفك وأسمعك. اتكلمي معايا. عايز أشبع منك.

نغم: بلعت ريقها بصعوبة ومش فاهمة حاجة.

عزمي: مالك خايفة مني ليه؟ أنا عايز بس أبصلك مش أكتر.

نغم: أرجوك روحني عند جوزي. أنا عايز مهاب. من فضلك خليني أروح.

عزمي: تعرفي إنك حتة خسارة في واحد سفاح زي مهاب ده.

نغم: أنت بتقول إيه؟ أنا جوزي ظابط مش سفاح.

عزمي: ظابط أه. بس بيقتل بدم بارد زي السفاحين. ميفرقش عنهم. كتر.

نغم: هو أنت تعرف مهاب جوزي؟

عزمي: أعرفه. ألا أعرفه. ده أنا بيني وبينه طار كبير. وقريب أوي هاخد بطاري منه. ولولا إنك طلعتي شبهها. كان زماني دلوقتي بحرق قلبه عليكي.

نغم: لا. أوعي تأذي مهاب. أرجوك. لو سمحت. مهاب مبيعملش حاجة وحشة. أرجوك.

عزمي: خلاص. ممنوش فايدة الكلام ده. أنا عايزك تغيري هدومك دي. إنتي بقالك بيها كام يوم. إحنا جبنالك هدوم جديدة وكل اللي ممكن تحتاجيه. ومتخفيش. الحمام ليه مفتاح. ابقي اقفلي على نفسك. وكمان عايزك تاكلي. قلة الأكل مش هتفيدك. أنا نازل. لو عزتي حاجة. خلي الحارس اللي على الباب يندهلي. وأنا هاجيلك.

ومشي عزمي. ونغم فضلت تعيط وتدعي ربنا. يا رب احمي مهاب من أذاهم. إنت عالم إنه كان بيعمل واجبه. يارب احميه. أنا مليش غيره. ومقدرش أعيش من غيره. ده حبيبي. يارب. يارب.

(في مكتب مهاب)

مهاب: لا يا سامح. أنا خلاص مش قادر. اسمع. أنا هروحله لوحدي. ويعمل اللي يعمله. يارب. حتى يقتلني. المهم أرجع نغم.

سامح: اهدي بس. إحنا لازم نحسبها صح. أنا معاك في أي حاجة. بس لو روحنا من غير صفة رسمية. يبقى كده الموضوع بقى شخصي مش ميري. وساعتها ممكن نخسر شغلنا ده. لو رجعنا أصلاً. اهدي. خلينا نحسبها صح.

مهاب: تعرف أنا لقيت الشخص اللي ممكن يساعدني.

سامح: مين ده؟

مهاب: مراد. مراد سلام. هو الوحيد اللي ممكن يساعدني. هو يعرف عيلة الفيومي كويس. وكمان يقدر يعرفلي نغم فين. ولو طلعت في ڤيلا عزمي. هو ممكن يعرفني مداخل ومخارج الڤيلا. وأنا ساعتها أقدر أروح أجيبها.

سامح: طيب. كلمه. بسرعة.

مهاب: طلع تليفونه واتصل بمراد.

مراد: ألو.

مهاب: أيوه يا مراد. أنا المقدم مهاب عز الدين.

مراد: أهلاً يا مهاب باشا. واحشني. والل.

مهاب: مراد. أنا محتاجك في خدمة.

مراد: وأنا تحت أمرك. أؤمرني.

مهاب: أنت في البيت ولا في الشركة؟

مراد: لا. في البيت.

مهاب: طيب. أنا جايلك. مش أنت في نفس ڤيلتك القديمة؟

مراد: أيوه. لسة فيها. اتفضل. أنا منتظرك.

مهاب: يالا بينا يا سامح. بسرعة.

(في ڤيلا مراد سلام)

مراد: معقول الكلام ده. ربنا يكون في عونك. أنا حاسس بيك يا مهاب. وفاهم شعورك.

مهاب: أنا مفيش حد ممكن يحس بيا. أنا بموت وبتتقطع. وأنا بفكر في اللي ممكن يكون بيحصل لنغم.

مراد: لا. أنا أكتر واحد ممكن أحس بيك. لأني اتعرضت لنفس اللي أنت فيه.

مهاب: معقول؟ إزاي؟

مراد: أيوه. ياسر الزفت قبل ما يموت. حاول يعتدي على سجي. وكمان لما كنت في إيطاليا أنا وهي وزين. أنت أكيد فاكره. خطفها. وكان عايز يغتصبها هو كمان. بس وقتها لحقتها على آخر لحظة. وده كان سبب الحادثة بتاعتي وقتها.

مهاب: يعني هتساعدني؟

مراد: طبعاً. ومش بس هقولك هي فين. أنا هاجي معاك ونجيبها.

مهاب: طيب. هتعمل إيه؟

مراد: استنى ثواني. هعمل كام تليفون.

وراح مراد مكتبه. يعمل التليفونات اللي هيعرف من خلالها مكان نغم.

سجي: مساء الخير. إزي حضرتك يا سيادة المقدم.

مهاب: أهلاً بحضرتك.

سجي: أنا أكتر واحدة حاسة بنغم. ربنا معاها في اللي هي فيه. أنا عارفة الرعب اللي جواها دلوقتي. وبدعيلها والله. ربنا يرجعهالك بخير.

مهاب: اتنهد. ادعيلها يا مدام سجي لو سمحت.

سجي: بدعيلها صدقني. إنت كمان خلي عندك حسن ظن في الله. إنه مش هيضيعك. ولا يضيعهالك.

مهاب: ونعم بالله. متشكر ليكي بجد. كلامك ريحني.

سجي: على إيه. أنا كمان والله عايزة أطمن عليها. ومراد أكيد مش هيتأخر عن مساعدة حضرتك. عن إذنكم.

سامح: طيبة أوي مراته دي.

مهاب: فعلاً.

مراد: خلاص يا مهاب. عرفت إن نغم في الڤيلا عند عزمي. وكمان عرفتلك مكان البضاعة في مخازن الجبل.

مهاب: تمام. كده. قولي بقى أدخل الڤيلا إزاي؟

مراد: أنت فاكر إنك هتروح لوحدك؟ أنا كلمت البادي جارد. كلهم. وجايين ومعاهم السلاح. وهنروح كلنا على ڤيلا عزمي. ونرجع مراتك.

مهاب: بجد. أنا متشكر أوي يا مراد.

مراد: على إيه. أنا معاك. متقلقش.

مهاب: ثواني. أكلم اللواء سراج.

سراج: أيوه يا مهاب.

مهاب: أيوه سيادتك. أنا عرفت إن المخدرات في مخازن الجبل بتاعة عيلة الفيومي. وأنا دلوقتي رايح ڤيلته أرجع نغم. واعتبرني سيادتك. متحمل أي نتيجة. حتى لو خرجت من الداخلية. المهم إني مش هستنى دقيقة تانية. بعيد عن مراتي.

سراج: خلاص يا مهاب. أنا هبعت القوة على المخازن. وأنت روح رجع مراتك. وأنا هعتبر نفسي معرفش حاجة. روح يا وحش. وابقى طمني.

مهاب: متشكر سيادتك.

سامح: يالا بينا.

مهاب: يالا بينا.

      رواية ترى يا قلب احببت من الفصل الرابع و العشرون 24  -   بقلم ريحانة الجنة المهم اني مش هستني دقيقة تانيه بعيد عن مراتيسراج: خلاص يا مهاب انا هبعت القوي علي المخازن. وانت روح رجع مراتك وانا هعتبر نفسي معرفش حاجة روح يا وحش وابقي طمنيمهاب: متشكر سيادتك.سامح: يالا بينامهاب: يالا بينا…..يتبع…

في بيت مهاب ونغم

سامح: حمد لله علي سلامتك يا نغم

نغم : الله يسلمك يا سامح انا متشكرة ليك انت كمان انك كنت مع مهاب ومسبتهوش. وجيت معاه علشاني

سامح: وانتي جوزك ده حد يعرف يفتح بوقه معاه ده عامل زي المجنون

مكنتش اقدر اسيبه ماهو يا نعيش عيشة فل يا نموت انا وهو مع بعض . بقي اصل علي قد تناحته وايده الطرشة بس بحبه بردوا.

نغم وندي ومهاب:هههههههههههههه

سامح: وبعدين انتي بتشكريني علي ايه انتي اختي مفيش الكلام ده المهم انك بخير.

ندي : حبيبتي يا ناني والله كنت خايفة عليكي اوي . الحمد لله انك بخير. كنتي وحشاني اوي

نغم : حبيبتي يا ندي . انتي كمان وحشتيني . وماما وامجد

مهاب: حاوطها بإيده. انا بغير علي فكرة. كدة كلهم وحشوكي طيب وانا

نغم: طبعا يا حبيبي وحشتني موت موت موت. بس انت كنت في قلبي وعقلي. مغبتش عني لحظة

مهاب: باسها من خدها. حبيبتي انتي كمان مغبتيش عن بالي كنت بفكر فيكي طول الوقت وهموت وارجعك لحضني

سامح: لا انا بقي بقول تدخلوا تكملو كلمكم جوا واحنا نتغدا براحتنا. ما تتلم يا خويا. والله انا كمان اخد مراتي علي اقرب أوضة ولا احنا علشان في بيتكم.

مهاب: ههههههههه. هو انت كاتم علي نفسه علي طول كدة. وانت مالك

ندي: هههههههه اعذروا يا مهاب اصل الجوع وحش وسامح جعان.

نغم : ههههههههه. طيب حاسبي ليكلك علي رأي مهاب

سامح: لا والله كدة ماشي. ووشوش ندي. بس انا جعانك انتي وعايز اكلك

ندي: هههههههه. طيب عيب اتلم لما نروح

سامح: عادي. اعملي انتي دايخة وانا اخدج جوا افوقك

ندي: ضحكت بصوت عالي. هههههههههه

مهاب: العب. طيب انا بقول تدخلوا جوا احسن ولا ايه يا سمسم

سامح: ههههههه انا بقول كدة بردوا

سهام: يالا يا ولاد الغدا جاهز اتفضلوا

مهاب: تسلم ايدك يا ست الكل تعبناكي

سهام: تسلملي انت يا حبيبي. وربنا يخليك لينا ولنغم من غيرك كانت بنتي ضاعت.

مهاب: باس ايديها. متقوليش كدة انا ادفع عمري ولا استحمل ان نغم تضيع

سامح: ما تتلم هو انت واخد البت وامها سيبهالي ما هي حماتي بردوا. وباس ايد سهام. علي فكرة انا كنت معاه وانتي عمالة تحبي فيه وسيباني

سهام: هههههههه وانا اقدر انت كمان حبيبي وربنا ما يحرمني منكم يارب

مهاب: مش ممكن غلس . اقعد يا خويا كل بدل ما تكلنا.

وقعدوا كلهم علي السفرة

سامح: اهم حاجة يا سوسو عملتيلي ورق العنب

سهام: ههههههه طبعا يا حبيبي اهو

سامح: ايوة بقي ناوليني هو ده بس ابوس ايدك قولي لندي بيتلف ازاي احسن عملتهولي مرتين مش قادر اقولك. مكنش صوابع ورق عنيب كان صوابع دينامت

كلهم: هههههههههههههه

ندي: هههههه. كدة بتفضحني طيب ايه رأيك بقي مش هعملهولك تاني

سامح: ياريت يا حبيبتي متعملهوش تاني زي اللي عملتيه. ابوس ايدك. انا كنت حاسس اني هنفجر وانا بكله

مهاب: ههههههههههه.مش ممكن يخربيت طفستك بطنك دي هتوديك في داهية

سامح: اللي يسمعك . يقول انك مش طفس. ولا نسيت الباشميل والبوفتيك

مهاب: هههههههههه انت لسة فاكر. ماخلاص عدينا المرحلة دي من زمان

سهام: انا مش فاهمة حاجة

مهاب: بص لنغم وضحكوا. لا ابدا اصل نغم شاطرة اوي في عمايل الباشميل.

سامح: انت هتقولي. بأمارة ما قعدت اليوم كله تعمل فيها

مهاب: اتلم يا حيوان.

سامح: هههههههه طيب هسكت.

مهاب: حبيبتي. علي فكرة احنا مسافرين بكرة الصبح

نغم: مسافرين فين يا حبيبي

مهاب: برتوا السخنة مكان ما قضينا شهر العسل يا حياتي

نغم: بفرحة. بجد يا هوبا

مهاب: بجد يا روح قلب هوبا من جوا

نغم: تسلميلي يا روحي قولي بقي اخت اجازة كام يوم

مهاب: اممم هما مش كتير 4ايام بس معلش قريب ان شاء الله اخد اجازة اطول ونسافر برا مصر كمان اتفقنا

نغم : اتفقنا يا حبيبي انا معاك في اي حاجة

ندي: بتبص لسامح

سامح: ابتسم . متبصوليش والله حاجز معاه وهنسافر معاهم بس كنت عامهالك مفاجاة.

ندي: صحيح يا سمسم

سامح: هههههه صحيح يا عيون سمسم

ندي: قامت حضنته وباسته

مهاب: قدامنا عادي كدة

سامح: حاوطها بإيده وحضنها. وانت مالك احنا مبنكسفش يا حبيبي

مراتي

سهام : هههههههه والله ما جمع الا لما وفق انتوا الاتنين مجانين. ولا بيفرق معاكم حاجة

سامح: وهو فيه احلي من الجنان يا حماتي هي الدنيا ناقصة هم

مهاب: لا انا كدة عايز بوسة زي اللي الواد ده خدها دلوقتي

سامح: هههههههه مفتكرش نغم بتتكسف.

ندي: قصدك ايه ان انا مش بتكسف

سامح: لا طبعا يا روحي بس انتي بتحبيني وبتموتي فيا.ومبيهمكيش غيري وبس.

