رواية طريق معقد الفصل الثالث عشر 13 - بقلم ولاء

تذهب ريم إلى البلكونة، وخلاص هتقف على السور. يزن: ريم استني، رررررريم! يجري يزن إلى ريم ويشدها، فتقع على الأرض. ريم: آآآه، ذراعي. يزن: انتي مجنونة؟ حد يعمل كده؟ لو عايزة تموتي، موتي بعيد عني، مش هنا. ريم: يزن، دراعي مش قادرة، بيوجعني جامد. ينحني يزن إلى ريم. يزن: وريني كده. مفيش حاجة، دي مجرد كدمة. روحي الحمام اغسليها، هتبقى كويسة. تقوم ريم لتذهب إلى الحمام. ريم: يزن، تعال بالكشاف بتاعك عشان مش شايفة حاجة.

يزن: أنا عارف إنها ليلة مش باين لوشها ملامح. يأخذ يزن الفون ويدخل مع ريم الحمام. ريم: انت عارف يا يزن؟ يزن: قولي، خير. ريم: انت مهما تعمل فيا، هفضل أحبك عشان انت الوحيد اللي وقفت معايا ومسبتنيش. يزن بنبرة صوت حادة: بس أنا مش بحب غير فرحة، ومافيش في قلبي غير فرحة، وعايزك تحطي كل ده في دماغك كويس أوي. ريم تنظر إلى يزن نظرة يأس، وتتركه وتخرج. تروح ريم على السرير وتنام. يزن: انتي بتعملي إيه؟ قومي من على السرير.

ريم: شوف لك انت مكان نام فيه. يزن: أنا مش بهزر. ريم: ولا أنا. تصبح على خير. يزن: أنا بقولك قومي من هنا. انتي الظاهر كده حد مسلطك عليا. ريم: أنا مش هرد عليك عشان لسه ع المَرض حرج. تصبح على خير. يزن ينفخ ويروح ينام على الأريكة. (تاني يوم) يزن بيتقلب، يروح واقع. يزن: آآآه، ضهري. تخرج ريم من الحمام بعد ما أخذت شور، وهي شعرها مبلول ولابسة الروب بس. يزن: انتي إزاي تطلعي كده؟ ريم: أطلع كده إزاي؟ مش فاهمة.

يزن: أنا قولت إن انتي حد مسلطك عليا. ريم: يزن، بكفاية بقى، أنا مش قادرة أستحمل. تلبس ريم وتنزل تحت. مريم: ريم، يلا عشان تفطري. أبيه يزن صحي. ريم بحزن: أيوه صاحي فوق. ينزل يزن من فوق، وكلهم قاعدين على الفطار. يأتي اتصال لريم. ريم: الو. مروان: آنسة ريم، إزيك؟ ريم: كابتن مروان، عامل إيه؟ أخبارك؟ مروان: انتي ال أخبارك إيه؟ أنا بتصل بيكي بخصوص الموضوع اللي كلمتك فيه.

ريم: أيوه طبعاً، أنا تحت أمرك. إن شاء الله بعد العصر أكون عندك حضرتك، بس انت ابقي ابعتلي العنوان. وتقفل ريم الفون. يزن: والله حلوة دي. لما انتي متجوزة زي ما انتي بتقولي، مش تحترمي الشخص اللي انتي متجوزاه وتعرفيه انتي راحة فين وجاية منين وبتكلمي مين؟ سامي: قصدك إيه يا يزن؟ يزن: قصدي يا بابا إن أنا مش عاجبني نظام حياتي دي. أنا مش عارف أعيش حياتي. أنا اتعلقت بواحدة لا أعرفها ولا هي تعرفني. ريم: يعني انت عايز إيه يا يزن؟

يزن: عايز أطلقك. ريم: وأنا موافقة. رحمة: انتي بتقولي إيه يا ريم؟ وانت يا يزن، لو ما كنتش تعبان ووضعك صعب، كنت ليا تصرف تاني معاك. ريم: لا يا ماما، هو يزن قال الصح. إيه اللي يجبره إنه يعيش مع إنسانة مش بيحبها. عن إذنك يا بابا، أنا هروح عند تيته لحد ما أستاذ يزن يطلق. سامي: استني بس يا ريم، استني يا بنتي. انتي عارفة إنه تعبان ومش عايزين نضغط عليه.

ريم: أنا عارفة يا بابا، وأنا بعمل كده لمصلحة يزن. أنا خلاص مش قادرة أستحمل. عن إذنكم. تطلع ريم غرفتها وتحضر هدومها وتمشي. (منزل ريم) جدتها: مالك يا ريم؟ حصل لك إيه؟ ريم: مفيش يا تيته، أنا كويسة الحمد لله. الجدة: تعالي يا ريم في حضني. تذهب ريم إلى حضن جدتها. الجدة: أنا آسفة يا ريم، حقك عليا من كل اللي بيحصلك، حقك عليا يا بنتي. بس افتكري إن ربنا إذا أحب عبدًا ابتلاه، فـ إن شاء الله خير ولكل ضيق مخرج.

ريم: ونعم بالله يا تيته. الجدة: بقولك يا ريم، ما تيجي نروح البلد نقعد يومين؟ انتي كده كده الإجازة بتاعتك لسه مخلصتش. ريم: أيوه يا تيته. الجدة: طيب خلاص، تعالي نروح البلد نشم هوا ونريح أعصابنا، إيه رأيك؟ ريم: خلاص يا تيته، اللي تشوفيه. (تذهب ريم والجدة إلى الصعيد) عمها عبدالحميد: أهلاً أهلاً، منورين والله، البيت نور بوجودكم. ريم: شكراً يا عمي، ما نتحرمش منك أبداً. الجدة: ربنا يكرمك يا رب.

العم: اطلعي يا ريم غيري هدومك على ما نحضر الأكل. ريم: حاضر. تطلع ريم تغير هدومها وتنزل. مرات عمها: تعالي يا ريم حطي معايا الأكل. ريم تيجي تدخل المطبخ، وأول ما تشم ريحة التوم، تقوم ريم تجري على الحمام وتفضل ترجع على أخيراً. الجدة: ريم، مالك يا ريم؟ انتي كويسة؟ مرات عمها: يالهوي، الحق يا عبدالحميد، ريم وقعت من طولها في الحمام. اتصل بالدكتور. يأتي الدكتور ويكشف على ريم. الجدة: خير يا دكتور، مالها ريم؟

الدكتور: مفيش، كل دي أعراض حمل طبيعية في أول الحمل. مرات عمها تنغمر بالزغاريت. الجدة: حامل إزاي؟