رواية تزوجت العمدة الفصل الخامس والأربعون 45 - بقلم سارة خالد

شمس بدموع: هنعمل إيه؟ فارس: ما تقولي هي فين. شمس: في إسكندرية. فارس: تعرفي ساكنة في أنهي منطقة بالظبط؟ شمس: آه، وأعرف العمارة، هي قالتلي العنوان بالظبط. فارس: كويس، يلا. شمس: يلا. فارس: هنسافر، انجزي. شمس: حاضر، هقول لبابا. أمسكت هاتفها وقامت بالاتصال بوالدها، ووافق. عدي: وافق؟ شمس: أيوه. عدي: قولتي له إيه؟ شمس: قولته إني هروح لغزل عشان محتاجاني وكده. عدي: تمام، يلا. شمس: يلا. في اليوم التالي. عند غزل.

غزل: انتوا مين؟ الرجل وهو يشير المسدس عليها: هو فين؟ غزل: هو مين؟ أنا مش من هنا ومعرفش حد والله. الرجل: أمال قاعدة في شقته ليه؟ غزل: انت قصدك على اللي اسمه زياد؟ الرجل: الله ينور عليكي. غزل: في الشقة التانية جه وقالي نبدل، فبدلنا. الرجل: ليه؟ غزل: قال عشان ميشوفش أهله. الرجل: اممم، تمام. ثم أمسك هاتفه وقام بالاتصال برقم. الرجل: الووو، عاوزك تروح تدور في الشقة اللي قبالها. الرجل 2: تمام. بعد وقت رن هاتف الرجل.

الرجل: ها؟ الرجل 2: لقيته يا باشا، شكله كان هيخلع. الرجل: هاتوه وتعالوا. الرجل 2: حاضر يا باشا. الرجل: سعيد. سعيد: نعم يا باشا. الرجل: وصلها بيتها. سعيد: حاضر، اتفضلي. مشت غزل معه بصمت، ثم ركبت السيارة. بعد وقت وصلت شقتها. غزل: حسبي الله ونعم الوكيل، أنا كنت حاسة إنه مش جاي من وراه خير. ثم نامت. بعد مرور ساعات وصل كل من فارس وشمس وعدي إسكندرية. شمس: العمارة دي، هي قالتلي رقمها. فارس: تمام. البواب: عاوزين مين يا بيه؟

فارس: ولما ناس طلعوا وخدوا بنت، مسألتهمش ليه؟ البواب: انتوا تبع البنت؟ فارس: أيوه. البواب: والله يا بيه حاولت، بس أنا مش قد الناس دي. فارس: عاوزين مفتاح شقتها. البواب: هي رجعت يا بيه وكويسة. فارس: بجد؟ لم يستمع لباقي كلامه ودخل العمارة وخلفه شمس وعدي، ثم أخذوا المصعد. دق فارس الباب. فارس: غزززل افتحي. غزززل. شمس: هرن عليها. شمس: مش بترد. عدي: أوووف، أنا مش فاهم هي عملت إيه عشان يحصل كده؟

دا يدوب يوم واحد قعدت فيه هنا، ما اعتقدش عملت أعداء ليها يعني. شمس: مبتنزلش أصلا. ثم قاطعهم فتح الباب. غزل: في إيه؟ اقتربت منها شمس بلهفة ودموع. شمس: غزل، انتي كويسة؟ غزل: أيوه. ثم رفعت عينيها وجدت فارس ينظر لها. غزل: اتفضلوا تشربوا إيه؟ فارس: جعان، عاوز أكل. غزل: تمام، فيه أكل جاهز. فارس: ماشي. ذهبت غزل المطبخ وحضرت لهم الطعام، ثم دخل لها فارس. فارس: انتي كويسة؟ غزل: اممم. فارس: متأكدة؟ غزل: أيوه.