مهاب: عجبك كدة. ماشي اهم خدوا بنط علي قفانا

نغم: كدة ماشي. وقامت باست مهاب

مهاب: حضنها. روح قلبي ايوة كدة جمدي قلبك زي البت دي

كلهم : ههههههههههههههههههههههه

(في ڤيلا الدكتور حسين )

أدم قاعد في مكتبه ودخلت دولت

دولت : مالك يا أدم بتفكر في ايه

أدم: اتنهد. لا ابدا مفيش

دولت: وبعدين معاك يا أدم انت هتفضل لحد أمتي كدة هتنسي امتي يا ابني

أدم: مش بإيدي يا ماما صدقيني مش بإيدي. انا حتي مقدرتش اسافر وابعد عنها. و رديت بأني بس اشوفها معايا في المستشفي. حتي لو هي بتعتبرني اخ وصديق وزميل. لكن كفاية انها بالنسبة ليا حبيبتي

دولت: بس انت عارف ان انت كدة بتخون مهاب اخوك وصاحبك. وانت بتفكر في مراته بالشكل ده

أدم: ليه بتقولي كدة انا عمري ما تجاوزت حدودي معاها لا بالكلام ولا بالفعل. انا بس مش قادر اتحكم في مشاعري. وحبي ليها مش بإيدي صدقيني غصب عني

دولت: انا عارفة بس مجرد التفكير غلط حاول تشوف غيرهايمكن تقدر تنساها بقولك ايه مش انت قلتلي قبل كدة ان الدكتورة سهي صاحبة نغم. حاسس انها بتقرب منك ماتحاول انت كمان تقرب منها يمكن تحبها

أدم: لا يا ماما سهي غيري خالص وبصراحة انا عمري ما ارتحتلها. انا بس وافقت انها تشتغل معانا علشان خاطر نغم مش اكتر

دولت: هقولك ايه ربنا يريح قلبك ويشيل نغم منه وتشوف حياتك بقي.

(في بورتو السخنة)

مهاب قاعد وحاضن نغم علي البحر وبيسمعوا أغنيه تحفة لعمرو دياب اسمها (علي حبك)( علي حبك. عندي 100 اثبات شوقي مثلا بان في عيني ساعات وبخاف وبغير خد من ده كتير وان سيرة جات بنطق بالخير. وطبعك خت منه حاجات

واخبارك مع التفاصيل احب اسمعها بالتفصيل. مدام اتفتحت السيرة. اخد وادي لنص الليل. في حبك كل يوم في جديد. ولو توحشني وانت بعيد. بالاحساس بنتلاقي مفيش حاجة اسمها مواعيد. علي حبك عندي 100 اثبات. لو اقولك الكلام هيطول حس انت شوف بعينك دول. في كلام عادي يتقال للناس وكلام أجمل يتقال احساس. بيوصل للقلوب علي طول. واخبارك مع التفاصيل احب اسمعها بالتفصيل. مدام اتفتحت السيرة اخد وادي لنص الليل. علي حبك عندي 100اثبات)

نغم: حبيبي ايه الاغنية الحلوة دي بس

مهاب: عجبتك يا روحي

نغم: جدا جميلة اوي. بس انت مش محتاج تثبتلي انك بتحبني. انت منغير ما تتكلم حبك باين في عنيك

مهاب: ابتسم. في عنيه بس. دي عنيا وايدي ورجلي وكلي مفضوح اصلا

نغم: هههههههه. لا بتكلم جد

مهاب: وانا كمان والله انا كل حته فيا بتحبك. اه يا نغم انتي متعرفيش الايام اللي فاتت دي عدت عليا ازاي. وانا بفكر ان ممكن يكون في راجل غيري لمسك. انتهد بحرقة. كنت بموت

يا نغم والله كنت حاسس ان كل لحظة بتعدي عليا روحي بتروح مني. بس الحمد لله رجعتيلي زي ما انتي من غير خساير

نغم: وانت كمان كنت واحشني اوي وكمان كنت خايفة عليك. تعرف هقولك حاجة جات في بالي وقت لما عزمي ده قالي انه عايز يقتلك علشان قتلت ابوه. كنت وقتها عايزة اقوله. اني مستعدة اخليه يعمل فيا اي حاجة بس مش يقتلك. انا نستحملش كدة ابدا

مهاب: اوعي تقولي كدة تاني والله انا كان عندي يقتلوني بدل المرة الف مرة ولا ان راجل غيري يلمسك.فاهمة مسمعش منك كدة تاني

نغم: ابتسمت. حاضر بس متتحمقش اوي كدة.

مهاب: حضنها اكتر. لا اتحمق. انتي بتاعتي وليا انا وبس مليكة خاصة لمهاب عز الدين فاهمة

نغم: ابتسمت. فاهمة ووشوشته بهمس

بحححححبك

مهاب: وشوشها. بممممممموت فيكي

سامح: خبط علي كتف مهاب. قدامي علي البوكس يا حبيب.

مهاب: ههههههههههه والله لولا عارف صوتك كنت زمانك واخد بوكس مروقك علي الاخر

سامح: ههههههه وانا عبيط بردوا اسيبك تضربني قدام المزة بتاعتي ده

حتي يبقي عيب

ندي: الله ايه الاغنية الحلوة اللي بتسمعوها دي

نغم: هههههههه. مهاب كان بيسمعهالي بس انا بعدها تاني علشان عجباني

ندي: زغدت سامح. شايف ادي مهاب اللي بتقول عليه مدب وايده طرشة . بيسمعها أغاني وانت مبتسمعنيش كوبليه واحد حتي

سامح: ههههههه. يا حبيبتي مش كفاية انا بغني عليكي كمان اسمعك اغاني

ندي: لا يا حبيبي انا عايزة اسمع زي نغم

سامح:الله يخربيتك. يا مهاب قومت عليا البت. اللي يشوفك يا خويا وانت بتسمعها كدة يقول عليك رومانسي

مهاب: ههههههههه. احسن تستاهل. علشان تبقي تيجي تكتم علي نفسنا وتقرفنا. وبعدين اه يا خويا رومانسي واسال ناني حبيبتي. مش انا رومانسي يا قلبي

نغم: حبيبي انت ملك الرومانسية اصلا

مهاب: حبيية قلبي.

ندي: طيب والله لو ما سمعتني انت حر

سامح: من عنيا تعالي معايا الشالية وانا اسمعك احلي كلام

ندي: هاهاها. لا يا خفيف انا عايزة اغنية رومانسية

سامح: طيب ماهي هتبقي رومانسية وربنا بس تعالي . عن اذنك يا معلم

مهاب: ههههههه يسهله يا باشا. بس خلي بالك من الواد اللي جوا ده

سامح: ههههههه لا متخفش ابني هيطلع وحش زي ابوه. بقولك صحيح. احنا هنسافر بكرة. رامي كلمني ومخنوق علي اخره

مهاب: ههههههه اه ماهو كلمني. اصل احنا اتفقنا معاه انهم 4 ايام واحنا قعدنا اسبوع. وهو حازم اتنفخه لوحدهم.

سامح: خلاص اشوفك الصبح بقي

مهاب: ليه هو انت مش نازل تاني لحد الصبح

سامح: وانت مالك خليك في حالك.

انا ببقي مبسوط في الشالية يا تنح

مهاب: ماشي سلام يا خويا

نغم: هههههه انتوا فظاع بجد

مهاب: جدا . بقولك ايه ماتيجي نطلع الشالية زيهم

نغم: اممم لا

مهاب: والله . اللي يسمعك كدة يفتكرني باخد رأيك

نغم: يا سلام اومال ايه بالعافية يعني

مهاب: اه يا نغم بالعافية. تحبي اوريكي

نغم: طيب . ابقي وريني كده

مهاب: قام وشالها قدام الناس ومشي بيها

نغم: يا مجنون الناس تقول ايه

مهاب: ملكيش دعوة بحد وانا معاكي

المهم اني لما نطلع هوريكي العافية شكلها ايه.

وبعد مرور حاوالي 5 شهور

(في شقة مهاب ونغم)

نغم : اه يا ماما تعبانة اوي مش قادرة

سهام : مالك بس حصلك ايه. انتي كنتي كويسة

نغم: مش عارفة بطني بتوجعني اوي وحاسة انها بتتقطع

سهام: طيب. تعالي نروح المستشفي عندك والدكتورة تطمنا

نغم : لا ملوش لزوم انا هاخد اي مسكن دلوقتي

سهام: يا بنتي اسمعي الكلام انتي شكلك تعبان

نغم : لا مقدرش انزل من غير مهاب ما انتي عارفة

سهام: حتي معايا. يا بنتي

نغم: اه يا ماما مهاب مصمم من بعد اللي حصل قبل كدة اني مخرجش من غيره تحت اي ظرف

سهام: نغم . بس انا شاكة في حاجة

نغم: شاكة في ايه

سهام: استني اكلم الصيدلية واجيب اللي يخليني اتاكد..........................

وبعد شوية

نغم :😱😱😱😱😱😭😭😭😭

يا نهار اسسسسود. مش ممكن

نغم: يا نههههار اسود حامل لا مش ممكن

سهام: في ايه يا نغم. يا بنتي احمدي ربنا

نغم: يا ماما افهمي مهاب. مهاب يا ماما

سهام: عادي هيزعل شوية وخلاص. اصل اللي حصل حصل. هتعملي ايه يا عني

نغم: لا يا ماما مش هيزعل شوية وخلاص. مهاب الموضوع ده مش عايز يتناقش فيه نهائي

سهام: هو مش انتي قولتيلي قبل كدة اول ما ندي حملت انه قالك هيراجع نفسه في الموضوع ده

نغم: اه يا ماما بس بعد اللي حصلي وحكاية الخطف دي وهو قفل مناقشة في الموضوع ده خالص.

سهام: متشيليش هم. هيعمل ايه

يعني هو بس ممكن يزعل شوية

ويقلق شوية وخلاص.

نغم: اصل انا بعد ما رجعنا من السخنة اتكلمت معاه وكان رد فعله شديد اوي

سهام: ازاي مش فاهمة

نغم: هقولك...

فلاش باك

مهاب ونغم قاعدين بيتفرجوا علي فيلم و بيتكلموا علي ندي وتعب الحمل وسامح وعميله معاها

مهاب: هههههههه سامح ده مصيبة ضحكني ضحك النهاردة بسبب اختك

نغم : ههههههه ماشي والله لقولها انه بيتريأ عليها وهخليها تظبطه

مهاب: ده بيقولي من يومين. قام بالليل لقاها قاعدة في المطبخ وواكلة بتاع 10 كيلو مانجة. وشكلها يفطس من الضحك. والمصيبة بعد ما تاكل تدخل الحمام. وترجع حاجة. زفت

نغم: ابتسمت. وسكتت

مهاب: مالك يا روحي

نغم: حبيبي مش انت قلتلي انك هتوافق علي اني اخلف

مهاب: بعد عنها ووشه اتغير وبان عليه الضيق. لا انا وقتها قلت هعيد حسباتي. لكن مقولتش وافقت.

نغم: طيب وعدت حسباتك

مهاب: قام وقف وبجدية. اه يانغم وخلاص اخدت قرار نهائي اني عمري ما هخلف مستحيل ده يحصل

نغم: ليه بس يا مهاب ليه

مهاب: ليه انتي اللي بتسألي ليه.

اسألي نفسك لما اتخطفتي من

حضني. اسالي قلقك وخوفك ورعبك

اسألي وجع قلبي وانهيار اعصابي وانتي بعيد عني وبتجنن كل ما

افكر ان ممكن حد يأذيكي

اسألي رعبي وخوفي اللي كل يوم بيزيدوا. وده مكانش طبعي ولا شخصيتي

كل ده وبتسألي ليه.

نغم: يا مهاب اسمعني. بس

مهاب: قاطعها. قلتلك مفيش مناقشة في الموضوع ده نهائي. انسي انا مش هخلف

نغم : عيطت. طيب افرض حصل غصب عني هتعمل ايه

مهاب: بغيظ. مفيش حاجة اسمها غصب عنك. وقتها أكيد هتكوني قاصدة تجبريني اوافق. بس لو ده حصل يا نغم وعملتيها من ورايا. تبقي انتي اللي بتكتبي نهايتنا مع بعض

نغم: اتصدمت. معقول انت تقصد ايه هو انت ممكن تسيبني ممكن تطلقني

مهاب: انا عمري ما هسيبك ولايمكن هطلقك. رسمي

نغم: مش فاهمة.

مهاب: يعني لو ده حصل. هتشوفي مهاب تاني يا نغم اتمني انك متحضريهوش علشان بجد مش هتتوقعيه

نغم: انا مش مصدقة انك بتقولي الكلام ده

مهاب: لا صدقي انا محدش يلوي دراعي سامعة يا نغم. وهو داخل الاوضة. تصبحي علي خير

نغم : انت هتنام لوحدك وتسيبني

مهاب: اتنهد. وقرب منها نغم انا بحبك وعمرك لحد ما اموت ما هتتخيلي انا بحبك قد ايه. وخوفي عليكي شكله ايه. اروجكي حسي بيا انا معنديش استعداد. اعيش اللي عشته وانتي مخطوفة. بس مع ابني او بنتي انتي بقدر اوصلك واكون معاكي علي قد ما أقدر لكن لما يبقي طفل ويروح مدرسة. ونادي وخروج. والله انا مش هتحمل القلق والخوف عليه. نغم انتي بتحبيني؟

نغم :!! ايه السؤال ده انت عارف اني بحبك اكتر من نفسي وعمري ما حبيت غيرك

مهاب: مسك وشها بإيده. يبقي لو سامحتي متفتحيش الموضوع ده تاني

لو بتحبي مهاب ومش عايزاه يتعب متفتحهوش ممكن

نغم: هزت راسها. ممكن بس متزعلش مني

مهاب: حضنها مش زعلان منك انا زعلان من نفسي بس والله غصب عني يا نغم. المرار اللي حسيت بيه وانتي بين ادين ناس كانت عايزة تنعشك وتنتقم مني مش عايز احسه تاني انا عارف اني اناني وباجي عليكي بس معلش استحمليني يا حبيبتي علشان خاطري

نغم رفعت راسها من حضنه وبصتله وكانت اول مرة تشوف مهاب وعنيه اكنها فيها دموع بس اكن الدموع خايفة منه ومش عايزة تنزل. ولا هو عايز يسمحلها تنزل. لانه ببساطة مهاب مينفعش يبكي.

