رواية تزوجت ملتزمة ولكن معاقة الفصل الخامس والثلاثون 35 - بقلم صباح عبدالله

في مطار القاهرة قمر واقفة على سلم الطيارة وباصة على بنتها. بدموع وابتسامة: أهلاً بيكي حبيبتي في وطنك. الطفلة باصة على أمها وتضحك وتحط إيديها على وشه. قمر تنزل من الطيارة. شخص: أهلاً بيكي مدام في مصر. قمر: أهلاً بحضرتك. شخص: معاك سيف، شريك في الشركة بتاعتك حضرتك. قمر: اممم أهلاً. سيف: شريك قمر في شغله الجديد في مصر، شاب 29 سنة، شعر أسمر وبشرة قمحاوي وعين سمراء. اممم اتفضل، خليني أوصل حضرتك.

قمر: لا شكر، معايا السواق بتاعي. وتقوم سايباه وماشية. سيف: يالهوي! إيه اللي عملته في نفسها. أمال لو مش جاية من أمريكا كانت لبست إيه على وشها بدل الستارة اللي هي مخلياها زي العفريت دي. (سيف قاصد على نقاب قمر) سيف: يجري ورا قمر. مدام، مدام! قمر: نعم؟ خير؟ في حاجة؟ سيف: (في نفسه) دي باين عليها عصبية وهتزهقني في عيشتي.

سيف: اهدي شوية، أنا اللي جاي أوصل حضرتك، لأن العربية اللي انتي طلبتيها من الشركة مجاتيش، وأنا اللي جيت، ويريتني ما جيت. تحبي تروحي فين وأنا أوديكي. قمر تبص عليه وتحط إيديها على أيده. إزاي بقا العربية متجيش وحضرتك اللي تيجي؟ سيف عينه على حركات قمر. معلش، نصيبي السواد بقا. وبعدين انتي مالك مش طايقة نفسك ليه كده؟ أنا عارف إن أمريكا حلوة، بس مصر أحلى. قمر بعصبيتها من كلام سيف. إنت إزاي تتكلم معايا بالشكل ده؟

وبعدين أنا مصرية وعارفة إن مفيش أحلى من مصر في الدنيا كله. وتفتكر أيامها اللي عاشتها بره مصر وعذابها في الغربة. دموعها تنزل من غير ما تحس. قمر بسرعة، بسرعة البرق تيجي ماسحة دموعها. سيف: إنتي باين عليكي اتعذبتي كتير. قمر: لو سمحت اتفضل وصلني للمكان اللي هقول عليه. سيف: تمام، اتفضلي. في الشركة عند محمد. محمد بصوت عالي وكله عصبية وغضب. إزاي المشروع وقف؟ إزاي؟ ومين وقفه؟ كل الموظفين ساكتين وخايفين يتكلموا.

محمد بعصبيته أكتر ويجي كاسر الفازة. محمد: اتكلموا! حازم: أهدي شوية وأنا هفهمك كل حاجة. محمد: أهدي إزاي؟ إنت عارف لو المشروع ده فشل هيحصل إيه؟ ده الشركة هتدمر. حازم: اهدي، وإنت كده يعني هتخليه ينجح؟ اهدي واقعد وأنا هفهمك كل حاجة. محمد يبص على حازم وكل الموظفين وييجي جايب الكرسي وقاعد. أهو، أديني قعدت. ها، إزاي المشروع وقف؟ حازم: هو مش وقف لوحده، في حد وقفه، والحد ده معاه ورق قانوني وقدر يوقف المشروع بشكل كامل.

محمد: مين ده؟ ورق إيه؟ حازم: أنا عملت تحريات وعرفت إن فيه شركة أمريكية جديدة نزلت في السوق، وصاحب الشركة هو اللي ورا توقيف المشروع، بس مين وليه أنا معرفش. محمد: مين ده وعايز إيه من المشروع؟ قاسم: دي واحدة ست، مش راجل. وبيّن عليها قوي جداً، عشان كده قدرت توقف مشروع محمد الشرقاوي. محمد بصدمة: ست مين دي؟ في مكان تاني. عربية آخر موديل وقفت قدام باب. قمر بدموع: لسه كل حاجة زي ما هي، مفيش حاجة اتغيرت.

