رواية تسنيم العاصف الفصل الثالث 3 - بقلم زهرة الربيع

مش مشكلتي لو طلعت أنت اللي مش نافع لحاجة ومحصلش حمل. عاصف اتسعت عينيه بذهول وقال: قصدك إيه؟ نسيم ابتسمت على شكله اللي اتغير أول ما سمع كلامها وكملت بنفس الطريقة وقالت: يعني مش مشكلتي لو طلعت صحتك على قدك زي استيعابك كده. عاصف رغم إن الكلام جننه وكان عايز يعاقبها عليه، لكن ظهرت ابتسامة على شفايفه من جرأتها اللي بتصطنعها بالعافية، ومن كلامها اللي هي أكتر واحدة عارفة إنها مش قده. قرب منها وهو بيبصلها بجرأة كبيرة ووقاحة.

نسيم ارتبكت وبلعت ريقها وبقت ترجع لورا. عاصف قال: تمام.. هخليكي بنفسك تحكمي على صحتي. وشدها عليه بقوة وشالها بسرعة ورماها على السرير وقرب منها. بعد فترة كان عاصف أخد شاور وواقف في البلكون بيدخن سيجارة وبص عليها لقاها بتقوم من على السرير بتعب وبتمسح دموعها بصمت وأخدت حاجة تلبسها ودخلت الحمام.

عاصف اتنهد بحزن مش عارف سببه رغم إنه كان مبسوط جدًا وهي بين إيديه. والغريب إنه كانت عنده رغبة شديدة ليها أكتر من رغبته في مراته أو في أي بنت كان معاها، لكن الأغرب إنه اتضايق على حزنها. يمكن لإنها صغيرة ويمكن لإنه حاول كتير معاها قبل كده وبكل الطرق وفضلت محافظة على نفسها، مكانش عارف السبب. كل اللي عارفه إنها مكانتش راضية أبدًا وده محسسه بتأنيب ضمير. بعد شوية خرجت من الحمام وهي دايخة وتعبانة.

عاصف طفى السيجارة بسرعة وتقدم عليها ومسك إيدها وقال: أنتِ كويسة؟ مالك فيه إيه؟ نسيم سحبت إيدها بسرعة وقالت: أنا تمام.. دوخت شوية لإني مأكلتش من الصبح. قالت كده وسابته ووقفت تنشف شعرها، كان شعرها طويل شوية مكانتش لها نفس أبدًا تمشطه. نفخت بزهق وبقت تنشفه بالفوطة علشان ينشف شوية. عاصف ابتسم على حركاتها الطفولية وقرب منها ومسك السيشوار وقال: ده اسمه سيشوار لو متعرفيهوش.. نشفي بيه شعرك.

نسيم بصتله بخنقة وقالت: شكرًا.. مش عايزة حاجة. عاصف ابتسم بسخرية وقال: براحتك.. أنا قولت أعرفك على الحاجات اللي أكيد ماعندكيش علم بيها. نسيم نفخت بضيق وقالت بصوت واطي: اللهم طولك يا روح.. يا رب صبرني. عاصف ابتسم ابتسامة جانبية وقال: بتقولي حاجة يا مدام نسيم؟ نسيم قالت بخنقة: بقول كتر خيرك. عاصف قال: أمم.. ماشي.. أنا خيري كتير قوي.. وقرب منها وقال بهمس: بس للي يقدر. نسيم بعدت بسرعة وبصتله وقالت بتوتر: فيه إيه؟

مش خلصنا؟ عاصف بعد وضحك ومشي ناحية الباب وبصلها بوقاحة وقال: لا.. مخلصناش.. وشكلنا مش هنخلص قريب. قال كده وطلع بره الأوضة ونسيم بقت تبص لطيفه بذهول وقالت: ربنا يستر. أما عاصف فنزل ونادى واحدة من الخدم وقال: حضريلنا عشا كويس.. يلا بس بسرعة. أمه ابتسمت وقالت: لحقت جوعت يا عريس؟ عاصف بعد عيونه عنها ومشى إيده على رقبته بحرج وقال: أحم.. لا مش علشاني.. البنت اللي فوق دي.. أحم.. جاعت وكانت دايخة أحسن تحصلها حاجة نتبلى بيها.

