رواية تيمو الفصل الثامن عشر 18 - بقلم ولاء فتحي

امتي دا وازاي مقولتوليش؟ أنا جاي حالا. شريف: في إيه يا تميم؟ تميم: في حريق في مخزن من مخازن المعدات. شريف: أنا جاي معاك. تميم: لأ، خليك. متنساش إنك تخلص عشان بليل هنروح نطلب إيد ملك. سيد: موضوع بسيط. شريف: طيب، أنا هتصل بشركة التأمين. تميم: متشغلش بالك يا شريف. خلص أنت واجهز لملك وسيب الموضوع دا عليا. لو أنا اتأخرت، روح أنت وباسل وسعاد وبيلا. شريف: متتأخرش. أنت كبير العيلة بعد جدو يا تميم.

تميم: حبيبي، صدقني مش هتأخر. بس مصدقنا ملك رضيت عنك. *** مايا: هو في عروسة تنزل الشغل يوم زي دا؟ ملك: دا هيتقدم، ولسه هفكر. مايا: يا بنتي، دا أنتِ طلعتي روحه من يوم ما فاتحك في الموضوع. ملك: هو بالساهل كده؟ دا أنا ملك السعداوي يا بنتي. مايا: طول عمرك شاطرة في العقود. بس متنسيش، دا شريف شومان من أصحاب شركة من الشركات العالمية، وواقع لشوشته. ملك: عقبالك يا ميوي. مايا: (بتنهيدة)

معتقدش. للأسف، الوحيد اللي قلبي دق له طلع متجوز وعنده بنت. ملك: يمكن مطلق؟ مايا: بالرغم إنه إنسان بسيط، بس مختلف. تعرفي، أنا حسيت إنه ملاك ربنا بعته ليا يحرسني ويجيب لي حقي. تعرفي إنه خلى رائف يعتذر ويسيب البلد؟ تعرفي إن لولاه مكنتش أعرف جنان رائف كان ممكن يوديني لفين؟ ملك: (بحزن) حبيبتي، إحنا لسه ما نعرفش عنه حاجة غير إنه شاب وسيم ومحترم ومثقف. مايا: وعنده بنت. ملك: ها، هتكوني معايا النهاردة ولا إيه؟

مايا: أنتي أختي، مقدرش أسيبك. ملك: ربنا يخليكي ليا يا أحلى أخت. وحضنتها. يلا بقى بينا ننزل نشتري لبس جديد، عاوزة أجننه. مايا: الله يكون في عونه. *** تميم: سيد، أنا عاوز أعرف الحريق دا حصل إزاي. سيد: ساعتين يا باشا وتقرير هيكون عند سيادتك. تميم: ساعة بالكتير يا سيد، وعاوز اللي عمل كدا تحت إيدي. أعمل إيه أنا بالتقرير؟ هو حد قالك إن شركة التأمين... سيد: أوامر حضرتك. أستأذنك. تميم: اتصل بسعاد. سعاد: آلو يا تميم، أنت فين؟

تميم: أيوه يا ماما، أنا في مشكلة في الشغل بخلصها. حضرتك في البيت. سعاد: أيوه يا حبيبي، متنساش إن النهاردة هنخطب لشريف. تميم: متقلقيش، كل حاجة مترتبة. والشيكولاتة هتوصل من سويسرا على حضرتك. وعاوز حضرتك تبعتي للجواهرجي يجيب خاتم ألماس في علبة شيك. سعاد: هو النهاردة هنتقدم؟ بس... تميم: معلش يا ست الكل، ياريت بس تجيبي حاجة تليق بشريف شومان. أنتي عارفه خالتي مسافرة. سعاد: حاضر يا حبيبي.