سيف بقرف: إنتِ إزاي تعرفي مكان زي ده؟ قمر تبص عليه وترجع تبص على بنتها، تلجيها نايمة. تيجي نازلة من العربية من غير ما ترد على سيف. قمر تفتح باب العربية وبدموع. يا ترى أهلي البيت عاملين إيه؟ وهي داخلة تسمع صوت واحد عمال يزعق والعيال عاملين يلعبوا. قمر: جوري وجوتي كبروا قوي. قمر واقفة على الباب. السلام عليكم ورحمة الله وبركاته يا أهل البيت. الحجة فاطمة بصدمة من الصوت اللي هي سمعته هي وإسراء. إسراء: قمر؟

قمر بدموع: أيوا، قمر. عاملة إيه يا سوسو؟ إسراء تجري عليها وتخدها بالحضن. إسراء بدموع: وحشتيني قوي يا قمر. أنا كنت طول عمري بتمنى بعدك، بس ما كنتش بعرف إنك لما تبعدي هتوحشيني بالشكل ده. قمر تمسح لها دموعها. وإنتي كمان وحشتيني أوي أوي يا إسراء. كلكم وحشتوني. وتبص على الحجة فاطمة والحج عبد الله وتروح عندهم. إيه مش عايزين تسلموا علي؟ ييجي الحج عبد الله ضرابها بالقلم. إنتي إزاي قدرتي؟ إزاي قدرتي؟ وييجي معيط وخده في حضنه.

إزاي يا قمر؟ قدرتي تبعدي عن أهلك الغيبة دي كلها؟ إزاي يا بنتي؟ قمر بدموع وهي في حضن أبوها وتفتكر يوم ما عرفت إن الحج عبد الله مش أبوها الحقيقي. بس أه، هو مش أبوها الحقيقي، بس هو اللي رباها ورباها بكل حب وحنية ومحسسهاش مرة إنها مش بنته، وشالها وهي معاقة. إزاي تنسى كل ده؟ قمر تحضن الحج عبد الله وبدموع: وحشتني أوي أوي أوي أوي يا بابا، وحشتوني كلكم. وتروح وتحضن أمها.

الحجة فاطمة بدموع: أوعي تقربي مني، إنتي مش قمر بنتي. قمر بنتي مش بتقدر تشوف دموعي، بس إنتي خليتيهم ينزلوا وما ينشفوش. إنتي وجعتيلي قلبي وحرقتي عليا. قمر بدموع وتيجي واخدة الحجة فاطمة في حضنها. آسفة، آسفة، آسفة يا ماما. بس والله من غصب عني. إنتوا متعرفوش السنة ونص دول عدوا عليا إزاي. الحج عبد الله يمسح دموعه. احكيلي يا بنتي، إنتي إزاي خرجتي من المستشفى وإيه اللي حصلك.

قمر بدموع: حاضر، هقولكم كل حاجة. بس أنا معايا حد وعايزة أعرفكم عليه. الكل باستغراب: حد مين يا قمر؟ قمر: ثواني هجيبه وأجي. وفي اللحظة دي، الكل ياخد باله إن قمر واقفة على رجليها. الحجة فاطمة: إنتي بتقدري تقفي لوحدك يا قمر؟ قمر بابتسامة: أيوة يا ماما، أنا بفضل الله تعالى قدرت أدوس على رجلي وأمشي كويس جداً. إسراء: إزاي ده حصل؟ قمر: هقولكم كل حاجة والله، بس أعرفكم على الضيف الأول.

وتطلع وترجع شايلة بنت صغيرة في منتهى الجمال. الكل: الله مصلي على النبي! مين البنوتة العسل دي يا قمر؟ قمر بابتسامة: دي جوتي، بنتي. الكل بصدمة: بنتك؟ إزاي؟ قمر لسه هتتكلم، بس حد قطعها بصوت عالي. قمر؟ دي إنتي يا قمر؟ قمر تتلفت تلاقي أخواته واقفين وراها. قمر بدموع: أيوة، قمر. يا قلب قمر. وتروحوا تاخد أخواتها في حضنها. نورهان بتضرب قمر وبدموع: إزاي قدرتي تبعدي عني؟ أنا بكرهك، بكرهك! وتيجي حضنها جامد.

قمر بمزح: ما بين إنك بتكرهيني، احضنيني بس شوية كمان، وأنا إن شاء الله هطلع عند ربنا وهريحك مني خالص. نورهان: بس يارخمة، لسه زي ما إنتي متغيرتيش. قمر: وأنتِ ريح. تسلم على إخواتها الشباب. ولا هتغير يا قمر؟ فتحي: وحشتني قوي يا قمر. قمر: وإنت كمان والله يا قلبي، وحشتني كتير أوي. فتحي: بنتك عسل يا قمر. وييجي واخد منها شايلها. الحج عبد الله باستغراب: بنت مين دي يا قمر؟ وإزاي؟ ومين أبوها؟ قمر: بنت الشيطان.

إسراء: قصدك محمد جوزك؟ قمر: أيوة، بس مش جواز. أنا عمري ما اعترفت بالجواز ده ولا هعترف بيه. الحج عبد الله: بس إيه اللي حصلك وكنتي فين المدة دي كلها يا بنتي؟ قمر تمسح دموعها: هحكيلك كل حاجة يا حج، من أول ما خرجت من المستشفى لحد ما وصلت ليكم هنا.