نغم : مسكت وشه بإيديها. وملست علي شعره بحنيه. لا انت مش اناني انتي عاشق وبتحب وتعشق. بس بطريقتك وانا كمان بحبك ومش ممكن ازعلك ولا اقلقك تاني خلاص انا هنسي الموضوع ده خالص ومش هنتكلم فيه تاني

مهاب: وعد

نغم : وعد

مهاب: طيب تعالي ننام انا تعبان وعندي صداع جامد

نغم: حاضر يا حبيبي تعالي ....

(فاقت نغم من شرودها)

هو ده اللي حصل يا ماما يبقي ازاي بس اقوله اني حامل بسهولة كدة مينفعش .

سهام: طيب ايه رأيك اقوله انا واتكلم معاه

نغم : لا اوعي مستحيل انا اللي لازم اقوله. بس هستني لبكرة لما اروح المستشفي واعمل تحليل دم واتأكد الاول وبعدين اشوف هبلغه ازي. انا بس خايفة يفتكر اني عملت كدة من وراه. مش هيصدق اني نست مرة ومأخدتش الدواء. يارب استرها بقي. وتعدي علي خير

سهام : والله يا بنتي انا مش عارفة افرح ولا احزن افرح انك حامل وهتبقي ام ولا احزن علي اللي انتي فيه. عموما ربنا معاكي . يالا تصبحي علي خير

نغم : ما تخليكي شوية يا ماما

سهام: معلش علشان متأخرش علي أمجد تصبحي علي خير

نغم : وانتي من اهله.

وفضلت نغم قاعدة متوترة وخايفة من رد فعل مهاب وبتحاول تتماسك وميبنش عليها حاجة لحد ماتروح تاني يوم الصبح المستشفي وتتأكد. وعلي قد ما كانت من جواها فرحانة علي قد ما اتنمت ان التحليل يطلع مش صح علشان مهاب. وهي شاردة وسرحانة فاقت علي صوت مهاب وهو قاعد قصاها وبيكلمها.

مهاب: حبيبي مالك انتي مش سمعاني

نغم: اكنها فعلا كانت في عالم تاني ومحستش بمهاب لما دخل. ايه اااه اه انا مفيش مفيش

مهاب: عقد حاجبه ومستغرب. مالك يا نغم فيه ايه انتي شكلك قلقان وخايف قوليلي حد جالك هنا في حد ضايقك قولي بسرعة ايه اللي حصل

نغم : لا لا يا حبيبي متقلقش مفيش حاجة والله وبعدين انا مش بفتح لحد خالص والباب مصفح متخفش

مهاب: اخد نفسه. طيب مالك يا قلبي شكلك. مش طبيعي

نغم: والله انا كويسة بس تعبانة من المذاكرة انت عارف انا قربت اناقش الرسالة بتاعتي.فتلاقيني خايفة

مهاب: ابتسم. ومسك وشها بإيده. هو ده اللي مخوفك ولا تخافي انا قبلها هجبلك اللجنة اللي هتناقشلك واروقهملك علي الاخر واخليهم كمان يتحايله عليكي علشان تقبلي تقعدي معاهم

نغم: هههههههههههه. ايه البلطجة دي عايز تهدد اللجنة

مهاب: انا اهدد مصر كلها المهم مشوفكيش زعلانة يا روحي

نغم: حضنته. حبيبي يا هوبا. وبعدت عنه. احمم. مهاب هو لو انا عملت حاجة تزعلك بس والله غصب عني ممكن تسامحني ومتزعلش مني

مهاب: فيه ايه يا نغم. انا مش فاهم حاجة

نغم : ايه لا انا بتكلم عموما بس مش اكتر

مهاب: اممم والله ده يتوقف علي الحاجة اللي هتعمليها. بس متقلقيش انتي بالذات انا ممكن اعديلك اي حاجة ومش ممكن ازعل منك ابدا

نغم : ابتسمت . طيب ممكن تدخل بقي تاخد حمامك وانا هحضرلك العشاء.

مهاب: ابتسم. حاضر تحت امر الدكتورة

وفعلا نغم حضرت العشاء واتعشوا سوا بس طبعا باين عليها القلق وطول الوقت سرحانة وساكتة ومهاب واخد باله بس مش فاهم مالها ومش عايز يضغط عليها وخلصوا عشاء ودخلوا يناموا. مهاب وحاضن نغم

مهاب: وحشتيني اوي النهاردة.

نغم: وانت كمان. بس معلش. انا تعبانة وعايزة انام

مهاب: ليه بس بقولك وحشتيني

نغم: معلش فعلا تعبانة ومصدعة وهبقي دمي تقيل

مهاب: مش بقولك فيكي حاجة مش طبيعية. وانا هفضل وراكي لحد ما اعرف مالك وايه اللي مغيرك

نغم: هههه انت هتعمل عليا ظابط ولا ايه. وتستجوبني

مهاب: انا ظابط غصب عنك. وايوة هستجوبك عنك مانع

نغم: تؤتؤ معنديش بس صدقني انا بس عايزة انام مفيش حاجة

مهاب: طيب حسيبك النهاردة بمزاجي . بس بكرة هخد حقي دوبل

نغم: هههههه وانا موافقة ممكن ننام بقي.

مهاب: هههههه ماشي تعالي بقي نامي في حضني.....

(تاني يوم في المستشفي )

نغم عملت تحليل الدم واتأكدت انها حامل. وبقت مش عارفة تعمل ايه. ودخلت للدكتورة. هدي زميلة معاهم في المستشفي بس تخصص نساء وتوليد وكشفت معاها وطلبت منها طلب غريب والدكتورة كانت مصدومة منه.

هدي: اجهاض؟؟ انتي بتقولي ايه مش ممكن طبعا

نغم: بدموع. ارجوكي يا هدي انا عايزة انزلو

هدي: لا يا نغم حرام عليكي دي روح ليه تنزليها. وكمان انتي في الشهر3 وكمان خلصتيه مينفعش وسيادتك صحتك ضعيفة وممكن تنزفي وتموتي انتي مجنونة. وبعدين ليه كل ده. ده ابنك وحته منك ليه تقتليه بإيدك

نغم: استغفر الله العظيم. غصب عني والله غصب عني

هدي: احكيلي يا نغم مالك ايه اللي حصل. ليه عايزة تعملي كدة

نغم: بعدين يا هدي احكيلك. عن اذنك انا عندي شغل دلوقتي

هدي: طيب خدي التحليل بتاعك. وكمان انا كتبتلك علي شوية أدوية ومثبتات. وكمان فيتامينات

نغم: اتنهدت وهزت راسها. وخرجت من غير ما تتكلم.

وخلصت نغم شغلها ومهاب جالها ورجعها البيت زي كل يوم ورجع تاني علي شغله. وبعد كام ساعة مهاب اتأخر علي معاد رجوعه وكمان تليفونه مقفول. ولما رجع البيت. دخل ونغم كانت قلقانة عليه وخايفة وجريت عليه بلهفة

نغم : حبيبي ايه اللي اخرك كدة انا قلقت عليك جدا

مهاب: ساكت وشكله مهموم. ودخل قعد وسند راسه علي الكرسي وغمض عينه. رامي صاحبي اغتالوه النهاردة

نغم: شهقت من الخضة وحطت ايديها علي بقها. مش ممكن امتي

مهاب: بحزن. من كام ساعة قدام بيته كانوا حاطين ليه قتبلة في العربية انفجرت اول ما وقف العربية قدام البيت.

نغم : طبطبت عليه حبيبي انا عارفة انك زعلان انت كنت بتحب رامي بس ده قضاء ربنا

مهاب: بغضب قضاء ربنا يقتلوه وهما يعيشوا. ومراته وبناته يضيعوا. انتي مشوفتيش شكل مرتوا كانت زي المجنونة. وهي بتصرخ وتبكي. ولا بناته اللي كانت كل واحدة مع حد من قرايبهم شايلها وهي بتعيط. ليه ليه يحرومه منهم ويحرموهم منه ليه

نغم: اهدي يا مهاب. متقولش كدة ربنا عايز كدة. العمر ده مقدر من يوم ماكان جنين في بطن امه. انا عارفة انك زعلان بس حاول تهدي.

مهاب: اتنهد. اه يا نغم ممكن يجي اليوم اللي اسيبك فيه لوحدك في الدنيا دي. واتحرم منك الحمد لله اننا مخلفناش.

نغم: ابتلعت ريقها بصعوبة. اه اه الحمد لله.

مهاب: انا هتكفل بمصاريف مراته وبناته لحد ما اموت مش هسيبهم. رامي كان صاحبي واخويا

نغم: مفيش مشكلة يا حبيبي. ربنا يجزيك كل خير ان شاء الله. قوم بقي وادخل خد حمام علشان ترتاح

مهاب: هز راسه من سكات ودخل الاوضة

نغم: انفجرت من العياط. مش عارفة تعمل ايه. هقوله ازاي بس دلوقتي اعمل ايه بس يارب انا محتارة. وفاجأها صوت مهاب الجهوري وهو بينده عليها بصوت عالي وبغضب

مهاب: نغم ايه ده😡😡وكان ماسك الفيل اللي فيه التحليل بتاعها ومعاه الروشته بتاعة الدواء

نغم: اتصدمت وقلبها دق مبقتش عارفة ترد. ده ددد

مهاب:😡 انتي بتتحديني وعملتيها من ورايا. انتي حامل يا نغم

نغم : عيطت والله غصب عني انا مكنتش عارفة

مهاب: غصب عنك ازاي غصب عنك. احنا مش متفيقن انك تاخدي الدوا كل يوم. ازاي حصل حمل ردي عليا

نغم: خايفة من صوته وزعيقه. اااكيد نسيت مرة ولا حاجة

مهاب: نسيتي وفضلتي طول الفترة دي مش عارفة انك حامل. التحليل بيقول انك حامل في 13 اسبوع يعني بقالك اكتر من 3 شهور. ازاي مكنتيش عارفة. محستيش بأي تغير

نغم : مأخدش في بالي انا كنت فاكرة انه عادي. بتحصل من القلق وتعب المذاكرة

مهاب:بغضب ماشي يا نغم وانا محدش يلوي دراعي

نغم: يعني ايه. مش فاهمة

مهاب: يعني اللي في بطنك ده لازم ينزل والنهاردة قبل بكرة

نغم: حضنت بطنها.وبتعيط. لا لا انا سألت وعرفت انه مينفعش. علشان خاطري بلاش

مهاب: انا قلت لا لا انا مش هخلف عيل واسيبه واموت وتروحي تتجوزي واحد تاني يبهدل ابني . رامي مات ب النهاردة والدور الجاي عليا انا او غيري. وانا بقي مش هسيب ابني لواحد غيري يربيه.

نغم : ارجوك يا مهاب. سيبه لو سمحت. خلاص اللي حصل حصل

مهاب:بغضب. انا قلت لا وكفاية اوي اني اتجوزتك. انا مش ناقص هم علي همي

نغم: انا هم يا مهاب للدرجة دي انا تقيلة عليك

مهاب:بإنفعال. ايوة هم ووجع قلب انا علي طول في قلق عليكي انا بسببك بقيت ضعيف بسببك بقيت بخاف بسببك اتزليت ووطيت راسي بسببك كان وحد زي عزمي هيجيب راسي الارض. لولا ربنا ستر. بس مش كل مرة تيجي سليمة

نغم: بتعيط بحرقة. مش ممكن للدرجة دي انا تعبتك

مهاب: ايوة للدرجة دي واكتر . انا اصلا مكنتش عايز اتجوز. بس حبيتك ويا رتني ما حبيتك ولا اتجوزتك. يا ريتني فضلت مهاب بتاع زمان ياريت

نغم: بتحاول تتماسك. خلاص مادمت انا هم عليك وتعباك انا واللي في بطني. يبقي كل واحد من طريق

مهاب: بغل. يعني ايه

نغم: يعني تسبني وتبعد. وانا هعرف ازاي احمي نفسي وابني

مهاب: مسكها من دراعها. بغضب. انا مفيش حد يقولي كدة. انتي بتاعتي وانا اللي احدد اذا كنت اسيبك ولا لا. واللي قولته هو اللي هيتنفذ. واللي في بطنك هينزل

نغم: بتحدي . لا لا لا مش هموت ابني انا مش جبانة زيك

مهاب: تملكه الغضب والشيطان. ضربها بالقلم ومسكها من دراعها. وشدها.انا مش جبان. وانا هعرف ازاي اعقبك علي الكلمة دي. بس دلوقتي انتي هتيجي معايا المستشفي علشان ننزلوا

نغم: زقته بعيد قلتلك لا ومش هروح معاك في حته ومش هنزلو

مهاب: بغضب بعد ما نسي نفسه. كدة ماشي مادومتي مش عايزة بمزاجك. يبقي هتنزليه غصب عنك. وقرب عليها

نغم: خافت ومش مصدقة ان مهاب يعمل اللي بتفكر فيه. بوخوف ورعب. انت هتعمل ايه

مهاب: هنزلهولك بس بإيدي. انا اموت ابني احسن ما يتولد وحد غيري يموته. وابتدي مهاب يضرب نغم بغل ومكنش في وعيه وشيطانه كان مسيطر عليه. 😣😣😣

وبعد ماضربها كتير فاجاة فاق لنفسه وبعد عنها ولف وهو بيمسك راسه وشعره بغيظ وغضب من نفسه. انا ازاي عملت كدة. ازاي ولف لنغم واتخض لما لاقاها غابت عن الوعي وشاف اثار الضرب علي وشها وجسمها. وقلبه وقع لما لاقاها بتنزف.

مهاب: نغم نغم. فوقي انا اسف والله اسف انا مش عارف ازي عملت كدة ارجوكي فوقي.

ولما ما فقتش اخدها وشالها ونزل وحطها في العربية علشان يوديها المستشفي. وكان سايق بسرعة وكان بيسوق وبيبصلها وبيتعذب من شكلها ومش مصدق ان هو اللي عمل فيها كدة

مهاب: ماسك اديها وباسها. اسف والله اسف انا غبي غيي. ازاي قدرت اعمل فيكي كدة ازاي.

ووصل مهاب المستشفي وشال نغم ودخلها وهو بيزعق.

مهاب: انتوا يا بهايم ياللي هنا حد يلحقها بسرعة.

جريوا الممرضات عليه وجابوا ترلي واخدوا نغم ودخلوها للدكتورة بسرعة....

