رواية تزوجت عمياء الفصل السادس 6 - بقلم شيماء ناصر

ناهد: إيه اللي بتقوليه ده؟ حنان: قولت حاجة غلط ولا إيه؟ هي مش عمياء يعني. نورهان بغل: وبعدين إنتي إزاي تخلي ابنك يتجوز واحدة من بره العيلة؟ حنان: وبعدين إنت هتستحملها إزاي دي عايزة مرافق. ابتسام: متزعليش من كلامهم. نسمة قامت من مكانها ونزلت النقاب قبل ما دموعها تنزل: لا مش زعلانة، عن إذنك. ناهد: استني أنا هاجي معاكي. نسمة: مفيش داعي يا ماما، خليكي مع ضيوفك. ناهد بتبص لمازن: روح معاها. مازن كان هيمسك إيد نسمة.

نسمة ندهت على منار: خرجيني. مازن: امشي إنتي. وخد هو نسمة الصالون. مازن أخد باله إنها بتعيط: ممكن تبطلي عياط؟ الموضوع مش مستاهل. نسمة بشهقة: فعلًا الموضوع مش مستاهل. ليه مدفعتيش عني قدامهم؟ مش أنا مراتك برضه؟ مازن: تؤ، الصراحة معاهم حق. أنا اتسرعت حبتين. نسمة زقت إيده: اتجوزتني لي قدام؟ مش عايزني! مازن بهمس: زي ما قولتلك، كنت مضطر. نسمة: تمام، طلقني بقى. مازن: وحياة أمك هيحصل، متستعجليش. أنا أصلًا مش طايق نفسي معاكي.

عمر: يا ابني فينك كل ده؟ جدك عايزك إنت ومراتك. مازن بص لنسمة: امشي. نسمة ماسكة في إيد مازن وبتعيط من غير صوت تحت النقاب. رشيد: يلا يابني، حفيدي وصل. شغل الأغاني. الكل اجتمعوا في الصالون. مازن باستغراب: أغاني؟ مروان: هترقص إنت ومراتك. الدي جي شغل أغنية للعرسان. كلامه بحر حنية... ده إحساس جديد عليا، قبلُه معرفتوش. نسمة: إنت مفيش أي حنية في كلامك. مازن بيمسح على وشه: اخلصي خلينا نرقص. إنتي بتعرفي ترقصي؟

نسمة بصت لمازن: لا، مجربتش قبل كده. مازن سرح في عيونها الخضراء اللي تشبه ورق الشجر. وحاوط إيديه حوالين وسطها وقربها. نسمة حطت إيديها حوالين رقبته. ناهد بحب: يا حبايبي. ابتسام: شكلهم حلو قوي يا خالتي. سماح: عقبالك ياقلبي لما أفرح بيكي. كيان: وأنا كمان ادعيلي. ناهد: يارب يا بنات. أحمد: الواحد بيفكر يتجوز تاني. ممدوح: ماتلم نفسك بقى، إنت متجوز ست البنات كلهم.

حنان بغل: شوفي بيرقص معاها إزاي. مالها بنتي يعني، متجوزهاش هي؟ نورهان: تصدقي إن بنتك أحلى وأجمل من المفعوصة دي؟ وبعدين دي شكلها فقيرة. رشيد مبسوط من اللي بيحصل. مازن شال نسمة ولف بيها. نسمة بترجي: كفاية، حاسة إني دخت. مازن فاق من شروده على صوت تصقيف. حنان: افرحي شوية، لأني مش هرحمك. الكل بيهنوا مازن ونسمة. رشيد: يلا يابني، قطع الجاتوه. مازن مسك إيدها وقطعوا الجاتوه سوا. مازن أكل نسمة وهي كمان أكلته من الجاتوه.