رواية تزوجت طفله الفصل الخامس 5 - بقلم دعاء تهامي

بس انتي صغيرة أوي على إنك تتجوزي، لسه العمر قدامك، كنتي كملتي تعليمك وأمنتِ مستقبلك. زين: من فضلك يا إيناس، متتكلميش معاها كده. إيناس: بس أنا مقصدش حاجة يا زين، أنا بتكلم بحسن نية. قمر: أكيد متقصدش يا زين، حصل خير. إيناس: شكراً إنك فهمتيني. أم زين: تعالوا، الأكل جاهز، أكيد جعانين. جهزوا السفرة، والعيلة كلها اتجمعت على السفرة وابتدوا يتغدوا. أم زين: كلي يا بنتي، متتكسفيش.

إيناس: مقدرش آكل الأكل ده يا طنط، كله معمول بالسمنة البلدي، الرجيم يبوظ. أم زين: مينفعش متاكليش حاجة. إيناس: هاكل سلطة يا طنط. أم زين: وهيا السلطة بتغذي يا بنتي، دوقي المكرونة البشاميل دي، هتنسي الرجيم خالص. داليا: شوفي قمر بتاكل كل حاجة ومع كده جسمها حلو قوي. إيناس: أوكي. ميلت داليا على إسراء واتكلمت بصوت واطي. داليا: بت يا إسراء. إسراء: في إيه. داليا: هيا مالهم رافعة رقبتها السما كده.

إسراء: أنا عارفة على إيه، حتى قمر أحلى منها. داليا: عايزة أقوم أجيبها من شعرها. إسراء: وطي صوتك وكلي وانتِ ساكتة عاد. أم زين: بتتوشوشوا في إيه. داليا: لا يا أمي ولا حاجة، كنت بقول قمر بتعرف تطبخ. أم زين: أمال عاد. داليا: تسلم يدك يا قمر. قمر: بالهنا. إيناس: المكرونة حلوة بس تقيلة شوية. داليا: هيا المكرونة البشاميل لازم تبقى تقيلة. إيناس: الحمد لله. أم زين: كملي أكلك، انتي أكلتي إيه.

إيناس: شبعت. زين، هو ممكن تاخدني بعد ما تخلص أكل تفسحني في الصعيد عشان أنا معرفش حاجة هنا. داليا: طب خد قمر معاك تغير جو، من ساعة ما اتجوزتوا ملطعتش من البيت. أم زين: خدها يابني معاك تغير جو، من ساعة ما جت هنا مشفتش الشمس. زين: حاضر يا أمي، اطلعي جهزي، وانتي كمان يا إيناس. قمر: طب لما أشيل السفرة معاهم. داليا: بس روحي انتي، وأنا موجودة. قمر: ماشي.

طلعت هيا وإيناس يجهزوا، كل واحدة في أوضتها. عده وقت وكانوا خلصوا، وإيناس نزلت بس لسه قمر. إيناس: هيا قمر لسه مجهزتش لدلوقتي. داليا: عروسة وبتتذوق. إيناس: اهااا، ماشي، طب هنستني كتير ولا إيه. زين: هطلع أشوفها أنا. طلع زين عشان يشوف قمر اتأخرت ليه. فتح الباب من غير ما يخبط، كانت قمر بتجهز، اتخضت من فتحت الباب، لزقت ضهرها في الحيط على طول. زين: اتأخرتي ليه يا قمر. قمر: خلصت أهو. زين: طب يلا ننزل.

قمر: طب انزل انت، وأنا هاجي وراك على طول. زين: مش خلصتي؟ يلا ننزل سوا. قمر: هو بصراحة يعني، طب ابعتلي داليا. زين: قولي عايزة إيه من داليا. قمر: عشان تقفل ليا السوستة، معلقة. زين: هههه، لفي، هقفلهالك أنا. قمر: لا، تقفلها ليا انت إزاي. زين: أنا جوزك، والله. قمر: طب متبصش. زين: حاضر، هغمض عنيا. قمر: غمض الأول، وأوعى تفتح. زين: خلاص، ماشي.

لفت ضهرها وهو مد إيده، مسك السوستة. حست بقشعريرة في جسمها كله من لمسته. غمضت عيونها ودقات قلبها اتسارعت. فاقت على صوت زين وهو بيقولها خلصت. قمر: شكراً. زين: في واحدة بتشكر جوزها عشان ساعدها في حاجة. قمر: هااا. زين: خلصي، وأنا هنزل قدامك. نزل زين، وقمر لفت الطرحة، ولم تضع أي مساحيق في وجهها. كانت لابسة دريس بيج في أسود، وطرحة تجمع اللونين. نزلت وكان توجد عيون تراقبها بحب، وأخرى بغيرة وحقد.