رواية تزوجت ملتزمة ولكن معاقة الفصل الخامس والعشرون 25 - بقلم صباح عبدالله

لسه مش عارفين مين صاحب الأرض الحقيقي، لأن الأرض دي باسم واحد مات من واحد وعشرين سنة ومش عارفين مين الوارث. محمد: إزاي الكلام ده؟ مش الحاج عبد الله هو صاحب الأرض؟ المتصل: لا يا باشا، المعلومات اللي معايا بتثبت إن الحاج عبد الله هو واصي بس. المتصل: على ما أظن إن الحاج عبد الله ده هو الوحيد اللي يعرف سر الأرض دي. محمد: طيب، أنت عرفت إن الأرض دي كام فدان كدا؟

المتصل: والله مش هتصدق يا باشا، ده صاحب الأرض دي يقدر يشتري العالم كله. محمد: كام كدا؟ المتصل: 35 فدان، وكلها بترول. محمد بصدمة: أنت متأكد إن الـ 35 فدان دول كلهم فيهم بترول؟ المتصل: مش قولت لحضرتك مش هتصدق، بس أنا هبعت لحضرتك كل المعلومات اللي تخص الأرض. محمد في القرية. واقف في بيت الحاج عبد الله. الحاج عبد الله: أنت بتعمل إيه هنا؟ أنا متأكد إنك أنت ورا كل حاجة بتحصل.

محمد مستغرب من وجود الحاج عبد الله قدامه، مش كان المفروض يكون مسجون دلوقتي. محمد: هو إيه اللي حصل؟ الحاج عبد الله: ولك عين تسأل؟ أنت إيه يا أخي، مش إنسان؟ الحاجة فاطمة: بوس على إيدك يا ابني، طلع قمر بنتي من الحبس. محمد مصدوم: إزاي قمر؟ هي اللي في الحبس؟ أنا مبقتش فاهم حاجة. الحاج عبد الله: مش أنت اللي عملت ده كله؟ مش أنت اللي حاطط مخدرات في الأرض؟

محمد بص لو يسكت. هو عرف إنه هو اللي عمل كده، المخدرات دي بس كان قصد الحاج عبد الله مش قمر. محمد: أنا عندي استعداد أطلع قمر من السجن قبل ما الليل يجي، بس عندي شرط. الحاج عبد الله: إيه هو؟ أنا موافق على كل شروطك، بس أهم حاجة قمر بنتي ترجعلي. محمد: حلو أوي كدا. أنا عايز أعرف سر الأرض بتاعتك ومين صاحب الأرض دي. الحاج عبد الله والحاجة فاطمة مصدومين: معقولة سر مدفون من واحد وعشرين سنة هيظهر؟

الحاجة فاطمة بدموع: هو أنت عايز تفتح في الماضي ليه يا ابني؟ محمد: هو ده شرطي الوحيد. الحاج عبد الله: أنت مين؟ وإيه اللي عرفك إن الأرض مش بتاعتي؟ محمد: أنا محمد الشرقاوي. محمد: أما عرفت إزاي، فدي حاجة متخصكوش. الحاج عبد الله: أوعدني إن قمر بنتي متعرفش أي حاجة. محمد: أوعدك. الحاج

عبد الله بيفكر في الماضي: أنا راجل من الصعيد ونزلت مصر عشان أدور على شغل. اشتغلت في شركة الناجي في القاهرة، وكان صاحب الشركة شغال على مشروع كبير أوي هو وشركة تانية، بس معرفش شركات إيه. وجه يوم المدير الشغل.