رواية تزوجت سلفي الفصل السابع 7 - بقلم اسماء ابراهيم

منصور وهو يتحدث في التليفون: "عايزك تعرفلي كل حاجة عنها، بعتلك صورتها..... تمام بس بسرعة.... يلا اقفل دلوقتي واعمل اللي قلت عليه." منصور بصوت عالٍ: "لازم أعرف وراكي إيه." قاسم: "هي مين يا جدي؟ منصور: "هاا لا أبداً، دي عميلة هتشتغل معانا ولازم نعرف عنها كل حاجة." قاسم: "آه تمام." منصور: "رحيق أخبارها إيه؟ قاسم: "تعبانة يا جدي من ساعة ما عرفت الحقيقة." منصور: "عشان كده كنت مخبي عليها لحد ما تولد، بس القدر ليه رأي آخر."

قاسم: "بس أنا هكون جنبها ومش هسيبها." منصور: "لسه بتحبها يا قاسم؟ قاسم: "كل يوم حبها بيكبر في قلبي، مقدرتش أنساها، زي ما يكون روحها متعلقة بروحي. خلاص مش قادر أخليها تبعد أكتر من كده، أنا هقولها إني بحبها وأطلب إيديها للجواز." منصور: "لسه يا قاسم مش دلوقتي، أنت عارف الصدمة اللي هي فيها. حاول تقربها منك الفترة دي عشان لما تعترف بحبك ليها تكون هي كمان حبيتك." قاسم: "تفتكر يا جدي هيجي يوم وتحبني؟ منصور:

"أكيد يا حبيبي، يلا اطلع ارتاح شوية عشان شكلك تعبان." قاسم: "ماشي يا جدي، تصبح على خير." *** إلينا: "واو الأوضة تحفة بجد، أنا هقعد هنا." ياسين: "آه يا حبيبتي. بس قوليلي إيه جابك بدري كده؟ أنتِ قلتي هتنزلي بعد يومين." إلينا بدلع: "اصلك وحشتني أوي يا بيبي. نزلت وراك على طول. أنت عارف أنا بحبك قد إيه مش كده؟ ياسين وهو يرجع خطوة لوراء: "آه عارف، بس عشان محدش يشوفنا مع بعض." إلينا:

"اخص عليك، محنا على طول مع بعض، هي أول مرة؟ ياسين: "متنسيش بس إنك هنا في بيت جدي يعني في احترام. وأه صحيح، يبقى البسي حاجة طويلة، ماشي؟ إلينا مسكت إيده وقربت منه: "إيه بتغير عليا ولا إيه؟ ياسين: "هسيبك ترتاحي." إلينا: "طب اللي يريحك يا حبيبي." خرج ياسين وهي فضلت واقفة بتبص على كل ركن في الأوضة. *** كان قاعد في البلكونة سرحان فيها وفي جمالها. "اللي واخد عقلك." قاسم: "رحيق." رحيق: "رحيق... قاسم: "سرحان في إيه؟ رحيق:

"ولا حاجة، بفكر في الشغل." رحيق: "تشرب شاي بالنعناع؟ قاسم: "ياااه، لسه فاكرة الشاي بالنعناع." رحيق: "مقدرش أنسى أي حاجة حلوة بينا، خصوصاً الشاي بالنعناع. هروح وأرجعلك." قاسم ابتسم وفرح من قلبه إنها لسه فاكرة حاجة لسه بيحبوها. "ابتسامتك وحشتني أوي يا رحيقي." *** كانت تجلس بين أركان الغرفة تضم نفسها وتبكي بشدة. ماذا فعلت ليحدث كل هذا بها؟

تبكي بصمت، تبكي بحرقة على حبها اللي راح منها. هي تستحق كل هذا الوجع لأنها أحبت شخص بارد لا يفكر بها أبداً. ياليتكِ لم تحبي يا صغيرتي. هذا هو ألم الحب يا سادة. مسحت دموعها بعد سماعها لصوت الباب. ياسين: "ورد عايزك في حـ... "مهما وشك أنت كنت بتعيطي." ورد: "هااا لا أبداً، دي حاجة دخلت عيني." ياسين: "طب وريني كده." قرب منها عشان يشوف إيه اللي في عينيها. ياليتك من غباء انظر لقلبها التي أحبك حد الجنون. ورد ابتعدت خطوة:

"أنا كويسة بس عايزة أنام." ياسين مسك إيدها: "مالك يا ورد؟ اتغيرتي معايا من ساعة ما إلينا جات." ورد: "ده الصح، أنت دلوقتي مينفعش تتكلم معايا، عن إذنك هنام. تصبح على خير." قفلت قبل أن يتحدث، فهو يوجعها بالكلام دونه أن يدري. *** رحيق: "أحلى كوباية شاي بالنعناع." قاسم ابتسم: "تسلم إيدك." رحيق: "قولي يا قاسم، أخوك اتجوز عليا ليه؟ قاسم: "عشان أناني، طول عمره بيحب نفسه وبس." رحيق: "هو أنا في سؤال محيرني." قاسم:

"شكل الليل طويل والأسئلة كتير، اسألي." رحيق: "أنت حبيت قبل كده؟ أو يعني بتحب... قاسم: "امممم... آه حبيت." رحيق: "طب كنت قولتلي إنك حبيت، كنت خطبتهالك. اسمها إيه بقى؟ قاسم: "اسمها؟ *** "أيوه يا باشا، متقلقش محدش عرفني." "عيوني يا باشا، هبلغك بكل حاجة." "لا ياسين ده أكبر مغفل أصلاً، وميعرفش أنا هنا ليه." "إنما بخصوص قاسم، فهو شكله واقع في قصة حب." "تمام يا باشا، في أسرع وقت هنفذ المهمة." منصور: "بتكلمي مين؟

إلينا بتوتر: "......