تميم: طيب يا ست الكل، أنا لازم أقفل. *** شريف: آلو يا ملوكة قلبي. ملك: مستر شريف، خير، في حاجة؟ شريف: أه، في يا أستاذة. إن لازم تكلمي زوجك المستقبلي بشكل أفضل. ملك: أنا لسه ما وافقتش. لسه هفكر. شريف: وعلي إيه يا ملوكة؟ أنا بقول ناجل لما تثقي في قرارك. نيجي. وبالمرة بقى نراجع كل العقود. ملك: بص يا شريف. متلعبش معايا عشان متزعلش. شريف: أموت أنا في اللعب مع القطط. بقولك إيه، هتلبسي لون إيه عشان نعمل ماتشينج؟

ملك: هلبس أسود. يوم زي دا هلبس إيه يعني؟ شريف: الله على جمال الأسود. وفجأة، ما تظبطي نفسك يا ملك كدا بدل ما ألبسك أسود على طول. ملك: الله يا شريف، أنت بتزعل بسرعة. هلبس بلو. شريف: طويل وبكم. مش عاوز حاجة تبان. ملك: هلبسلك ملس يعني ولا إيه؟ شريف: لأ، لسه على الملس شوية. بس حذاري... حاجة تبان منك. هيكون معايا باسل أخويا وتيمو. ملك: وبنته هتيجي؟ شريف: بنت مين؟ ملك: بنت تيمو. ضحك شريف بصوت عالي: نسمة؟ لأ، مش هتيجي.

ملك: بتضحك ليه؟ شريف: بعدين يا زوجة المستقبل المصون. هتوحشيني لغاية بليل. بقولك إيه، ما أجيب عمك الشيخ أبو عمة معايا؟ ملك: تضحك وتقفل السكة وهي بتقول: مجنون. *** ليلي: يا بابا، لو سمحت لازم تاكل عشان العلاج. والد ليلي: يا حبيبة قلبي، مش قادر. وأنتي كمان تعبانة. ليلي: أنا بقيت كويسة. الممرضة اللي كان جايبها تميم خلصت شغلها وقالت إنّي بقيت كويسة. والد ليلي: تميم دا إنسان مفيش منه.

ليلي: عندك حق يا بابا. من يوم وفاة حاتم وهو ما سابنيش أنا ولا نسمة. والد ليلي: مهو صاحب عمره يا بنتي. ليلي: بس يا بابا، دا هو اللي بيربي نسمة، وفعلاً متتعرفش أب تاني ليها. والد ليلي: أنا شرحت لـ نسمة كل حاجة. لأنها بقت كبيرة. نفسي تميم يكون من نصيبك علشان أطمن عليكي قبل ما أموت. ليلي: بعد الشر عليك يا بابا. تميم مينفعنيش يا بابا. متنساش إن حاتم دا حب عمري.

والد ليلي: بس الدنيا صعبة يا بنتي، ومتنسيش إن أهل حاتم رفضوا يدوا ليكي ميراث نسمة. ليلي: أنا مش عاوزة منهم حاجة. لما نسمة تكبر هي تطالب بحقها. *** (فلاش باك) تميم في المستشفى جنب صاحب عمره. حاتم: تميم، وصيتك ليلي ونسمة يا تميم. تميم: يا حبيبي، أنت اللي هتربي بنتك. ولازم تكون نفسيتك أحسن عشان العلاج، عشان ليلي حب عمرك. حاتم: خلاص يا تميم، أنا تعبت. المرض دا عذاب وجحيم. تميم: أنت قوي يا حبيبي.

حاتم: أوعدني إنهم يكونوا تحت وصايتك. أهلي ما بيحبوش ليلي، وخايف عليها بعديا. أوعدني يا تميم. نسمة هي كل حياتي. تميم: أوعدك يا حبيبي. بس أنت اللي هتربي نسمة. حاتم: ممكن تدخل ليلي؟ عاوز أكلمها قدامك. ليلي: حاتم، هتكون كويس يا حبيبي. حاتم: ليلي، اسمعيني. لو جرالي حاجة، أي حاجة، تميم بدالي. اعتبريه أخويا. متتكسفيش. عاوز أطمن عليكي وعلى نسمة. تميم: ليلي، حاتم له نسبة في شركة من الشركات. بس بعقود من الباطن علشان...

