رواية تسنيم العاصف الفصل الأول 1 - بقلم زهرة الربيع

أنا أتجوز خدامة وكمان رخيصة؟ وافقت تتجوز في السر وتبيع ابنها بالفلوس؟ مستحيل طبعًا يا ماما! والدته قربت منه وقالت: يا ابني دي الوحيدة اللي وافقت. هتتجوزها تسع شهور بس. تخلف الطفل اللي محتاجينه وتاخد قرشين وتمشي. قال بغضب: أنا قولت لأ... لأ... أنا عاصف الصقر أتجوز بنت بالفلوس؟ إزاي أقبل كده يا ماما؟ ده أنا أمثالها أحطهم تحت رجلي! ضحكت والدته وقربت منه وقالت:

أنا فاهمة إنت زعلان ليه. كرامتك مش جايباك لإنها رفضتك من غير جواز. بس ده حقها يا عاصف. عاصف بصلها بدهشة وقال بغضب: حقها؟ حقها ده إيه؟ هي الخدامة دي لها حق؟ قالت والدته بضيق: يوه يا عاصف. خدامة خدامة. هي الخدامة دي مش بشر زينا يا ابني؟ عاصف قال بسرعة: بشر. بس مش زينا. ومستحيل تكون زينا. عاملة فيها شريفة ومدارية ورا الخيمة اللي لابساها. أقول يعني من جمالها. أنا عندي استعداد أراهنك على مليون جنيه لو كانت تتشاف أصلاً.

ضحكت والدته وقالت: إنت مالك بشكلها؟ إنت متجوز نيفين من سنين طويلة. ومحصلش حمل ولا هيحصل في حالتها. وجدك مصر متورثش جنيه واحد قبل ما تفرحوا بحفيد. إيه العمل غير كده؟ دي هتخلف الولد وتسيبه وإنت ونيفين اللي هتربوه. مالك بقى بشكلها وحشة ولا نيلة حتى؟ عاصف اتنهد وقال: تمام كل كلامك صح. إيه المانع بقى إنها تخلفه من غير جواز؟ أصلًا محدش هيعرف لحد ما تولده، ولا لازم تتلزق في اسمي الجربوعة دي؟ أمه نفخت بضيق وقالت:

أنا تعبت معاك. البنت مش عايزة تعمل حاجة حرام. هتعترض في دي كمان؟ وبعدين إزاي نقبل يبقى ابنك ابن حرام؟ شوف بقى لو مبطلتش قلة عقلك دي متجيش تشكيلي بعد كده. ولو فعلًا بتعتبرني أمك اللي يهمها مصلحتك وافق عشاني وخلصنا من كل ده. عاصف اتنهد بخنقة وقال: ماشي يا ماما عشانك بس هوافق. بس هي ليلة واحدة هقضيها معاها وبعد كده مش عايز أشوف وشها. تاخديها أوضة تانية وتحبسيها فيها لحد الولادة، تمام؟ والدته ضحكت وقالت:

تمام. كل ده موافقة عليه. بس يا رب إنت بعدين تفضل قد كلامك وتوافق عليه. عاصف مفهمش ولسه هيرد، جات بنت تبان صغيرة جدًا منتقبة وشايلة القهوة وهي بتترجف من الخوف. عاصف بصلها بحدة وهي خافت أكتر. أمه اتنهدت بيأس منه وقالت: تعالي يا نسيم يا بنتي متخافيش. على فكرة عاصف وافق على جوازكم اللي إنتي عايزاه هيتم. عاصف قال بغضب: أنا موافقتش على حاجة. ومستحيل أوافق تكون واحدة زيك مراتي. بس وضع مؤقت. نسيم قالت بصوت هادي:

الحال من بعضه يا باشا. كلنا مضطرين. هنا عاصف وقف بغضب وقال: نعم يا حليتها؟ يمكن حضرتك كمان مش عاجبك؟ نسيم اتنهدت وتجاهلته تمامًا وقالت: تأمريني بحاجة يا سلوى هانم؟ سلوى لسه هترد، عاصف قال بزعيق: هو أنا مش بكلمك؟ إنتي هتبتدي قلة أدب من أولها و -بس قاطعته سلوى وقالت: بس بقى يا ولاد. إهدوا شوية. نسيم يا بنتي. روحي اجهزي. البنات مستنينك جوه. عشان كلها ساعتين والمأذون يوصل. نسيم هزت راسها بحزن ومشيت وعاصف كان بيزعق ويقول:

ساعتين إيه اللي ينفعوا في الأشكال دي؟ دي محتاجة تتنقع يوم كامل على الأقل. أشكال زبالة. نسيم كانت سامعاه وبتبكي جامد بس مشيت وتجاهلت كلامه وهي هتموت من كل حرف بيقوله. بعد ساعتين كان المأذون جه ونسيم جهزت ولابسة نقاب أبيض على الفستان وجاهزة. طلعت وكتبوا الكتاب وهي حزينة جدًا وعاصف كان في قمة الاستفزاز وبيعاملها بمنتهى الإهانة.

خلص كتب الكتاب وقبل ما المأذون يمشي حتى، عاصف قام وشدها بقوة وطلع بيها وهي كانت بتترجف من الخوف. أول ما طلعوا من الأوضة زقها على السرير وقفل الباب وقلع البدلة وقال: إقلعي الزفت اللي لابساه ده. خلينا نخلص. نسيم بقت دموعها تنزل وعاصف قال بغضب وزعيق: اخلصي اقلعي! نسيم اترعبت ولسه هتشيل النقاب، اتفتح الباب و