رواية تزوجت ابن عمي القاسي الفصل الثالث 3 - بقلم منه عبد العزيز

باسم: متقلقيش انزلي واقفلي الباب وأنا هنزل أفتح باب الشارع. زينه: ماشي يلا. زينه نزلت شقتها وروقت كل حاجة ولبست عباية مقفولة عشان العلامات اللي في جسمها متبانش. باسم: اتفضل يا أبويا، عامل إيه؟ مصطفى: الحمد لله بخير. باسم: وانتي يا أمي؟ أم باسم: بخير يا ابني، مش ناوي تيجي بقي تقعد معانا؟ باسم: إن شاء الله يا أمي، تعالوا اطلعوا. مصطفى: أخوك فوق. باسم: مش عارف. مصطفى: طيب. مصطفى: إزيك يا زينه؟

زينه: الحمد لله يا عمي، إزيك يا مرات عمي؟ أم باسم (بقرف) : الحمد لله، مفيش في مرة أجي ألاقي وشك منور كده على طول مبهدلة في نفسك. مصطفى: أيوه يا بنتي كده جوزك يبص بره. زينه: حاضر يا عمي، هبقى أظبط نفسي. باسم: هطلع أنا، ابقوا تعالوا. باسم: أنا مش هقدر أطلع، اقعدوا معانا شوية وهنمشي. باسم: اقعدوا معايا يومين. مصطفى: والشغل؟ زينه: خلاص اقعدوا النهاردة، بكرة روح شغلك يا عمي. باسم: أيوه.

أم باسم: خلاص يا أبو باسم نقعد عشان العيال وحشوني، فين إبراهيم؟ زينه: نزل يشوف صحابه، هرن عليه دلوقتي. مصطفى: وحشتيني يا حلا. زينه: سلمي على جدو وتيتة وبوسي إيديهم. أم باسم: كبرتي يا حلا. حلا: أنا كبيرة وبطلع السلم لوحدي وبنزل. مصطفى: عندك كام سنة؟ حلا: أربع سنين ونص. أم باسم: ومين قالك كده؟ حلا: عمو باسم. باسم: شاطرة يا حلا. زينه: عن إذنكم. أم باسم: إذنك معاكي يا اختي. زينه: إيه يا إبراهيم؟ إبراهيم: عايزة إيه؟

زينه: عمي ومرات عمي هنا. إبراهيم: جاين يعني؟ زينه: أقولهم يعني جاين ليه، ومامتك عايزة تشوفك، وتعالى، وأهو هباتوا النهاردة. إبراهيم: طيب جاي، سلام. زينه: إبراهيم هات بيبسي معاك وشوية حاجات من معاك وأنا هديك. إبراهيم: إذا كان كده ماشي، سلام. زينه جابت عصير وطلعت قعدت معاهم. أم باسم: ومسافرتش ليه يعني، وليه آخر الشهر؟

باسم: عادي بقي ومش هتفرق يعني، واحد غيري قال هسافر، صاحب الشغل قال خلاص بلاش أنت تسافر، واخر الشهر في سفر يبقى أسفره. حلا: عمو باسم مش هيسافر، أمال أنا هلعب مع مين؟ ولو سافرت هروح معاك. باسم: أنت تؤمر وأنا أنفذ، يا ثغنن. زينه ضحكت وافتكرت الكلمة دي باسم كان بيقولها. فلاش باك. زينه: لا يا باسم مفيش جيش، أنا كده هقعد كتير وأنا مش عايزة أبقى لغيرك، وكده بابا ممكن يوافق على أي عريس.

باسم: متخافيش، أنا هقول لعمي ميجوزكيش لحد غيري. زينه: باسم أنا مش هفضل مستنية سنتين حرام بجد، عشان خاطري. باسم: طب أعمل إيه؟ زينه: متروحش الجيش وأنت جهز وأنا جهزة نتجوز. باسم: خلاص هكلم بابا وأجي أتقدملك وهشوف حكاية الجيش دي بعدين. زينه: بجد؟ باسم: أنت تؤمر وأنا أنفذ يا ثغنن. باك. زينه: إيه؟ باسم: سرحانة في إيه؟ زينه: لا تعبانة بس شوية. أم باسم: طيب. إبراهيم: ازيكم؟ أم باسم: حبيبي، وحشتني. إبراهيم: وأنتي كمان يا أمي.

