رواية تزوجت سلفي الفصل الثامن 8 - بقلم اسماء ابراهيم

ايوه يا باشا متقلقش محدش عرفني. عيوني يا باشا هبلغك بكل حاجه. لا ياسين ده أكبر مغفل أصلًا وميعرفش أنا هنا ليه. أما بخصوص قاسم فهو شكله واقع في قصة حب. تمام يا باشا في أسرع وقت هنفذ المهمة. منصور: بتكلمي مين؟ إلينا بتوتر: كنت بكلم بابا يا جدو. منصور: ومالك وشك أصفر ليه كده؟ انتي خايفة من حاجة؟ إلينا: هاا.. وأخاف من إيه ده؟ أنا تعبانة بس من السفر. منصور: اااه السفر قولتيلي. طيب أسيبك ترتاحي بقى.

خرج منصور وإلينا اتنهدت. الحمد لله مسمعش حاجة. رحيق: هاا سرحت في إيه؟ قاسم: عيونك الحلوين. قصدي مش في حاجة. أنا داخل أنام. رحيق: طب ممكن تستنى معايا شوية؟ قاسم: اممم ليه؟ رحيق: أصل أنا زهقانة شوية. قاسم: طب تعالي معايا. رحيق: على فين؟ قاسم شده من إيدها: تعالي بس هخطفك شوية. منصور وهو يتحدث في التليفون: زي ما كنت متوقع. طب دلوقتي تجيبلي كل حاجة عنها في ملف وهتجي بكرة. يلا سلام. نهايتك على إيدي. قاسم: جبتني هنا ليه؟

قاسم: عشان بتحبي البحر مثلاً. رحيق بدموع: قاسم أنا مش عارفة أشكرك إزاي حقيقي. من غيرك مش عارفة حالتي كانت هتبقى إزاي. قاسم قرب منها: عارفة أنا ممكن أعمل أي حاجة عشانك. انتي مش عارفة انتي بالنسبالي إيه. رحيق ضمته: شكراً شكراً بجد. تعالي نقعد شوية. فضلوا قاعدين يتأملوا جوه البحر والسماء مع النجوم. عدت فترة مش عارفة قد إيه بس قاسم قدر يخليني أرجع زي الأول. هو ألطف شخص شفته في حياتي. لولا قاسم مكنتش هقدر أطلع من حزني.

رحيق: قفشتك بتعمل إيه؟ قاسم اتوتر وقفل دفتر المذكرات: هاا لا أبداً. رحيق: وريني كده كتبت إيه. قاسم: خلاص يا رحيق بقى و... أبيه قاسم يلا عشان نمشي على الشغل. قاسم: اااه ااه يلا عشان كده هنتاخر. رحيق: لا روحوا انتوا أنا مش قادرة. في سرها: لازم أعرف المذاكرة دي فيها إيه. خرجت رحيق وورد. وقاسم شال المذاكرة. إلينا: كل دي من إيدي يا بيبي. ياسين: حبيبتي كُلي انتي. ورد بنرفزة: أنا قايمة رايحة الشغل، لأن الجو هنا يخنق.

قاسم: استني يا ورد أنا جاي معاكي. إلينا: هي مالها دي؟ ياسين: متخديش في بالك يلا كملي أكل. ياترى إيه غيرك كده يا ورد من ناحيتي. منصور: وأنتي بقى يا إلينا عايشة برا على طول؟ إلينا كحت. ياسين: اشربي ميه يا حبيبتي. منصور: ألف سلامة. إلينا بتوتر: اه طبعاً يا جدو من ساعة ما اتولدت وأنا عايشة برا. بس كنت بنزل مصر عشان الشغل بتاع بابي. ومامي كمان كانت بتنزل معانا. منصور بنظرة: إلا هو أنا فاهمك. اه بابي ومامي. طب كملي أكلك.

إلينا: لا الحمد لله أنا شبعت. عن إذنكم. منصور: مش ناوي ترجع الشغل ولا إيه؟ ياسين: اه يا جدي هنزل النهارده. عن إذنك. قاسم بعد ما مشي رحيق دخلت الأوضة عشان تدور على المذاكرة. فضلت تدور كتير لحد ما لاقيتها في الدولاب. فتحتها وكان مكتوب:

"النهاردة أول يوم ليكي في الجامعة. خايف حد يقرب منك وأنا مش جنبك. وعد مني مش هسيبك أبداً مهما حصل. عايز أعترف بحبي ليكي بس خايف ترفضي حبي. ساعتها قلبي هيوجعني. بحبك أوووي ياااا رحيقي. حييت عشان أعترف بحبي بس للأسف غيري سبقني. عارف إن أدهم عمره ما حبك. أنا حبيتك أكتر منه. هو خدعني وقالي إنه هيجوزني ليكي. بس أنا مش زعلان. انتي الا اخترتي. أتمنى يكون الشخص المناسب ليكي. هل للعاشق أن يجرح من يحب؟

لا وألف لا. ياليتها لما تكون محبوبتي يوما. حبك أصبح جرح صعب أن يُشفى. هذا أنا لما أنسى أني أحببتك يوماً. بل حبك أصبح يتملك قلبي بكل ما فيه. رحيق أنني أحُبك رغم بعدك عني. أحُبك وأنتي لا تعلمي. يالها تعلم مدة حبي لها. اليوم اشتقتلك. اشتقت ليوم عشته معاكي. لكل لحظة كانت بينا. وحشتيني اوووي يا رحيق. عارفة النهارده خلاص قررت أعترف بحبي ليكي. حاسس إن كل حاجة هتتغير لما تعرفي إني بحبك يا رحيق. بحبك بحبك يا رحيقي."

كانت بتقرأ كل كلمة ودموعها على خدها. قد إيه هي غبية عشان مقدرتش تفهم اهتمام قاسم على إنه حب ليها. رحيق: هانت يا قاسم هانت وهكون ليك. منصور: حبيته يا رحيق. رحيق بخضة: جدي. كان قاعد في مكتبه يفكر في ورد. قطع شروده صوتها. ورد: ياسين. محتاجة توقيعك هنا. ياسين قام قرب منها. مع كل خطوة بيقربها هي بترجع لورا. ورد بتوتر: ياسين اااانت بتقرب ليه؟ ياسين بعصبية: ليييه؟ ورد: ليه إيه؟ ياسين: بتهربي مني ليه؟ بعدتي عني ليه يا ورد؟

ورد زقته: عشان مبقاش ينفع يا ياسين. ياسين: هو إيه اللي مبقاش ينفع؟ ورد انتي الوحيدة اللي بحكيلها كل أسراري، كل حياتي. انتي بس اللي تعرفيها. عارفة بحب إيه وبكره إيه. انتي صديقتي الوحيدة. ورد زقته تاني: أنا مش صديقة ولا عمري كنت صديقة. ياسين بعد خطوة: أمال انتي إيه؟ ورد بدون وعي: أنا بحبك. ياسين: اااي؟