رواية تزوجت سلفي الفصل الرابع 4 - بقلم اسماء ابراهيم

رحيق: قاسم انت سكران ابعد عني. قاسم زقها على السرير وكان بيقرب منها جامد. رحيق زقته وقامت ضربته بالقلم. رحيق بعصبية: انت اتجننت يا قاسم داخل تهجم عليا في أوضتي. مسكه من دراعها: انتِ مش بتحسي بيا ليه. لييه كل حاجة ياخدها هو وأنا لا. أنا اللي حبيتك الأول وهو أخدك. بعدت عنك عشان بس اللي مش عارف إنه.. قطع كلامه صوت جدي. جدي: اخرس يا حيوان. وضربه بالقلم. قاسم: هي لازم تعرف الحقيقة يا جدي لازم تعرف. إني بحب...

مكملش كلامه وجات ورد أخدته. رحيق بدموع: في إيه يا جدي هو اللي قاله قاسم ده صح. منصور ربّت على كتفها: مفيش حاجة يا بنتي روحي كملي نومك. وخرج وسابها. رحيق: أنا أنام إيه هما مخبيين عني إيه. إيه السر ده اللي أنا مش عارفه. كان قاسم هيتكلم بس جدي وقفه. رحيق: وورد كمان عارفة يعني أنا الوحيدة اللي معرفش حاجة هنا. أنا لازم أعرف أكيد دي حاجة تخصني. في غرفة قاسم. ورد: انت إزاي تعمل كده. قاسم: مقدرتش يا ورد مقدرتش.

ورد: يا قاسم فوق كده انت مش واعي لحاجة خالص. كنت هتبوظ كل حاجة مخبينها من تلات شهور. فوق يا قاسم فوق بقا. منصور: كلامك ملوش لازمة دلوقتي هو سكران وحسابي معاه بعدين. يلا روحي أوضتك عشان هتروحي تجيبي ياسين من المطار. ورد: حاضر يا جدي. تصبح على خير. منصور: وانتِ من أهل الجنة يا بنتي. في صباح يوم جديد. في أوضة قاسم بالتحديد. فاق من النوم وهو دماغه مصدعة. بيحاول يفتكر اللي عمله. بعد شوية افتكر اللي حصل.

قاسم: يا نهار أسود أنا عكيت الدنيا. ده جدي هيعمل من بطاطس محمرة. الباب خبط. قاسم: ادخل. ورد من غير ما تبص عليه: اتفضل اشرب المون ده هيريحك. قاسم: ورد هو أنا بهدلت الدنيا جامد. ورد: ياريت تنزل تكلم جدك عشان عايزك تحت. وبعدها روح عند رحيق اعتذر منها. قاسم: ماشي. بس انتي رايحة فين. ورد: رايحة المطار أجيب ياسين. قاسم: هو ياسين جاي مقاليش يعني. ورد: افتكر اللي انت عملته امبارح. كنت هقولك إزاي يعني. وخرجت وسابته.

وقفة خارج المطار وبتفكر. ورد: ياترى ياسين لسه بيحبني ولا ناسيني. بس أكيد اتغير كتير عن الأول. يارب ميكنش حب واحد أجنبيها. خرج من المطار. ورد بفرحة دخلها: أهو وصل أهو يا خربيت حلوتك يا جدع. بقيت مز أوي أنا كده أخاف عليك والله. قربت منه. ورد: يااااسين حمدلله على السلامة. ياسين بابتسامة: الله يسلمك يا ورد. أمال فين جدي وقاسم جاين لوحدك يعني.

ورد: براحة يا جدي في إيه. جدك مش فاضي زي ما أنت عارف. وقاسم هيروح الشركة. وبعدين أنا مش صغيرة يعني. ياسين: آه عندك حق. احلوتي وبقيتي قمر. نشوفلك عريس بقا. ورد بخجل: احم طب مش يلاا ولا إيه. ياسين: آه يلااا. في غرفة منصور. منصور بعصبية: إيه اللي انت عملته امبارح ده. وانت من امتى بتشرب يا قاسم. قاسم: أسف يا جدي بس كان غصبن عني والله.

منصور: مفيش حاجة اسمها غصبن عني. عارف إنك بتحبها وعارف كمان إنها حبك الأول والأخير. بس هي متعرفش. قاسم: طب يا جدي ما تقولها الحقيقة يا جدي. منصور: الحقيقة دايماً توجع ورحيق مش ناقصة وجع.

قاسم: يا جدي أنا بحبها وعايزها. هي لازم تعرف إنها اتطلقت من تلات شهور وأدهم عمل حادثة وهو مع مراته التانية. هي لازم تعرف كل حاجة مش هنخبي عليها أكتر من كده. هي بتحب أكتر إنسان خدعها في الدنيا. يا جدي ده خلاها تمضي على الأوراق وهي متعرفش. كانت بتثق فيه ثقة عمياء. منصور: خلاص يا قاسم قلت. لما تقوم بالسلامة نبقى نقولها. قاسم: ماشي يا جدي بس اا... وفجأة سمعوا صوت ورد بتصرخ. ورد: رحيييييق. قاسم فتح الباب ونزل جري.

رحيق كانت وقعت من على السلم ونزفت كتير أوي. قاسم من غير تفكير كتير أخدها على المستشفى. قاسم وهو شايلها كان زي المجنون. خايف على معشوقته. قاسم: دكتور بسرعة بسرعة. الممرضين جابوا الترولي ودخلت العمليات. بعد حوالي ساعة. الدكتور خرج. قاسم جري عليه: طمني عليها. الدكتور بأسف: للأسف مقدرناش ننقذ الجنين. ربنا يعوضك عنه. قاسم بخوف: طب وهي يا دكتور. الدكتور: هي كويسة شوية وهتفوق من البنج.

قاسم قرب من ورد: ورد قوليلي إيه اللي حصل أو اللي شفتي. ورد بدموع: كانت بتجري من على السلم وفجأة وقعت وصرخت مرة واحدة. كانت خايفة على ابنه أوي يا قاسم دي لما تعرف هتنهار فيها. قاسم: متقلقيش هتبقى كويسة. دخل قاسم عند رحيق. دموعه نازلة منه على حبيبة قلبه. قاسم: إيه اللي حصلك عشان تقعي. ياترى إيه اللي حصل. للحظة افتكر كلامه مع جده. قاسم: يا خبر لتكون سمعتني. فضل ماسك إيدها.

قاسم: آسف على أي وجع حصلك. كل ده بسببي أنا. كان لازم أحارب عشانك بس أنا اللي هربت من حبي ليكي. أنا آسف. بس هعوضك عن كل حاجة بس انتي قومي بالسلامة يا حبيبتي. بعد شوية بدأت تفوق وهي بتعيط. قاسم حس بيها. قاسم بقلق وخوف: رحيق مالك فيكي إيه رحيق. قامت مرة واحدة حضنته وفضلت تعيط بكل ما فيها من وجع. ضمه ليه أكتر هو حاسس بيها هو أكتر واحد يحتويها. رحيق وهي في حضنه: هو هو أنا فعلاً اتطلقت يا قاسم. قاسم...