إبراهيم: إزيك يا أبويا؟ مصطفى: بخير يا ابني، كنت فين كده على الصبح؟ إبراهيم: صاحبي رن عليا ونزلت نقعد على القهوة. حلا لزينه: أهو مجاش، صالحني. زينه: هيجي دلوقتي، استني. زينه: إبراهيم تعالي ثواني. إبراهيم: عايزة إيه؟ قاعد مع أمي وأبويا. أم باسم: قوم شوف مراتك يا واد. إبراهيم (نفخ) : حاضر. إبراهيم: عايزة إيه؟ اخلصي. زينه: بره في الصالة. أم باسم: إبراهيم زي ماهو وبقي أسخم من الأول. باسم بص لأبوه وضحك.

مصطفى: ملناش دعوة، ابنك كده ومحدش بيعرف يغيره، هو طبعه وحش. حلا: أيوه فعلاً طبعه وحش، بابا بيقعد يضربني كتير. أم باسم: عيب يا حلا. حلا: هو أنتي كمان يا تيتة ماما تقولي عيب، متقوليش كده، وبرضو لما أطلع عند عمو باسم بيقولي عيب. باسم: لأني عيب تقولي على بابا كده. حلا: حاضر، هسكت. مصطفى: البت هتكره أبوها بسبب اللي بيعملوه، إحنا ناخدها معانا. باسم: بدل ما تقولوا بطل اللي بتعمله. مصطفى: هو ومراته ملناش صالح بيهم.

باسم: طيب. في الأوضة. زينه: اتفضل، أهي الفلوس اللي صرفتها، ودول خمس تلاف بتوع الأسبوع، وابقي كلملي حد يشوف الشركة عشان الفلوس قربت تخلص. إبراهيم: ما تيجي نبيع الشركة دي.

زينه: لو بعناها مش هنعرف نعيش تاني، المهم حلا زعلانة وبتقول مش هقعد معاكم تاني وممكن تفضل مع باسم، وأنا مش عايزة بنتي تفضل فوق، وأنا قولتلها بابا هيصالحك، وقعدت تعيط، مش هقولك عشان خاطري عشان عارفة إنك مش بتحبني، عشان خاطر بيري صالح حلا انهارده، البت نفسيتها هتتعب. إبراهيم: وأنتي تعرفي بيري منين؟ زينه: أنت مسجل بيري وهي بترن، بس عادي، وهي مش حاجة عيب، أنت هتتجوزها، فا عادي، وأنا أفرح إنك تتجوز واحدة بتحبها.

إبراهيم: بس مش هطلقك عشان متروحيش لحبيب القلب. زينه: بص أنا، باسم مش في حساباتي خالص، أنا هطلق وآخد حلا وأكتبلك الشركة ومش هتشوفني ولا هقولك عايزة جنيه، ومش هتعرف عني حاجة. إبراهيم: هنشوف الحوار ده بعدين. زينه: استنى. أخد الشيكولاتة دي صالح بيها حلا. إبراهيم: ماشي، حضري الكل. زينه: حاضر. خرجوا. إبراهيم: خدي يا حلا. حلا (بخوف) : نعم؟ إبراهيم: خدي الشيكولاتة دي، متزعليش. حلا (بفرح)

: مش زعلانة، ماما قالتلي إنك هتصالحني، فا أنا كنت متأكدة. إبراهيم: ماشي. أم باسم: هاتي حتة بقي يا حلا. حلا: ما شي. أم باسم: لا يا حبيبتي، ألف هنا. باسم بص لقى زينه واقفة بعيد، ولما شافت بنتها فرحانة، فرحت هي كمان رغم اللي هو بيعمله فيها. حلا: اتفضل حتة يا عمو باسم. باسم: لا كلي أنتِ، أنا مش بحب الشيكولاتة. حلا (بهَمْس) : بابا بدأ يحبني. باسم بص لإبراهيم وبعده بص لحلا: أكيد، بس متقوليش عليه حاجة وحشة، ماشي. حلا: ماشي.

