رواية تزوجت طفله الفصل السادس 6 - بقلم دعاء تهامي

أنا جاهزة، قالتها قمر وهي نازلة من على السلالم. داليا: طالعة قمر يا مرات أخوي. قمر: هه، انتي اللي قمر. داليا: شوف يا خوي، طالعة كيف البدر في وسط السما. زين: كفاية يا داليا، هتقلب طماطم دلوقتي. ههههه. إيناس: هنمشي ولا إيه؟ زين: آه، تعالوا انتوا الاتنين، يلا. طلعوا بره عشان يمشوا. إيناس سبقت قمر وركبت من قدام، وقمر ركبت من ورا. وركب زين ومشي. كان عادل المرايا على قمر وكل شوية يبص عليها.

قطع الصمت اللي هما فيه إيناس وهي بتتكلم، بعد ما أخدت بالها من زين وهو بيبص على قمر. إيناس: أوبس، سوري يا قمر. مكنش قصدي إني أقعد قدام جنب زين، بس أنا متعودة دايماً إني بقعد جنبه. قمر: عادي، ولا يهمك. إيناس: بجد؟ أصل حسيتك زعلتي. قمر: لا، مزعلتش. إيناس: طب عشان أتأكد إنك مش زعلانة، تعالي مكاني وأنا مكانك. قمر: صدقيني مش زعلانة. إيناس: وقف يا زين العربية عشان أتأكد إنها مش زعلانة مني.

وقف زين العربية، وإيناس فتحت الباب ونزلت وركبت ورا، وخلت قمر تركب من قدام. إيناس: كده اتأكدت إنك مش زعلانة. قمر: ماشي. ماشين بالعربية وزين عينه على قمر، وإيناس عينها عليهم وبتكلم نفسها: يعني أنا نزلتها تقعد جنبك عشان تشوفني؟ أنا بردو ببص عليها، هي هي أحلى مني في إيه عشان بتبص عليها كده؟ معقولة يا زين تحبها؟ لا لا لا، زين بيحبك إنتِ، أكيد مش هيحب غيرك. طب ولو حبها؟

نظراته بتقول إنه بيحبها، بس دي صغيرة عليه أوي. يوووه بقى! قمر: شوف يا زين، منظر الزرع جميل إزاي. تعال ننزل نتمشى شوية. زين: يالا، تعالي إنتِ كمان يا إيناس. إيناس: ييععع، أتمشى في الطين! لا مستحيل طبعاً. قمر: تعالي، المكان شكله جميل. إيناس: لا، مستحيل أمشي في الطين. زين: خلاص يا إيناس، خليكي إنتِ هنا وأنا هروح أنا وقمر ونرجعلك.

إيناس: كانت لسه هتقول ماشي، بس بعدها فكرت إنهم هيبقوا لوحدهم، فقررت تروح معاهم. خلاص، أنا هاجي معاكي. نزلوا من العربية واتمشوا في الأرض. قمر: الجو حلو قوي مع الهوا اللي في كل حتة، والزرع شكله حلو قوي. زين: إنتي أحلى. قمر: شكراً. زين: ههههه، الطماطم طلعت. إيناس: استني يا زين. زين: إيناس، إنتي فين؟ لف عشان يشوفها هي فين، لقاها وقعت ورجلها غرزت في الطين. قمر وزين انفجروا من الضحك على منظرها. مما جعل إيناس تزداد غضباً.

زين: ههه، خلاص. هاتي إيدك. إزاي وقعتي كده؟ إيناس: ما إنت ماشي مع السنيورة وسايبني هنا. قمر: إحنا فكرنا إنك ماشية جمبنا. إيناس: وإنتوا هتاخدوا بالكم مني إزاي وانتوا دايبين في بعض؟ فهم زين إن إيناس تغار، ولكن لم تفهم قمر ليه بتكلمها بالطريقة دي. زين: هاتي إيدك أساعدك، وتعالي اغسلي هدومك هنا. قمر مدت لها إيدها، سابتها ومسكت إيد زين. زين: إنتي كويسة؟ إيناس: أيوه، بس هدومي إزاي هفضل بيها كده؟

زين: خليكم إنتوا الاتنين هنا ثواني. في بيت قريب من هنا هجبلك هدوم تلبسيها. مشي زين وسابهم ورجع ليهم تاني، كان معاه عباية بيتي لونها كحلي مشجرة بأخضر. زين: امسكي دي وروحي غيري هدومك وتعالي. إيناس: وإنت عايزني أنا ألبس دي؟ زين: مفيش غيرها دلوقتي، بدل ما تفضلي كده. إيناس: بس أنا مش هلبس القرف ده. زين: يبقى هتفضلي كده ونروح زي ما إنتي. إيناس: هغير فين؟ زين: امشي شوية لقدام هتلاقي بيت على إيدك الشمال، غيري هناك وتعالي.

مشيت إيناس تغير هدومها، وزين وقمر كانوا مستنينها عند العربية. زين: مالك ساكتة ليه؟ قمر: لا، مفيش. زين: القمر ده مينفعش يزعل. أيوه كده، خلي الضحكة دي دايماً على وشك، متخليهاش تغيب. قمر: ربنا يخليك. زين: ويخليكي يا قمري. قمر: اسمي قمر، مش قمري. ليه بتقولي يا قمري؟ زين: عشان إنتي قمري أنا بس. بصت عليه ومردتش. لسه زين هيتكلم لقى إيناس جاية.

زين: هتاخد منك حتة. كانت العباية قصيرة عليها سيكة عشان هي طويلة، والكمام كانت قصيرة وشكلها متبهدل خالص. إيناس: اتريق، اتريق. سابتهم وركبت العربية، وركبوا هما كمان ومشيوا. كان وقت الغروب. وصلوا وووووو.