فارس: احكي اللي حصل. غزل: مش مهم. فارس: لا مهم، قولي حصل إيه. غزل: مفيش. فارس: غزل، قولي بقى. غزل بدموع: افتكروني تبع الراجل اللي كان ساكن قبالي. اقترب فارس منها وأخذها في حضنه. فارس: أهدي، ومتبكيش. غزل وهي تمسح دموعها: تمام. فارس بحنية: روحي ارتاحي، وأنا هحضر الأكل. غزل: لا، أنا خلصت. فارس: لا، روحي واغسلي وشك. غزل: تمام. أنهى فارس وغزل الطعام ووضعوه على السفرة. شمس: غزل، إيه اللي حصل؟

غزل: كان بسبب الزفت اللي كان ساكن قبالي. شمس: اللي بدلتي معاه؟ غزل: اممم. فارس: بدلتي معاه إيه؟ غزل: الشقة. فارس: ليه؟ غزل: هو طلب وقال إنه مش عاوز يشوف أهله وبتاع عشان فيه مشكلة. فارس: كنتي رفضتي إزاي يعني تبدلوا؟ غزل: اللي حصل. فارس: طب حد لمسك؟ غزل: لا. فارس: فاكرة المكان اللي حطوكي فيه؟ غزل: اممم. فارس: فين؟ غزل: ليه؟ فارس: قولولي فين. غزل: مش لازم، موضوع وخلص. فارس: كان ممكن يعملوا فيكي حاجة. غزل: معملوش حاجة.

فارس: يعني إيه؟ غزل: يعني الحوار انتهى. فارس: طيب، شلتي هدومك من الشنط؟ غزل: لا. فارس: حلو، ادخل هات الشنط يا عدي. غزل: لا. فارس: ليه؟ غزل: فارس، افهمني. فارس: ممكن ترجعي، وبعدين نتفاهم. غزل: لا. فارس: غزل، أنا مش هطلقك، مش قولتي إنك مش عاوزة تاخدي لقب مطلقة؟ غزل: عادي. فارس: لا، أنا بحبك ومش هطلقك. عدي: أوووه، اتكلموا بعيد طيب، فيه هنا طفلة. شمس بغيظ: طفلة مين؟ عدي: انتي. شمس: مش طفلة. عدي: هههه، ماشي يا ست.

فارس: قومي نتكلم جوه. قامت غزل ودخلت غرفتها. غزل: متحاولش ي فارس، خلاص حوارنا خلص. فارس: بالعكس، ده لسه هيبدأ. غزل: إزاي ده؟ فارس: هنبدأ من الأول وننسى اللي فات، صدقيني، عملت كده عشان متأذكيش. غزل: بس انت ظلمتها. فارس: طب أعمل إيه؟ أبويا مش راضي بيها، معرفش ليه، بس عرفت. غزل: عرفت إيه؟ فارس: عرفت إنها مش نصيبي. غزل: انت عندك مطلق الحرية لو عاوز تكمل معاها، عادي.

فارس: من ساعة اللي حصل ومش بشوف وشها، وقبلها كمان، لأني مكنتش طايقها لما ضربت عليا نار، وفكرك أنا مروقتهاش لما عملت كده؟ لا، رحت عندها وأدبتها، بس هي استفزازية ومش بتتوب. غزل: يعني إيه؟ فارس: يعني ملمستهاش، والفترة اللي كنتي فيها ناسية قربتني منك، فهي لاحظت، فكانت بتعمل أي حاجة عشان تخرب علينا، واليوم اللي روحتلها فيه وانتي جيتي ورايا، أتاريها كانت بتمثل إنها تعبانة، وأنا أصلا طلقتها، وأكيد هترجع لعيلتها. غزل: تمام.

