رواية تزوجت عمياء الفصل الحادي عشر 11 - بقلم شيماء ناصر

رشيد: طلاق مين يلا اللي بتتكلم عليه؟ ناهد: ولا حاجة يا جدو. رشيد: جهز نفسك عشان هتروح شرم بكرة وهتاخد نسمة معاك. مازن بعدم فهم: نسمة مين دي اللي آخدها معايا؟ هو أنا رايح أفسح؟ ده شغل. رشيد: أنا كلامي يتسمع، فاهم؟ مازن: يا جدي، أنا هاخد بالي منها ولا من الشغل. رشيد: مهما قلت، هتاخد مراتك معاك. بره في المستشفى.. ريم بتفوق بتعب: إيه اللي حصل؟ أنا مش قادرة أتحرك. الدكتور: انتي أجهضتي من شوية عشان كده تعبانة.

حمد بحدة: سيبنا لوحدنا. الدكتور: حاضر يا فندم، حمد الله على سلامة المدام. عن إذنكم. أحمد بعصبية: مين يعرف بعلاقتنا؟ ريم بدموع: حرام عليك، كفاية شك فيا. انت اتأكدت إني كنت حامل وسقطت بسببك. أحمد بيمسح على وشه بضيق: أنا عاوز أعرف مين اللي بعت فيديو لمازن؟ ريم: أنا معرفش والله، محدش يعرف حاجة عننا. أحمد: الشغالة اللي عندك دي أنا شاكك فيها، شافتني مرة عندك وهي خارجة. ريم: لا دي واحدة غلبانة متعرفش حاجة.

أحمد: انتي هتستعبطي، اومال مين اللي هيكون حاطتلنا كاميرا في أوضة النوم غيرها؟ ريم بدموع: ممكن كفاية كده وتمشي، أنا عايزة أرتاح. أحمد قرب منها وهمس: وحياة ربنا لو عرفت إن ليكي إيد في موضوع الفيديو هقتلك. ريم: أنا كمان موجوة في الفيديو، هفضح نفسي ليه؟ أحمد بغضب رزع الباب وراه ومشي. مازن: انتي عارفة إنه بيخونك ومن زمان، مقولتيش لجدي ليه؟ ناهد: يابني كان لازم أسكت، مش بإيدي. مازن: ده واحد حيوان.

ناهد: مازن متغلطش في أبوك. مازن باستغراب: هو انتي لسه بتدفعي عنه، لييي؟ ناهد: في الأول والآخر ده أبوك يا حبيبي. أنا بس هنا لحد ما يطلقني وكل واحد يروح لحاله. مازن: تمام. ... بعد ساعة... نسمة: هو انت بتعمل إيه؟ مازن ببرود: بحضر شنطتي عشان همشي. نسمة: تمشي فين يعني؟ هتسبني لوحدي، صح؟ مازن بخنقة: لا ياختي، هتيجي معايا. نسمة بفرحة: بجد؟ وهنروح فين؟ مازن: متفرحيش قوي كده، انتي مش هتخرجي من الفندق. نسمة: يعني إيه؟

مازن: يعني أنا مش رايح أتبسط، ده شغل. هسيبك في الأوضة لحد ما أخلص شغل وأتعشى وأجي. نسمة بحزن: يعني انت هتحبسني في الأوضة؟ مازن قرب منها وأكمل بـ..: هو انتي فاكرة إني هاخدك معايا في كل حتة، ولا إيه؟ مازن ببرود: لا متحلميش إن معاملتي ليكي هتتغير. واسكتي شوية، صدعتيني. في بيت ممدوح.. محمد: يعني إيه؟ هي مش موافقة؟ بابا، أنا بحب كيان.