رواية تزوجت طفله الفصل الخامس عشر 15 - بقلم دعاء تهامي

بصت قمر على الباب وكانت الصدمة 😳. نفس العيون والملامح، بس جسمه نحيف شوية. هو ده زين اللي أنا سبت أهلي عشانه؟ هو اللي سبت حياتي كلها وبعدت عنه؟ بس القدر ليه لعبة تاني وجمعنا من تاني. كانت بتفكر ودموعها ابتدت تنزل بغزارة على خدها. ده كله وزين لسه مشافهاش. أخد باله منها ومش مصدق إنها قدامه. نفسها بس كبرت وبقت أحلى من الأول بكتير. مش عارف يعمل إيه. يحضنها ويقولها إنها وحشته أوي وإنه كان غلطان في كل اللي حصل؟

ألف حاجة في دماغه. وكل واحد بيبص للتاني وساكت. قامت قمر من مكانها وسابت المدرج كله. وطلعت. ونسمة وهدير بيبصوا عليها باستغراب ومش عارفين إيه اللي حصل. زين: شباب، بما إن النهاردة أول يوم ودي أول محاضرة، خلوها تعارف بين بعض. وأنا شوية وراجع. طلع بسرعة يدور عليها وقلبه بيدق بسرعة. بعد السنين دي كلها، أخيرًا قابلها. لقاها واقفة في حتة بعيدة مفيهاش أي حد وبتعيط بحرقة. راح عندها من غير مقدمات وحضنها بقوة.

حاولت تبعد عنه بس مقدرتش. كان محكم قبضته عليها. وبعد محاولات عديدة قدرت إنها تبعد عنه. قمر: انت إزاي تعمل كده؟ زين: أنا زين يا قمر، إنتي مش فاكراني؟ أنا جوزك. قمر: ههههه، جوزي اللي كان فترة وهيطلقني؟ زين: أنا عارف إني غلطت، بس محبتش أظلمك معايا وأعيش معاكي وأنا مبحبكيش. بس طلعت غلطان ومكنتش بحب إيناس. قمر: بسسسس، أنا مش عايزة أسمع أي حاجة. قمر اللي كنت إنت تعرفها ماتت، وإنت اللي قتلتها بإيديك دول.

زين: فعلاً إنتي مش هيا. مش قمر اللي حبيتها وكنت مستني أقابلها طول الفترة دي وأنا عايش على أمل إني ألاقيكي. وفي الآخر بقيتي بالقسوة دي. قمر: كل اللي وصلت ليه دي بسببك، مش بسبب حد غيرك. بس تعرف لو مكنتش سمعتك إنت وإيناس وإنتوا بتتكلموا في يومها، مكنتش وصلت للي أنا فيه دلوقتي. حلمي بقى بين إيديا وباذن الله هوصل ليه. زين: طب مفكرتيش فينا؟ مفكرتيش إيه اللي حصل لأهلك وأهلي بعد ما مشيت؟

قمر: 🥲 مفيش حد كان عايزني. لو أهلي كانوا عايزيني بجد، مكنوش جوزوني وأنا لسه طفلة 14 سنة. كنت أعرف إيه أنا ساعتها عشان يجوزوني لواحد أكبر مني بكتير. زين: وإزاي جالك قلب تبعدي؟ قمر: مكنش قدامي حل تاني. كنتي عايزاني أفضل معاك وأستنى لما حضرتك تقولي أنا مش عايزك وبحب واحدة تانية؟ أنا ريحتك مني خالص وبعدت. عايز مني إيه تاني؟

زين: عايزك يا قمر. ارجعي وأنا هحاول أعوض كل حاجة فاتت. أنا بعد ما مشيتي اكتشفت إني بحبك ومقدرش أعيش من غيرك. قمر: هتقدر ترجعلي السنين اللي بعدت عن أهلي فيها؟ هتقدر ترجع كل ليلة كنت بنام ودموعي على خدي؟ هتقدر تعمل كل ده؟ زين: مش هقدر أرجع الماضي، بس هحاول أغير من المستقبل. هحاول أخلي ضحكتك ما تفارق وشك. قمر: آسفة، مش هقدر. زين: اديني فرصة.

قمر: مش هتعمل حاجة الفرصة. لإن مفيش حاجة هتتغير. ابعد عني وكأنك مشوفتنيش ولا قابلتني. اعتبرني ميتة بالنسبة لي. مسكها من دراعها وضغط عليه. يعني إيه اعتبرك ميتة؟ وإنت عايشة. طول الفترة اللي فاتت وأنا كنت بتمنى اليوم اللي أشوفك فيه. ومش هفقد الأمل إنك تسامحيني. قمر: براحتك. عن إذنك. سابته ومشت. راحت المدرج. أخدت شنطتها وطلعت هي ونسمة وهدير من الجامعة. نسمة: مالك يا قمر؟ فيكي إيه يا حبيبتي؟

قمر: 🥹🥹 شفتوا يا نسمة، كل ما أحاول أنسى الماضي وأمشي خطوة لقدام، برجع ألف خطوة لورا. نسمة: تعالي اقعدي هنا كده. هدير هاتي ميه. قعدت وجابت لها ميه وشربت. قمر: 🥺 زين يا نسمة، أنا شفته انهاردة. وقصت لها ما حدث معها. هدير: أنا مش فاهمة حاجة. يعني إنتي كنتي متجوزة وبعدها جيتي على القاهرة؟ نسمة: أبقى أحكيلك بعدين. بصي يا قمر، أنا مش هقدر أقولك إني حاسة باللي إنتي حاسة بيه، لإني معشتش اللي إنتي عشتيه. بس بلاش تظلمي نفسك.

قمر: أنا مش عارفة. أنا تايهة من ساعة ما قابلته وكل حاجة اتغيرت. حياتي اتقلبت 180 درجة. نسمة: اهدي يا حبيبتي، وإن شاء الله خير. تعالي روحي وصلي وادعي ربك وارتاحي شوية. وقبل ده كله، من حق مامتك إنها تعرف اللي حصل معاكي. مهما كان، هي وقفت معاكي كتير أوي. قمر: 🥺 وده اللي هيحصل.