سلوى رفعت حواجبها بدهشة وقالت: أممم.. قولتلي.. طيب.. بالهنا على قلبها. عاصف بصلها وقال: إيه؟ على فكرة مفيش أي حاجة من اللي في بالك ومستحيل يكون.. علشان أنا فاهمك. عاصف قال كده وطلع وسلوى ضحكت وقالت بخبث: أنا كمان فاهماك كويس يا ابن بطني. بعد شوية دخل عاصف وقال بضيق: الأكل هيجي كمان شوية.. تاكلي كويس وبعد كده تخلي بالك لأكلك مش عايز مشاكل في صحتك الفترة دي مش ناقص ابني يطلع ضعيف بسببك. نسيم

ضحكت وبصتله بدهشة وقالت: ابنك؟ هو فين ابنك ده؟ ده أنت لو متجوزني حامل مش هنلحق نعرف بيه. عاصف ابتسم وقال: لا مش حامل.. ولسه طازة.. والحق يتقال.. محدش لمسك قبل كده حتى. نسيم اتكسفت جدًا من كلامه الجريء وقالت: أحم.. إيه الكلام ده ما تتكلم كويس. عاصف قرب منها وابتسم على كسوفها وقال: طب ما تردي.. قوليلي كلامي صح ولا غلط. نسيم بقت تتهرب من نظراته وقالت بتوتر: بتقول إيه أنت.. هو إيه اللي صح ولا غلط؟

عاصف قال: أنا اتأكدت إني كنت غلطان.. وإنك لسه بنت محدش لمسك.. بس اللي متأكد إني مش غلطان فيه إن مفيش ليكي أي تجارب وإنك محدش قربلك أبدًا.. يلا بقى متتهربيش ردي على سؤالي. نسيم بعدت عنه وقالت بتوتر: سؤال إيه مش فاهمة؟ عاصف قال: سؤالي واضح.. كان ليكي تجارب قبل كده؟ مع شباب يعني.. محصلش واحد عمل حاجة كده حاجة كده لمسة كده أو كده.. اخلصي مش هتحايل عليكي متعمليش هبلة.

نسيم اتنهدت وقالت بكسوف: أحم.. فيه واحد كان.. كان جارنا و.. وبيحبني.. ومرة.. أحم.. مرة. نسيم كانت متوترة قوي ومكسوفة جدًا وعينيها في الأرض وقالت: أحم.. مرة نزلت أجيب حاجات.. وأنا راجعة قابلني.. فأخد مني الحاجة وصلهالي.. وهو وبيدهاني حط إيده على.. بس قبل ما تكمل عاصف قال بسرعة وسخرية: أوبا.. حط إيده على إيه؟ قولي يا شريفة يا منتقبة متتكسفيش. نسيم بصتله بضيق وقالت: أنت فهمت إيه؟

حطها على إيدي.. فوق الجوانتي.. بس حسيت إنه قاصد. عاصف اندهش وقال: حطها على إيه يا أختي؟ نسيم قالت بسرعة: على إيدي.. بس زي ما قولتلك حسيته قاصد. عاصف قال: حط إيده على إيدك. نسيم قالت: آه. عاصف رجع قال: وفوق الجوانتي. نسيم قالت: الحمد لله كنت لابساه. عاصف ضحك وقال: دي تجاربك في الحياة؟

يعني بقالك ساعة تطقطقي في صوابعك.. وتتهربي وهتموتي من الكسوف علشان مسك إيدك.. وفوق الجوانتي كمان.. ده أنا دماغي جريت على كل حتة في جسمك.. بفكر حط إيده فين. نسيم قالت بضيق: ده بس علشان ضميرك مش تمام أصلًا. عاصف ابتسم بسخرية ولسه هيتكلم الباب خبط. عاصف راح فتح وكانت الخدامة جايبة الأكل أخده منها وقفل الباب وقال: يلا خدي كلي لأحسن تحصلك حاجة مش ناقصة بلاوي. نسيم بصت

للأكل وبلعت ريقها وقالت: لا.. لا.. مش عايزة.. أنا مش عايزة منك حاجة. عاصف ابتسم بسخرية وقال: لا واضح إنك مش جعانة ده عينيكي أكلت الصينية وإيدي معاها.. اترزعي كلي أنا مش بحب أعيد كلامي كتير. نسيم قعدت وبقت تاكل كتير كانت جعانة جدًا ومأكلتش من الصبح. عاصف بقى يبصلها بابتسامة كانت زي الأطفال وبتاكل بسرعة وواضح عليها الجوع. بعد شوية ابتسمت وقالت: الحمد لله.. شكرًا أنا شبعت.. أقدر أنزل دلوقتي؟ عاصف استغرب وقال: تنزلي فين؟

نسيم قالت: هنزل عند سلوى هانم مش خلاص كده.. خلصنا؟ عاصف قال: أحم.. خلصنا إيه؟ أنتِ مش هتنزلي من هنا.. لحد ما نتأكد إنك حامل. نسيم وقفت وقالت بردح: نعم.. أنت مش قولت ليلة واحدة؟ أنا اتفقت معاكم على ليلة والباقي مش مشكلتي. عاصف وقف وقال بغضب: وطي صوتك وأنتِ بتكلميني.. متنسيش نفسك.. أنا فاكر قولت إيه كويس.. قولت لحد ما نتأكد. نسيم قالت بغيظ: أنت بتستهبل؟ طيب ماشي هفضل في أوضة تانية لحد ما تتأكد من الحمل.

