رواية تزوجت طفله الفصل التاسع عشر 19 - بقلم دعاء تهامي

من الصدمة زين معرفش يعمل كده. فتح الباب، كانت قمر في حضنه وهو واقف مكانه مش مستوعب، ومتخيل نفسه بيحلم. طلعها من حضنه واتكلم. زين: انتي مش هنا، وأنا بحلم صح؟

قمر: لا يا زين، انت مش بتحلم. أنا هنا فعلا. أنا اكتشفت إننا ضيعنا كتير من عمرنا وإحنا بعيد عن بعض، وإنه ممكن نموت في أي لحظة ونتندم على كل لحظة فاتت وإحنا بعيد عن بعض. زين، أنا بحبك من زمان أوي، وكنت فاكرة إنه حب مراهقة وإني هنسّاك، بس بعد كل اللي حصل بينا، لسه مقدرتش أشيلك من قلبي. قرب إيده منها براحة ومتردد، وخايف إنها تكون مش موجودة وإنه كان بيتخيل. مدت إيدها ومسكت إيده، وحطتها على خدها. قمر: صدق إني موجودة.

خدها في حضنه ودموعه نزلت. حست بدموعه على هدومها. طلعت من حضنه وبصت عليه، لقت في دموع في عينيه بيحاول يخبيها. قمر: انت بتعيط يا زين؟ زين: أنا آسف على كل وقت ضاع وإحنا بعيد عن بعض. بقالي أربع سنين وأنا بتعذب في بعدك، وبتمنى اليوم اللي هتكوني فيه معايا من تاني. طول الأربع سنين وأنا بلوم نفسي على غيابك، بس مفيش غياب تاني. من النهارده، ننسى كل اللي فات ونبدأ من جديد. موافقة تبدأي معايا بداية جديدة؟ قمر: 🥺

هزت راسها باه وهو حضنها. زين: استنيني هنا شوية، هعمل حاجة وجاي بسرعة. قمر: حاضر. دخل زين الأوضة وساب قمر بره. تليفون قمر رن، ودخلت البلكونة عشان تتكلم. قمر: ألو يا ماما. أم يزد: ها يا حبيبتي، عملتي إيه؟ قمر: صارحته بكل حاجة، وقولتله إني مسامحاه. أم يزد: وهو عمل إيه؟ قمر: •••••••••• وقصت لها ما حدث. أم يزد: ربنا يسعدك يا حبيبتي. قمر: حبيبتي يا ماما، لولا دمعك ليا، مكنتش قدرت آخد الخطوة دي. #فلاش _باك

بعد ما رجعت قمر، راحت عند أم يزد في الأوضة عشان تتكلم معاها. قمر: ماما، عايزة أتكلم معاكي في موضوع. أم يزد: تعالي يا قمر يا حبيبتي.

قمر: ماما، أنا النهارده مش مصدقة اللي حصل معايا. زين أخدني من إيدي ووداني مستشفى الأورام. قابلت هناك شخص مكنتش أتوقع أشوفه. كانت إيناس يا ماما. اتكلمت معايا وقالتلي خلي بالك من كارما بنتي، وزين بيحبك، ارجعي له. كله ده بتتكلم ودموعها بتنزل 🥺🥹. وبعدها يا ماما حصل معاها مضاعفات، وابتدت تتعب، والدكاترة مقدرش ينقذوها 🥹. ماما، في غمضة عين ممكن إننا منشوفش شخص كان في حياتنا تاني. أم يزد: ربنا يرحمها يا بنتي، كفاية عياط.

قمر: ماما، أنا عايزة أسامح زين، أنا بحبه يا ماما، وطول السنين دي وهو جوه قلبي، ومقدرتش أبعده عني. أم يزد كانت هترفض، بس لما شافت حب قمر لزين، قررت إنها تساعدها، وهي عارفة إن يزد بيحب قمر زي أخته. أم يزد: صارحيه يا قمر، وهو كمان بيحبك. كفاية السنين اللي ضاعت من عمركم يا بنتي، ربنا يسعدك، وأنا بتمنالك كل الخير والسعادة اللي في الدنيا. بس انتي واثقة إن زين مش هيزعلك تاني؟ قمر: آه يا ماما، باين في عيونه الندم والحب ليا.

أم يزد: ربنا يسعدكم يا حبيبتي. #بااااااااااااك قمر: ماشي يا ماما، أنا هقفل دلوقتي عشان زين طلع. زين: جاهزة يا قمر؟ قمر: انت لبست ورايح فين كده؟ زين: مش أنا بس، أنا وانتي. قمر: طيب هنروح فين؟ وكارما نايمة جوا، زمانها هتصحى. زين: الدادة موجودة، تعالي معايا. قمر: فين؟ زين: أول خطوة للبداية الجديدة. اخدها زين من إيدها وطلعوا بالعربية لحد ما وصلوا على مكان ما….