رواية تزوجت طفله الفصل الرابع عشر 14 - بقلم دعاء تهامي

في صباح يوم جديد، صحيت قمر. كانت الساعة العاشرة. قامت بصت في المراية وكلمت نفسها: "صباح الخير والجمال على أحلى وأجمل قمر في الكون. يخراشي، مش عارفة القمر ده جه على الدنيا إزاي." شغلت أغاني ودخلت أخدت شاور. طلعت لقت تليفونها بيرن. طفت الأغاني وردت: "الو." "صباح الكنتاكي، المواعين مستنياكي." "مواعين إيه؟ مش بغسل. اللي تنشك." "ابختك عم. تعالي شوفينا متمرمطين." "دي حظوظ يا صاحبي." "حظ فقر وأنا عارفة."

"مش يمكن أنتي اللي فقرة؟ "أنتي بتحطميني على الصبح. عبش شكلك." "لا، ده أنا بحاول أنزل من التوتر اللي عندي عشان النتيجة هتظهر النهاردة." "دايماً بتقولي كده وبتقفلي يا صاحبي." "ههههه، قري يا فقر." "طب هتروحي امتى تشوفيها؟ "هلبس وأروح دلوقتي." "اشطااا، هعدي عليكي بس حساب العصير عليكي." "وه، يا صاحبي. المفروض عليكي عشان أنا هنجح وأنتي تفرحي." "بت، هو مش كل مرة عليكي. النهاردة وخلص الكلام." "عشان تعرفي إني كريمة، هعزمك."

"كريم شانتيه صح؟ "لا، كريم بالجبنة. يلا مش تتأخري عليا." "اشطااا يا زميلي. سلامووووو." "سلاميزو." جهزت قمر نفسها وطلعت قدام البيت لقت نسمة مستنياها. "هو مفيش مرة ما تتأخري؟ "إلا، مجهزتش نفسي يعنين." "بصراحة، هو أنا مش عارفة لو كنتي بتحطي أحمر وأخضر كنتي هتقعدي قد إيه. بشرتك خالية من الميكب، بتتاخري كده ليه؟ "لا، ده برود حركة." طب، امشي يالا.

ركبوا العربية والسواق طلع بيهم على الجامعة. وصلوا وراحوا عشان يقابلوا المدير. "صباح الخير." "صباح النور. اتفضلي ياقمر." "تسلم." "أكيد جاية عشان تعرفي النتيجة؟ "أيوه." "بلاش التوتر ده، علاماتك كاملة ياقمر. بجد، أنتي فخر لأي كلية هتدرسي فيها." "جد؟ يعني أنا كده هدخل الكلية اللي كنت بحلم بيها." "تقدري تشوفي نتيجة الامتحان أهي." "شكراً كتير أوي. بجد مبسوطة خالص." "ألف مبروك. وفي نجاح دايماً يارب."

"الله يبارك فيك. شكراً لحضرتك." "العفو." طلعت نسمة وقمر من عند المدير، وقمر الفرحة مش سيعاها. "حاسة إني طايرة من الفرحة." مسكت إيد نسمة وابتدت تلف بيها. "يخرب بيتك، إحنا في الشارع يامجنونة." "تعالي بس أعزمك على مشروب الشوكولاتة الساخن المفضل." "إذا كان كده، ربنا يفرحك دايماً عشان تعزميني." "مصلحة. أيوه، إيه رأيك أقولك نكتة؟ "لو زي آخر مرة، مش عايزة." "اسمعي بس." "هاااا." "مرة خمسة بتسأل خمسة رايحة فين،

قالتلها: ما خسك." "هيييي، بايخة زيك." "تسلميلي يا زميلي." "طب يلا، تعالي اعزميني ولا بتضحكي عليا." "يالا تعالي." راحوا الكافيه وطلبوا اتنين مشروب الشوكولاتة الساخن. "محتاجين نشد على نفسنا شوية. الدراسة هتبدأ كمان أسبوعين." "من النهاردة مذاكرة ومراجعة." "ربنا معانا يا صاحبي." "يارب."

رجعت البيت بعض الوقت وقالتلهم إنها نجحت وكانوا فرحانين أوي. عدت الأيام وجه اليوم اللي هتروح فيه الكلية. صحيت بدري وجهزت نفسها وراحت هي ونسمة الكلية. كانوا قاعدين في الاستراحة بيدردشوا مع بعض، متحمسين أوي لبداية العام الدراسي. كانوا قاعدين وجت بنت قعدت جنبهم. "هاي." "هلا." "اسمي هدير، وأنتي؟ "جميل اسمك. أنا اسمي نسمة." "وأنا قمر." "تشرفت بمعرفتك. أنا معرفش أي حد هنا، ممكن نبقى أصدقاء؟ "أكيد طبعاً، لينا الشرف."

"تعالوا نسمي الشلة." "إيه رأيك في العصابة." "وأنا كمان." "اشطا، اتفقنا." "بنات، معاد المحاضرة بدأ. يلا ندخل المدرج." "يالا، مش هينفع من أول يوم تأخير." دخلوا المدرج. كان الدكتور لسه مدخلش. قعدوا في البنش الأخير. والدكتور دخل. وهنا كانت الصدمة لقمر.