رواية تزوجت ملتزمة ولكن معاقة الفصل السابع والعشرون 27 - بقلم صباح عبدالله

ومن يومها مفيش حد افتكر أي حاجة حصلت. لحد النهاردة قمر مفكرانا إننا أهلها الحقيقيين، لأن أنا والحجة مفيش واحد فينا خلى قمر تحس إنها غريبة، وحبناها حتى أكتر من عيالنا الحقيقيين. قمر ورثت جمال أمها وشجاعتها وحكمتها، ورثت منهم الحنية. قمر زي أبوها بالظبط، ولم بقعد وأتكلم معاها بحس إني بكلام أبوها الله يرحمه. ودي هي كل الحكاية، حكاية الأرض وحكاية قمر. محمد مصدوم من اللي بيسمعه، يعني قمر مش بنتك؟

قمر بنت يتيمة وهي صاحبة الأرض دي. الحج عبدالله: أيوه، قمر مش بنتي بالدم، بس هي عندي أغلى من روحي. قمر دي نسمة من نسمات الربيع، قمر هي فرحة بيتي، وهي أحن علي أنا والحجة من عيالنا، وإحنا كمان أحن عليها من عيالنا. محمد: أنا عايز أثبت على كلامك ده. الحج عبدالله: ماشي، هثبتلك، بس روح طلّع قمر دي، مش قد بهدلة الحبس. محمد: اثبتلي الأول. الحج عبدالله: هاتي الورق اللي في الدولاب ياحجة. الحجة فاطمة وتمسح دموعها: حاضر ياحج.

وتجيب الورق وتؤدي لمحمد. محمد ياخد الورق ويقرأ، يلاقي إن كل كلام الحج عبدالله صحيح، ومكتوب كمان إنه لو قمر اتجوزت، يكون جائزة الواصي عليها، ويكون له الحق يعمل اللي هو عايزه في الأرض، بس لو هي موافقة. محمد مصدوم ويمسح وشه من العرق، خالص مش قادر يفهم حاجة أو يعمل أي حاجة. محمد وبيشد على شعره جامد: أنا عايز الأرض دي وبأي طريقة، وميهمنيش العواقب. فكر فكر فكر يا محمد، وتيجي فكراه في راس الشيطان. محمد: عندي شرط كمان.

الحج عبدالله: ما أنت عارف كل حاجة، عايز إيه تاني؟ روح طلّع الغلبانة بقا، حرام عليك، دي مش قد البهدلة. محمد: لو ما وافقتيش على الشرط ده، انسى إنك تشوف قمر تاني. الحجة فاطمة: لا يابني، أبوس على إيدك، إحنا هنعمل كل حاجة أنت عايزها، مش كده ياحج؟ وتبص على الحج عبدالله بتراجي. الحج عبدالله: عايز إيه تاني؟ محمد: عايز أتجوّز قمر. الحج عبدالله والحجة فاطمة اتصداموا من اللي سمعوه. الحج عبدالله: بس يابني، قمر. محمد: من غير بس.

الحج عبدالله: بس اسمع يابني، أنا عايز أقولك إيه. محمد: أنا مش عايز أسمع غير "موافق". الحج عبدالله: يابني اسمع، أنا عايز أقول إيه. محمد: وأنا مش عايز أعرف أو أسمع غير كلمة "موافق". الحج عبدالله: هو عايز يعرفه إن قمر بنت معاقة. بس محمد مش مادي فرصة للحج عبدالله. محمد: أنا موافق على الشرط.