فارس: آسف إني قربت منك لما كنتي ناسية. غزل: كنت بتتأكد ناسية ولا لأ، صح؟ فارس: اممم، ده السبب اللي قربني منك أصلا، وحبيتك. غزل: نعم؟ فارس: إيه؟ أيوه، حبيتك الفترة دي، ظهرلي غزل الحنينة والطيبة، واللي بتسامح، وده حببني فيكي. غزل: آه، عشان كده سويت فيها؟ فارس: لا والله، مش عشان كنتي طيبة، ما انتي افتكرتي أهو ورجعتي غزل القديمة اللي بتخطط وتكدب. غزل: نعم؟ فارس: أه، كده هونت عليكي تسبيني وأنا بتوجع؟ غزل: تستاهل.

فارس: اممم، طب مش عاوزة تقولي حاجة؟ غزل: هسامحك ي فارس، لأن ياما الناس بتغلط وبيسامحوا بعض عادي، بس لو اتكررت، كون مستعد إنك تنساني. فارس: مش هنقعد في البلد، إيه رأيك نقعد هنا في حتة حلوة لحد ما أظبط الدنيا ونبني بيت لوحدنا؟ غزل: بجد؟ فارس: آه، وهشوف لو هبنيه هنا كمان. غزل: تمام. فارس: سامحتي خلاص؟ غزل: اممم. فارس: الحمد لله، تعبتيني ي شيخة. غزل: كده، معملتش حاجة من اللي كنت هعملها.

فارس: نعم ياختي، دا أنا كنت هتعفرت لو مكنتش طولتك. غزل: ما تتعفرت. فارس: ماشي ي ستي، تعالي نطلعلهم. غزل: يلا. فارس: متجيبي بوسة. غزل: لا، واتلم. ثم خرجت. فارس: اتلم! اتلم إيه، انتي مراتي. ثم خرج خلفها. عدي: إيه؟ فارس: فل. عدي: ضحك عليكي، وكل بعقلك حلاوة، أخس. غزل: اممم، جوزي، ملكش دعوة. عدي: دلوقتي جوزك؟ اممم، طيب يا عم، براحتك. فارس: عيل غتت، هتتجوز إمتى ياض؟ عدي: وانت مالك؟ قاعد على نفسك وأنا معرفش.

فارس: أيوه، شوفلك واحدة تلمك. عدي بهيام: يا ريت. فارس: هههه، يلا اخلع من هنا. عدي: اخلع فين؟ فارس: وصل شمس، ومشوفش وشك. عدي: وانت؟ فارس: لا، أنا ومراتي هنقضي شهر العسل هنا. عدي بغمزة: الله يسهله. فارس: شيل عينك من علينا، والدنيا هتمشي تمام. عدي: طب والله انت اللي حسود. فارس: طب يا عم، شكرا، يلا بره بقى. عدي: ماشي، يلا ي شمس، دي عالم مش بيطمر فيها حاجة. شمس: يلا. فارس: يلا، ابقي روح انت الشركة بكرة، خلص كل حاجة.

عدي: لا، يلا بالسلامة يا أخويا. ثم رحلوا. غزل: لذيذ عدي. فارس: ي شيخة. غزل: اممم. فارس: بحبك. غزل: .... فارس: عادي، إن شاء الله مع الوقت هتقوليها. غزل: أنا كمان حبيتك. فارس: بجد؟ غزل: رغم إني مكرهتش غيرك. فارس: الله يخليكي، مش يلا. غزل: يلا إيه؟ فارس بغمزة: ننام. غزل: طبعًا. ثم جرت دخلت الغرفة وأغلقتها بالمفتاح. فارس: غزل، متهزريش. غزل: مبهزرش يا عيني، نام عندك على الكنبة، انت مفكرني هنسي اللي عملته؟

صبرك عليا، هوريك الويل يا فارس مهران. فارس: بت، افتحي الباب ده. غزل: لأ. فارس: منك لله يا عدي، انت وعينك. غزل: هههه، يلا باي يا حبيبي. فارس: ماشي يا غزل، ليكي يوم. بعد مرور خمس سنوات بخير. شمس اتخطبت لصديقها. عدي اتجوز زميلته في الشركة وخلف بنت سماها مرام. غزل خلفت ولد سمته تيام. مسك فارس العمودية من بعد والده. النهاية