في المستشفي

مهاب: واقف برة ومخنوق وعلي أخره ورايح جاي ومش مصدق اللي عمله. مش ممكن انا ازي عملت كدة بس يارب تبقي كويسة نغم لو جرالها حاجة انا مش هسامح نفسي ابدا .

أدم: مهاب مين اللي عمل كدة في نغم. ايه بقي حرام عليك من وقت ما دخلت حياتها وهي بتتعذب كل يوم بسببك في ايه. انطق مين الحيوان اللي عمل فيها كدة.

مهاب: بغضب. أدم ابعد عني انا مش ناقصك انا اللي فيا مش حد

أدم: مش هسيبك غير لما تقولي مين اللي عمل كدة في نغم وانت كنت فين

مهاب: بغضب وصوت عالي وهوبيخبط الحيطة. انا انا اللي عملت فيها كدة انا اللي ضربت نغم ارتحت ابعد عني بقي انا مش ناقص

أدم:😳😳😳😡😡😡😡😡انت انت ازاي تعمل فيها كدة انت ايه مش بني ادم انت حيوان ويمكن الحيوان عمره مايعمل كدة في حد بيحبه ونغم بتحبك. يكون ده جزائها تضربها تضرب نغم بالوحشية دي وكمان مراتك حامل كنت عارف ولا زي المرة اللي فاتت

مهاب: جز علي سنانة بغيظ. كنت عارف وضربتها علشان كدة

ادم: بشك. علشان ايه ؟!! اوعي تكون كنت بتسقطها.

مهاب: هز راسه وبوجع. ايوة كنت بعمل كدة كنت عايزها تنزله ورفضت واستفزتني.

أدم: كان لاول مرة يفقد اعصابه. ومسك مهاب من هدومه. انت ازاي جالك قلب تعمل كدة ازاي انت ايه. انت ولا حاجة. انسان اناني ومبتحبش غير نفسك. انت متستهلش نغم ولا حبها. انت حيوان

مهاب:زق ايده. اسمع انت متدخلش بيني وبين مراتي انت فاهم. وابعد عني بقي انا مش عايز اتكلم مع حد ابعد

وبعد شوية خرجت الدكتورة هدي من عند نغم

مهاب: هاه طمنيني نغم عاملة ايه

هدي: نغم حالتها صعبة جدا نزفت كتير وهي اصلا ضعيفة. وكمان تقريبا اخدنا ليها كل الدم بتاع فصيلتها اللي موجود وبعتنا نجيب تاني. نغم اتعرضت لمحاولةاجهاض وده جريمة واللي عمل كدة لازم ياخد جزاءه

ادم: عندك حق الحيوان الهمجي اللي عمل كدة لازم يتعاقب ويدفع ثمن اللي عمله. مش كدة يا سيادة المقدم

مهاب: مسح وشه بإيده وهو متغاظ. انا سألتك سؤال ومجوبتيش. مراتي حالتها ايه نقلتلها دم وبعدين هي عاملة ايه دلوقتي

هدي: قولت لحضرتك بتنزف وحالتها خطر. وربنا معاها بقي.

مهاب: بتردد وقلق. طيب والجنين حصله حاجة

هدي: سبحان الله مع كل الضرب اللي اتعرضتله نغم. الا ان الجنين قاوم ومتمسك بأمه ومنزلش. وكمان انا ادتها مثبتات ومهدئات للرحم. وان شاء الله البيبي حالته تستقر. المهم نغم لازم النزيف يقف.

مهاب: علي فكرة انا نفس فصيلة نغم. لو احتجتي دم انا موجود

هدي: تمام. لما نشوف الدم اللي طلبناه لو موصلش هنندهلك. عن اذنكم

مهاب. كان خلاص مش قادر ولا متحمل يتماسك دخل المكتب بتاعه بسرعة. وقفل علي نفسه ولاول مرة من سنين من وقت موت ابوه يسيب دموعه تنزل بس المرة دي كان بيبكي بحرقة. اه يا نغم انا اللي عملت فيكي كدة. اسف اسف. يارب يارب انا بحبها والله بحبها بس مش عارف انا ازاي ايدي طوعتني وعملت كدة. معقول يا مهاب انت. تضرب نغم. نغم اللي كنت

مبتتحملش عليها الهوي. نغم اللي كنت مستعد تموت علشانها. ازاي بس

حبيبتي. حبيتي والله كان غصب عني

وبعد حاوالي ساعتين. نغم خرجت ودخلت اوضتها. بس لسه مفقتش.

مهاب: واقف جنبها وماسك ايديها. دكتورة هدي. هي هتفوق امتي

هدي: كمان شوية هي اللي حصلها مش شوية. وكمان المهدئات اللي اخدتها بتخدر الجسم كله. مش بس الرحم. وكمان هي محتاجة للنوم لازم جسمها يرتخي وترتاح. المهم اول لما تفوق ممنوع عنها الحركة نهائي ولا الانفعال. وياريت اول لما تفوق تبلغني

مهاب: حاضر متشكر اوي. اتفضلي انتي

وقعد مهاب جنب نغم وماسك ايديها.

وهو بيأنب نفسه علي شكلها واللي وصلتله بسببه. وفضل كدة لحد لما نغم فاقت. وشافت مهاب. هو كان متوقع انها تصرخ وتزعق . بس كانت

ساكته ومش منفعلة ودموعها نزلت

في هدوء.

مهاب: قرب منها ومسك ايديها.

نغم :شادت ايديها منه

مهاب: حبيبتي انا عارف انك زعلانة

ارجوكي سامحيني انا مش عارف ازاي عملت كدة والله مش عارف.

نغم انا اسف بجد اسف

نغم: بصتله بإسغراب. اسف مهاب بيعتذر لا ميصحش. انا مرضهالكش

مهاب: باس ايديها ايوة بعتذر ولاول مرة وبكررها ليكي تاني اسف والله اسف.

نغم: مهاب. طلقني

مهاب: ايه لا مستحيل ده يحصل انا مش ممكن اطلقك. نغم سامحيني

بصي عاقبيني باي شئ الا انك تبعدي عني لا يا نغم. مش هقدر

نغم: والله. مش هتقدر . بس تقدر تضربني تقدر تقتل ابنك وابني.

مهاب: ارجوكي كفاية انا اصلا بتعذب

انا لحد دلوقتي مش عارف انا ازاي عملت كدة انا كنت مش في وعي

نغم افهمي افهمي لو سمحتي

نغم: عيطها زاد افهم ايه افهم ان الانسان الوحيد اللي مكنتش بخاف منه هو اللي خوفني. افهم ان الحضن

اللي كنت بحس فيه بالامان بقي هو اللي بترعب من قربه وانا بفتكره وهو بيضمني مش علشان يطمني لا علشان يقتلني. افهم ان الايد اللي كانت بتحميني وتبطب عليا. هي اللي اتمدت عليا وضربتني. افهم ايه

افهم ايه حرام عليك. انا كنت ممكن

اتحمل اي حاجة في الدنيا . الا دي

كنت اتحمل اتأذي علشانك اموت ولا

اني اشوف اليوم اللي مهاب حبيبي وجوزي. اللي كان اهم عندي من نفسي بيضربني علشان يقتل ابني

مهاب: كان بيحاول يمسك دموعه.

انا عارف انك معاكي حق في كل اللي قولتيه. وانا نفسي والله مش مصدق

نغم : مهاب ابعد عني انا مش عايزة اشوفك. امشي وياريت تطلقني بسرعة. ومتخفش. ابني انا هخلي بالي منه. متشغلش بالك. واحمد ربنا انه مامتش. كان زماني موقفي منك غير كدة

مهاب: ليه وهو في ايه اكتر من انك عايزة تبعدي عني

نغم: لا فيه كتير. لو سمحت امش

مهاب: نغم انا

نغم: قاطعته. بقولك امشي امشي

مهاب: حاضر يا نغم همشي بس علشان الدكتورة قالت ممنوع عنك الانفعال.

نغم: بسخرية. لا وانت بتخاف عليا اوي واضح.

مهاب: انتي اكتر واحدة عارفة اني بحبك وبخاف عليكي واللي حصل

ده كان لحظة ضعف. نغم انا كنت راجع مشحون وقلبي موجوع علي رامي وحالة مراتو وبناته. ولما دخلت الاوضة وشوفت الفايل في الدرج مشوفتش قدامي وحسيت اني بغلي نغم ابوس ايدك سامحي. قصاد كل الحب اللي حبتهولك. مش قادرة تغفريلي زلة واحدة ليه يا نغم

نغم : دي مش زلة ده جرح عمري اللي عمري ما هنسان امشي لوسمحت انا تعبانة. ومش قادرة اتكلم.

مهاب: حاضر بس انا موجود برة مش همشي. انا هفضل جنبك

نغم: ملوش لزوم. لاني مش هشوفك تاني ولا هتكلم معاك ارجع بيتك احسن.

مهاب: بيتي بقي بيتي يا نغم بعد ما كان بيتنا.

نغم: اديك قولت كان بيتنا. انا هبعت ماما تجبلي كل حاجاتي وياريت تطلقني في هدوء

مهاب: خبط السرير بغيظ. انتي اكيد اتجننتي. انتي مراتي وهتفضلي مراتي لحد ما اموت مراتي. واسمك مش هيرتبط بإسم راجل غيري غير بعد ما اموت. سامعة لما اموت

وخرج مهاب وهو متنرفز وعلي اخره وقابل سهام وندي وسامح وامجد

سهام: مالها نغم يا مهاب. ايه اللي حصلها

مهاب: انتوا عرفتوا ازاي مين اللي قالكم.

سامح: ادم اتصل بطنط سهام وهي كلمتني. في ايه مالها نغم

مهاب: هي جوا. ادخليلها يا طنط انتي وندي. وانت يا امجد

ندي: مش جاي معانا يا سامح

سامح: بص لمهاب وفهم ان صاحبه مخبي حاجة. لا يا حبيبتي ادخلوا انتوا ممكن تكون مش لابسة حجابها ولا حاجة انا بعد شوية هاجي اشوفها

ودخلوا كلهم لنغم. وسامح قرب من مهاب.

سامح: مهاب مالك في ايه مالها نغم وانت فيك ايه

مهاب: تعالي نقعد في المكتب.

في مكتب مهاب في المستشفي

سامح: يا نهارك مهبب. انت ضربتها بالشكل اللي بتقول عليه ده ازاي.

جالك قلب يا مهاب هانت عليك نغم

انا بجد مش مصدق حقيقي مش مصدق

مهاب:ابوس ايد اللي خلفوك انا ما ناقص. اسكت

سامح: مش ناقص ايه انت كمان مش عايز حد يأنبك. ايه الكبر ده . معقول كنت عايز تموت ابنك ازاي انت اكيد اتجننت. ده انا لما عرفت ان ندي حامل كنت طاير من الفرحة ونفسي احطها في عيني. تقوم انت تضرب نغم وتبهدلها كدة. وكمان زعلان انها عايزة تطلق. يا بجاحتك

مهاب: انا بجد يا سامح مش عارف انا ازاي عملت كدة. انا حاسس اني كنت واحد تاني

سامح: اتنهد. طيب هتعمل ايه هطلقها

مهاب: لا طبعا مستحيل اعمل كدة. انا

هسيبها كام يوم بعد ما تخرج من المستشفي تقعد عند مامتها. لحد ما اعصابها ترتاح وبعد كدة لازم ترجعلي انا مقدرش اعيش منغيرها.

وعدي اسبوع ونغم حالتها لقت احسن. وكان مهاب كل يوم يحاول يدخلها وهي بترفض. ومش عايزة تشوفوا. وهو كان هيتجنن عليها بس مش عايز يدخل غصب عنها علشان متزعلش منه اكتر من كدة.

وخرجت نغم من المستشفي وراحت عند مامتها وعدي كمان شهر وهما علي نفس الحال نغم مبتروحش المستشفي

ومهاب بيحاول يكلمها وهي بترفض.

ولا بتقبله لما بيروحلها عند مامتها.

وفي يوم مهاب من زهقه مش متحمل البيت من غيرها وحاسس بفراغ كبير

اخد عربيته وقعد علي النيل. وقعد يسمع أغنيه وبعتها لنغم وهو عارف انها هتسمعها. وكان بيحاول يصالحها. وكانت لحماقي ( كنت تتكلم)( مش كنت تتكلم شايفني بسيب ايديك وبضيع ناديني وقولي ليه بتبيع لو غلطة هتعلم. ازاي كدة هنرجع هوانا معدش زي زمان. وفين يجمعنا تاني مكان. الفرقة دي بتوجع. لعنيك بسهر ليالي ورا ليالي. ولا دنيا حلوة بتحلالي. مليت حبيبي انديك. يرضيك كدة فات كتير وانا مستني مبقتش حاجة تطمني. وهموت عشان القيك. هو انت مستكتر. اعيش وانا روحي رايحة عليك. طب اعمل ايه واقرب ليك. ليه بس متأخر. الوقت بيعدي وليل الشوق مطمنيش. حبيبي ازاي مترجعليش. مرتاح لمين بعدي. لعنيك بسهر ليالي ورا ليالي . ولا دنيا حلوة بتحلالي. مليت حبيبي انديك. يرضيك كدة فات كتير وانا مستني. مبقتش حاجة تطمني. وهموت عشان القيك)

وفضل قاعد مهموم وبيسمعها. وبيفتكر لما كانوا في شهر العسل واتخانقوا وهي افتكرت انه هبضربها وهو قالها انه مستحيل يعمل كدة. وبعدها ضحكوا وهي جريت منه وهو جري وراها. ابتسم. وبعدين ظهر قدامه مشهده وهو بيضربها غمض عينيه. وهو بيحاول يبعد المشهد من دماغه وميفتكروش

في بيت نغم

قعدت تعيط. وهي بتسمع اغنية مهاب اللي بعتها ليها.

نغم: حبيبي انا كمان مش قادرة علي بعدك ونفسي اشوفك بس غصب عني انا موجوعة منك ومجروحة. بس والله وحشتتي وحشتني اوي مع كل اللي عملته بس قلبي وجعني عليك

وعلي وحددتك بس مش عارفة انسي مش عارفة

وعدي اسبوع كمان وفي يوم

في مكتب اللواء سراج

اللواء سراج: وبعدين يا مهاب انت ايه اللي جرالك.

