رواية تزوجت عدو حبيبي الفصل الرابع عشر 14 - بقلم ساندي احمد

في يوم جديد كانت ميرنا في المطبخ تحضر الفطور. جاءت سمية: بتعملي إيه يا حبيبتي؟ ميرنا بابتسامة: بعمل فطور. سمية: طب ليه تتعبي نفسك؟ ما في خدامين هنا و… ميرنا: لو سمحتي يا طنط، ما تسميهم خُدامين. سمية بسخرية: أومال اسمهم إيه؟ ميرنا: اسمهم عُمال. سمية: طيب خلصي عشان معاد نزول فهد قرب. ميرنا: حاضر. بعد شوية الكل كان بيفطر. قمر: بقولك إيه يا كبير، عايزة أطلب منك طلب. فهد: اطلبي. قمر: يعني هو أصل… فهد: اخلصي يا قمر.

قمر: بص بئة، صحابي طالعين رحلة وأنا عايزة أروح. قبل أن يجيب فهد، رد يوسف. يوسف: نعم يا روح أمك؟ قمر: إيه الألفاظ البيئة دي اللي بتقولها دي؟ يوسف: انتي لسه شفتي ألفاظ يا بت… فهد: يوسف اسكت ثواني. فهد: الرحلة دي فين؟ قمر: في شرم الشيخ. فهد: أنا ما عنديش مانع. يوسف: بس أنا مش موافق. قمر: وانت مالك؟ انت كنت أبويا أو أخويا أو خطيبي أو جوزي؟ يوسف بغضب: لا، بس أنا ابن خالك. قمر: اديك قلت ابن خالك. فهد: خلاص، كفاية خام.

ميرنا، اطلعي هاتي الفون، نسيت أجيبه من فوق. ميرنا: حاضر. ركبت ميرنا ولكن ملقيتش الفون وكانت بتدور عليه. فجأة لقت فهد قدامها. ميرنا: هو فين الفون بتاعي ده؟ فهد: أهو، معايا في جيبي. ميرنا: وهو طالما معاك، بتخليني ليه أدور عليه؟ فهد: تقدري تقولي بتسلى. ميرنا: واحد مغرور. فهد: أنا عارف نفسي، ويلا روحي اعملي فنجان قهوة قبل ما أروح المكتب. ميرنا: ويا ترى هتعمل زي امبارح بليل ولا إيه؟ فلاش باك في غرفة فهد، الساعة 12.

بعد ما القهوة طلعت مظبوطة، فهد قالها إنه بيحبها سادة. راحت وعملت واحدة تانية. كانت ميرنا واقفة مستنية فهد لما يصحى. ميرنا بصوت واطي: وإن شاء الله هيصحى إمتى دا؟ أنا هصحيه! لا، لا، هو قالي متصحنيش. أوففف، إيه ده؟ فضلت واقفة لحد ما جت الساعة 1. فهد وهو بيتقلب الناحية التانية، فتح طرف من عينه لقاها بتغمض في عيونها. فهد: ميرنا. ميرنا فتحت عيونها بسرعة: أيوه. فهد: إيه اللي موقفك قدامي؟

ميرنا بنعاس: ماهو انت قولت لو لقيتني نايم مصحكش واستناك لحد ما تصحى. فهد: انتي غبية صح؟ ميرنا بنعاس: بقولك إيه، بطل غلط، وهي القهوة جنبك ابقى اشربها. أنا عايزة أنام، مش قادرة. فهد: وتفتكري بعد الوقت ده هشربها باردة؟ ميرنا وهي متجهة الناحية التانية على السرير: لا، وربنا منا قايمة تاني، أنا مش قادرة. ونامت واتغطت. صعبت على فهد. فهد: طب، هعديهالك المرة دي. ميرنا مفيش رد، كانت نامت. فهد: أنا وراكي لحد ما أشوف آخرتك إيه.

فلاش. بعد ما خلص الفلاش باك اللي حصل امبارح. فهد: لا، مش هعمل زي امبارح، بس متتأخريش يا مرمر. ميرنا: نهار أسود. فهد: إيه؟ ف إيه؟ ميرنا: مين قالك على الاسم الـ… ده؟ فهد: اسم مرمر؟ ميرنا بعصبية: متقولش الاسم ده قدامي، أنا صدقت خلصت من رنا هتطلع لي انت. فهد برفع حاجب: صوتك ميعلاش. ميرنا: طيب. ونزلت لتحت تعمل القهوة. في مكان تاني بعيد عن القصر. مازن: يعني كله تمام؟ … طب واللي عندك أخبارها إيه؟

أنا خايف لتنكشف وتودينا في داهية. خلاص، ماشي. بعدين، بعدين. سلام. في القصر. ميرنا بتخبط على الباب بتاع المكتب اللي في القصر. فهد: ادخلي. ميرنا: اتفضل القهوة. فهد كان مشغول باللابتوب. ميرنا بنوتر: احممم، ف فهد. فهد وهو ما زال ينظر في شاشة اللابتوب قائلاً: اممممم. ميرنا: يعني لو ممكن يعني إن… فهد ساب اللابتوب ونظر لها قائلاً: اخلصي، مش فاضيلك، عايزة إيه؟ ميرنا: بكرة عايزة أروح لـ رنا. فهد: ليه؟ إن شاء الله؟

ميرنا: أصل بكرة عيد ميلادي وأنا متعودة أحتفل بيه أنا ورنا. فكنت عايزة أروح أنا عندها عشان نحتفل. فهد بابتسامة: كل سنة وانتي طيبة يا ست… ميرنا: وانت طيب. هاااا، قولت إيه؟ فهد: لأ، مش هتروحي في حتة عشـ… لتتركه ميرنا وتركب فوق ببكاء. في غرفة قمر. قمر: تقدر تقولي انت مالك بيه؟ يوسف: يعني انتي مش هترجعي عن اللي في راسك وتلغي السفرية؟ قمر: لأ، لأ. يوسف: طيب يا قمر، انتي حرة. ثم تركها وهو متعصب. قمر: غبية، غبية!

كنتي سمعتي كلامه يمكن كان حبني. أوففف. في غرفة فهد. كانت ميرنا على السرير بتبكي. دخل فهد لقاها زي الأطفال منكمشة في نفسها. فهد: ميرنا. ميرنا: لا رد. فهد: مرمر. ميرنا بسرعة قامت قائلة: متقولش الاسم ده. فهد: تقدري تقولي بتبكي ليه؟ ميرنا راحت ووقفت قدامه: عشان مش هتخليني أحتفل بعيد ميلادي. فهد: مين الحيوان اللي قال كدة؟ ميرنا: انت. فهد برفع حاجب: ميرنااااا. ميرنا: أنا آسفة.

فهد: ماهو لو حضرتك بتسيبي الواحد يكمل كلامه كنتي فهمتي أنا أقصد إيه. كنت هقول مفيش روح عند رنا عشان هنجيبها هنا ونحتفل سوا. ميرنا بفرحة: بجد والله؟ فهد: أيوه بجد. ميرنا وبحركة عفوية حضنته وووووو.