رواية تزوجت ابنة عمي الفصل التاسع 9 - بقلم رحمة محمد

أحمد: طول عمر جدي كان بيعاملني على إني واحد من اللي بيشتغلوا عنده مش حفيده، وأبويا من وقت ما أمي ماتت واتجوز نجيه وهو نسي تقريبًا إنه خلف حد اسمه أحمد. سيف: طيب، كنت بتعمل إيه وأنت شايف إن الكل ناسيك ومحدش فاكرك كدا؟

أحمد: كنت دايما بصلي وبدعي وأقول يارب، وهو دايما كان بيخفف عني، وكنت بفضل أذاكر كأني كنت بطلع كل الطاقة اللي عندي في المذاكرة، عشان كدا عايزك تبقى قريب من ربنا عشان يحبك ويوريك الطريق الصح. وبعدين يا عم انت وهو، أنت صغير، ده أنت بقيت طولي، عيب عليك. سيف: أحمد، أنا بحبك أوي، متتمشيش، خليك معانا. أحمد باستغراب: وأنت مين قال لك إني ماشي؟ أنا لازق معاك هنا. سيف: وأقول لك على حاجة كمان، ومتقولش لحد.

أحمد: اممم، أقول، شكل في نصيب؟ سيف: مش أوي، بس متسبش جود. أحمد: اشمعنا برضه بتقول كدا؟ على فكرة جود مراتي. سيف: أنت زي ما قولت، أنا مبقتش صغير وفاهم إنك لما اتجوزت جود كان بأمر من جدي وبابا عشان تفضل جود في مصر ومتقدرش تسافر.

أحمد: أنا قولتهالك يا سيف، جود مراتي، وإحنا صعيدة، يعني جو براحتها وتخليني أغير ده مينفعش معانا. تمام، عايزك كدا لما تكبر تبقى عارف ده، طالما أنت اتجوزت يبقى مراتك دي بنتك الأولى، وأنت مسؤول عن حمايتها وراحتها، سوا بقى بتحبها ولا لأ. جود فتحت الباب مرة واحدة: يا سلام، والكلام ده بقى مش بتطبقوا على نفسك ليه يا دكتور يا محترم؟ حسام: حاتم، بقول لك، هو موضوع جود وأحمد ده هيطول ولا إيه؟ حاتم: قصدك إيه بقى؟

جود مراته، يبقى أنت مستني إيه يحصل مثلاً؟ حسام: أنا وأنت والكل عارفين إنها غصب، وإن عملت كدا بس عشان جود متقدرش تسافر لأي مكان وتفضل باقي عمرها جنبك، بس خلاص أنت عملت اللي في دماغك وأمها ماتت، إيه بقى لازمة استمرار وجود أحمد ده معانا؟ خليه يطلقها ويرجع بلده اللي جه منها. حاتم بعصبية: حسام، خلي بالك إنك بتتكلم عن ابن أخويا ها، والبلد دي بلدي وبلد أبويا وبلد جود كمان. حسام حس إنه عك الدنيا جامد: حاتم، مش قصدي أنا بس...

حاتم: حسام، الكلام انتهى لحد هنا، كفاية كدا، جود هتفضل مرات أحمد لباقي عمرها إلا لو هما الاتنين قرروا حاجة تانية غير كدا، وأي حد هيفكر لمجرد تفكير إنه يدخل في حياتهم أنا اللي هقفله، سامع؟ حسام: ماشي يا حاتم، أنا حاولت لآخر فرصة إني مموتكش، بس الظاهر إن خلاص عمرك كدا خلاص خلص.