مهاب: خير سيادتك.

سراج: انت بتسالني. مالك ليه مش شايف شغلك زي الاول. فين المعلومات اللي طلبها منك

مهاب: اسف سياتدك. في اقرب وقت هتكون كل حاجة علي مكتب سيادتك

سراج: سامح قالي انك عندك شوية مشاكل في البيت. بس شغلنا ملوش دعوة بحياتنا الشخصية

مهاب: اتنهد. مفهوم سيادتك.

سراج: مهاب انا عايزك تخلي بالك من نفسك اليومين اللي جاين دول

مهاب: ليه في ايه

سراج: عدنان اخو عزمي. هرب من السجن.

مهاب: هرب امتي.

سراج: النهاردة. رجالتو هربوه وهو في عربية الترحيلات. وراجع من المحكمة ورايح السجن.

مهاب: ومفيش اخبار هو راح فين

سراج: لسة بنحاول نوصله . المهم انت خلي بالك

مهاب: ان شاء. الله سيادتك. عن اذنك.

في مكان في الجبل

شوقي: حمد علي السلامة يا عدنان بيه. كفارة

عدنان: الله يسلمك. قولي عرفت اخبار الزفت مهاب

شوقي: متخفش المراقبة شغالة عليه وعلي مراته

عدنان: لا سبيك من مراتو. انا عايزه هو

شوقي: علي فكرة عرفت ان مراته حامل. يعني انت لو قلتها تبقي قتلتله اتنين زي ما قتلك ابوك واخوك

عدنان: قلتلك لا انا مش زي عزمي. انا هاخد طاري منه هو علشان هو اللي قتل مش مراته ولا ابنه.

شوقي: انا في حاجة ميتغىبها. انت وعزمي بيه الله يرحموا. كنتم حانين للبت مراتوا. ليه كدة هي اه حلوة بس محدش فيكم. قربلها ولا سببتوهلنا

عدنان: مسك شوقي من هدومه. لو فكرت تقرب منها او تأذيها انا اللي هقتلك مش مهاب. انت فاهم

شوقي: فاهم فاهم. بس اهدي

عدنان: قولي هنتحرك امتي

شوقي: لا عايزك تهدي كدة. لحد ما العين تروح من علينا شوية. دول قالبين الدنيا عليك. لازم نستني شوية ومتقلقش انا مظبط كل حاجة. انا لو عليا كنت قتلته بنفسي. بس انت اللي مصر انك تقتله بنفسك

عدنان: لازم اقتله بإيدي واشفي غليلي منه. بس معلش هصبر لحد ما يقع تحت ايدي.

(وبعد مرور شهر)

في مكتب مهاب قاعد سرحان. ودخل.

سامح. وهو محسش بيه

سامح:خبط علي المكتب. ايه اللي واخد عقلك.

مهاب: انتبه ليه واتنهد بحزن. قصد اللي واخدة عقلي

سامح: بضيق. والله انتوا الاتنين عندين. مش عارف اخرتها ايه معاكم

مهاب: انا مش عندي وعلي يدك كل يوم بروحلها وهي مش بترضي حتي تخرج تشوفني. انا مش عارف هتسامح.و هتنسي امتي بس

سامح: وانت بقي سايبها لحد ما تسامح وتنسي لوحدها. مش كدة

مهاب: اعمل ايه مش فاهم. ارجعها غصب عنها. مش كفاية اللي حصل

سامح: اه غصب عنها. انت تروحلها ولو مخرجتش انت تدخلها الاوضة

دي مراتك وشوية حب وحنيه وخدها في حضنك وربنا هتنزل بيها في ايدك

مهاب:اتنهد. يا ريت كان الموضوع سهل. كدة بس اللي حصل مش قليل

انا ضربتها عارف يعني ايه ضربتها

وكنت هموتها هي وابني. انا خلاص

يا سامح. بجد تعبت مش قادر علي

بعدها اكتر من كدة هموت والله هموت. وحشتني اوي

سامح: والله انا مش عارف اقولك ايه

علي فكرة هي كمان هتتجنن عليك.

ندي بتقولي مش بتبطل عياط. وعلي طول بتقولها انك واحشها بس لسة موجوعة من اللي حصل

مهاب: هي بس تحن وانا والله اعوضها وانسيها كل حاجة. بس

ترجعلي انا مش عارف اعمل اي

حاجة في حياتي. حتي النوم بقي

صعب عليا وهي مش جنبي. اقولك

علي حاجة ومتتريأش عليا.

سامح: قول وهو ده وقت تريأة

مهاب: انا علشان اعرف انام. باخد البيرفيوم بتاعها. واحط منه علي الخدة. واخدها في حضني علشان احس بيها. نغم دي روحي يا سامح

روحي. وبعدها عني ده اكبر عقاب انا

اتعاقبته في حياتي.

سامح: اتنهد هقولك ايه ربنا يهديها.

مهاب: سامح اوعي تكون بتخليها تخرج لوحدها في اي وقت

سامح: متقلقش. انا منبه علي طنط سهام مينزلوش من البيت الا لما تقولي وانا اروحلهم. ووصلهم ولو مشغول امجد بيوصلهم.

مهاب: يارب يهون بقي وترجعلي واطمن عليها في حضني

سامح: قريب ان شاء الله. تعالي بقي

نتكلم في الشغل.....

(وبعد يومين في المستشفي)

في أوضة ندي

سهام: ههههههههه الله يهديك يا سمسم. والله قلبي هيقف من الضحك

سامح: انتي من الضحك. انا كنت هموت من العض. بنتك متقوليش لقت

لقيه. قاعدة تلطش فيا وتعض لماكنت

هديها قلم اولدها وهي قاعدة

ندي: ههههه ماشي اعملك ايه. واحدة

بتولد وعندها طلق وهموت من الوجع

عايزني اعمل ايه مش لازم انفس

عن نفسي

سامح: وانا مال امي انا بتعضيني ليه

لا وكمان ايه يا سوسو تصوت وتقولي انت السبب يا سامح انت السبب. كنت تولدوا انت. الحمارة طيب اولده ازاي والنبي

فريال: ههههههههه. اه يا سهام دي جننتنا علي اما جينا المستشفي. وانا بقيت اضحك. وهي تقولي ماشي يا فوفة بتضحكي عليا. وهي عمالة تعض في الواد والنبي صعب عليا

سامح: انا مش غايظني غير انت السبب دي زي ما اكون جبته لوحدي.

فريال: هههههههه معاها حق مش انت

اللي عملت المصيبة دي

سامح: ههههه حتي انتي يا فوفة

ندي : اه يا فوفة. دي الولادة دي طلعت حاجة صعبة اوي

سهام: الحمد لله انك بقيتي زي الفل

نغم: حمد لله علي سلامتك يا دودو.

مبروك يا حبيبتي

ندي: الله يبارك فيكي. عقبالك. خلاص

كلها كام شهر وتحصليني. بس اوعي

تنسي تعضي مهاب زي ما انا عضيت

سامح بس انتي بقي اتوصي شوية

نغم: ابتسمت بحزن وسكتت.

سامح: اتهدي وخليكي محضر خير

ندي: الله مش بنقلها خبرتي في الولادة

سامح: لا والله انتي مصيبة. بس بحبك يا موزتي

ندي: وانا بموت فيك يا حبيبي.

سهام: يا ولاد اتلموا شوية حتي في المستشفي

في الوقت ده الباب خبط.

سامح: ادخل

مهاب: فتح الباب ودخل. مساء الخير يا جماعة. وبص علي نغم بلهفة.

نغم: اول ما شافته. قلبها دق وحست انها حتموت وتجري علي حضنه. بس حاولت تتماسك ومتبينش.

سهام: مساء النور يا مهاب تعالي يا ابني

فريال: ازيك يا هوبا واحشني . كدة مبتسألش عليا. ده انا فوفة حبيبتك

مهاب: ازاي بس يا عسل بس والله الشغل كتير واسألي سامح.

فريال: ماشي تعالي هات بوسة بقي

سامح: اموت واعرف بتحبي تبوسيه ليه ده انا ابنك عمرك ما قولتيهالي.

مهاب: هو انت علي طول قرفني كدة

وانت مالك

فريال: يا خويا انت علي طول في وشي. لكن هوبا بيوحشني تعالي ياواد

سبلك منه.

مهاب: راح لفريال وسلم عليها وباسها.

بس فريال كانت قاعدة ونغم واقفة جنبها. ومهاب بعد ما سلم علي فريال

قرب من نغم وبحنية. ازيك يا نغم عاملة ايه.

نغم: مش عايزة تبص في عنيه. عارفة انها هتضعف ويبان عليها. احمم. الحمد لله انا بخير

الباب خبط ودخلت الدكتورة تطمن علي ندي. وابتدت تتكلم معاهم

مهاب: لقاهم مشغولين وهو قريب من نغم. مد ايده وحاوطها من خصرها. ووشوشها. وحشتيني اوي

نغم: حاولت تبعد وهي دقات قلبها بتزيد. من قربه منها

مهاب: متمسك بيها ومش عايزها تبعد

ووشوشها تاني. اسف والله اسف

اروجكي كفاية . انا مش قادر علي بعدك . ارجعي يا نغم

نغم : شالت ايده وبعدت. عن اذنكم هروح اشوف سهي قبل ما امشي.

وخرجت من الاوضة

وخرجت نغم برة الاوضة وكانت واقفة برة بتحاول تاخد نفسها.

نغم: اه يا مهاب وحشتني اوي. ولو كنت فضلت ثانية واحدة جنيك. كنت زماني في حضنك دلوقتي. يارب اعمل ايه بس ارجعلوا ولا اسيبه شوية علشان. ميفكرش يعملها تاني. اه

أدم: نغم واقفة ليه كدة. ندي كويسة

نغم: اه الحمد لله كويسة.

أدم: نغم تعالي معايا المكتب عايز اتكلم معاكي.

نغم : حاضر يا دكتور اتفضل.

في أوضة ندي

سامح: ايه يا هوبا مش ناوي تشيل ولي العهد ولا ايه.

مهاب: هههههههه. اه ولي العهد ما هو اكيد هيورث غلاسة ابوه.

ندي: حرام عليك يا مهاب. بقي سمسم غلس طيب ده مفيش في خفة دم سمسم حبيبي

سامح: قعد جنبها وباسها. حبيبة سمسم يا ناس والله عسل

مهاب: شكلنا كدة هنخرج ونسيبكم شوية

سامح: هههههه والله يبقي احسن. بس تعالي شيل. وادي البيبي لمهاب

مهاب: اخد البيبي وشاله. واول ما بصله ابتسم. وبينه وبين نفسه

معقول يا مهاب كنت عايز تحرم نفسك من اللحظة اللي زي دي وانت بتشيل ابنك من نغم. انا دلوقتي حاسس اني قلبي بيدق. اومال لما اشوف ابني ححس بإيه.

سامح: ايه يا عم ساكت ليه. الواد مش عاجبك ده حتي شبهي

مهاب: ههههههه يا مفتري. ده الواد زي القمر تقولي شبهك

سامح: كدة طيب. نشهد ندي

مهاب: لا كله الا ندي مين يشهد للعريس يا خويا. هتقول هو في زي سمسم حبيبي

كلهم: هههههههههههههه

سهام: والله معاك حق يا مهاب. دي مصيبة هي وهو

فريال: ههههههه يا ختي سيبيهم يحبوا في بعض. ده بكرة الواد ده مش هيخليهم يعرفوا يتلموا علي بعض

سامح: والله ما يحصل. يوم ما يقرفي هتلاقيني جايلهولك وانا اروح اقضي مصلحتي. اومال انا سكنت جنبك ليه

فريال: هههههههه اه يا بجح. بس وماله انا راضية هاتوا انت بس وملكش دعوة

مهاب: قولي بقي ساميته ايه

سامح: نغم اللي سامته. مهاب

مهاب: ابتسم. بجد

سامح: اه والله. وبعدين جه علي هوايا. انا اصلا كنت عايز اسميه علي اسمك علشان يطلع اسد وقلبه جامد زيك.

مهاب: حضن سامح. حبيبي يا سمسم. ربنا يخليك ليا

ندي: بس متزعلش بقي لما اشتمه واضربه وهو علي اسمك.

مهاب: طيب يبقي حد يقربله كدة وانا اعلقكم من رجليكم.

كلهم: هههههنههههههههه

في مكتب أدم

أدم: وبعدين يا نغم . هتفضلي كدة لحد امتي

نغم : كدة ازاي يعني مش فاهمة

ادم: انتي بقالك شهرين مبتجيش المستشفي. وسايبة شغلك وكمان الرسالة. متخليش مهاب يضيع مستقبلك

نغم: مهاب ملوش دعوة. انا اللي عقلي مش متحمل الشغل والدراسة محتاجة ارتاح شوية. وبعدين ربنا يسهل

ادم: نغم. اتطلقي يا نغم

نغم: 😳😳 ايه. انت بتقول ايه

ادم: بقول اللي لازم يحصل انتي مينفعش تعيشي مع مهاب تاني بعد اللي عمله فيكي. انت تستهلي حد يحبك ويحافظ عليكي. وانا عرفت انك طلبتي الطلاق منه. وهو رفض وانا مستعد اساعدك واخليه يطلقك

نغم: بغضب. انا طلبت الطلاق علشان كنت لسة موجوعة منه لكن انا عمري ما هسيب مهاب. ومتخفش انا مفيش حد ممكن يحبني ويحافظ عليا قد مهاب. هقولك علي حاجة ممكن تستغربها مهاب عمل اللي عمله علشان بيحبني وخايف عليا. وكمان احب اطمنك مهاب مش ممكن يطلقني ولا انت ولا غيرك ممكن يقنعه بكدة

أدم: بحزن. للدرجة دي بتحبيه ومسمحاه علي اللي عمله معاكي

نغم : ايوة مسمحاه. وبحبه وعمري ما هحب غيره

في الوقت ده مهاب دخل . وكان سامع كلام نغم وابتسم بس لما دخل مابينش.

مهاب: وهو متغاظ من ادم وكلامه. انتي بتعملي ايه هنا مش قولتي انك رايحة لسهي

نغم: عادي انا كنت بتكلم مع دكتور ادم.