حاتم: خليها باسمك يا تميم. لأن لو نقلتها باسم ليلي، أهلي مش هيسكتوا. وأنا هعمل لها عقد الشقة والعربية. خدهم بالتوكيل، وثقهم. ليلي: أنا مش عاوزة حاجة. أنا عاوزاك أنت يا حاتم. حاتم: ليلي، وصيتك. نسمة نصيبي اللي عند أهلي، أنا كاتبه باسم نسمة. والعقود عند تميم. ليلي: نسمة عاوزاك أنت. حاتم: اخرجوا بره يا تميم. عاوز أرتاح. للأسف، مات حاتم، وأصبح تميم مسؤول عن نسمة وليلي مسؤولية كاملة. ***

بليل، لبست ملك فستان رقيق ومحتشم، بس ضيق. شريف لابس بدلة بترولي. ومعاه سعاد وباسل وتميم وميسون. ملك معاها باباها ومامتها ومايا. طلبوا إيد ملك لشريف. ووالد ملك طبعًا معندوش مشكلة، لأن معروف مين شريف شومان. ملك: أفكر. شريف: طيب، إيه؟ نمشي إحنا؟ والد ملك: لا يا حبيبي، نص كلام ملك. ضحك. ملك: كدا يا بيبو؟ تبعني من أول قلم؟ سعاد: (بضحك) مش ممكن. دا ميسون رقم 2. ميسون: الله يا مامي، هو عشان بتحبي باسل بتقفي في صفه؟

أنا بنتك برضه. وضحكوا كلهم. وهنا صوت تميم: طيب يا فندم، إحنا بقى نقرا الفاتحة، والخطوبة بعد شهر تكون ماما شريف رجعت هي وجدو من السفر. إيه رأيك حضرتك؟ يلا بينا. وقراوا الفاتحة. وأخرجت بيلا الخاتم. يقدمه شريف لملك. مايا: ياااه، أخيرًا هيكون في فرح. مبروك يا ملوكة. وحضنتها. وطول الوقت نظرات مايا خلسة لـ تميم، وإنه إد إيه إنسان محترم وراجل، وهو اللي بيدير الموضوع لصالح صديقه.

مايا متعرفش إن تميم ابن خالة تميم، لأنها كانت مع ملك وقت وصلهم وتعارفهم. كل اللي وصلهم إن أخت تميم خطيبة أخو شريف. ملك: عقبالك يا مايا. مايا: أنا أسعد إنسانة بيكي يا لوكا. *** خلصوا وخرجوا. شريف: تميم، عملت إيه في حريق المخزن؟ تميم: الموضوع خلص يا حبيبي، متشغلش بالك. شريف: إزاي يعني يا تميم؟ تميم: حد كان عاوز يلفت نظرنا. شريف: وفي حد عينه منزلتش من عليك؟ مأخدتش بالك؟ تميم: أنت كنت في إيه ولا في إيه؟

شريف: أنا لو ملك كانت رفضت، كنت خدت مايا. تميم: (بضيق) بلاها سوسو، نديك فوزية. شريف: دي فوزية دي حرية. تميم: اتلم يا ابني، أحسن أخلي وشك الحلو دا مينفعش. شريف: وعلي إيه؟ دا تلاقي وشي دا اللي وقع ملوكتي. *** بترد على التليفون بتوتر وصوتها واطي. الو؟ مين؟ لأ، بس الوقت متأخر أوي ومش هينفع كدا. علاء: أنا هرجع من السفر كمان أسبوعين. مش ناوية تردي عليا؟ سعاد: معلش، ممكن تقفل. الوقت متأخر. علاء: تصبحي على خير. ***

سيد: في المخزن يا باشا. تميم: تمام، أنا جاي له حالا. سيد: يا باشا خليك، وأنا هقوم باللازم. تميم: تمن الخساير ووقت التصليح يدفعه بالكامل، وإلا شركاته هغرقها. سيد: علم يا باشا. *** شريف: إيه اللي بتقوله دا؟ أنا اللي هتصرف.