رواية تزوجت سلفي الفصل الثالث 3 - بقلم اسماء ابراهيم

الشاب.. ازيك يا عمي، أنا أحمد. جاي طالب إيد المدام رحيق. قاسم بعصبية.. نعمممممم يا روح أمك! أحمد بتوتر.. في إيه حضرتك؟ جاي طالب إيد المدام رحيق. قاسم.. دا أنت قلبك جامد بقا وبتعدها تاني! و ضربه بالبوكس في وشه. فضل يضرب فيه جامد وأحمد بيحاول يقوم بس مش قادر من كتر الضرب. منصور.. كفاية يا قاسم، الواد هيموت في إيدك. قاسم بعصبية.. إزاي أجرؤ تطلب إيدها؟ انت مش عارف هي من بيت مين؟

وبعدين قبل ما تيجي تسأل يا فندي.. إلا انت جاي تخطبها دي تبقى خطيبتي. منصور.. يا قاسم خلاص، الواد روحه بتطلع في إيدك. حاول كتير جدو يشيل قاسم لحد ما سمعوا صوت رحيق وهي بتقول.. خلاص يا قاسم، جدك بيكلمك أهو، المفروض تسمع الكلام. وهو عرف غلطه وهيمشي. قاسم من غير ما يبص عليها سابها ومشي. منصور ابتسم.. وقال.. معلش يا بنتي، هو قاسم بقى عصبي اليومين دول مش عارف ليه. رحيق.. بعد إذنك يا جدي، هطلع عشان أنام.

منصور.. إذنك معاكِ يا بنتي. ذهبت رحيق وهي ملامحها حزينة على قاسم. ورد.. الخطة نجحت يا جدي، بس يا حرام الواد خد علقة. منصور.. شوفتي إزاي وقعت قاسم وخلّيته يغير؟ طلع بيحبها بس بيداري حبه. ورد.. طب رحيق يا جدي لو عرفت الحقيقة هتبقى نصيبة على الكل. منصور.. محدش يعرف السر ده غيرك يا ورد. خلي السر مكتوم لحد ما رحيق تقرب من قاسم. ورد.. حاضر يا جدي، محدش هيعرف. بس المهم نقربهم من بعض. ***

كان يسوق بسرعة جداً وبيفتكر كل حاجة بينه وبين رحيق. افتكر الطفولة اللي بينهم، كان بيرجع لذكريات الجامعة معاهم. افتكر أسوأ حاجة في حياته يوم ما أخوه خطبها واتجوزها. خدها منه. رغم إن أخوه كان عارف هو بيحبها قد إيه. الحب رجع يصحى من تاني. مشاعره زي ما هي. بيحاول يداري كل وجعه بأنه يداري عيونه عنها.

وقف فجأة قدام ديسكو. نزل بكل عصبية. دخل. حاول ينساها بس قلبه تمرد عليه وخلّاه يحن للماضي. بدأ يشرب. شرب كتير جداً لحد ما بقى دايخ. قام مشي وركب عربيته ومشي. بعد شوية وصل عند المكان المفضل ليهم سوا. البحر. نزل من العربية وكان ماسك الإزازة في إيده وبيصرخ بكل وجع فيه. ليييييه.. ليييه أنا؟ ليه محدش بيحس بالوجع ده؟ هي ليه مش حاسة بيا؟ لدرجة دي بتحبه؟ طب ما أنا كنت قدامها ليه بعدت عني وأنا أقرب شخص ليها؟ فضلتُه عليا؟

وأنا كنت بالنسبالها مجرد أخ وصديق وبس. اللعنة على قلبي اللي حبها وكتم الحب ده لحد دلوقتي. آآآآه... *** كانت بتبكي على عمرها اللي بيضيع ما بين إيدها ومش عارفة تعمل إيه بسبب الضغوطات اللي عليها. كل شوية شخص يجي يتقدم ويضرب بسبب قاسم. ويقول إنها خطيبته هو. عارف إنها رافضة تتجوز أي حد حتى لو هو. ليه مصمم يعمل معايا كده؟ شوفت يا أدهم حياتي بتدمر إزاي وأنت مش موجود؟ بعدت عني وعن ابننا اللي لسه ما جاش. ليه يتولد من غير أب؟

مش كفاية أنا اتولدت لقيت نفسي من غير أب وأم. هو كمان اتحرم من الأب. بس أنا هعوضه عن كل حاجة. هكون ليه الأب والأم. ومش هسمح لحد إنه يقرب مني مهما كان مين. أنا لسه بحبك يا أدهم. حبك في قلبي هو اللي مصبرني على فراقك. الذكريات اللي بينا هي اللي مخليني عايشة لحد دلوقتي. بس أنا خلاص تعبت يا أدهم تعبت وطاقتي خلصت. فراقك صعب عليا أوووي. كل ليلة بنام وأنا قلبي خايف. الخوف بقى متملك مني يا أدهم.

وقالت بدموع.. بعدت وسبتني ليه يا أدهم ليييه.. لييييه؟ وحشتني أوووي يا أدهم. *** ورد وهي بتتكلم في التليفون.. بجد يعني أنت هتنزل من السفر بكرة؟ ورد بفرحها.. يا أحلى خبر سمعته. فرحتني أوووي إنك نازل. ورد.. أوعى تنسى الهدية بتاعتي وإلا أرجعك لندن تاني. ورد.. خلاص أشطا، هستناك في المطار. يلا باي. فضلت تتنطط على الأرض زي الأطفال وفرحانة جداً إن أقرب شخص ليها هينزل بكرة. منصور.. مالك يا بت اتهبلتي ولا إيه؟

ورد بتوتر.. هااا، أبداً يا جدي. أصل.. اممم، أصل ياسين نازل مصر بكرة. منصور بغمزة.. طب ما أنا عارف يا بت. وكمان هو رن عليا. ورد قربت من جدها.. عارف يا جدو، أنا خايفة أوووي إنه يبعد عني. منصور.. لو بيحبك زي ما أنتِ بتقولي يبقى هيجي يطلب إيدك مني. ورد.. أبصم بالعشرة إنه بيحبني. بيحبني أوووي كمان. هو مش ابن عمتي وبس يا جدو، هو أقرب إنسان لقلبي. منصور.. والله عاد، إزاي بتتكلمي في الحب كده قدامي ومش خايفة مني؟

ورد.. يا جدو، دا أنت الصديق الوحيد ليا. أنت بير أسراري يا حبيبي. منصور.. يا بت يا بكاشة. تعالي في حضن جدك. *** في عز الليل داخل قاسم وهو سكران ومش في وعيه. اتجه لغرفة رحيق. رحيق حست بحد بيخبط على الباب. فتحت الباب. قاسم.. في حاجة؟ قاسم زقها جوه. رحيق بخوف منه.. قاسم، أنت إزاي تدخل أوضتي كده؟ قرب منها وحط صبعه على شفايفها. اششششش.. أنت حلوة جامد النهاردة. رحيق.. قاسم، ابعد عني. أنت بقرب ليه؟

قاسم قرب منها جامد.. وحضنها. رحيق.. قاسم، أنت سكران. ابعد عني. قاسم زقها على السرير و...