رواية تزوجت عمدة الصعيد الفصل الثاني عشر بقلم اوشا مصطفي

عيسي بخوف: غزل. عيسي شال غزل اللي مغمي عليها وطلع بيها فوراً على المستشفى. آما في الصعيد، راح قاسم يخطب وفعلاً قرأوا الفاتحة. وقرروا يعملوا خلاص الفرح مش خطوبة. "عند غزل وعيسي" الدكتورة: هي كويسة والبيبي كويس كمان، بس هي ضعيفة شوية، لازم تاخد العلاج ده وتاكل كويس، ويا ريت متتحركش كتير. مليون سلامة يا قمر. خرجت الدكتورة وعيسي كان ماسك إيد غزل وقال: أنا آسف. غزل: بتتأسف على إيه يا عيسي؟

عيسي: الدكتورة قالت متتحركيش كتير وأنا عمال أسفرك هنا وهناك ومش مقدر إنك بتبقي تعبانة، حقك عليا يا ست البنات. غزل: لأ طبعاً يا عيسي متقولش كده، ده شيء طبيعي للحوامل، ارجوك اوعى تعتذر مني تاني. عيسي باس إيديها وشالها وقال: هنرجع الصعيد. غزل: طب ممكن أطلب منك طلب؟ عيسي: إيه هو؟ غزل: أنا نفسي أولد هنا أوي، أنا بحب إسكندرية، خلينا نحضر الفرح ونقعد هنا لحد الولادة. عيسي: كل طلبات غزال مجابة. وشالها وطلعوا بره المستشفى.

وفعلاً سافروا وتم الفرح بحمد الله وقعدوا أسبوع، وكالعادة عيسي غفلهم وسافر هو وغزل. سليم: الواد ده عايش يفاجئنا. رزق: أنا مش عارف مخبلنا مفاجآت تاني. مراد: شغلوا التلفزيون حاجة تسلينا. كل واحد خد مراته وراح يقضي شهر العسل، ما عدا الواد يونس، أصيل ابن الأصيل. يونس: تشكر يا عمي. وقال في نفسه: هغفلكم زي عيسي وأخطف مراتي على أحلى 3 شهور عسل. بيفتحوا قناة الأخبار لقوا خبر عاجل: "خبر عاجل: لقد تم وقوع شركة الدميري جروب."

"وأخذ عيسي السيوفي كل أملاكه بعد اكتشاف كل أعمال السيد دميري القذرة واستخدام الشركة بهدف التغطية على كل أعماله السيئة." "وكشف عيسي السيوفي هذا بكل بساطة عندما حاول السيد دميري إيذائه." "وقام السيد عيسي السيوفي بركوبه للشلاحات وعرض هذا الفيديو له." ولقد تم القبض على السيد دميري بمساعدة عيسي السيوفي. الكل بص لبعضه بصدمة وفضلوا يضحكوا. سليم: مش قادر يخرب عقلك يا عيسي. رزق: الواد ده بيلحق يعمل كل ده امتى؟ وبصوا ليونس.

يونس: يوه وأنا مالي يا لمبي، الباشا يؤمر ويونس ينفذ. عند عيسي على يخت كبير كان بيرقص هو وغزل. وبعدين طلع عقد ألماس مكتوب عليه اسمها بفصوص اللؤلؤ. عيسي: ست البنات ميلقش بيها غير كل الحلويات. وحضنها لبسها العقد. غزل: الله يا عيسي ده حلو أوي. عيسي: مفيش في حلاوتك يا غزال. غزل اتكسفت. وعدت أيام وأسابيع وعدى شهور الحمل وجه يوم ولادة غزل. غزل صحيت بليل وقالت: عيسي أنت نايم؟ عيسي: آه نايم. غزل: طيب بترد عليا إزاي؟

عيسي: نايم بس بتسعبط. غزل: حاسة إني عايزة أولد. عيسي: هرمونات الحمل هتبتدي وأنا مش قادر، بكرة ورايا سفر مهم. غزل بوجع: لأ والله حاسة إني بولد، اااه الحقني يا عيسي. عيسي قام بفزع وقال: أنتي بتولادي بجد ولا إيه؟ غزل: وحياة أمك وديني على المستشفى، أنا بموت. عيسي شالها وطلع يجري. غزل: استنى أنت نسيت حاجة. عيسي: إيه؟ غزل: بنطلونك يا عيسي. عيسي: أحيه. وجري يلبس بنطلونه وأخد غزل وطلع يجري على المستشفى.

عيسي: دكتورة، عاوز دكتورة، مراتي بتولد. جت ممرضة وقالت: إيدا مشاء الله، هي المدام حامل. غزل بعصبية: بولد يا غبية. الممرضة: مالك بس يا أبلة، متعصبة كده ليه؟ هي مالها مراتك يا مز أنت، شكلها نكدية، بقولك رقمي ٠١١... غزل بالشبشب، بالشبشب، وفي المستشفى نزلني يا عيسي، نزلني بقولك. تعالي بقى. عيسي: اطلبوا بوليس النجدة، مراتي هتركب البت الشلاحات. بعد مرور 3 ساعات

خرجت الدكتورة وهي بتقول: مشاء الله، مراتك مكسرة نص طقم طبي في حدود 100 ألف جنيه، وفي دكتورين متخيطين جوه، بس الحمد لله، البيبي بخير، جالكم بنوتة زي القمر، يارب متجوش المستشفى تاني، فرصة معفنة الحقيقة، عن إذنك. عيسي دخل ولقى غزل نايمة بتعب والبنت مشاء الله وزنها حلو وهي كويسة. عيسي شال بنته بحنان وكبر في ودنها وخلص تكبير بحب وقال: الحنين عيسي السيوفي، منورة يا قلب بابا. وقعد

جنب غزل وباس جبينها وقال: حمدلله على سلامتك يا غزال. وبعد أسبوع سافروا الصعيد وعملوا أكبر سبوع في الصعيد. وقفت العيلة كلها عشان تتصور. مراد جنب سهام. بلال جنب عزة. رزق جنب رغده. سليم جنب نواره. عيسي جنب غزل وشايلين بنتهم حنين. يونس وقمر جنب بعض، ويونس حاطت إيديه على بطنها وبيضحك. لأن قمر حامل. وسيف وشهد جنب بعض، وسيف برضوا حاطت إيديه على بطن شهد، وبرضوا كانت حامل. وحور وجواد. وأخيراً شروق وعدنان.

واخدوا الصورة وهما بيضحكوا. هو أهلك وأصحابك اللي بيحبوك، الرزق هو حب الناس ليك، وبس كده. عيسي خلاص عاوزين إيه؟ القصة خلصت، سلام. واه أبو غزل دخل المستشفى عشان بيتعالج. وسعاد جابتها وركبتها الشلاحات ورجعت الفلوس. تمت بحمد الله.