رواية تزوجني لينقذني الفصل السادس 6 - بقلم رحمة محمد

واول ما فتح الباب وقفو مصدومين لما شافو الخدامه واقفه وبتحاول تسمع كلامهم. رائد بص لجميله ورجع بص ليها. رائد بغضب: انتي بتعملي اي عندك؟ الخدامه بخوف وتوتر: ولا حاجه ي بيه انا كنت جايه اشوفكم عايزين حاجه ولا لا. رائد: طب روحي شوفي شغلك. وقفل الباب لما مشيت جري. جميله بخوف: تفتكر سمعت حاجه؟ رائد بتفكير... *فلاش باك* رائد ببرود: انتو الي اتكلمتو قدامي وصوتكم كان عالي. جميله بضيق: طب انا عايزه اغير الفستان دا اعمل اي.

رائد كان هيرد بس شاف خيال باين من تحت الباب ان في حد واقف برا وبيسمعهم. حاول يغير الموضوع. رائد ابتسم بخبث وقرب منها: سهله تعالي اساعدك. جميله شهقت: يالهوي لا. رائد مقدرش يكتم ضحكته وضحك بصوت عالي علي شكلها. ودي كانت اول مره جميله تشوف ضحكته وابتسمت. رائد قرب من الباب وفتحه بسرعه: طب انا خارج. *باك* رائد ببرود: لا مسمعتش حاجه. وفتح الباب وخرج. جميله وقفت قدام

المرايا وبصت لنفسها بحزن: كان حلمي بسيط وزي اي بنت ان اليوم دا يكون اسعد يوم في حياتي واكون مع الي بحبه واعيش حياه مستقره زي اي حد اعيش في امان. ومسحت دموعها اللي نزلت بحزن. حصل عكس ما اتمنيت تماما. سميه: هاا ي عفاف احكيلي اي الي حصل؟ عفاف: ولا حاجه ي ست هانم معرفتش اسمع حاجه اصل البيه فتح الباب وشافني وانا واقفه. سميه بغضب: يخرابييتك انا غلطانه اني اعتمد علي واحده غبيه زيك. غوري من وشي. عفاف: اسفه ي ست هانم.

ومشيت بسرعه من قدامها. محمود جه من وراها وهو بيضحك: بقا تسيبي الدنيا كلها وتقولي لعفاف؟ سميه بخبث: اخرس انت دلوقتي اما نشوف هنعمل اي. محمود: الظابط دا مش سهل يتلعب معاه. سميه: عيب عليك ي واد تقول كدا وامك موجوده. هنلاقيلو حل نعمل ليهم مشاكل لغايه ما يزهق منها ويطلقها. محمود شاف رائد: هناك اهو. سميه فكرت بسرعه: طب روح اتكلم معاه في نفس الموضوع. محمود: بسسس. سميه زقته: امشي يلا. رائد كان واقف بيتكلم في التليفون.

خرج ليه محمود بسرعه: اي ي عرسنا طالع برا اوضتك لي يوم فرحك؟ (كمل بخبث) العروسه معجبتكش ولا اي؟ غريبه مع انها كانت بتعجبني اول لما... قاطعه رائد ومسكه من هدومه بغضب: اسمع يلا لو جبت سيرة مراتى تاني على لسانك هقطعها. فاهم ولا تحب افهمك بطريقتي؟ (وبصله بسخرية) ولا تحب تاخد بوكس تالت؟ محمود حاول يداري خوفه من نظرات رائد وسابه ومشي. ورائد رجع الاوضة. كانت جميله غيرت الفستان ولابسه بيجامة بيتي وقاعدة بتسرح شعرها.

رائد: اجهزي عشان بكرة هنرجع القاهرة. عندي شغل. جميله كانت سرحانه ومسمعتش كلامه. قرب منها وتكلم: قولت اجهزي عشان هنرجع بكرة القاهرة. سمعتي؟ جميله فاقت وبصت ليه: بكرة بالسرعة دي؟ رائد بغضب مكتوم: وانتي فاكرة اني فاضيلك عشان اقعد اكتر من كدا؟ بكرة هنرجع القاهرة ف اجهزي. ولو مجهزتيش هرجع انا. جميله: هترجع انت ازاى لوحدك والناس...

قاطعها رائد بغضب: يادي الناس كل شوية الناس هتقول الناس هتعيد. ما ولع الناس. انا قولت اللي عندي. لو مجهزتيش هرجع انا. جميله خافت منه وراحت خدت مخدة من على السرير وحطتها على الارض عشان تنام. رائد: انتي بتعملي اي؟ جميله بحزن: هنام. وهاجي معاك بكرة. تصبح على خير. رائد قرب منها بخطوات سريعة وشالها ونايمها على السرير: مفيش نوم على الارض. جميله بخوف: لا نام انت على السرير وانا هنام على الارض. رائد ببرود: مبحبش اعيد كلامي.

كان قريب منها قوي وفضلو باصين لبعض وسرحوا. رائد قرب منها أكتر و... مامت جميله: ي مصيبتي السودة. يعني انت بعت بنتك ي راجل؟ صابر: شششش. واطي صوتك دا. مامت جميله بدموع: ي حبيبتي ي بنتي. الله يسامحك ي صابر. بعت بنتك وخدت التمن وجاي تقولي دلوقتي. لي هعملك اي يعني. صابر: انا عايز الدهب بتاعك. منصور عايز ضعف الفلوس. وانا صرفت نصهُم اصلا. مامت جميله بغضب: وانا اعملك اي؟

انت عارف انت دا دهب امي الله يرحمها. ومحتفظة بيه عشان ادي لبنتي لما تتجوز. واهي اتجوزت اهو وبكرة هدي ليها. وانت اتصرف مليش دعوة. صابر: امال عايزاني اتحبس؟ وانا ماضي على وصولات امانة. قالي ي اوديلو بنتك ي ادخل السجن. مامت جميله بصدمة: ايييي؟ صابر: ايوا. ده الفرح بتاعهم. وقالي يرجع الفلوس اللي ادهالي ي اوديلو بنتك. سميه كانت واقفة برا الاوضة وسمعت كلامهم. ابتسمت بخبث و...