رواية تزوجت مجنون الفصل الخامس 5 - بقلم ملك حمدي

عاصي وهو بيعدي الطريق لقي عربيه جايه بسرعه مشفهاش. العربيه خبطته وجع عاصي وكان متعور. الناس اتلموا عليه. في نفس الوقت، بعد ما عاصي مشي، دخلت علشان اتفرج علي التلفزيون عقبال ما يجي. فجاه لاقيت صوت ناس بتصوت. قلبي وجعني اووي وقولت اقوم اشوف. فتحت باب الفيلا لاقيت قدام الفيلا ناس متلميه كتير. نزلت وبصيت لاقيت عاصي غرقان في دمه. جريت عليه. "عاصي عاصي" بصلي بعيونو قبل ما يفقد الوعي. "ب... ح... ب...

"عاصي قوم بقا متسبنيش والنبي" الاسعاف جت وخدوا عاصي المستشفي. وانا جنبه وبصحي فيه. روحنا المستشفي ودخل علي اوضه العمليات. انا روحت كلمت ابراهيم (ابو عاصي) . جه بسرعه. "في اي يمريم اي الي حصل لعاصي" "....... حكيتله كل حاجه. "انا كده فهمت ياريت دي متكونش فعل فاعل. ولو مش فعل فاعل انا عارف مين الي عمل كده وهجيبه" جيت اتكلم. الدكتور خرج. روحت عند الدكتور بسرعه. "ها يدكتور عاصي ماله"

"لا الحمد لله كلو تمام. هو بس ايده الشمال مكسوره ورجله فيها جزعه بسيطه. هو دلوقتي واخد حقنه ونايم" "طب ينفع ادخلو انا مراته" "ايوه طبعا اتفضلي" دخلتلوا بسرعه. لاقيته نايم زي الملايكه. فضلت قاعده بعيط جمبه. لاقيت الي بيحط ايده عليا. ببص لاقيت ابراهيم. "متقلقيش هيبقي كويس" "يارب" "حبتيه" "اوووي" "وهو كمان" "بجد" "ايوه بجد" بصتله ببتسامه وسكت. ................... "يعني اي لسه عايش؟

بص انت تعمل اي حاجه علشان يموت والا واللهي العظيم لهفضحك انت وهتموت في الاخر" "واللهي جبت العربيه وخبطته بس الي لحقته البت مراته" "اعمل اي حاجه علشان يموت. بص اخطف البت دي وانا هتصرف" "واللهي فكره حلوه طب سلام انت وانا هتصرف" ..................... عدي اسبوع ومحصلش اي تغيرات غير ان عاصي ابتدي يتحسن. والمجهول وعمر بيخططوا يقتلو عاصي. "حمدالله علي السلامه يعاصي كده توقع قلبي" "الله يسلمك يمريم"

"مريم كانت خايفه عليك اووي يعاصي" ابتسم لمريم وسكت. وبعدين قال: "مريم" "نعم" "احكيلي قصه عاوز انام" "بس كده من عنيا" ابتديت احكيله القصه. وبعدين لاقيته نام. غطيته وطلعت برا. "خدي يمريم" "اي ده يا عمو" "دي سلسله البسيها واياكي تقلعيها. متقلعيهاش ابدا يمريم فاهمه؟ متقلعيهاش" "انا مش فاهمه حاجه يعمو. اي السلسله دي وليه مقلعهاش" "هتفهمي كل حاجه بعدين" "ماشي يعمو" "المهم يلا روحي عاصي بقا كويس وانتي منمتيش بقالك كتير"

"خلاص ماشي هاخد تاكسي" "لا العربيه مستنياكي. واه استني" خد مني السلسله ولبسهالي. ومسها وهي علي رقبتي وقال: "متقلعيهاش ابدا" "حاضر" "انا ماشيه" "ماشي" نزلت تحت لاقيت العربيه مسنياني. ركبتها والراجل مشي. وفجاه لاقيت عربيه وقفت قدامنا. فالسواق نزل وقال: "ااي ياستاذ مالك واقف كده لي" العربيه كان فيها اربعه بودي جاردات. والسواق الاربعه نزلو ضربوا السواق بتاعي. وجم خدوني وانا بصرخ ومحدش سامعني. .....................

"تمام يبرنس كلو تمام. هي معانا دلوقتي اهي" "تمام هاتها بقا علي العنوان *****" "تمام يبوص" ..... صحي عاصي من النوم ملقاش مريم جمبه. فضل ينادي عليها. دخل ابراهيم. "لسه ماشيه دلوقتي. استنا ارنلك عليها" اتصل بالسواق. مفيش رد. قلق كده. اتصل كمان مره. اتفتح الخط. "ايوه يباشا" "اي يا عمي صبرى فين مريم" "الصراحه يباشا واحنا ماشين جم ناس قدمنا ضربوني وخدوها" عاصي سمع الكلام ده. راكشنات وشه اتغيرت وقال.............