رواية طريق معقد الفصل الرابع 4 - بقلم ولاء

بااسم، ريم خدي بالك. يزن بسرعة يلحق ريم ويمسكها ويشدها ليه ويحضنها. عيونهم تتقابل ويفضل يزن لثواني باصص على عيونها. ريم بصدمة على وجهها: انت بتعمل إيه؟ يزن: أنا آسف، أنا كنت بلحق الموقف، كنتي هتقعي. باسم يشد ريم من إيديها ويقول ليزن: حصل خير. ريم تشد إيديها وتقول: يزن بيه، شكراً جداً ليك. يزن: ولا يهمك. باسم مصدوم من رد فعلها. سارة: ريم، حصل إيه؟ انتي كويسة؟ ريم: أيوه كويسة، مافيش حاجة.

تخرج ريم برا الحفلة في الجنينة. يزن: آنسة ريم. ريم: نعم. يزن: اتفضلي، اشربي حاجة. ريم: شكراً ليك. يزن: أنا آسف لو كنت لحقت الموقف بطريقة مش لطيفة. ريم: لا، أنا اللي آسفة من ردة فعلي، وشكراً ليك. لو ماكنتش حضرتك موجود، كان زماني على الأرض والكل بيضحك عليا دلوقتي. يزن يضحك: ليه يعني؟ حصل خير. ريم: ممكن أسأل حضرتك سؤال؟ يزن: اتفضلي. ريم: هو حضرتك تعرف باسم ابن عمي منين؟

يزن: باسم كان معايا في أمريكا في الكلية واتعرفت عليه. كنت في آخر سنتين، هو كان لسه داخل معانا. ريم: آه، طيب. يزن: عن إذنك يا آنسة ريم. ريم: اتفضل. مريم: واد يا مازن، مين دي اللي أبيه واقف معاها دي؟ مازن: أنا عارف، بس دي قمر. مريم: طيب تعالي ورايا كده. مريم: أبيه يزن، استنى. خدنا معاك في العربية، استنى. يزن يوقف العربية: في إيه؟ مريم ومازن: خدنا معاك لو سمحت. بابا وماما رايحين مشوار. استنى، وصلنا. يركب مريم ومازن.

مريم: الـ، قول لي يا واد يا مازن، مين القمر اللي كنت واقف معاها دي؟ مازن: تقصد أنهي اللي لابسة فستان جملي القمر دي؟ مريم: أيوه، هي دي. يزن يوقف العربية وينزل مريم ومازن في نص الطريق ويمشي. مريم: هو إحنا قولنا حاجة غلط؟ مازن: لا، هو بس اللي خلقه ضيق، إنما إحنا بلسم. (يأتي يوم سفر الشركتين)

ريم في التليفون تتحدث: خلاص يا مستر أحمد، قدامي نص ساعة وأكون قدام حضرتك. أيوه، حضرت كل حاجة حضرتك قولتلي عليها. أيوه، متخافيش، إن شاء الله هكون عند حسن ظنك. تخرج ريم هي وطاقم العمل. ويتواجدون كلهم أمام شركة يزن بيه. مستر أحمد: يا جماعة، الباص ده هيوصلنا إن شاء الله لحد الفندق اللي هنقيم فيه، وهيكون فيه استراحات في الطريق.

ريم: مستر أحمد، أنا آسفة، أنا مش هعرف أركب معاكم. أنا عندي مشكلة، مش بعرف أركب مكان ويكون معايا عدد كتير من الأشخاص. مستر أحمد: طيب يا آنسة ريم، حضرتك ممكن تنتظري، وأنا هطلب لحضرتك عربية خاصة. يأتي صوت من بعيد: استنى يا مستر أحمد، أنا هاخد آنسة ريم معايا في العربية. ريم: لا يا يزن بيه، مش مشكلة، أنا هستنى العربية. يزن: المسافة بعيدة، ومش معقول هسيبك لوحدك مع حد غريب. انتي مسؤولة من الشركة. ريم: شكراً يا يزن بيه.