بعد شوية. زينه: يلا يا جماعة الأكل جه. أم باسم: يلا. باسم: أنا نازل عندي مقابلة. أم باسم: طب كل وبعدها انزل. باسم: مش هينفع أتأخر. مصطفى: المقابلة مهمة. باسم: آه، هجيلكم بليل. أم باسم: شكلنا هنفرح بيك. باسم حب يعرف إبراهيم إنه مش بيحب زينه: قريب جداً. مصطفى: حلوة. باسم: زي القمر، هروح أنا، مش هينفع أتأخر عليها. أم باسم: روح، وابقي عرفني عليها. باسم: أكيد، يلا مع السلامة. الجميع: سلام. زينه سرحانة ومش بتاكل كتير.

أم باسم: مش بتاكلي ليه يا زينه؟ زينه: مفيش، بس مش باكل كتير. أم باسم: باين عليكي خاسّة، بس كده مش هتبقي حلوة، وابني بيحب الست الحلوة كده يبص بره. زينه بصت لإبراهيم: حاضر، هبقى أهتم بنفسي. أم باسم: أيوه، روحي الكوافير والبسيه. زينه: حاضر يا مرات عمي. إبراهيم: أنتو هتباتوا؟ مصطفى: لا، هنبات فوق مع باسم. إبراهيم: هو أنا مش ابنكم يعني؟ مصطفى: ابننا طبعاً، لما ييجي وقت النوم هنشوف. إبراهيم: ماشي.

فضلوا قاعدين شوية، وباسم جاه وكان طالع شقته. أم باسم: تعالي يا باسم اقعد شوية معانا. باسم: إيه، مش هتيجوا تناموا عندي؟ إبراهيم (ببرود) : لا، هيناموا عندي. أم باسم: هنام هنا النهاردة، وابقي أجلك أنت مخصوص أنام عندك. باسم: عادي، البيت كلها بيتكم، أي حتة تعجبكم. أم باسم: تعالي اقعد معانا عشان هنمشي الصبح بدري عشان أبوك والشغل. باسم: ماشي. أم باسم: إيه بقي، اتعشيتوا بره؟ باسم: مين؟ أم باسم: أنتِ والمزة.

باسم: أمال مش هنتعشى. أم باسم: معاك صورة ليها؟ باسم: لا، قالتلي لما نتخطب أبقى أبعتلك صوري، لكن إحنا لسه مرتبطين، وأخاف أبعت صوري تعمل بيها حاجة. أم باسم: بنت ناس. باسم: جداً، ومحترمة، بس أمها وأبوها ماتوا وعايشة مع ناس قريب أبوها. مصطفى: زي عملت زينه كده؟ باسم: أيوه، باين، بس غلبانة وعلى قد حالهم. أم باسم: اسمها إيه؟ باسم: ها، اسمها نور. أم باسم: حلو اسمها، أكيد حلوة طبعاً. باسم: قمر قوي، وبتهزر وتضحك.

أم باسم: كويس إن في ناس بتهزر وتضحك. باسم: لا، هي كويسة. مصطفى: اللي في الخير يقدمه ربنا، شوف كده ونتقدم. باسم: لا لا، استنى أسافر وأرجع نتقدم. مصطفى: اشمعنى؟ باسم: كده أحسن. مصطفى: اللي أنت شايفه أحسن، ماشي، ربنا يتمم بخير. أم باسم: أخيراً هفرح بيك يا حبيبي. باسم: قريب، ادعيلي أنتِ بس. أم باسم: ربنا معاك ويوفقك يا رب. باسم: يارب. مصطفى: ندخل في المهم، إبراهيم. إبراهيم: إيه يا أبويا؟

مصطفى: زيارة النهارده إني جاي آخد حلا. زينه: نعم؟ تاخد مين؟