رواية تزوجت طفله الفصل السادس عشر 16 - بقلم دعاء تهامي

رجعت قمر البيت لقت مامتها قاعدة في الصالون. رمت نفسها في حضنها ودموعها نزلت. "مالك ي حبيبتي بتعيطي ليه؟ "هو هو 😭😭" "اهدي ي حبيبتي قلبي وبلاش تخضيني عليكِ." "قابلتوا ي ماما." "هو مين؟ "زين." "اي، طب اتكلمتوا، عملك حاجة؟ "اتكلمنا." وقصت لها ما حدث. "طب ي حبيبتي اهدي، محصلش حاجة، كل حاجة هتبقا تمام." "بس ي ماما انا مش هقدر أسامحه على اللي عمله فيا."

"هقولك ي قمر ي بنتي، أنا عارفة إنك مريتي بحاجات كتير صعبة في سن صغير، بس أنا واثقة في قرارك وإنك هتاخدي القرار الصح. بلاش تعيطي تاني وكل حاجة هتبقى تمام." "مش عارفة أعمل إيه ي ماما، حلمي والكلية وزين، كل حاجة حساها هتتهد." "متخليش الماضي يأثر على مستقبلك، وأنا واثقة إنك هتاخدي القرار الصح." "شكراً ي ماما لأنك دايماً معايا وبتساعديني في وقت ضعفي، بحبك أوي." "وأنا كمان بحبك." "صحيح ي ماما، يزد فين؟

بقالي من امبارح مشفتوش." "يزد سافر في شغل كام يوم ويرجع." "سافر من غير ما يقول ليا." "حتى أنا معرفتش بكلمة، بالليل أشوفه هييجي إمتى، قالي أنا سافرت." "حسابه معايا لما ييجي." "ههههه، وزي ما قولتلك، انتي هتعرفي تاخدي القرار الصح." "إن شاء الله ي ماما، هروح أنام أنا." "مش هتاكلي الأول؟ "مليش نفس لما أصحى." "ماشي، تصبحي على خير." "وانتي بخير." تاني يوم الصبح، صحيت قمر، كانت حسمت قرارها. جهزت نفسها ونزلت لقت مامتها.

"كنت واثقة." "صباح الخير ي ماما." "صباح الورد على أحلى وردة، هيا دي قمر اللي أعرفها، مفيش حاجة بتضعفها." "شكراً ي ماما، لولا كلامك مكنتش هعرف أقاوم." "يلا وريهم قمر." "اشطااا ي ماما، باي 😘." راحت الجامعة. البنات اتفاجئوا إنها جت. "قمر." "هاي بنات." "انتي كويسة؟ "اه كويسة." "متاكدة؟ "في إيه مستغربين ليه؟ "عشان امبارح واللي حصل، فكرناكي مش هتيجي النهاردة، وكمان بتضحكي."

"أنا اخترت إني أوصل لحلمي ومخليش الماضي يأثر عليا." "واووا، هيا دي قمر اللي أعرفها." "فاجأتيني بيكي يا." "أعجبك 😉😉." "يالا يختي منك ليها على المحاضرة." "أوه ماي قاد 😳." "في إيه؟ "مالك يبت وقفتي ليه كده؟ "😹😹 أنا طالعة قمر حبتين." "عبشكلك ي بته." "أنا قولت إيه اللي حصل." "😹😹😹لا اتعودوا على كده." "طب امشي يختي." دخلوا المحاضرة وقعدوا جنب بعض في البنش. دخل الدكتور وبدأت المحاضرة. بعد ساعة خلصت المحاضرة وأخدوا بريك.

"بنات أنا جعانة، تعالي ناكل." "تعالوا نضرب كشري." "أنا عايزة كريب." "وأنا عايزة طاجن." "طب تعالوا نروح المطعم وناكل." راحوا المطعم، كلوا ورجعوا عشان المحاضرة التانية. راحوا المدرج. كان الدكتور دخل. خبطوا على الباب ولسه هيدخلوا وووو