رواية تزوجت ابنة عمي الفصل الثامن 8 - بقلم رحمة محمد

احمد: أقدر أفهم الهانم واقفة تعمل إيه؟ حسام: والله أظن حاجة متخصكش، أنا وجود أصحابي من زمان أوي. احمد: أداه بوكس في وشه، وهي برضو مراتي من زمان. بعدها شدها من إيديها. جود: آه براحة إيدي، أنت بتقفل الباب ليه ها؟ مش مكفيك اللي عملته أي لسه عايز تكمل؟ احمد: اللي عملته كان في وقت غضب ومستحيل أكرره، أنا أعرف ربنا كويس وبخافه. جود: بسخرية: لا مهو باين، اومال بتشد فيا كدا ليه؟ أي عايز تضرني ولا تحبسني؟

مهو مفيش حد يقفلك فقولت أما آجي عليها. احمد: جود أنتِ بجد شايفاني وحش كدا؟ جود: أنا مش شايفة خالص، ويا ريت تنفذ رغبتي وتحل عني بقى. احمد: يعني أنتِ شايفة إن وجودي في حياتك هين على قلبك مش كدا؟ جود: احمد: تمام يا جود، تمام يا بنت عمي. حسام: أنتِ اتأكدتي من اللي أنا قولتهولك عليه ولا لأ؟ داليا: اللي في دماغك حصل، سمعته لما كان بيقول لحاتم. حسام: يا ابن الـ **** مش هسيبه كدا، هو اللي دخل نفسه في الحكاية يشيل بقى. داليا:

بفرحة: يعني هتساعدني يا حسام؟ حسام: أنا مكنتش عايز أساعدك عشان كنت بحب جود ومش عايز إنها تنجرح أوي حتى تضايق، بس دلوقتي خلاص هي قبلت تكون لأحمد يبقى تستحمل. داليا: صح برافو عليك، جود زيها زيهم كلهم ناس بتوع مصالح وبس. حسام: عندك حق. احمد: بتعمل إيه يا سيف باشا؟ سيف: بلعب بابجي. احمد: يا سلام، ومش بتذاكر ليه؟ أنت امتحاناتك قربت. سيف: مهو محدش مهتم بيا أصلاً ولا حتى فاكر، حتى جود بطلت تسأل عني.

احمد: ولا يهمك، عادي ذاكر أنت لنفسك عشان تبني مستقبلك، طيب أنت عارف إن أنا كان محدش بيسأل فيا بذاكر ولا لا أو حتى عايش ولا لأ؟ سيف: أنت بتتكلم جد؟ احمد: هز دماغه بمعنى آه: ولما افتكروني كان بس عشان فلوسهم ومصالحهم.