ادم: اهلا اتفضل.

مهاب: شكرا انا جاي اخد مراتي. سامعني مراتي وماشي. ومسك ايد نغم وخرج.

نغم: بتحاول تفك ايده. ممكن تسيب ايدي لو سمحت

مهاب: ماسك ايديها وماشي خارج من المستشفي. تؤتؤ

نغم: يعني ايه سيب ايدي. وبعدين انت رايح فين

مهاب: كان وصل لعربيته. فتحلها الباب. هوصلك البيت.

نغم: بيت مين انا مش ممكن ارجع معاك. انت بتحلم

مهاب: بإستفزاز. ومين قالك اني اقصد بيتنا. انا اقصد بيت مامتك. انا مش هرجعك غير لما تبقي عايزة مش غصب عنك.

نغم: اتغاظت. كانت فاكرة انه هيخدها غصب عنها. وكانت نفسها يعمل كدة.

بس فاقت. كدة ماشي يا مهاب والله لوريك. انا غلطانة اني بحاول انسي اللي عملته

مهاب: بيبتسم. وهو من جواه فرحان بكلامها اللي سمعه منها وهي بتكلم ادم. بس حب يرخم عليها. اممم هنفضل واقفين كتير ممكن تركبي

نغم: ركبت. وهي متغاظة.

مهاب لف وركب وهو بيضحك. وساق وكان بيبصلها وساكت وهي كمان ساكته. مهاب شغل السي دي علي اغنيه. جميله بيحاول يحننها بيها وفي نفس الوقت هي اغنيه مشاكسة شوية. وكانت لحماقي (اسمها ليه لا)( ليه لا لما انت دايب ليه تفضل عني غايب. جواك انا لسة سايب حنين لاحلي غرام. عايز الحق ده برضوا حالي. زيك واكتر يا غالي. اي جراح يالا انسهالي. وارجعلي تاني اوام. زعلك انت مقدرش عليه اه يا روحي. اه من اللي انا فيه. رد قولي ساكت كدة ليه.علشان تصالحني اعملك ايه. ليه لا لو مش في بالك.طيب متغير ليه ومالك. ده اللي يداري الشوق في قلبه يبان عليه في عنيه. عايز الحق باين في عينك. كل ما فيك بيقولي فينك. بتقول لا وتصد قلبي بس انت مستنيه.زعلك انت مقدرش عليه. اه يا روحي اه من اللي انا فيه علشان تصالحني اعملك ايه)

مهاب كان بحاول يكتم ضحكه من شكلها وهي متغاظة.

نغم كانت متغاظة فعلا. انه واخد باله من لهفتها عليه وانها كانت فاشلة في انها تداري حبها واحتياجها ليه

ووصلوا عند البيت ونزلت نغم. ومهاب نزل وراها. ومسك ايديها.

مهاب: نغم. انا محتاجلك وعايزك معايا

ارجوكي كفاية

نغم: مش وقته الكلام ده احنا في الشارع عن اذنك.

مهاب: طيب لو جيت بالليل هنتكلم

نغم: ربنا يسهل. عن اذنك. وطلعت فوق

ومهاب: اتنهد. اه يا نغم من امتي وانتي عندية كدة. بس حقك اللي انا عملته مكنش سهل. بس راجعلك تاني

ومشي ورجع شغله.

(في ڤيلا الدكتور حسين)

دولت : معقول يا ادم انت تعمل كدة

ادم: وانا عملت ايه بس. انا كان نفسي اريحها من التعب والالم اللي بتشوفهم معهاه كل يوم والتاني

دولت: تقوم تقولها اتطلقي. اهي كسفتك وقالتلك انها بتحبه مهما عمل. كويس كدة

ادم: اتنهد. انا تعبت تعبت. ليه بتحبه كدة ليه في ايه مهاب

دولت : بتحبه يا ادم بتحبه افهم بقي يا ابني الحب مفهوش ليه. انسي بقي . دي مش عيشة دي انت حتي مش مدي نفسك فرصة تشوف غيرها ولا تحب غيرها. فوق لنفسك بقي حرام عليك. وابتدت تعيط

ادم: حضنها. خلاص يا ماما بطلي عياط. كدة ضغطك ممكن يعلي ارجوكي.وواعدك احاول انساها

دولت: صحيح يا ادم

ادم: صحيح يا ماما. بس ادعيلي انتي بس.

دولت: بدعيلك والله يا حبيبي. ربنا يريح بالك.

بالليل في بيت نغم مهاب راحلها بعد ما خلص شغله

سهام: اهلا يا حبيبي اتفضل تعالي

مهاب: ازيك يا طنط. عاملة ايه. ونغم عملة ايه دلوقتي

سهام: مش انت كنت معاها الصبح

مهاب: اتنهد. لسة منشفة دماغها يا سوسو. مش عارف ازاي اراضيها

سهام: معلش اكيد هتنسي. ومتنساش اللي انت عملته كان صدمة لينا كلنا. انا منكرش اني كنت زعلانة منك. بس انا عارفة انت بتحبها ازاي. وبتخاف عليها. واللي حصل كان غلطة وخلاص انت ندمت. هي كمان بكرة تنسي. ثواني هروح اندهلها

مهاب: لا انا المرة دي عايز ادخلها ممكن

سهام : طبعا ممكن ادخل.

مهاب قرب من اوضتها وفتح براحة لقاها واقفة قصاد شباك اوضتها. وساندة راسها وبتعيط وهي بتسمع اغنية توجع. ومهاب لما سمعها حس انه فعلا جرحها اوي وانها مش سهل تسامحة. وكانت لأليسا (من غير مناسبة)( من غير مناسبة وبمناسبة بيقابلني. بيجيني يستغلب عليا وبيحايلني. وبيعتذرلي كتير وانا مهما اعتذرلي. مش هنسي انه في كبريائي كان قاتلني. معتش ينفع اسامحه علي عمله فيا. لو يجي يتأسفلي ولا يبوس ايديا. بعد النهاردة ازاي انا علي نفسي هرضي. ارجع لحد قدر يمد ايديه عليا. مش هقدر اتهاون واشوف حاجة اسامحه بيها. لازم اللي يغلط غلطة يتحاسب عليها. اصل اللي يتهاون في جرح كرامته مرة. يستاهل انه يتجرح 100مرة فيها. معتش ينفع اسامحه علي اللي عمله فيا. لو يجي يتأسفلي ولا يبوس ايديا. بعد النهاردة ازاي انا علي نفسي هرضي ارجع لحد قدر يمد ايديه عليا)

مهاب دخل براحة وقفل الباب وراح وراها وحضنها ودفن راسه في شعرها

مهاب: عندك حق انا غلط ولازم اتحاسب علي غلطتي. انا اسف والله اسف

نغم : اتفاجأت بيه وحست ان روحها بتروح منها وهو حاضنها. وعيطت. انت جرحتني اوي

مهاب: كان خلاص مش قادر يمسك دموعه. اسف. اسف يا روحي. وحياتي سامحيني. انا خلاص مش قادر علي بعدك.

نغم: حست بدمعه. علي خدها ورقبتها. لفت ليه. ولاول مرة تشوفه بيبكي. مسحت دموعه. مهاب انت بتبكي

مهاب: هز راسه. اه عمري ما عملتها بس خلاص مش متحمل وجع قلبي عليكي وعلي اللي عملته معاكي. نغم انا بحبك بحبك

نغم: وانا بحبك والله بحبك. بس مكنتش متخيلة انك تعمل كدة

مهاب: حضنها. انسي انسي علشان خاطري.

نغم: حضنته. خلاص نسيت. انت كنت واحشني اوي

مهاب: حضنها اكتر وشالها. وبصوت هامس. انا عايز اجرب أوضتك ممكن

نغم: ابتسمت. ممكن. بس ماما بره

مهاب:مش مهم انا مش هسيبك النهاردة. لو مصر كلها بره

نغم: ههههههههههه للدرجة دي كنت وحشاك

مهاب: عايزة تعرفي كنتي وحشاني قد ايه.

نغم: هزت راسها. اه عايزة اعرف

مهاب: راح وقفل الباب بالمفتاح. وقرب عليها. وانا هعرفك لحد ماتقولي كفاية خلاص امنت وصدقت تعالي بقي.....................

في الصباح مهاب صحي علي صوت تليفونه.

مهاب: تؤتؤ. مين المزعج ده علي الصبح. ورد بسرعة قبل ما نغم تقلق. ايوة يا متخلف.

سامح: ههههههه صابحية مباركة يا خويا. عرفت انك بت معاها. مبروك يا عم

مهاب: هههههه الله يخربيتك. انت ايه بتراقبني

سامح: لا والله ابدا. بس ندي كانت بتكلم مامتها امبارح وقالتلها انك بايت مع نغم. حتي مقمتوش تتعشوا

مهاب:هههههههه طيب عايز ايه دلوقتي.

سامح: ابدا عايز حضرتك. تقوم كدة وتفوق. علشان عندنا النهاردة اجتماع مهم علشان العملية الجديدة

مهاب: ياه يا سامح ده انا النهاردة كنت ناوي اقضيه مع نغم.

سامح: احضر الاجتماع وابقي اخلع وانا هغطي عليك. ماشي يا معلم

مهاب: بزهق. طيب خلاص هقوم اخد حمام والبس. سلام. وقفل وبص لنغم وابتسم. مش ممكن هتفضلي جميلة حتي وانتي نايمه. اه بحبك. انا لو مكنتش صالحتك. كان ممكن يجرالي حاجة بس لسة الصلح مخلصش. وباسها. وغطاها وخرج.

سهام: صباح الفل يا حبيبي.

مهاب: مسح شعره بإحراج. صباح الخير يا جميل. معلش بقي امبارح نمنا من غير ما نكلمك ولا حتي نتعشي معاكي.

سهام: هههههه وفيها ايه براحتكم. يالا روح خد حمام وانا هحضرلك الفطار.

مهاب: ابتسم تسلمي يا ست الكل. وانا مش هتأخر.

وخلص مهاب وفطر ونزل ونغم كانت لسة نايمه.

نغم :صحيت وملقتش مهاب. زعلت. كدة تمشي وتسيبني حتي من غير ما تصحيني وتسلم عليا. وبعدين لقت رسالة علي الفون من مهاب

مهاب: صباح الخير يا روح قلبي. اسف اني نزلت وسبتك بس والله غصب عني في اجتماع مهم هخلصه وارجعلك واخطفك علي بيتنا. متزعليش يا قلبي. بحبك. 💋💋💋

نغم:هههههههه. حبيبي وانا كمان بحبك

وخلص مهاب شغله ورجع لنغم بمفاجاة حلوة علشان يكمل اعتذاره

وبعد شوية وهي قاعدة مع مامتها لقت رسالة من مهاب.

مهاب: حبيبي ممكن تبصي من البلكونة.

نغم: استغربت. وقامت بصت لقت مهاب واقف قصاد عربيته ومزينها كلها بالورد. الاحمر وكاتب بيه

I Love you

وكمان في بالون علي شكل قلب كبير

مكتوب عليه.

اسف سامحيني

نغم: فرحت جدا ومكنتش مصدقة نفسها. وابتسمت وهو شاورلها تعالي

نغم نزلت بسرعة ليه وجريت عليه وحضنته. وهو حضنها وشالها ولف بيها

مهاب: بحبك بحبك بحبك

نغم: حبيبي. وانا بحبك بحبك بحبك

مهاب: ممكن تسمحيلي اخطفك بس مش علي بيتنا زي ما قولتلك

نغم: اومال علي فين

مهاب: علي السخنة اشترتلك شاليه هناك اصل شكلنا هنحتجلوا كتير الفترة اللي جاية

نغم: هههههههه وانا موافقة اتفضل اخطفني

مهاب:فتحلها الباب. اتفضلي يا اميرتي

وركب وطلع علي السخنة.

نغم: يا نهار انا نسيت خالص

مهاب: نسيتي ايه يا روحي

نغم: جيت معاك من غير ما اجيب اي هدوم ليا

مهاب: هههههههه وانتي فاكراني كنت ناسي حبيبتي شنطتتك في العربية فيها كل حاجة انا روحت البيت وجبت كل حاجة متقلقيش

نغم: باسته من خده حبيبي انت مشكلة

مهاب: اه يا نغم وحشتيني ووحشتني لمستك

نغم: خلاص انا معاك اهو بس يارب متزعلنيش تاني

مهاب:باس. ايديها مستحيل ده وقتها اموت نفسي

في السخنة

امام يخت كبير واقف مهاب ونغم.

مهاب: هههههههههه. والله عيب عليكي تبقي متجوزة مهاب عز الدين وخايفة تركبي يخت في البحر.

نغم: اتريأ زي ما يعجبك بردوا مش هركب. انا اصلا بخاف انزل البحر علي الشط.تقوم حضرتك. عايزني اركب يخت وتدخل بيا في وسط البحر حرام عليك. انت عايزني اولد وانا في الخامس. من الرعب

مهاب: طيب والله لتركبي وكمان هتنزلي المياه ايه رأيك بقي

نغم:برجاء طفولي. بلاش يا هوبا وحياتي وحياتي.

مهاب: هههههههه والله ابدا. واطلعي بمزاجك احسن ليكي بدل ما شيلك انا

نغم: بتدبدب برجلها زي الاطفال. والله حرام كدة ايه الافتري ده

مهاب: هاه قولت ايه هتركبي ولا

نغم: خلاص هركب. بس امسك ايدي

مهاب:ههههههه يا لهوي علي التلاكيك. مش قادرة تصبري لحد ما نركب

نغم: زغدته. في كتفه. اسكت هو انا ناقصاك

مهاب: ههههههه. خلاص اشيلك وامري لله. مع انك تقلتي الشهرين اللي فاته دول.

نغم: كدة ماشي شيل بقي.

مهاب: شالها. ومشي بيها وباسها من خدها وشوشها. علي فكرة انتي احلوتي لما تقتلتي اوي

نغم: ابتسمت. قليل الادب

مهاب: هو انتي لسة شوفتي قلة ادب. ده مش بعيد يطب علينا خفر السواحل

نغم: هههههههههههه

علي اليخت

مهاب: سايق اليخت ونغم ماسكة في دراعه. هههههههه يخربيت الجبن يا ناس.

