رواية تزوجت ابنة عمي الفصل الأول 1 - بقلم رحمة محمد

الأب: أنا جمعتكم النهاردة عشان فيه شوية حاجات جديدة كده هتحصل ولازم تكونوا عارفينها، وخصوصًا إنتي يا جود. جود: وأنا مالي بقى؟ لا يكون انت قررت تجوزني مثلاً وأنا لازم أقول آه، عشان تحرمني من الميراث والجو ده؟ حاتم: بنت، افتكري إنك بتكلمي أبوكي. جود: لأ مش هفتكر، والكلام ده يتوجه لولادك، إنما أنا فبقي مين وسطهم أصلاً؟ أنا ولا حاجة، مش ده كلامك؟ حاتم: جود، كلمة كمان وتصرفي مش هيعجبك.

داليا: سيبها يا حاتم، سيبها. وهي من امتى بتعمل اعتبار أو خاطر لحد؟ جود: طيب، حلو إنك عارفة. خافي مني بقى. حاتم: كفاية كده أوي. كل اللي عايز أقوله إن أحمد ابن عمك هييجي هنا ويقعد فترة لحد ما يخلص الدكتوراه بتاعته. جود بسخرية: طيب، أعمل إيه؟ أشوفله عروسة مثلاً؟ عموماً ده بيتك مش بيتي، واللي حضرتك عايزه يقعد. وبعدين أنت مخالفتش بنات، ولا حضرتك ناسي؟ بعدها سابته ومشيت. داليا: أنا مش عارفة البت دي هتفضل كده لحد امتى؟

مش خلاص بقى اللي حصل حصل، إيه لسه مصرة تقلب في اللي فات؟ سيف: جود مقلتش حاجة غلط. داليا: اسكت إنت، وعلى أوضتك شوف مذاكرتك. متضايقش يا حبيبي. وبعدين أنا بقى مش عارفة إصرارك إنك متقبليش بجواز جود وحسام ليه؟ ده دكتور وبيحبها أوي. حاتم: وهي رافضة، ومش بنت حاتم عثمان اللي حد يجبره على حاجة، حتى لو كنت أنا. داليا في سرها: على مين هتقع يعني؟ هتقع. جود: يا حسن، يا سونة، إنت فين يا عمهم؟

حسن: يا بت، إنتي مش ناوي تبطلي طوله لسان يا عيلة انتي؟ جود: عيلة مين بس؟ ده أنا عندي 24 سنة وتقولي عيلة. حسن: حاسك متضايقة، في إيه يا جود؟ جود: دايماً كده قلبك حاسس. حسن: جوووود. جود: أحمد هييجي القاهرة بكرة.