رواية تزوجت عمياء الفصل العاشر 10 - بقلم شيماء ناصر

حنان: اتفضل ياممدوح. ممدوح: يزيد فضلك يابنت عمي. حنان بفضول: أي بق الموضوع المهم اللي كنت عايزني فيه. ممدوح: كنت عايز أطلب إيد كيان لمحمد ابني. حنان وملامح وشها اتغيرت: نعم، إن شاء الله. محمد! إيه ده اللي أجوزه لبنتي؟ أنا بنتي يجيلها أحسن حد. ممدوح: خدي بالك، انتي كده بتغلطي في ابني. حنان: هو أنا لسه هغلط؟ خد بعضك وامشي يا ممدوح. على جثتي لو الجوازة دي حصلت. ممدوح: مفيش فايدة فيكي.

حنان: كله منك يا زفت الطين. لو كنتي اتجوزتي مازن مكنش حصل كل ده. نسمة: قد إيه انتوا كنتوا وحشني قوي. خليكوا معايا شوية. نرمين: كفاية كده ياحبيبتي وهنيجيلك في وقت تاني. ريم كانت في العربية ولسه هتشغلها… أحمد بعصبية: انزل. ريم: في إيه؟ أحمد فتح الباب ومسكها من شعرها وأكمل بنبرة غضب: أنا يا وسخ* اللي تعملي فيا كده. ريم بارتباك: أنا عملت إيه؟ أحمد: يابنت الـ*** رايحة تبعتي فيديو لابني! ريم باستغراب: فيديو إيه؟

والله ما بعت حاجة. أحمد بعصبية وصوت عالي لفت انتباه الناس ليهم: وحياة أمك هتستعبطي من أولها. عملتي اللعبة الوسخة دي ليا؟ أنا كنت هاكتب عليكي عشان اللي في بطنك… لكن قبل ما ريم تتكلم خدت قلم منه. أحمد: كل واحد يخليه في حاله ومحدش يتدخل. ريم: والله العظيم مبعتش حاجة. هو أنا مجنونة؟ أنا كده ببقى بفضح نفسي. أحمد نزل لمستواها: لا متعمليش العاملة وتقولي مش أنا. العبي على حد تاني مش أنا يارخيص*.

ريم بخوف: ابعد عني، انت كده هتسقطني. أحمد: ده إذا كنتي حامل أصلاً يازبال*. الناس بعدوا عنها: دي بتنزف. حد يطلب الإسعاف بسرعة. شخص: حرام عليك.. يابنتي فوقي. أحمد خدها على المستشفى… مسؤول: حضرتك جوزها؟ أحمد: أيوه. مسؤول: هي كويسة؟ مسؤول: محتاجين نعمل محضر. دي اتعرضت لعنف غير إن الجنين مات. أحمد بصدمة: جنين؟؟! نسمة: مالك بقى يا إمامان؟ ناهد بتنهيدة: مفيش ياحبيبتي أنا كويسة. في إيه يا مازن؟ انت بتنهج لي؟

مازن: عايز أتكلم معاكي ضروري. ناهد: قول ياحبيبي في إيه. مازن: لوحدنا يا ماما. نسمة باحراج: عن إذنكم… ناهد: حصل إيه؟ ناهد باستغراب: ماله يا مازن؟ انطق. مازن مسك أيديها: هو هو بيخونك يا ماما. ناهد بدموع: عارفة إنه بيخوني ومن زمان. مازن عروقه برزت: وإنتي ساكتة كل ده ليه؟؟؟؟؟ ناهد: ساكتة عشانك انت وأختك. مازن: إحنا دلوقتي مبقناش صغيرين. كفاية كده. انتي هتطلقي منه. رجل: طلاق مين يلا؟