نغم: اه جبانة هاه

مهاب: جبانة جبانة بس بحبك.

نغم: بثقة. طب ما انا عارفة

مهاب: كدة. ماشي ليكي حق ما مهاب بذات نفسه. مسلم ليكي وسيبلك قلبه تلعبي بيه.ليكي حق تتغري

نغم: والله علي ايه يعني. هو مفيش غيرك وسيم وجميل وعنيه رمادي تجنن

مهاب: هههههههه. الله ده انا بتعاكس بقي

نغم: ههههههه ايوة طبعا بعاكسك.وهو فيه غيرك يستاهل يتعاكس

مهاب: لفلها وحضنها وقربها ليه. وبخبث. طيب قوللي بقي. ايه اللي عاجبك فيا تاني غير عنيا.

نغم: اممم. كتيير.

مهاب: احب اعرف

نغم: اتعلقت في رقبته. وبصت في عنيه. كل حاجة فيك. رجولتك شخصيتك. قلبك. قوتك. وبدلع حنيتك. وملامحك اللي تخطف القلب. حبك ليا خوفك عليا. كل حاجة فيك عجباني ومجنناني.

مهاب: ضمها اكتر وشالها. الكلام ده ملوش غير رد واحد.

نغم: ابتسمت. اللي هو ايه

مهاب: تعالي جوا في الاوضة وانا اقولك كل كلمة بالتفصيل..........

في القاهرة في المستشفي

في مكتب ادم

أدم قاعد مشغول . والباب خبط

أدم: ادخل.

سهي :دخلت وقفلت الباب. مساء الخير يا دكتور ادم

ادم: مساء النور يا دكتورة سهي. اتفضلي خير في حاجة

سهي: ايه لا اه. كنت عايزة بس اراجع مع حضرتك الفصول اللي خلصتها في الرسالة بتاعتي. ده يعني لو حضرتك معندكش مانع

ادم: لا ابدا. مفيش مشكلة اتفضلي انا معاكي.

سهي: احمم. تمام وابتدت. سهي تراجع مع ادم وتسأله وهو يصححلها بعض النقط. وبعد حوالي ساعتين.

سهي: ياه انا عطلت حضرتك كتير. انا اسفة جدا.

أدم: لا معطلتنيش ولا حاجة. بس كفاية كدة النهاردة نكمل بكرة انتي كمان تعبتي

سهي: وهي بتبص في عنيه. اتعب وانا قاعدة مع حضرتك ازاي بس. ده حتي حضرتك القعدة معاك تنسي الدنيا واللي فيها.

أدم: اخد باله من تلميحها. احمم متشكر. عن اذنك علشان عندي مرور قبل ما امشي.وقام علشان يخرج

سهي: قربت منه.دكتور ادم. هو انا ممكن اعزمك علي العشاء النهاردة

أدم: انتي اللي تعزميني. ازاي بس

سهي: عادي ايه المشكلة. هو علشان انا بنت مينفعش اعزمك

أدم: لا مقصوتش بس العرف يعني ان الراجل هو اللي بيعزم مش البنت.

سهي: اممم. افهم من كدة انك انت اللي هتعزمني

أدم: ايه احمم اه طبعا معنديش مانع بس مش النهاردة خليها يوم تاني ممكن

سهي: بفرحة. اه طبعا الوقت اللي يريحك.

أدم: تمام عن اذنك دلوقتي. سلام

وخرج ادم وخرجت وراه سهي. وهي بتكلم نفسها

سهي: اه كدة تمام شكله قرب يقع. اه يا ادم. والله ما انا سايباك غير لما اخليك تحبني وتموت فيا وانت بنفسك اللي تطلب تتجوزني

في بيت سامح وندي. هما الاتنين في أوضتهم.

ندي: لا انا زعلانة. ومش بكلمك

سامح: لا كله الا كدة انا مقدرش علي زعل موزتي

ندي: يا سلام. علشان كدة مخلتناش نسافر زي نغم ومهاب.

سامح: يا حبيبتي. انتي لسة والدة وتعبانة. وكمان مهاب الصغير لسة صغير علي السفر وتغير الجو. ده غير اني والله مينفعش اسيب الشغل. انا ومهاب مع بعض. الدنيا تبوظ

ندي: لا ينفع. مش حصلت قبل كدة

سامح: ايوة حصلت بس كان وقتها مفيش عملية جديدة.مسحولين فيها. وكمان رامي الله يرحمه كان موجود. لكن دلوقتي مفيش غيري انا وحازم في الفريق ومهاب مسافر.

ندي: بس انا كنت عايزة اغير جو انا زهقانة

سامح: ليكي عليا يا روحي مهاب بس يكبر شوية كدة. ونسافر انا وانتي بس لوحدنا واسيب مهاب بقي يتسحل هو في الشغل. وكمان يا قلبي هو واخد مراتوا يصالحها. مكنش ينفع نبقي معاهم.

ندي: خلاص ماشي. بس افتكر ان انت وعدتني

سامح: ههههههه لا متخفيش هفتكر. قوليلي بقي هو الحزر هيتفك امتي انا مش واخد علي كدة

ندي: هههههههه. لا شكل الموضوع مطول

سامح: يا دي النيلة. وربنا كدة ما ينفع.

ندي: هههههههه. طيب قوم يالا علشان نتغدي

سامح: ماشي. جاي ما احنا شكلنا هنقضيها اكل وفرجة علي التلفزيون. مكنش يومك يا سامح

ندي: هههههههه. طب تعالي اقولك حاجة قبل الغدا

سامح: ههههههه. ده زي تسريب الامتحانات كدة

ندي: ههههههه. حاجة زي كدة

سامح: وانا معاكي اهو احسن من مفيش.......

في السخنة علي اليخت.

نغم نايمة في حضن مهاب. وهو بيملس علي شعرها.

مهاب: حبيبتي. انتي لسة زعلانة مني

نغم: تؤتؤتؤ. مش زعلانة. والا ما كنتش زماني هنا ومعاك دلوقتي.

مهاب: انتي قلبك ابيض اوي علشان تسامحيني بعد اللي انا عملته. انا يا نغم لحد دلوقتي والله ما عارف انا عملت كدة ازاي.

نغم: حبيبي اللي حصل حصل. وعلي فكرة انا كنت عزراك وعارفة انك عملت كدة من خوفك وقلقك علي ابننا

مهاب: حط ايده علي بطنها. وكلم البيبي. انا اسف يا حبيبي حقك عليا كنت غبي وانا بفكر اقتلك بإيدي. بس اوعدك واوعد ماما. وبص لنغم. اني لحد ما اموت مخليش حد يقرب منكم ولا يأذيكم واحافظ عليكم لاخر نفس جوايا

نغم: حضنته. انا وهو عارفين ومتأكدين من كدة ومكنش عندي

شك ابدا انك بتحبنا وبجنون كمان. حبيبي انت حبك مختلف ليك طريقتك اللي بتحب بيها وانا عجباني طريقتك وجنونك ده بحبك كلك علي بعضك كدة. زي ما انت

مهاب: ابتسم. وملس علي خدها. تعرفي اني سمعتك وانتي بتتكلمي مع ادم. في المكتب قبل ما ادخل عليكم. وسمعت كلامك اللي قولتيه كله عني ودفاعك الشرس عني.

نغم: بجد. وليه ما بنش عليك لما دخلت. اي حاجة

مهاب: مكنتش عايز ابين لادم اني سمعت. لاني كنت فاضلي دقيقة واموته. علي الكلام اللي قالو. وكمان خفت لو بينت تعاندي وتيجي في صف ادم

نغم: انا اجي في صف حد غيرك. مستحيل.

مهاب: نغم هو انتي عمرك. قبل كدة حاسيتي ان ادم معجب بيكي

نغم: ارتبكت واتلخبطت. ايه لا لا محستش بكدة

مهاب: بس انا حسيت. ادم من اول يوم شوفتك في في الحفلة وهو مهتم بيكي وبيخاف عليكي. بس انا عارف ومتأكد. انك بتحبيني انا

نغم: طبعا بحبك. انت وعمري ما حبيت غيرك. بس انت ممكن تكون فاهم غلط. انا وادم. ممكن نكون كنا قريبن من بعض بحكم الشغل وكمان احنا نفس التخصص. لكن مفيش اي حاجة تانية.

مهاب: ممكن من ناحيتك . لا لكن ادم انا متأكد. انه في جواه حاجة ليكي. علشان كدة. انا عايزك الفترة اللي جاية. تحاولي تقللي احتكاكك بيه. نغم انا بغير عليكي جدا.و بعد الكلام اللي قاله أدم ده انا خلاص معنديش ثقة فيه. فاهمة

نغم: هزت راسها. فاهمة بس والله أدم انسان مهذب وطيب ومحترم. وعمره ما تجاوز معايا في اي حاجة.

مهاب: شدها ونيمها وهو فوقها. انا مراتي متمدحش راجل غيري ابدا وكمان قدامي.سامعة

نغم: ابتسمت. بطل غيرة يا غيار

مهاب: تؤتؤ مش هبطل. وكمان انتي لازم تتعاقبي علي مدحك ليه قصادي

نغم: والله. طيب وريني بقي هتعاقبني ازاي.

مهاب: ده تحدي بقي

نغم:هزت راسها. اه تحدي

مهاب:اوك. وانا اموت في التحدي. بس المهم مترجعيش في كلامك

نغم: هههههههه. مستحيل ارجع في كلامي بس وريني شطارتك

مهاب: ..........................

في الصباح

مهاب ونغم في البحر

نغم: ههههههه. طيب والله لو سيبتني لموتك. انا اصلا خايفة

مهاب: ههههه مستحيل يا قلبي حد برضوا يسيب روحوا

نغم: بس انا خايفة تعالي نطلع انا سمعت اني في قرش ظهر هنا.

مهاب: هههههههه قرش. لا ياروحي متخفيش وبعدين حتي لو جه يبقي هو الجاني علي نفسه.

نغم: يا سلام. كمان مش هتخاف من القرش.

مهاب: عمرك شوفتي اسد بيخاف

نغم: ابتسمت. تؤتؤ. لا مشوفتش

مهاب: طيب تمام. وانتي متجوزة اسد يا قلبي يبقي اوعي تخافي وانتي معاكي الاسد

نغم: هههههههههه ماشي يا اسد. بس بجد كفاية طلعني انت ناسي اني حامل واصلا مليش نزول المياه

مهاب: عندك حق كفاية كدة علي حبيب بابا تعالي يا قلبي اطلعك.

وطلعوا الاتنين واخدوا حمام واتغدوا

نغم: حبيبي هو احنا راجعين القرية امتي

مهاب: ايه زهقتي مني ولا ايه

نغم: لا طبعا يا حبيبي. بس بسأل

مهاب: النهاردة. علشان خلاص احنا مسافرين الصبح

نغم : خسارة كانوا يومين حلوين اوي اوي

مهاب: اوعدك يا حبيبتي كل ايامنا مع بعض تبقي حلوة اوي اوي اوي.

بقولك ايه تعالي اسمعك اغنية حلوة.

نغم: يا سلام عليك يا هوبا والله كنت لسة هقولك. فين اغانيك الحلوة

مهاب: ههههههه موجودة وتحت امرك يا عسسل تعالي في حضني الاول. طيب ايه رايك بقي انتي اللي تسمعيني.

نغم : ابتسمت. وانا موافقة استني.

اسمع كدة

وشغلت نغم اغنيه جميلة( لأليسا اسمها تصدق بمين)

وكانت نغم بتسمعها معاه وبتبصله نظرة حبيبة وعاشقة ودايبة فيه وفي حبه. وهو كمان كان طول الاغنية بيبصلها ومبتسم وسعيد بالاغنيه اللي اختارتها وبحبها اللي باين في عنيها. وكانوا في دنيا تانية كلها حب وغرام مفيهاش غيرهم هما الاتنين بس. الاغنية

( تصدق بمين. بعدنا ويادوب معداش يومين. وجتلك قوام لقيتك واحشني وحشة سنين. تصدق بمين. انا وقلبي كنا مش داريانين. منين جينا ولا فين روحنا ولا احنا شوفنا مين. تصدق بمين.في 100الف حاجة ما بينا. مش حاجة او حاجتين. ولوننسي بعض انا وانت. من بعض نروح فين. انا انت وكمان انت انا وكأننا واحد وكل الناس تندهلوا بإسمين. مخبيش عليك. ده لو يوم يعدي وانا بين ايدك. يساوي في عنيا. علي الدنيا دي كمان دنيتين. مخبيش عليك. مبحلمش عمري غير بس. بيك والا ابقي ليك. ولو ضعت مني اموت مرتين. مخبيش عليك)

مهاب: حضنها اوي مش ممكن ايه الاغنية الحلوة دي. معقول كل ده انا

نغم: يا حبيبي انا لو غنتلك اغاني الحب اللي في الدنيا دي كلها مش هتكفيني وكمان تبقي قليلة عليك.

مهاب: ايه الكلام الجامد ده ده احنا بقينا اشقيا اوي

نغم: البركة فيك. خليتني كدة انا كنت بتكسف من خيالي اصلا بس انت بقي مينفعش معاك الكسوف

مهاب: ضحك ضحكة عالية. هههههههههه انا طيب والله انا مؤدب

نغم: هههههه والله هتدخل النار بكدبك ده

مهاب: كدة طيب خلاص انا هثبتلك اني مؤدب. تعالي جوا بقي

نغم: اجري ورايا ولو حصلتني اثبتلي

مهاب: هههههه ما بلاش هتخسري ولو وقعتي تحت ايدي ساعتها هروقك

نغم: ههههه جرب وجريت منه.

مهاب: هههههههه شكلك عايزة تتروقي وراكي يا موزة. وجري وراها

😉😉😉😉😉😉😉😉😉😉😉

في القاهرة في مكتب سامح. تليفونه بيرن

سامح: مين ده مراد سلام خير هيكون عايز ايه. الو ازيك يا مراد

مراد: ايوة يا سامح. بقولك ايه هو مهاب في العين السخنة.

سامح: ايوة ليه في حاجة

مراد: ..............

سامح: انت بتقول ايه مهاب. انا رايح علي هناك بسرعة لازم ابلغ مهاب.

