رواية تركني وحدي الفصل الأول 1 - بقلم ملك وائل

طنط طنط ممكن أبوس النونو؟ يا روحي، انت اسمك إيه؟ اسمي زين. تعالي، بوس النونو يا سيدي. وراحت ديما نزلت النونو، اللي هي بنتها، لزين يبوسها. الله، ده جميل أوي. ده بنت ولا ولد؟ دي بنت. جميلة أوي. فين ماما يا زيزو؟ مش عارفة. تيتة كانت بتعيط وبتحضني، وبعد كده عمي خدني رماني في الشارع. خلاص يا حبيبي، تعالي بقا هنا. انت في الشارع من امتى؟ كان بيعد على إيده: واحد، اتنين، تلاتة، أربعة. أربع أيام؟ تؤ، واتنين كمان.

يا حبيبي، طب بتأكل؟ مفيش حد بيديني حاجة، بس كان في واحد بيديني سندوتش كل يوم، بس بعد كده مجاش تاني. يا روحي، طيب تعالي معايا. نتعرف، دي ديما متجوزة ومعاها بنت لسه مكملة الشهر، جميلة جداً، عيونها خضرا وطويلة ورفيعة...

ده زين عنده 5 سنين، رفيع وقصير. باباه ومامته متوفين في حادثة، وعم زين مبحبوش، مستناش لما حد ياخده ونزل بيه في الشوارع وسابه. وجدة زين قاعدة على كرسي متحرك مش بتعرف تمشي، ومعرفتش تاخد زين من عمه، ومعندوش إخوات تاني. ها يا زيزو، تحب تأكل إيه بقا؟ أي حاجة، المهم أكل، هموت من الجوع. يا روحي، خلاص تعالي، هجبلك وجبة جامدة أنا بحبها، وانت كمان هتحبها. شكراً يا طنط، ممكن أعرف اسمك؟ أنا اسمي ديما. الله، اسمك جميل خالص.

انت أجمل يا حبيبي. تعالي بقا نروح نجيب هدوم حلوة لزيزو القمر عشان نروح وتاخد دوش قمر زيك كده. ماما كانت بتفضل تقولي كده. ربنا يرحمها، وانت قول: يلا ربنا يرحمها. ربنا يرحمها. تعرفي يا طنط أنا حبيتك أوي. وانا كمان يا حبيبي. يلا بقا عشان جنة هتعيط ولازم نروح، تعالي. ومسكت إيده ومشيت، جابت لبس جميل جداً لزين، وروحوا. وزين أخد دش وغير هدومه. وديما دخلت تعمل أكل قبل ما أسر ييجي من الشغل، وكان زين واقف معاها. زين. نعم.

روح شوف جنة صحيت ولا لأ. حاضر. لأ يا طنط، لسه نايمة. طيب يا حبيبي، ممكن بقا متقوليش طنط تاني، قولي ماما. حاضر. حبيبي، زين بيسمع الكلام. والباب خبط. كانت ديما رايحة تفتح. خليكي يا طنط، أنا هفتح. طيب يا حبيبي، أكيد ده عمو أسر. روح بسرعة ومتقوليش طنط، قولي ماما. حاضر يا ماما. وراح يفتح. إيه يا حبيبتي، كل ده؟ أنا واقف على الباب، نسيت المفتاح. بس أنا زين، ماما قالتلي أفتح الباب لعمو أسر.