يركب الجميع في مكانهم، وتركب ريم ويزن العربية وينطلقوا. ريم: أنا آسفة، بس والله أنا لو بعرف أركب عربيات، كنت ركبت. آسفة لتعب حضرتك. يزن: ولا يهمك يا آنسة ريم، أنا معملتش حاجة. أنا كنت كده كده رايح بالعربية. (في منزل عم ريم) محمد عم ريم: انت عارف لو متجوزتش ريم إيه اللي ممكن يحصل؟ باسم: هو أنا قولت حاجة، بس هي عمرها ما هتوافق بعد اللي عملته فيها. ويضحك ضحكة اشمئزاز. محمد: انت تعمل المستحيل، إن شاء الله تبوس رجليها.

باسم: ليه يعني؟ محمد: انت عارف إن أعمامك التانيين هيوزعوا الورث. انت عارف ريم ليها قام يا باسم. لازم تتجوزها، لازم. (ريم ويزن في العربية) ريم نايمة ع الآخر. يزن يبص ريم. ومرة واحدة العربية تعمل صوت وتقف مرة واحدة. ريم: إيه؟ في إيه؟ حصل إيه؟ يزن: مش عارف. تنزل ريم من العربية هي ويزن. ريم: الكوتش فرقع. يزن: والبنزين خلص. ريم: يا حلاوة! يالليلة بيضا! يزن بضحك هستيري. ريم: بتضحك يا أخويا؟ إحنا فين؟ انت بتضحك؟

إحنا هنموت، هنموت! يزن يضحك بشدة: متخافيش يا آنسة ريم، استني بس. ريم: طيب هات التليفون نتصل بحد. يزن بتردد: أصل لما بكون مسافر، مستر أحمد بياخد الفون مني علشان مش بحب حد يزعجني. ريم: إيه؟ عندك حق. تسكت لحظة، ومرة واحدة: نعم يا أخويا؟ بتقول إيه؟ هار أبيض! أنا الفون بتاعي فاصل. يالهوي! الحقونا يا ناس! يا تيتة، الحقيني! هموت! يا تيتة! يزن يسرع على ريم ويمسك بوقها: اسكتي، هتفضحينا، اسكتي. ريم بكتمت صوت.

يزن يشيل إيده: أيوه كده، اسكتي. ريم: طيب، بس إحنا هنعمل إيه؟ إحنا بالليل ودي مصيبة. إحنا كده هنتخطف. يزن: يا آنسة ريم، إحنا مش في فيلم أبيض وأسود. ريم: طيب بص ع الموقع في العربية، شوف إحنا فين. يدخل ريم ويزن العربية وينظرون إلى الموقع. لتجد ريم أن يزن خارج الموقع وهما في مكان تاني خالص. ريم تنظر في عين يزن وتقول بصدمة: إيه ده؟ يزن بخوف: نعم؟ ريم: إيه ده؟ بقولك.

يزن: أصل المشاوير البعيدة دي، بخلي مستر أحمد يوصلني. هو أصل مش بحب أسوق عربية، فمش عارف الطريق قد كده، ومش بركز مع تشغيل الموقع. ريم: أه، أصل انت مش بتحب تركب عربية؟ لالا، قصدي مش بتحب تسوق عربية. ريم ترجع شعرها لورا وتربطه. يزن: انتي هتعملي إيه؟ ريم: خليك عندك، أوعى تتحرك. يزن يجري وريم وراه. استنى عندك، دا أنا مجنونة! استنا! يزن يسرع ويزداد الجو ظلام، وبدأ يزن يختفي من قدام ريم. ريم بخوف: يزن! يا يزن بيه!

بخوف شديد تحس بحركة وراها. ريم: يالهووي! أنتم مين؟ ريم هيحصلها إيه؟ ويزن هيكون فين؟