مهاب ونغم رجعوا وهما نازلين من اليخت نغم نازلة ومهاب ماسك ايديها وبيرجع بظهره علشان يخالي باله منها.

مهاب: علي مهلك خالي بالك. مش كنت شيلتك احسن

نغم: لا خلاص انا كويسة. وكمان انت ناسي ان انت ايديك اتجرحت قبل ما نيجي .

كانوا وصلوا خلاص للمرسي.

مهاب: يا روحي ولا يهمك. انجرح اموت المهم انتي وحبيب بابا تبقوا بخير

نغم: ابتسمت. بس فاجأة ابتسامتها راحت لما سمعت صوت رصاص ولقت مهاب غمض عنيه. بس مهاب مش سهل يقع تحامل علي نفسه وعلي الرصاصة اللي تخدها في ظهره. وطلع مسدسة بسرعة ولف وخبي نغم وراه كان كل همه انها متتأذيش. وال ما لف لقي عدنان وماسك مسدسة ومصوبه لمهاب.

عدنان: كنت مستنيك. لحد ما ترجع. يارب تكون انبسط علشان دي اخر حاجة هتعملها في حياتك.

مهاب: صوب علي عدنان وضربه بالنار.

عدنان: الرصاصة جات في كتفه. وضرب هو كمان علي مهاب اللي كان بيبعد بنغم وهي وراه عايز يخبيها بعيد عن المواجهة دي. واول ما خباها بعيد جنب اليخت ولف وهو بيتألم من الرصاصة اللي ظهره. لقي عدنان قدامه وصوب علي مهاب 3 رصاصات ورا بعض. مهاب وقع وخلاص مش قادر يقف.

في الوقت ده سامح كان وصل وضرب عدنان بالنار وموته.

نغم:كانت بتحرك راسها بزهول وهي مش مصدقة اللي هي شايفاه. وجريت علي مهاب وقعدت جنبه وخدت راسه في حضنها. وهي بتصرخ

نغم : لا لا متموتش علشان خاطري . مهاب لا

مهاب: كان بياخد اخر نفس ليه. نغم انا اسف

نغم: ششششش اسكت متتكلمش انا هويك المستشفي وهتعييش لا انت مبنفعش تسيبني لا

مهاب: وهو بيقطع الكلمات. نغم الوصية يا نغم نفذيها لو كنتي بتحبيني.

نغم: بتبكي وتصرخ. لا قلتلك هتعيش مفيش وصية. انا مقدرش اعيش من غيرك لا وحياتي متسبنيش

مهاب: بحبك ومحبتش غيرك. افتكريني يا نغم اوعي تنسي مهاب.

ودي كانت اخر كلمة قالها مهاب ومات

😣😣😣😓😓😓😓😓😤😤😞😞😞😞😞😞😞😞😞😞😞😞

نغم :لا لا انت وعتني مش هتسيبني لا

وهي بتهزه جامد لا متنمش كدة قوم مش مهاب اللي يقع كدة اقوم . انت قلتلي انك اسد والاسد ميقعش كدة لا مهاب مهاب علشان خاطري قوم لا وحياة ابننا قوم مين اللي هخلي باله مننا اه اه اه مهاب رد عليا رد عليا

سامح كان قاعد جنبه ودموعه مطر ومش عارف يتكلم قرب منه وحضنه

ليه ليه سيبتني يا صاحبي ليه. احنا طول عمرنا مع بعض. احنا اتفقني نفضل سوا ليه خلفت وعدك وسيبتني ليه.

نغم : شدته منه. لا مهاب عايش مامتش. سامح تعالي نوديه المستشفي هو هيقوم زي المرة اللي فاتت ايوة انا عارفة ارجوك ارجوك بسرعة

سامح: خدها في حضنه. وهو بيبكي. مهاب مات يا نغم مات خلاص

نغم: بتعيط وتصرخ وتعافر في حضنه وتضربه بإيديها. لا لا كداب مهاب عايش مهاب مش ممكن يسيبني لا اوعي وزقته. وحضنت مهاب. مهاب ليا وبس ومش ممكن يموت لا مفيش حاجة هتخده مني حتي الموت لا

وفضلت نغم حاضنة مهاب لحد ما جات الاسعاف علشان تاخد مهاب. وسامح مكنش قادر يبطل بكي هو كمان ولما جم يا خوه من حضنها كانت بتصرخ وماسكة فيه.

نغم : لا سيبوه محدش هياخد حبيبي مني لا سيبوه . سامح قولهم يسيبوه علشان خاطري.

سامح: شدها لبعيد. علشان خاطري انتي اهدي كفاية خلاص يا نغم لازم يخادوه

نغم : بزقه بعيد وهي بتصرخ وبتمد ايديها عليه عايزة تمسكه. لا محدش هيخدوا مني مهاب مهاب متسبنيش وحياتي لا قوم بقي قوم .

وق

في الحظة اللي شافتهم بيحطوه جواه الكيس وبيقفلوه. نغم متحملتش. ووقعت واغمي عليها.

سامح:لحقها وشالها. نغم نغم

ووداها المستشفي بسرعة علشان يطمن عليها. وكانت حالتها صعبة ومش بتفوق سامح نقلها القاهرة في المستشفي عند ادم.

نغم جالها نزيف نتيجة الانفعال الزايد وجالها انهيار عصبي حاد من الصدمة ودخلت في غيبوبة حوالي اسبوعين. وده بيحصل لما الانسان بيتحط تحت ضغط عصبي شديد ويبقي عايز يهرب من الواقع لانه مش قادر يتحمل الصدمة اللي هو فيها. والبيبي كمان المرة دي كان قوي زي ابوه ومنزلش ولا ساب امه لوحدها. واتحمل معاها الصدمة والوجع والالم. وبعد الاسبوعين دول نغم لما فاقت لقت نفسها في اوضة في المستشفي. وامها قاعدة جنبها وندي وادم كمان

نغم: افتكرت اللي حصل وصرخت فين مهاب راح فين هو ليه مش هنا.

كانوا كلهم بيعيطوا وساكتين. ومش عارفين يقولها ايه.

سهام: يا بنتي اهدي علشان اللي في بطنك.

نغم: بقولك فين مهاب حبيبي فين سابني ليه ليه وفضلت تعيط وتصرخ

سهام وندي بيحاولوا يهدوها

ندي: حرام عليكي يا نغم ده قضاء ربنا وبعدين ابنك ده مش صعبان عليكي. ذنبه ايه في اللي بتعمليه ده

نغم: كانت من صدمتها وانهيارها. مش في وعيها. وقعدت تضرب بطنها. وتصرخ. وانا مش عايزاه هو السبب هو اللي بعد حبيبي عني . بسببه زعلني وخدني يصلحني يا ريتوا ما جه يصالحني يا ريتوا مسافر ياريت

انا مش عايزاه انا عايزة مهاب هاتولي مهاب

سهام : الحقنا يا دكتور ادم اعملها اي حاجة بنتي كدة هتضيع مني .

ادم: هز راسه بحزن . وشاور للممرضة تجيب حقنه المهدئ. وادها لنغم .

وابتدت نغم تهمد من الحقنة وتأن بدموع والم. مهاب . مهاب انا عايزة مهاب.

ورجع ادم مكتبه. وهو مش عارف هو حزين علي صاحبه واللي كان زي اخوه ولا علي حبيبته. اللي شايفها بتحب جوزها حتي بعد مامات ومنهارة بالشكل ده .

وفضلت نغم علي الحال ده لمدة شهر لحد ما ابتدت تستوعب اللي حصل وان مهاب خلاص مات. ورجعت شقتها ومرضيتش تروح مع امها بيتها. كانت عايزة تفضل في بيتها اللي عاشت فيه مع مهاب علشان في كل ركن فيه ليها ذكري معاه. وبعد كانت طول الوقت ماسكة صوره وهدومه وبتبكي بحرقة ومش قادرة تنسي ولو للحظة المها وحزنها عليه وليه لا وهو فعلا الراجل اللي اي ست تحزن عليه عمرها كله. هو كان امنها وحبها وراحة باليها هو اللي كانت في حضنه بتنسي الدنيا واللي فيها. وكانت نغم لبتكلم حد ولا بتشوف حد وطول الوقت قاعدة في اوضتها مع مهاب وذكريتها معاه. وفي يوم كانت قاعدة بتعيط وماسكة صورته وبتسمع أغنيه اظهرت وبينت حزنها اكتر واكتر وكانت

(لشيرين. كدة ياقلبي )

(كدة. كدة يا قلبي يا حتة مني يا كل حاجة حلوة فيا. كدة. كدة هتمشي وتسيبني وحدي في الحياة والدنيا ديا . كدة . يعني ايه. يعني خلاص انا مش هشوفك تاني. مش هلمسك. مش هحكي ليك. عن حاجة تعباني. كنت روحي لما كان جوايا روح. عمري ما اتخيلت انك يوم تروح. مش فاضلي مني غير حبة جروح. مع السلامة يا حبيبي وفي امان. عمري ماهقول عليك ماضي وكان. عمري ما انسي ماهما طال بيا الزمان. ااااااااااه)

وفضلت علي حالها تبكي بحرقة ووجع

(في بيت سامح )

سامح قاعد بيبكي وماسك راسه بإيده وبيفتكر صاحبه وحبيبه هزارهم وضحكهم وشغلهم حتي من ايام الدراسة وهما مع بعض مفترقوش ومش مصدق انه خلاص مش هيشوفه تاني وسامح كان طول الفترة اللي فاتت دي واخد اجازة ومش بيروح شغله كانت فترة طويلة بس اللواء سراج ساعده انه ياخدها لانه عارف الحالة اللي هو فيها ومهاب كان بالنسبة ليه ايه.

ودخلت ندي وهي حزينه علي موت مهاب وكمان علي جوزها اللي الخزن كسره وبكاه. طبطبت عليه

ندي: خلاص يا حبيبي كفاية انا مش متحملة اشوفك كدة

سامح: رفع راسه وبصله. ورمي نفسه في حضنها. وبكي اكتر وصوت بكاه عليي. مهاب يا ندي مهاب راح اخويا وصاحب عمري راح. انا تعبان تعبان

ندي: بتعيط. كفاية علشان خاطري. ارجوك اهدي. نصيبه كدة مفيش في ايدينا حاجة نعملها

سامح: انا مش عارف ازاي هقدر ادخل المكتب وهو مش فيه ازاي هشتغل من غيره. اه يا ندي نصي التاني مات

ندي : ادعيله ادعيله يا سامح

سامح: هدعيله هدعيله.

وبعد يومين في بيت مهاب ونغم سهام دخلت لنغم الاوضة

سهام : نغم

نغم : بصتلها بحزن وسكوت.

سهام : يا حبيبتي هتفضلي كدة لحد امتي كفايه حرام عليكي نفسك واللي في بطنك. انتي مبتكليش كدة كتير. انتي دلوقتي في السابع. كدة ممكن تتعبي

نغم: مش مهم. يا ريت اموت وارتاح. علي الاقل محسش بالحزن اللي انا فيه.

سهام: يا نغم انتي مؤمنة بالله وده قضاء ربنا. ارضي يا بنتي بقضاءه ارضي

نغم: ونعم بالله. بس مش بإيدي وانتي عارفة

سهام: عارفة وبدعيلك ربنا يربط علي قلبك. ويزيح همك. كنت عايزة ابلغك حاجة

نغم: حاجة ايه

سهام:في واحد اتصل اسمه كريم بيقول انه المحامي بتاع مهاب وكان بيبلغنك انه جاي بكرة الساعة 7 علشان موضوع مهم.

نغم : انا عارفة كريم. بس ماقلش موضوع ايه ده

سهام : لا مقلش. بس بكرة ان شاء الله نعرف.

تاني يوم. سهام لقت ان كريم كان متصل بسامح وطلب انه يكون موجود وكمان ادم ودولت وحسين

وقعده كلهم ونغم خرجت وجه كريم

كريم: طبعا قبل اي شئ احب اعزيكم كلكم . اعزي نفسي مهاب مكنش بالنسبة ليا عميل وبس لا كان اخ وصديق. مهاب كان كاتب وصيه لمدام نغم. وطلب مني اني مفتحهاش غير لما يموت وفي حضوركم جميعا.

نغم : كانت بتعيط. انا مش عايزة حاجة.

كريم: مدام نغم انتي مش محتاجة تقولي كدة اصلا مهاب كان كاتبلك كل ممتلكاته بيع وشيري. والوصية مش فلوس ولا ممتلكات

كلهم : استغربه. اومال هتكون ايه.

كريم : ممكن تسمحولي اقرأ الوصية

الوصية بصوت مهاب.

مهاب: نغم حبيبتي لو انتي بتقرأي الوصية دي دلوقتي يبقي انا خلاص موت. حبيبتي مش عايزك تزعلي ولا تحزني. انا عارف انه صعب عليكي بس معلش. انا لما كتبت الوصية اول مرة يوم كتب كتابنا. بس عدلتها قبل ما نسافر السخنة علشان اصالحك. ومش عارف اذا كنت هرجع ولا لا

نغم : انا عايزك بعد ما تولدي وتعدي شهور العدة تتجوزي ادم.

كلهم تنحه. ونغم زعقت لكريم

نغم : انت بتقول ايه انت اتجننت

كريم : ارجوكي اهدي يا مدام نغم. ده مش كلامي ده كلام مهاب

سامح: انت اكيد بتخرف. مهاب كان غيار جدا. ازاي وبيحب نغم بجنون. ازاي هيطلب منها تتجوز من بعده راجل تاني ازاي.

كريم : والله الوصية مسجلة في الشهر العقاري. ومكتوبة بخط مهاب. واظن انت اكتر واحد يعرف حط مهاب وتقدر تتأكد بنفسك.

سامح: اخد منه الوصية بنرفزة. وشافها. واتغاظ اكتر. زجز علي سنانه. ده فعلا خط مهاب. بس ازاي وهو كان . خوفه الوحيد ان نغم تكون لراجل غيره ازاي.

نغم : كانت خلاص مش قادرة تسمع حاجة صرخت. كفاية كفاية مش عايزة اسمع حاجة انا مش ممكن اتجوز غيره مش ممكن سيبوني في حالي حرام عليكم. واغمي عليها من كتر الانفعال والعياط