عاصف ضحك وقرب عليها وقال: لا.. مهو لازم علشان نتأكد.. نعيد المحاولة تاني.. وتالت.. وعاشر.. ومن طلب العلا سهر الليالي. نسيم بصتله بذهول وقالت: نعيد إيه؟ إحنا اتفقنا.. أنت.. أنت انسى تلمسني تاني.. فاهم؟ عاصف قرب وقال: هذودلك المبلغ.. متقلقيش.. أنتِ الصراحة عجبتيني قوي وكل ليلة نقضيها سوا هتاخدي تمنها مني.. ده اتفاق ما بينا بعيد عن اتفاقك مع ماما.. قولتي إيه؟

نسيم بصتله بغضب وقالت: مش هتقدر تتخلى عن أسلوبك القذر.. كل ليلة بتمنها ده اللي أنت متعود عليه. عاصف مسكها من دراعها بغضب وقال: الظاهر إنك نسيتي نفسك.. أوعي تفتكري إن علشان كلمتك كويس هتسوقي فيها.. غوري اتخمدي ولازم تفهمي إن أمتى ما يجيني مزاجي عليكي محدش هيقدر يمنعني. نسيم كانت هتنفجر من الغضب ورجلها على الأرض بطفولة وقالت: ماشي.. ماشي أنا الغلطانة إني بتفق مع عيل زيك.. أنا هتكلم مع سلوى هانم وهقولها عليك.

كانت هتمشي بس مسكها من دراعها وكان عايز يضحك على شكلها وهي متعصبة وقال: بقى أنا عيل.. وكمان هتشكيني لأمي؟ نسيم قالت بدموع: أيوه. عاصف قرب أكتر وشدها ليه وقال: طب متتصرفي أنتِ معايا.. على فكرة يا بت أنا مقولتهاش قبل كده لأي واحدة.. أنتِ دخلتي مزاجي قوي. نسيم قالت بسرعة وغضب: بس أنت مدخلتش مزاجي ومش طيقاك. عاصف اتنهد وشالها فجأة ومشي بيها ناحية السرير.

نسيم بقت تحاول تفلت منه لكن مفيش فايدة حطها على السرير ونام جنبها وشدها ليه بقوة. نسيم بقت تزقه وقالت: أوعى سيبني مش عايزة أنام جنبك أنا. بس عاصف قال بغضب: اهمدي بقى.. واسكتي متتحركيش عايز أنام.. وبصلها بشر وقال: لو صحيت على صوت نفسك حتى.. مش هتعرفي هعمل فيكي إيه؟ سامعة؟ نسيم هزت راسها بسرعة وخوف وعاصف قال: شطورة.. وأخدها بين إيديه ونام وهي كانت خايفة قوي بس غمضت عينيها ومسكت فيه بخوف لحد ما اطمنت شوية ونامت.

عاصف فتح عينيه لما اتأكد إنها نامت واتنهد على براءتها، كانت ماسكة فيه بقوة رغم إنه هو اللي مخوفها ابتسم وقربها ليه أكتر ونام هو كمان. في صباح يوم جديد. قاموا عاصف ونسيم على صوت خبط جامد على الباب. نسيم بصتله وقالت بخوف: إيه ده.. هو أنت عليك تار ولا إيه؟ عاصف بصلها وقال بسخرية: آه.. عليا تار وبيستأذنوا علشان ياخدوه هروح أفتحلهم بقى. ووقف ولبس قميصه وطلع من غير ما يقفل زرايره وفتح الباب. اتنهد بضيق لما لقى نيفين

في وشه اتنهد بزهق وقال: كده تخبطي كده يا نيفين.. هي الساعة كام دلوقتي؟ نيفين بصت لنسيم بغضب وعينيها كانت هتحرقها وقالت بسخرية: ناموسيتك كحلي يا عريس.. الساعة حداشر. وبصت لنسيم بغضب وقالت: قومي فزي يا بت حضريلي الفطار.